|
|
 فكي المنبر
|
الفكي
او
البصير
هو البكوي الناس بالنار للعلاج
او
الوسم
|
|
 
|
|
|
|
|
|
|
|
Re: فكي المنبر (Re: عبدالحفيظ ابوسن)
|
قالو الزول جاهو ضيف
وضبح ليهو
ونادا جارو يجي ياكل معاهم
الجار مزلوع واكال .. والضيف خجلان طبعن .. الجار لم في العضام واللحم .. يقرم العضم ويختو جنبو
والزول شاف الضيف ما اكل اللحم ..
قال ليهو
حرم كان تضوق اللحم دة
الضيف رد ليهو بي ضيق
اضوقو كيف مع زولك البوسم دة
| |
|
|
|
|
|
|
|
|
 Re: فكي المنبر (Re: عبدالحفيظ ابوسن)
|
ود اب سن سلام جاك
كان بتعرف ليك فكى شااااطر عاوزة يقرى لى في راسي دا
باقي اختك الايام دى عندها برج قرب يطير من راسا
وارسة موجعا
لكن فكى بتاعك دا لو بتاع كى انا برة كل شي ولا الكى
جسمنا حساس وما بتحمل الكى 
| |
|
|
|
|
|
|
|
|
|
Re: فكي المنبر (Re: وضاحة)
|
شمس المشارق
يا سمرا يا واضحة
ما سمعتي القدال
في الزمن الزمين
والكي بسوهو خلاف عشان الني
المتلك يا خية بحجب ما بحجبوهو
| |
|
|
|
|
|
|
|
|
|
Re: فكي المنبر (Re: عبدالحفيظ ابوسن)
|
اها
جار الزول بتاع القصة الفوق .. كان بقرم اللحمة ويختها جنبو .. نظام جقتي .. ووسمتها
اها
في المنبر دة في ناس بوسمو البوستات
يكتب البوست ويطش ..يوسمو بس
| |
|
|
|
|
|
|
|
|
 Re: فكي المنبر (Re: عبدالحفيظ ابوسن)
|
Quote: حفيظو
تصدق افتكرتك قاصد ود المدير
اصلوا زماااان كان عندو قبة قبل يتمسخ ويبقى تكاسي |
اقعد صاقرني كدي لآمن اسختك،
انا الصلآح حرساً لي يا اب رِويس.
| |
|
|
|
|
|
|
|
|
|
Re: فكي المنبر (Re: حيدر حسن ميرغني)
|
Quote: الفكي
او
البصير
هو البكوي الناس بالنار للعلاج
او
الوسم |
يا ود شيوخ البطانة،
البصير دا البيكوي، اما افقير بيحوي ويطُب،
يعني زي كدي.
عندى قصة وآحد كوهو بجي احكيها ليك قبل الوآطة تفلل.
هوووووي يا الحنين،
انا قايل اخير ترعى بقيدك.
| |
|
|
|
|
|
|
|
|
|
Re: فكي المنبر (Re: معاوية المدير)
|
هوي يا حيدر فكني من ملاسي دة .. مع كامل احترامي ليهو .. مرة جلاني والله بقيت ولا بقرا ليهو
ود المدير
راجين حكوتك
خت البياض وبندقل معاك
| |
|
|
|
|
|
|
|
|
|
Re: فكي المنبر (Re: عبدالحفيظ ابوسن)
|
قالو واحد مداح بدودر في مرة سمحة بتجي شاقة السوق
ومن يشوفها يخلف المدحة
نورة يا نورة القلوب
اها كلمت راجلها واتفقو .. جات السوق واشرت ليهو .. جدع طارو لي واحد تاني وكتل بي وراها
دخل البيت واتوهط في العنقريب جوة الاوضة
جاهو راجلها .. وزولنا قلع عيونو .. راجلها له بسطة في الجسم وشرا في العيون .. اداهو خيارات
اهون خيار ينكوي في صلبو
زولنا اخدت كويتو .. ولحق ناسو ومسك طارو . وخلف المدحة
مشيت لي راجل المرة الشراني
سخن المحور وكواني
حمدت الله الما خصاني
رفيقو عرف الحاصل
وانت شن وداك يا المغروف
النعل الكي دة ما مخلوف
قال ليهو
خلي تتفرق الصفوف
انا بدنقر وانت شوف
اها الكي يا ود المدير مرات ما طبابة
| |
|
|
|
|
|
|
|
|
|
Re: فكي المنبر (Re: عبدالحفيظ ابوسن)
|
| Quote: اها الكي يا ود المدير مرات ما طبابة |
عارف،
في وآحد زي زولك دا، لكن مُو مداح فكي بيقري الحيران في الخلوة.
في وآحد من الحيران أُمو سمحة وعاجبة الفكي، أها، الفكي دِيّمة
متلحو ليك، ود السمحة، ود السمحة.
الجنا مشى حدّس أُمو، والمرا حدست راجلآ. الراجل مشى إشترالو
شوال عيش تكلو في البيت، والزمن دآك زمن مراحيك. طاحونة مافي.
وقال لمرتو اعزمي الفكي غدا.
المرا قالت لولدا، قول للفكي قالت لك أُمي ابوي سافر وتجي تتغدا معنا.
الجنا حدسو، وزولك ما كضّب بِسراع، بِسراع طلّق الحيران أهلُن ودوّر
علي بيت المرا.
المرا سوتلو كباية شاي وقعد. يشرب في الشاي ويتمقل، وراجل المرا
كان لآبد فت ظهر قداموا. زولك ضرب اللخمة، الراجل قالو، أسمع،
انا ما بسويلك حاجة، بس شوال العيش دا تقعد فوقو بالمرحاكة دي
ما تخلي فيهو حبة وآقفة علي طولآ. زولنا قعد فوق العيش دآك درشو
ست حتي خلوهو مرق.
الشافع مطموس باكر اوآت ما شاف الفكي قالوا، يا شيخنا أُمي قالتلك
تعال إتغدا معانا.
الفكي قالوا، ود المطموسة، دقيقكم كِمِل ؟.
بجيك للزول الكوهو،
إن شاء الله...
| |
|
|
|
|
|
|
|
|
|
Re: فكي المنبر (Re: عبدالحفيظ ابوسن)
|
ود ابسن ...
راكوبتك راكوبة نمه ....ودوباى ...
سلام ومحبه يا جميل ...
Quote: مشيت لي راجل المرة الشراني
سخن المحور وكواني
حمدت الله الما خصاني
رفيقو عرف الحاصل
وانت شن وداك يا المغروف
النعل الكي دة ما مخلوف
قال ليهو
خلي تتفرق الصفوف
انا بدنقر وانت شوف
اها الكي يا ود المدير مرات ما طبابة |
| |
|
|
|
|
|
|
|
|
|
Re: فكي المنبر (Re: حيدر حسن ميرغني)
|
هههه
ياود المدير
ياخ انت زول سمح اعدت لي ذكري عمي ودالشريف الله يرحمو .. فقد كانت ضمن حكاويه
الفكياء ديل كان عندهم محن ياخ
الواحد هسة يحكي قصة العقرب ولو بتجيب هوا
| |
|
|
|
|
|
|
|
|
|
Re: فكي المنبر (Re: عبدالحفيظ ابوسن)
|
اوووو ابوصلاح
وينك ياخ
العرب الرحل اهم شي عندهم المحراكة والدوكة . عدة المطبخ .. والاهم المحراكة للدقيق
رحلوا ومعاهم ضيف .. الحلة كلها رحلت من دوغشن بدري ووصولوا بي الليل للمنزلة الجديدة
المرة نسيت المرحاكة حقتها . واتحيروا
الضيف قال ليهم مافي عوجة نوموا والامر بنقضي
ادوهو كركور غادي ومسك سبحتو
ناموا بي هنا .. وشد حمارتو ورجع محل ما كانوا .. جاب المرحاكة قبل الواطة تصبح .. عتمة صباح !!
الليل عداهو مشية وجية
وخت المرحاكة في خشم باب المرة ورجع نام
المرة فتيحت عينها لقت مرحاكتها الما بتغباها وطقت الزغاريد .. والناس انكسرت علبهم
شيخي ... شيخي
ومن ديك و عيييييك
| |
|
|
|
|
|
|
|
|
|
Re: فكي المنبر (Re: عبدالحفيظ ابوسن)
|
قال اظنه ابوقطاطي علي لسان وردي
سكتي الخشامة
وانزلي في العوازل كي
الخشامة هم بتاعين الشمار .. والشمات
انزلي فيهم كي اي اكويهم كي شديد وغيظيهم
اها
الفكي برضو هنا بكوي وبنزل كي
يعني نار بس مافي منطق
يديك كية في صنقورك يخليك تلف في الفاضي ما تعرف خشم الباب بي وين
ولا تترس برة البيت دون تشعر!!!
| |
|
|
|
|
|
|
|
|
|
Re: فكي المنبر (Re: عبدالحفيظ ابوسن)
|
نقرا ... ونتحيّر ...
البركة في السكّري الحماك الصيام ... ووسّع "اخلاقك"
ما جبت القصة بتاعة الشيخ فرح ود تكتوك ... بتاعة الحرامي الإتدسّ في القش ...
الجماعة جوا لاحقينوا ... وسألوا الشخ فرح - الفكي الصحي صحي - قال ليهم الحرامي متدسّي في القش دا ...
الجماعة ضحكوا ومشوا ... الشيخ لقى الحرامي هارّي من الخوف ... قال ليهو:
الصدق كان ما نجاك ... الكضب ما بينجّيك ...
(بس بوستيك دا هابط جدًا)
... المهم ....
| |
|
|
|
|
|
|
|
|
Re: فكي المنبر (Re: تبارك شيخ الدين جبريل)
|
عبد الحفيظ دا يا تبارك بتمر عليهو النماذج دي كل يوم
ولن تنجح في إخراجه عن طوره الحليم
فااا شنو يا ود شيخ الدين، طالما عرفت هبوط البوست
طوالي تمشي محل البوستات الصاعدة
أو تكتب في الفورين بوليسي، أيهما أيسر لك
ونصيحة لله، أب سن متربي على بعد أمتار فقط من الرديف
لو قلب ليك اللون، إلا تمشي تكتب مع أولاد ميكي، أو أياً كان مسماهم
| |
|
|
|
|
|
|
|
|
|
Re: فكي المنبر (Re: عبدالحفيظ ابوسن)
|
Quote: ونصيحة لله، أب سن متربي على بعد أمتار فقط من الرديف
لو قلب ليك اللون، إلا تمشي تكتب مع أولاد ميكي، أو أياً كان مسماهم |
هو يعني عندو ألوان اظرط من كدا؟
(اعتقد أن هذه اساءة للرديف ... ولكنها متوقعة !!)
... المهم ....
| |
|
|
|
|
|
|
|
|
|
Re: فكي المنبر (Re: عبدالحفيظ ابوسن)
|
ود ابوسن .. وضيوفك الكرام ...
سلام ومحبه ...
بمناسبة الشيوخ ...قالوا واحد سال الشيخ
قال... ياشيخ لو كنت أصلي في غابة ومر أسد قدامي أقطع صلاتي ولا أكملها ؟
قال الشيخ: إذا بقيت على وضوءك كملها ....
تحياتي ,,,
| |
|
|
|
|
|
|
|
|
|
Re: فكي المنبر (Re: عبدالحفيظ ابوسن)
|
عمنا جاد الله رحمه الله
كان حافظا للقرآن ومعلما له
وبحب الكوشتينة .. وبسرح .. ودايما مغلوبين
اي زول بي زميلو
سألو زميلو وكان حريفا
انت الجابرك تلعب مع جادالله دة وكل يوم مغلوب شنو
قال ليهم
داير اتعلم الصبر علي المكاره
| |
|
|
|
|
|
|
| |
عبدالحفيظ ابوسن
وضاحة
حيدر حسن ميرغني
معاوية المدير
salah awad allah
تبارك شيخ الدين جبريل
معاوية الزبير
محمد حيدر المشرف
محمد مجيدو
ابو جهينة
فيس بوك
تويتر
انستقرام
يوتيوب
بنتيريست