|
|
 ملامح عيد
|
كل عام وما تبقى من وصطن بخير
وكذلك ما انفصل منهم نتمنى أن يلتئم ويعيش في سلام
ويرجع يلتحم من جديد بعد هذه التجربة المريرة .ز
أصبحت عيديتنا سنويا حزمة هزائم حتى كدنا أن ندمن البؤس
هزمنا في الكرة وهزمنا الخريف
كأنما صرنا بلد خلق ليهزم في كل شئ
الله يعين ويقوينا على ضعفنا أولا
قبل أن نفوق قوة الاخرين
أنحصر العيد حول قنواتنا الفضائية
والتي كلها بلا اسثناء تقدم نفس المواضيع بأسماء وشخصيات مختلفة
وكلها شعر وغناء
لسع ما قلنا حاجة
|
|
 
|
|
|
|
|
|
|
|
Re: ملامح عيد (Re: درديري كباشي)
|
50 ألف ولا 5 مليون نفر يهربون من الوطن كل كم كده ما عارف ,, فيصبح طعم العيد امرا كل عام
ففي كل عام يرحل نبضا من الشريان ويظل مقعدهم شاغرا
لكن كان الشاي ناقص سكر
و
تاني وين بؤس المكان لو هم في
ازيك يا صاحب
| |
|
|
|
|
|
|
|
|
|
Re: ملامح عيد (Re: عبدالحفيظ ابوسن)
|
سلام يا صاحبي
كل عام وانتم بخير
نزلت السودان في قبل رمضان وحضرت بداية رمضان وعدت .ززز. بعد انقطاع دام سبع سنوات
وخرجت مثل ما دخلت ما فاهم اي حاجة
زي الزول الدخل امتحان الفيزيا بدون ما يفتح كتاب
في نهار رمضان كل الشوارع وكل الزوايا مرصوصة كراسي بلاستيك فوق البعض .ز قيل انها مواقع بائعات الشاي استعدادا للسهرات الليلية ز
| |
|
|
|
|
|
|
|
|
|
Re: ملامح عيد (Re: درديري كباشي)
|
تعرض الشاعر محمد علي الامي لوشاية من احدهم متهما اياه بموالات المستعمر الانجليزي اتبعها ذلك الشخص بشهادة زور في حقه فحزّت هذه الحادثة في نفسه وأثرت في معنوياته وأكسبته حزنا و آلما لكنها لم تفقده ثقته في نفسه فنظم قصيدته المشهورة ما بخاف من شئ والتي تحدث فيها عن نفسه وعن صفاته من شجاعة وكرم وشهامة وصبر وعزيمة وإيمان وتوكل على وإيمان بالقضاء والقدر
ما بخاف من شئ برضي خابر
المقدر لا بد يكون
إن اتانى الهم جيشه دافر
يلقى يا خلاي صبري وافر
يلقى عزمي التام ليه خافر
يلقى قلبي شجاع ما جبون
بالعدا معروف ما ببادر
ما بخون الجار مانى غادر
ما بقول للناس مثلى نادر
بل بقول للخالق شئون
ما عصيت مولاي مانى فاجر
لا ولا بالعالم بتاجر
نفسي يا أحباب ليها زاجر
الثبات معروف لي معاصر
لو بقيت في داخل معاصر
و الإله غير شك لي ناصر
رغم انف الواشي الخؤون
قول لشاهد الزور فيما ثائر
يا ما قبلك عميت بصائر
من لساني وقولي الهتون
قول لأهل الجور والمساخر
مافى أول ما ليه آخر
مابدوم العز والمفاخر
وما بدوم الظل و الحصون
عن لسان الحق مانى نافر
وما جحدت الخير مانى كافر
ما ضمرت السوء مانى حافر
للصديق هاويات السجون
نهديها في صباح هذا العيد للصحفي عثمان مرغني عساها تفلح في تضميد جرحه مع صباحات هذا العيد السعيد
| |
|
|
|
|
|
|
| |
عبدالحفيظ ابوسن
فيس بوك
تويتر
انستقرام
يوتيوب
بنتيريست