لسلامتكم تحذير للاخوة الراغبين فى السفر بعربات الافراج

Quote: الحبيب يوسف أبوصالح الرجل الصالح تركة الصلاح أهل القران تحية طيبة لك وأنت دوما وفي كل مكان يفوح عبق كلماتك نصحاً وإرشاداً وتوعية وإفادة للناس . ألف سلامة لشقيقكم وأسأل الله أن يتم عليه لباس الصحة والعافية ما أشرت إليه هو موضوع مهم يجب على كل من يطلع عليه أن يطبقه في نفسه او ان يسديه نصحاً للآخرين جزاك الله كل خير

Quote: حباب ودابوصالح ربنا يشفي اخاكم واجر وعافية ان شاء الله . وبحق الطرق اصبحت خطرة جدا وبالاخص للاخوة المغتربين لانهم ماحافظين الطرق ربنا يسلم كل المسافرين تسلم ياحبيب

Quote: السلام عليكم موضوع فى غاية الاهمية خاصة للذين غابوا اعوام عن الوطن بالاضافة الى ذلك اللهفة لرؤية الاهل ويظهر جليا اصرار البعض على السفر مباشرة عقب تكملة الاجراءات فى الميناء حتى ان كان الوقت متاخرا ويزيد الخطورة جهلهم بالطريق القومى ورداءته وسؤءهو فى بعض الاماكن اكرر الحذر وعدم العجلة للوصول والافضل السفر نهارا ودمتم سالمين

Quote: بالفعل اخي يوسف .. فقد سافرت قبل كم سنة بالليل وكان يوماً صعباً وما صدقت اني وصلت.. حمدا لله ان نجاك من مخاطر الطريق واوصلك سالما الله المستعان الف سلامة لشقيقكم وربنا يوالي بالعافية سلمك الله ويصلح الحال

Quote: والدوله تطبق قانون المرور في مثل هذه الحالات المهدرة لحياة الإنسان ..

Quote: شكراً أخونا اباصالح على التنبيه .... لو جاز لى إضافة تنبيه آخر يتعلق بقيمة تأمين السيارة ...فمن الضرورى إدخال قيمة الجمارك فى تقدير قيمة السيارة ...لأنه لو وقع حادث فإن التعويض يكون بقيمة التأمين ... والجمارك لن تعفِ رسومها الباهظة.

Quote: عادي ممكن نص الليل تلقى عسكري واقف في نص الشارع والله تحتار فيه الى اي جهة يتبع يعني ممكن يكون لابس ملابس جيش وممكن يكون لابس ملابس شرطة عسكرية وممكن يكون لابس لبس حرس الصيد وممكن يكون مطافيء طبعا لاتوجد اي علامات تدلل على ان هناك نقطة وممكن يشحدك قروش ولو قلت ليهو ماعندي قروش سودانية يقول ليك اديني مصحف !!!!!

Quote: عادي ممكن نص الليل تلقى عسكري واقف في نص الشارع والله تحتار فيه الى اي جهة يتبع يعني ممكن يكون لابس ملابس جيش وممكن يكون لابس ملابس شرطة عسكرية وممكن يكون لابس لبس حرس الصيد وممكن يكون مطافيء طبعا لاتوجد اي علامات تدلل على ان هناك نقطة وممكن يشحدك قروش

Quote: شكراً أخى يوسف على نصيحتك االغالية وربنا يعظم أجرك....ويكتب سلامة أخوك.

Quote: لمزيد من الامان جربوا هذه الطريقة اشحن سيارتك من سواكن بواسطة التريلات وسافر انت بالبص سوف تصل السيارة معك في نفس ايوم هذا اذا انت سافرت بعد تحرك الترلا ب12 ساعة لاتستغرب سعر ترحيل العربية 1000 جنيه وسعر البنزين واصل الخرطوم 600جنيه دا من زول مجرب اكثر من مرة رافقتكم السلامة

Quote: السفر نهارا فيه مخاطر رياح الهبباي - بالنسبة لي سافرت مرتين بطلع من سوان المغرب الصبح تكون جوة الخرطوم -أولا الطريق فاضي البصات بتكون وقفت - سواقين البصات أخطر بكثير من سواقين الشاحنات لأنهم بيفتكروا أنسهم معلمين وبيشوفوا العربات الصغير تحتهم زي الحشرات - أهم شيءتمل نومتك في الباخرة - المشكلة الأخر العقبة في طريق العودة سيئة للغاية مشيت فيها 2011و2013 - غايتو دي عالم ما بتختشي أبدا يعني ما قادرين ينظفوها فقط من الحجار - الله لا بارك فيهم بياخدوا قرشونا ساكت

Quote: لسلام عليكم يا مغتربي السعوديه وصاحب البوست في إمكانيه الواحد يشحن عفشة كله والعربة تسليم الخرطوم قبل وقت كافي ، 45 يوم مثلا و يسافر هو وأسرته بالطائره مباشرة إلي الخرطوم؟؟

Quote: قال اولا الحضور جوا وممكن نأجر ليك عربية فى الخرطوم والتكلفة مساوية للرسوم البتدفعها فى الافراج المؤقت ان لم تكن اقل بالاضافة الى توفير الوقت والتعب والمخاطر ال ممكن تتعرض ليها . واذا كان عندك عفش كتير ممكن تشحنه قبل مدة كافية وتلقاه قدامك ,

Quote: بالنسبة لفكرة إيجار السيارة خلال فترة إجازة المغتربين من الناحية الاقتصادية تناسب المغترب الإجازته بتكون قصيرة (حوالي شهر أو أقل).لأنه إيجار السيارة في اليوم 150 ألف يعني في الشهر 4.5 مليون زائد تذكرة الطائرة. فإذا كان إجازتك شهرين معناه 9 مليون. و إذا كان عدد أفراد أسرتك حوالي خمسة و إجازتك حوالي شهرين فالأفضل السيارة لأنك بتوفر حوالي 9 مليون . بالإضافة إلى أنه عندك فرصة لحمل عفش بكمية أكبر بدون أن تدفع رسوم للوزن .زائدا إنه سيارتك غالبا بتكون جاهزة مقارنة بسيارات الإيجار. ثم حسب تجربتي خلال موسم الإجازات ما بتتوفر سيارات الإيجار و إذا توفرت بتكون تعبانة و ما عند خيار.