كتب الكاتب الفاتح جبرا المتوفرة بمعرض الدوحة
|
Re: عايز افهم (خاص للأعضاء القدامي ) (Re: حاتم محمد عثمان)
|
يا حاتم صاحبي سلام وشوق كيف تمام ؟ دا عدم فهم بس اتا قايل شنو ؟ ودا بحصل لانو احيانا الناس ما بنتقاش الفكرة بتناقش الزول ذاتو الطارح الفكرة هههههه ( اصلو عنز تطرح ) يا سلام يا حاتم فجأة كدا انحرف مسار الفكرة الفي راس لطراح العنز دي ياخ ياخي مرة عنزي الربشا طرحت الليل كلو ما نمت ولمن قمت مع الصباح قلت ياربي تكون حلمة ساكت لكن للاسف واجهت الحقيقة المُرة طرحت فعلا وكنت معشم نفسي باللبا بتعرف اللبا يا حاتم ول اتا زول وِرْوِر ساكت ؟ ههههههههههههه طيب خليهو اللبا بتعرف القاشيت ؟ عشان الواحد اعرف اتفاهم معاك في مقبل الايام فانا عادة من جراء التناول السقافي بعرف الزول كان زولي ول كان ناس اعمل حسابك عقرب لمن اشوف ابو الجندب . . اتمنى ان اكون فكيت حيرتك واوصيك ما تكتر من الحيران كتر فهنا يا ما تشوف فتك بعافية
| |
|
|
|
|
|
|
Re: عايز افهم (خاص للأعضاء القدامي ) (Re: عبدالله ود البوش)
|
سلامات دكتور حاتم
ببساطة شديدة .....
هنا يوجد بعضهم واكرر بعضهم
ليس له اي علاقة بالمقولة الخالدة :
اختلاف الراي لايفسد للود قضية
تجي تقول ليهو :
ياخي بختلف معاك في الراي ....
او
كلامك ده ماصاح
او
حزبكم ضليع في كده ولا كده
او
شريف الفحيل مابعرف بغني
او
الهلال مضروب خمسة
يرد بي شنو ....
امك .... حرامي ... بليد
زوجتك ... يامغفل ...
ياكوز .... ياشيوعي
يامعارضة السجم ... يا اذناب النظام
توجد صور ... فضائح فلان
يمين يكرهك اليوم الدخلت فيهو المكان ده
عشان كده الكثيرون يبتعدون من بوستات الكثيرين
من شاكلة اصحاب المثل الفوقاني ده .
تحاياي
| |
|
|
|
|
|
|
Re: عايز افهم (خاص للأعضاء القدامي ) (Re: حاتم محمد عثمان)
|
تحياتي أخي ونديدي في الدفعة الحكيم حاتم: أنا لست من القدامى هنا، ولكني قديم في منابر أخرى، أقةل ليك بحسب ملاحظاتي: المشاركات والمداخلات المتبادلة مستمرة رغما عن السب والشتم والتلاسن، وياهم ديل أهلنا، الطيبة فيهم والحنية والمعزة وسلامة القلوب، عشان كده أي شتم أو سب قابلو بما هو أهل له! باختصار: النقد المصحوب بالإستفزاز موجود جنبا إلى جنب مع الخوة والطيبة ! إنت بس خليك باااااااااااااااااااااااااااااااااااااارد عشان تستمر هنا طوييييييييييييييييييييييييييلا!
| |
|
|
|
|
|
|
Re: عايز افهم (خاص للأعضاء القدامي ) (Re: حاتم محمد عثمان)
|
يا سيدي الخلاف هنا يفسد للود ألف قضية وخاصة إذا كان الخلاف مان تو مان ، يعني ممكن للشخص البيكون برا الصورة ينظر ويأتي بالأمثال ويتشدق بأدب الخلاف وحرية التعبير وديمقراطية الرأي لكن أول ما تهبشو في الرأي إلا ويشخصن الموضوع ويعلن عليك الحرب سباً وقذفاً وإقصاء وإلغاء ومحل رهيفه تنقد والسما اللينهد. المسألة في تقديري المتواضع مسألة سلوك يستوي فيه المتعلم والنص إستوا والجاهل سواء بسواء لأن الموضوع موضوع تنشئة وتربية. نحن في النهاية نقول بتجرد البريدك يقرش ليك الظلط والبكرهك يتمنى ليك الغلط حتى لو ما كان بيعرف الغلط من الصاح أصلاً ، فقاوم وأكتب وطنش عسي ولعل أن تتعدل الصورة أو تترك أثراً يقتفيه آخرون يواصلون مسيرة التصحيح.
| |
|
|
|
|
|
|
Re: عايز افهم (خاص للأعضاء القدامي ) (Re: almulaomar)
|
السلام عليكم أخ/حاتم ومرحباً بك فى هذا الحوش الماهل.
انا من مؤيدى مافى جديد وقديم فى المنبر ده..أخذت باسورد أأنت عضو وأطرح فكرتك بوضوح ..لايهمك قديم لو أنت صح..فى أعضاء هنا من زمن حفروا البحر ومافاعلين وفى فاعلين وشايتين غلط..والخصومة بتجى من عدم الطرح الواضح والتعصب لجهة. الله يوفقك وأسمع نصيحة ودالبوش دى بتنفعك..تقديرى وإحترامى..وفرصة طيبة نقول ليك ومن معك من الذين طلوا علينا مرحباً بكم.
| |
|
|
|
|
|
|
Re: عايز افهم (خاص للأعضاء القدامي ) (Re: حاتم محمد عثمان)
|
Quote: الخوف من ينطوا ليك الديناصورات كيف تنتقد المنقطنها وانت جائي من وين هسي وما ليك حق تبدي ملاحظات تمس الكبار لكن كامل التضامن معك وربالتوفيق مع التحيييييييييييييييييييية |
شكرآ الاخ فرح الطاهر
علي المداخلة الاولي والتى قد تكون فتحت
بابآ للردود المتوقعة
لك ودى با غالي
....
| |
|
|
|
|
|
|
Re: عايز افهم (خاص للأعضاء القدامي ) (Re: حاتم محمد عثمان)
|
Quote: يا حاتم اخوي الحكاية حراق روح من غيبوبة البلد النصيحة مغيب... صهين من كواريك هنا ،ده كلام،،،الجد هناك،،في الكان اسمه السودان... حيث وجعتو تشق...ومصيبتو الاقو فيها... وما هنا الا صدي ذاك العويل... |
الاخ الكريم / عبدالعزيز عثمان
لك خالص تقديري وودى , ردك لخص مسار الاختلاف
انو الحكاية حراق روح ساكت , لكن حتى لو في خلاف
شخصي بين اتنين فأفتكر انو المكان المناسب لحل الخلاف
ليس المنبر وكذلك تصفية الحسابات.
وفي انتظار اراء المزيد من الاخوة السناير في المنبر .
....
| |
|
|
|
|
|
|
Re: عايز افهم (خاص للأعضاء القدامي ) (Re: تبارك شيخ الدين جبريل)
|
الأخ حاتم مرحب بيك ونورت البورد
أولا البورد ده فيهو 3 قبائل لا يخرج اي سوداني عنها إن رضي أو ابى: هي إما كوز او مناضل أو رمادي.
أكيد الفجور في الخصومة من علامات النفاق. وأغلب المنافقين هنا هم الكيزان. لأنهم مبدئياً بيدافعوا عن نظام مال عن الحق واغتصب السلطة بطريق غير مشروع ثم احتال في الدفاع عن موقفه بالكذب والخداع حتى يستحل الحق المغصوب من خصومه المنتخبين ومن الشعب، فمال عن السراط المستقيم وأخذ البلد معه في طريق الإنفصال والفتن والمحن الإقتصادية والمقاطعات، فظهر على حقيقته كنظام مغتصب وظالم وقاتل، وبانت سوآته للملأ. وفي نفس الوقت، هم، هؤلاء الكيزان، عايزين يظهروا بالوجه الودود التقي، نظام حجيت وعمرت وصليت. وركاب سرجين وقاع... وديل بيني بينك ما بتلموا إلا في زول عندو شيزوفرينيا. خدع نفسو، وظن أنه خدع كل الناس طيلة الوقت، وما فضل ليهو إلا يخدع ربو تعالى ربنا عن ذلك علواً كبيراً.
انا يتخيل لي مافي وقت الزول يجامل في الحقيقة. وحسن المعاملة هو أن تحب لأخيك ما تحب لنفسك. يعني أن تحب له أن يهتدى، من باب أنصر أخاك ظالماً أو مظلوماً.
ومن الباب ده أنا واحد من الناس بكتب لي عشر سنوات هنا. ما حصل دخلت، والحمد لله، في فجور في الخصومة.
والسبب أني بحاول جهدي أوصل للزميل الرأي بهدف أنو يهتدي دون أن أجرحه أو أهينه في شخصه. في النظام أنتقد ملء فمي ولا أخاف في الحق لومة لائم، فهذا ليس حقاً لي فحسب، بل هو واجب علي. أما شخصنة المواضيع فهي ابداً لم ولن تأتي بخير. فالأشخاص ذائلونن والفكرة باقية ما لم ننتقدها.
الإمام الشافعي قال:
تعمدني بنصحك في انفرادي وجنبني النصيحة في الجماعة فإن النصح بين الناس نوع من التوبيخ لا أرضى استماعه وإن خالفتني وعصيت قولي فلا تجزع إذا لم تعط طاعه
الوجه الآخر لهذه النكبة بيقول إنو الكيزان ديل هم السبب في كونوا ربنا سبحانه وتعالى اختبر صبر الشعب السوداني وانتقى مننا الشهداء الأبرار، ولولا عمل اياديهم الملوثة بدماء الشهداء لكانت الشهادة داخل السودان متل لبن الطير. صحي هم خلونا في الحياة الدنيا من أفشل الأمم لكن عسى أن يجازي الله صبرنا عليهم خيراً كثيراً.
أما كون بعض المناضلين فاجرين في الخصومة فهذا الشبل من ذاك الأسد، ولولا شجر الذقوم لما كان ظله.
أما الرماديين فهم أسوأ من الكيزان.
http://www.sudaneseonline.com/board/405/msg/1254354033.html
| |
|
|
|
|
|
|
Re: عايز افهم (خاص للأعضاء القدامي ) (Re: مني عمسيب)
|
سلام حاتم و مرحب بيك
Quote: أكيد الفجور في الخصومة من علامات النفاق. وأغلب المنافقين هنا هم الكيزان. |
سلام يا الطيب في إحصائية ولو تقديرية أو أمثلة تدعّم النتيجة دي ولا كلام ساي ؟
غايتو كان سألتني انا و طلبت أمثلة ما ح يكون في صالح فرضيتك أعلاه
| |
|
|
|
|
|
|
Re: عايز افهم (خاص للأعضاء القدامي ) (Re: أحمد قلوب)
|
Quote: سلام يا الطيب في إحصائية ولو تقديرية أو أمثلة تدعّم النتيجة دي ولا كلام ساي ؟
غايتو كان سألتني انا و طلبت أمثلة ما ح يكون في صالح فرضيتك أعلاه |
والله يا ود البشرى يا حبيب كلك نظر أنا بس استحيت أقول (كلهم) عشان أدي فرقة للخير في الكيزان إن وجد. ومن باب محاولة رؤية الجزء المليان من الكوز إن وجد.
لو كنت تعتب على المناضلين الفيهم مكفيهم يا صديق، ربنا سبحانه وتعاى قال (إلا من ظُلم) فكيف بمن ظلمه الكيزان، الله لا وراك ظلمهم.
| |
|
|
|
|
|
|
Re: عايز افهم (خاص للأعضاء القدامي ) (Re: Elawad Eltayeb)
|
يا أبو الطيب Quote: والله يا ود البشرى يا حبيب كلك نظر أنا بس استحيت أقول (كلهم) عشان أدي فرقة للخير في الكيزان إن وجد. ومن باب محاولة رؤية الجزء المليان من الكوز إن وجد.
لو كنت تعتب على المناضلين الفيهم مكفيهم يا صديق، ربنا سبحانه وتعاى قال (إلا من ظُلم) فكيف بمن ظلمه الكيزان، الله لا وراك ظلمهم. |
الحديث هنا كان عن الفجور في الخصومة وهي مسألة شخصية ترجع لتربية الإنسان وفهمه و أخلاقه وثقافته وسلوكه الشخصي وليس لها علاقة بتنظيمه السياسي أو ولاؤه لذا من الخطأ تعميم أن كل الكيزان شياطين ويفجرون في الخصومة فقط لأنهم كيزان ومن الناحية الأخرى ليس كل المناضلين ملائكة و على خلق قويم فقط لأنهم يعارضون الكيزان هنا المقاييس فردية و كل يتحمل مسؤولية ما يكتبه و يقوله ويرتكبه هو فقط لا يعفيه كونه معارض ولا يجرمه كونه كوز
هذه الفكرة أشبه بأن من يشهد أن لا إله إلاّ الله سيدخل الجنة, عليه يتواكل المسلم ويهمل العمل ظنّا منه أن مجرد الشهادة تعفيه من العمل و الحساب هذا ما يظنه البعض هنا, كونهم الهتاف مرتين تلاتة ووضع بعض الصور على بروفايلاتهم وترديدبعض الشعارات تعفيهم من المسؤولية الأخلاقية وتكفي لتعميدهم نبلاء و على خلق و كل سفالاتهم و إنحطاطهم مغفور بحجة المعارضة
| |
|
|
|
|
|
|
Re: عايز افهم (خاص للأعضاء القدامي ) (Re: محمد البشرى الخضر)
|
Quote: هذه الفكرة أشبه بأن من يشهد أن لا إله إلاّ الله سيدخل الجنة, عليه يتواكل المسلم ويهمل العمل ظنّا منه أن مجرد الشهادة تعفيه من العمل و الحساب |
انتو ناس الإسلام السياسي ديل مصرّين ما يسيبوا الحساب لى سيد الحساب ليه؟
عندهم توكيل من سيد الحساب؟
لا حول ولا قوة إلاّ بالله ...
... المهم ....
| |
|
|
|
|
|
|
Re: عايز افهم (خاص للأعضاء القدامي ) (Re: محمد البشرى الخضر)
|
الإسلام: تقول لا إله إلا الله ... وتتوكل ...
الإسلام السياسي: تشوف غيرك قال شنو وعمل شنو .. ولو ما عجبك تسل ليهو صحيح البخاري وتضبحوا وتعلن الشريعة وتعمل ليهو قانون نظام عام وجماعة أمر بالمعروف وديوان زكاة وبنوك إسلامية .. البيعارضك فرادي تكفّرو .. والبيعارضوك جماعة تعلن عليهم الجهاد ...
كمان بقيت ما بتعرف اسلام سياسي يعني شنو يا ودالبشرى؟
طبعًا الكنتة كلها في الحساب ... والحساب ولد ...
... المهم ....
| |
|
|
|
|
|
|
Re: عايز افهم (خاص للأعضاء القدامي ) (Re: تبارك شيخ الدين جبريل)
|
بعرف الإسلام السياسي يا تبارك وعشان كدا استغربت اقتباسك لكلامي و وضعه تحت ديباجة "ناس الإسلام السياسي" وحسب تعريفك أعلاه كلامي لا علاقة له بأسلام السياسي صاحب الحساب عز وجل قال {وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ} ...وقال {فأما من أوتي كتابه بيمينه فسوف يحاسب حساباً يسيراً} فالحساب موجود حتى لمن شهد أن لا إله إلاّ الله, وفي النهاية الناس تدخل الجنة برحمة رب العالمين لكن هذا لا يعني أن نطق الشهادة وحده يكفي لابد من العمل و الطاعة وتجنب المنهي عنه دي فكرة كلامي الرئيسة و المقارنة التي قصدتها في موضوع المعارضين و تحليلهم الفجور و السفالة على أنفسهم بحجة أنهم معارضين !! ولا علاقة لها بإسلام سياسي
| |
|
|
|
|
|
|
Re: عايز افهم (خاص للأعضاء القدامي ) (Re: محمد البشرى الخضر)
|
سلام وشكرا على البوست..
ناس هنا عجيبة وغريبـة.. ولكن لا يتحير إلا متغير.. لأن المنبر زى يقولوا سفينة نوح.. بعدين كتير من الكاتبين تحت عصمـة الأحزاب وخاتينهم فى بيت الطاعـة.. ممكن تنقد العضو وفى حالات ممكن تغلظ عليه، وما عنده مشكلة.. لكن بس قول ليه رئيس حزبك إزيو.... وعينك ما تشوف إلا النور. يعبدون ما ينحتون.
| |
|
|
|
|
|
|
Re: عايز افهم (خاص للأعضاء القدامي ) (Re: Abureesh)
|
حاتم ليتهم أبكوك .. والله الخصومة واردة ..والفجور فيها وارد ... والمنبر حالة من حالات حياتنا الدنيا .. هو تواصل بين أناس ينتمون إلى مشارب شتىه .. وبعض الناس يطلق كلمة رأي على كل هوى .. وهو ليس براي .. يكذبون ، ينافقون ، يظلمون، يقوّلونك ما لم تقل .. يستفزونك غاية الاستفزاز.. يستصغرونك .. ويقولون لك هذا مجرد اختلاف في الرأي .. الخصومة أمر وارد في ..هذه الحياة .. والفجور فيها وارد لدرجة أن بني البشر يعلنون الحرب على بعضهم البعض .. ثم حدد علاقاتك واعرف من من الناس يمكنك مصداقته والتعاون معه ، أو النفور منه .. لا تتهيب المصادمات .. ولا تستبعد الخصومات .. لكن لا تلزم الباطل ولا تدافع عنه وتدّعي أن ذلك راي ..
| |
|
|
|
|
|
|
Re: عايز افهم (خاص للأعضاء القدامي ) (Re: Elawad Eltayeb)
|
Quote: يا حاتم صاحبي سلام وشوق كيف تمام ؟ دا عدم فهم بس اتا قايل شنو ؟ ودا بحصل لانو احيانا الناس ما بنتقاش الفكرة بتناقش الزول ذاتو الطارح الفكرة هههههه ( اصلو عنز تطرح ) يا سلام يا حاتم فجأة كدا انحرف مسار الفكرة الفي راس لطراح العنز دي ياخ ياخي مرة عنزي الربشا طرحت الليل كلو ما نمت ولمن قمت مع الصباح قلت ياربي تكون حلمة ساكت لكن للاسف واجهت الحقيقة المُرة طرحت فعلا وكنت معشم نفسي باللبا بتعرف اللبا يا حاتم ول اتا زول وِرْوِر ساكت ؟ ههههههههههههه طيب خليهو اللبا بتعرف القاشيت ؟ عشان الواحد اعرف اتفاهم معاك في مقبل الايام فانا عادة من جراء التناول السقافي بعرف الزول كان زولي ول كان ناس اعمل حسابك عقرب لمن اشوف ابو الجندب . . اتمنى ان اكون فكيت حيرتك واوصيك ما تكتر من الحيران كتر فهنا يا ما تشوف فتك بعافية |
الاخ والصديق ود البوش وصيتك في محلها
واهلنا قالوا اسأل مجرب ما تسأل طبيب
وما شاء الله يا عبد الله يا أخوى انت الاتنين.
| |
|
|
|
|
|
|
Re: عايز افهم (خاص للأعضاء القدامي ) (Re: حاتم محمد عثمان)
|
Quote: الحديث هنا كان عن الفجور في الخصومة وهي مسألة شخصية ترجع لتربية الإنسان وفهمه و أخلاقه وثقافته وسلوكه الشخصي وليس لها علاقة بتنظيمه السياسي أو ولاؤه لذا من الخطأ تعميم أن كل الكيزان شياطين ويفجرون في الخصومة فقط لأنهم كيزان ومن الناحية الأخرى ليس كل المناضلين ملائكة و على خلق قويم فقط لأنهم يعارضون الكيزان هنا المقاييس فردية و كل يتحمل مسؤولية ما يكتبه و يقوله ويرتكبه هو فقط لا يعفيه كونه معارض ولا يجرمه كونه كوز
هذه الفكرة أشبه بأن من يشهد أن لا إله إلاّ الله سيدخل الجنة, عليه يتواكل المسلم ويهمل العمل ظنّا منه أن مجرد الشهادة تعفيه من العمل و الحساب هذا ما يظنه البعض هنا, كونهم الهتاف مرتين تلاتة ووضع بعض الصور على بروفايلاتهم وترديدبعض الشعارات تعفيهم من المسؤولية الأخلاقية وتكفي لتعميدهم نبلاء و على خلق و كل سفالاتهم و إنحطاطهم مغفور بحجة المعارضة |
شكراً يا ود البشرى، أتفق معك في أن الفجور بدءا مسألة شخصية وهذا بديهي. وما ينطبق فيه على الكيزان ينطبق كذلك على المناضلين كأفراد.
(وَنَفْسٍ وَمَا سَوَّاهَا، فَأَلْهَمَهَا فُجُورَهَا وَتَقْوَاهَا، قَدْ أَفْلَحَ مَن زَكَّاهَا، وَقَدْ خَابَ مَن دَسَّاهَا {الشمس، 7 -- 10}
لكن هذا لا يتعارض على الحكم على الكيزان كحزب بالفجور في الخصومة. وما ينطبق على الحزب يتحمل مسئوليته الأعضاء. وأمكنني ذلك من سحب صفة الفجور في الخصومة من الحزب على جل عضويته. خاصة المدافعين عنه والمبررين لسلوكه المشهود له بالمظالم. ومن خرج عن القاعدة يعتبر حالة استثنائية.
أما المعارضين فهم ليسوا حزباً واحداً حتى أحكم عليهم، لكن في رأيي المتواضع، كونهم معارضين فهذه خطوة في الطريق الصحيح، وهي إن دعت للتعاطف معهم تقديرا للمظالم الواقعة عليهم والمؤثرة على سلوكهم، فهي بأي حال من الأحوال لا تخرجهم من المسئولية الفردية. والعاقلين منهم يدركون أن مسئوليتهم تحت المعارضة أكبر من غيرهم. لذلك تجدني من أنصار معارضة الظالمين بتقوى الله. ولن تجد اشد عليهم وقعاً من تقوى الله.
| |
|
|
|
|
|
|
Re: عايز افهم (خاص للأعضاء القدامي ) (Re: Elawad Eltayeb)
|
Quote: سلامات دكتور حاتم
ببساطة شديدة .....
هنا يوجد بعضهم واكرر بعضهم
ليس له اي علاقة بالمقولة الخالدة :
اختلاف الراي لايفسد للود قضية
تجي تقول ليهو :
ياخي بختلف معاك في الراي ....
او
كلامك ده ماصاح
او
حزبكم ضليع في كده ولا كده
او
شريف الفحيل مابعرف بغني
او
الهلال مضروب خمسة
يرد بي شنو ....
امك .... حرامي ... بليد
زوجتك ... يامغفل ...
ياكوز .... ياشيوعي
يامعارضة السجم ... يا اذناب النظام
توجد صور ... فضائح فلان
يمين يكرهك اليوم الدخلت فيهو المكان ده
عشان كده الكثيرون يبتعدون من بوستات الكثيرين
من شاكلة اصحاب المثل الفوقاني ده .
تحاياي |
الزول الجميل خلقة واخلاق هارون دياب تحياتى يا راقي احساسك فعلآ مداخلتك تلخص ملاحظتى في انو المسائل بتمشي في مسار مختلف تمامآ عن موضوع النقاش الاساسي.
| |
|
|
|
|
|
|
Re: عايز افهم (خاص للأعضاء القدامي ) (Re: حاتم محمد عثمان)
|
تحياتي لصاحب البوست والمتداخلين والقراء .. المنبر يتميز بكونه ساحة مفتوحة لتبادل الثقافات والأفكار وأحيانا للتناقض الفكري والإجتماعي .. ومع عدم قناعتي بكلام اخي عوض الطيب في جزئيته ان المنبر ثلاث قبائل حسب تصنيفه المخل ..
Quote: أولا البورد ده فيهو 3 قبائل لا يخرج اي سوداني عنها إن رضي أو ابى: هي إما كوز او مناضل أو رمادي.
|
هذه هي المعضلة الأساسية في المنبر فبدلا ان يتحول المنبر لمنبر ثقافي اجتماعي نراه قد تحول بالكامل لمنبر سياسي .. فأنت تكتب ما تراه مناسبا مع مواقفك ومبادئك واذا لم يعجب البعض بهذا الرأي فسيتم تصنيفك ومحاربتك من بوست إلى بوست .. وان تم تصنيفك حسب أراءك وهذا من القبح فلن تستطيع ان تنفي هذه التهمة ولو حلفت بأغلظ الإيمان انك برئ منها .. والغريب العجيب ان يتناطح هنا من لا رقبة له "واقصد هنا ان لا علاقة له بالسياسة ولا بالحزاب السياسية " .. فخذ اخي ود البشرى مثالا هنا "معليش يا حبيب " فهو مصنف كوز وأمنجي وضبابي ورمادي وشنو كدة ما عارف .. وغيره كثيرون ولم يسلم من هذا الفجور المنبري إلا القليل .. واحاول الجام نفسي من هذا الفجور واصبحت استمرأ الدخول في اي بوست سياسي منعا للمهاترات التي تعرضت لها مسبقا ..
نصيحة لك اكتب ما تراه وما يستقيم مع مبادئك .. فكل كلمة هنا محبوسة لك او عليك ..
_________________ نصيحة برة الخط : قبل ما تدوس "ابنص" شوف الشارع كويس مرات السرعة قاتلة ونلقى قدام اسمك الكوز الأمنجي حاتم ..
| |
|
|
|
|
|
|
Re: عايز افهم (خاص للأعضاء القدامي ) (Re: حاتم محمد عثمان)
|
اى تجمع .. لى بشر ... اكيد بكون فيه مختلف الامزجه والنفسيات والثقافات .. والخلفيات الاجتماعية والعادات والتقاليد وما تربى عليهو الواحد فمسألة انو تلقى ناس همها اثارة المشاكل امر وارد جدا ومسالة تلقى ناس ما بهمها الا استفزاز الناس امر وارد ووارد ايضا تلقى ناس همها الاحترام وتقديم ما يفيد
اذا .. ما هو الشئ اللزم عمله من اجل ايجا توازن يحفظ للناس قدر من الاحترام والمنفعه والفايده بكل تاكيد هو اللائحة والقانون .. وتطبيــــــــــــــــــــــــــــــــــــــــــــــقهم
واللى هو بكل اسف .. شئ ما واضح جدا فى سودانيز
وبكل اسف برضو ... هنالك منفعة متبادلة فى تجاهل بعض الامور اللوائحية
كدى اعمل جولة وشوف مواضيع المشاكل الشخصية والاساءات حا تلقاها اكتر المواضيع سخونه واكتر المواضيع مشاركة واكتر المواضيع مشاهده والاعمى شايل المكسر وطالعين فى الحيطة ....
اها بى سبب هذه الشعبية الجارفة لبوستات الشكل .. والغبائن ..... اصبحت مهنه من لا مهنه له ومهنه كل باحث عن شهرة منبرية
| |
|
|
|
|
|
|
Re: عايز افهم (خاص للأعضاء القدامي ) (Re: وضاح عبدالرحمن جابر)
|
الاخ / حاتم ،، تحياتي والف مرحب بمقدمك هنا واتمنى لك السلام والامن وطيبة الاقامة بين اخوتك البرالمة والسناير في ما يعرف بالتداول من الجديد ليتحول لقديم مع بداية كل عام
خليك زي ما انت وخذ من حكمة المهاتما غاندي ( في البدء يتجاهلونك، ثم يسخرون منك، ثم يحاربونك، ثم تنتصر.) والانتصار يتوقف على القيم والمبادئ الفاضلة ، وابتعد قدر الامكان من اقحام نفسك في شللية داخل المنبر ده وكن سيد نفسك فقط
لا تقحم نفسك وتهدر وقتك في مخاشنات وغلاط بيزنطي
دم بخير يادفعة
مودتي
الرحــــال
| |
|
|
|
|
|
|
Re: عايز افهم (خاص للأعضاء القدامي ) (Re: أشرف الرحال)
|
الأخ هشام كمال عبادي، تحية طيبة،
كتبت:
Quote: تحياتي لصاحب البوست والمتداخلين والقراء .. المنبر يتميز بكونه ساحة مفتوحة لتبادل الثقافات والأفكار وأحيانا للتناقض الفكري والإجتماعي .. ومع عدم قناعتي بكلام اخي عوض الطيب في جزئيته ان المنبر ثلاث قبائل حسب تصنيفه المخل ..
هذه هي المعضلة الأساسية في المنبر فبدلا ان يتحول المنبر لمنبر ثقافي اجتماعي نراه قد تحول بالكامل لمنبر سياسي ..
|
فعلا يا أخي، كلنا نتوق لتبادل الثقافات والأفكار ومناقشة التناقض الفكري والاجتماعي... لكن هناك أولويات تفرض نفسها ... هناك يا صديقي معارك تدور على أرض الوطن، وهناك ضحايا يتساقطون في كل لحظة. هناك أناس يتحكمون في الوطن، لا يسمحون فيه (برأي) مخالف. بل يعرفون فقط لغة الرصاص والسيخ والنيران.
في رأيي المتواضع أن من واجب كل مواطن أن يكون ليس رأياً فقط فيما يحدث في وطنه، بل عليه أن يسعى ليكون جزءا من حركة التغيير والفعل الايجابي. هذا دور للمواطن العادي، فما بالك فيمن يسمون أنفسهم بالنخبة والمثقفين والكتاب، ويتصدرون لتناول البوستات والقضايا. أين هي معاناة المواطن وقضاياه في كتاباتهم وبوستاتهم؟
لو كان هذا المنبر خاليا من السياسة التي فرضت نفسها قتلاً وتعذيبا وتهجيراً وفقراً ورهقاً على كل بيت سوداني لما وجد المنبر كل هذا الرواج. وشعبية هذا المنبر نبعت من كونه منبر قريب لقضايا الناس ونبضهم في زمن انصرف الإعلام السوداني المسير لتبجيل النظام الحاكم وغض الطرف عن كل معاناة ومطالبة. فأصبح منبرنا فعلا لا قولاً منبر من لا منبر له، فهو يتيح حرية الرأي للأقليات وللمهمشين. وهو رأي في مجمله مخالف ومناهض للنظام.
من هذا المنطلق، وكون أن السياسة أصبحت أولوية تتعلق بحياة الناس ومعاشهم. وأصبحت هي الحل السحري لقضاياهم المزمنة، يميل الناس، وهذا أمر طبيعي، لتقييم كل كاتب من خلال مواقفه المعلنة مما يحدث، لمعرفة أين يرمي، هل هو في صف التغيير أم في صف النظام، ام هو لا يدرك ما هو موقفه من القضايا العامة؟
| |
|
|
|
|
|
|
Re: عايز افهم (خاص للأعضاء القدامي ) (Re: Elawad Eltayeb)
|
Quote: يا سيدي الخلاف هنا يفسد للود ألف قضية وخاصة إذا كان الخلاف مان تو مان ، يعني ممكن للشخص البيكون برا الصورة ينظر ويأتي بالأمثال ويتشدق بأدب الخلاف وحرية التعبير وديمقراطية الرأي لكن أول ما تهبشو في الرأي إلا ويشخصن الموضوع ويعلن عليك الحرب سباً وقذفاً وإقصاء وإلغاء ومحل رهيفه تنقد والسما اللينهد. المسألة في تقديري المتواضع مسألة سلوك يستوي فيه المتعلم والنص إستوا والجاهل سواء بسواء لأن الموضوع موضوع تنشئة وتربية. نحن في النهاية نقول بتجرد البريدك يقرش ليك الظلط والبكرهك يتمنى ليك الغلط حتى لو ما كان بيعرف الغلط من الصاح أصلاً ، فقاوم وأكتب وطنش عسي ولعل أن تتعدل الصورة أو تترك أثراً يقتفيه آخرون يواصلون مسيرة التصحيح. |
الاخ الحبيب /almulaomar
خالص تحياتى وودى وبالفعل اتفق معك في انو مسألة معالجة الاختلافات هي مسألة سلوك وتعود وللأسف بعض الردود تقفز مباشرة لشخصنة الموضوع والخوض في اشياء اخري ليست لها علاقة بالموضوع الاساسي.
| |
|
|
|
|
|
|
Re: عايز افهم (خاص للأعضاء القدامي ) (Re: الطيب رحمه قريمان)
|
Quote: السلام عليكم أخ/حاتم ومرحباً بك فى هذا الحوش الماهل.
انا من مؤيدى مافى جديد وقديم فى المنبر ده..أخذت باسورد أأنت عضو وأطرح فكرتك بوضوح ..لايهمك قديم لو أنت صح..فى أعضاء هنا من زمن حفروا البحر ومافاعلين وفى فاعلين وشايتين غلط..والخصومة بتجى من عدم الطرح الواضح والتعصب لجهة. الله يوفقك وأسمع نصيحة ودالبوش دى بتنفعك..تقديرى وإحترامى..وفرصة طيبة نقول ليك ومن معك من الذين طلوا علينا مرحباً بكم. |
الاخ العزيز اسماعيل عباس شكرآ لترحيبك وكذلك انصافك للأعضاء الجدد ووصيتك انت وود البوش علي العين والراس تسلم يا غالي.
| |
|
|
|
|
|
|
Re: عايز افهم (خاص للأعضاء القدامي ) (Re: حاتم محمد عثمان)
|
Quote: انا غايتو كاتب رأي ... لاكين البيشخصن اختلاف في الرأي معاي ... بقمّر عيشو لامن يآمن
(والتحايا للجميع بدون فرز)
... المهم .... |
الاخ الكريم / تبارك
خالص ودى وشكري لمداخلتك ورأيك يحترم
وأسمح لي اخي اختلف معاك في جزئية انو حتى لواحد شخصن الموضوع ليه ما تحاول انت ترجعوا للب الموضوع بكل عقلانية وتستعمل حكمتك في اعادة الامور لنصابها وحتى ما يطلع البوست بتاعك عن الموضوع الاساسي ومرة اخري تحياتى.
| |
|
|
|
|
|
|
Re: عايز افهم (خاص للأعضاء القدامي ) (Re: حاتم محمد عثمان)
|
Quote: الأخ حاتم مرحب بيك ونورت البورد
أولا البورد ده فيهو 3 قبائل لا يخرج اي سوداني عنها إن رضي أو ابى: هي إما كوز او مناضل أو رمادي.
أكيد الفجور في الخصومة من علامات النفاق. وأغلب المنافقين هنا هم الكيزان. لأنهم مبدئياً بيدافعوا عن نظام مال عن الحق واغتصب السلطة بطريق غير مشروع ثم احتال في الدفاع عن موقفه بالكذب والخداع حتى يستحل الحق المغصوب من خصومه المنتخبين ومن الشعب، فمال عن السراط المستقيم وأخذ البلد معه في طريق الإنفصال والفتن والمحن الإقتصادية والمقاطعات، فظهر على حقيقته كنظام مغتصب وظالم وقاتل، وبانت سوآته للملأ. وفي نفس الوقت، هم، هؤلاء الكيزان، عايزين يظهروا بالوجه الودود التقي، نظام حجيت وعمرت وصليت. وركاب سرجين وقاع... وديل بيني بينك ما بتلموا إلا في زول عندو شيزوفرينيا. خدع نفسو، وظن أنه خدع كل الناس طيلة الوقت، وما فضل ليهو إلا يخدع ربو تعالى ربنا عن ذلك علواً كبيراً.
انا يتخيل لي مافي وقت الزول يجامل في الحقيقة. وحسن المعاملة هو أن تحب لأخيك ما تحب لنفسك. يعني أن تحب له أن يهتدى، من باب أنصر أخاك ظالماً أو مظلوماً.
ومن الباب ده أنا واحد من الناس بكتب لي عشر سنوات هنا. ما حصل دخلت، والحمد لله، في فجور في الخصومة.
والسبب أني بحاول جهدي أوصل للزميل الرأي بهدف أنو يهتدي دون أن أجرحه أو أهينه في شخصه. في النظام أنتقد ملء فمي ولا أخاف في الحق لومة لائم، فهذا ليس حقاً لي فحسب، بل هو واجب علي. أما شخصنة المواضيع فهي ابداً لم ولن تأتي بخير. فالأشخاص ذائلونن والفكرة باقية ما لم ننتقدها.
الإمام الشافعي قال:
تعمدني بنصحك في انفرادي وجنبني النصيحة في الجماعة فإن النصح بين الناس نوع من التوبيخ لا أرضى استماعه وإن خالفتني وعصيت قولي فلا تجزع إذا لم تعط طاعه
الوجه الآخر لهذه النكبة بيقول إنو الكيزان ديل هم السبب في كونوا ربنا سبحانه وتعالى اختبر صبر الشعب السوداني وانتقى مننا الشهداء الأبرار، ولولا عمل اياديهم الملوثة بدماء الشهداء لكانت الشهادة داخل السودان متل لبن الطير. صحي هم خلونا في الحياة الدنيا من أفشل الأمم لكن عسى أن يجازي الله صبرنا عليهم خيراً كثيراً.
أما كون بعض المناضلين فاجرين في الخصومة فهذا الشبل من ذاك الأسد، ولولا شجر الذقوم لما كان ظله.
أما الرماديين فهم أسوأ من الكيزان. |
الاخ /Elawad Eltayeb
خالص ودى وتقديري وشكرآ علي ردك المستفيض والمتفهم لمنبع الفجور في الخصومة ولكن هل كل الخصومات منبعها السياسة اشك في ذلك وإن كانت السياسة تشكل القاسم المشترك الاعظم. مرة اخري لك عميق امتنانى
| |
|
|
|
|
|
|
|