|
Re: دكتور عبد الرحمن الخضر يتكفل بعلاج الاعلامي صلاح غريبة ..... (Re: مهدي صلاح)
|
نسأل الله الشفاء للأخ/صلاح غريبة.....
وسلام ودالباوقة..العلاج من ماله الخاص أم من مال الدولة؟؟؟
مسكين محمد أحمد الذى يموت ومالاقى حق الدواء..مسكين الذى يسرق دواء ألأنثولين مسكينة التى تسرق دجاجة........حسبى الله ونعم الوكيل حسبى الله ونعم الوكيل..كان من باب أولى أن يكون دفع قيمة العلاج سراً...إن كان من حر ماله فهى لله وإن كانت من الدولة فلا داعى لأستفزاز البشر.
تحياتى للجميع.
| |
|
|
|
|
|
|
Re: دكتور عبد الرحمن الخضر يتكفل بعلاج الاعلامي صلاح غريبة ..... (Re: مزمل خيرى)
|
الأخ عادل غريبة بعد السلام من قلوبنا ندعو للأخ صلاح بكامل العافية لكن هل تعلم أن تبرع الخضر المقصود به ماذا؟ المقصود هو شغلكم عن متابعةحق المريض من هذا المستشفى التجاري الذي يملكه وزير صحة ولاية الخرطوم صديق الوالي والرئيس حتى لا تنكشف عورته طالبوا بحقكم رسميا بواسطة القضاء. أما الشفاء فمن عند الله الواحد الاحد. تحياتي
زر قناتي في اليوتيوب من فضلك واشترك فيها https://http://http://www.youtube.com/user/KabbashiSudanwww.youtube.com/user/KabbashiSudan
كبـّاشي الصافي
| |
|
|
|
|
|
|
Re: دكتور عبد الرحمن الخضر يتكفل بعلاج الاعلامي صلاح غريبة ..... (Re: cantona_1)
|
Quote: المقصود هو شغلكم عن متابعةحق المريض من هذا المستشفى التجاري الذي يملكه وزير صحة ولاية الخرطوم صديق الوالي والرئيس حتى لا تنكشف عورته |
انحنا عارفين تماما مقصدهم من التشهير بمرضو واذاعتهم لتبرعاتهم المزعومة وازيد صاحب البوست من الشعر بيت قبل ما يفتح ليهو بوست جديد للتطبيل انو برضو مامون حميدة بادر بتحمل تكلفة علاجو ورديناهو خائب.
| |
|
|
|
|
|
|
Re: دكتور عبد الرحمن الخضر يتكفل بعلاج الاعلامي صلاح غريبة ..... (Re: علي محمد الفكي)
|
Quote: Hussain Elaghbash · Pharmacist في Qatar Petroleum تسلم وتستحق كل الاحترام اخ عمر غريبة مع تمنياتي القلبية للاخ صلاح بعاجل الشفاء وكامل العافية . ود الباوقة بعد كلام عمر الختاك في السهلة ده حقو حفاظا على مشاعر هذه الاسرة الكريمة وحفاظا على ماء وجهك (ان كان قد تبقى منه شئ ) حقو تطلب من بكري سحب البوست السجمان ده .
|
لا اعتقد اخ حسين الاغبش ان الارقوز المطبلاتي بوجهه مزعة لحم فقد احترف التسول بكل السبل والوسائل ووجهه زي ما بقولو اهلنا بقى عضم لا حياء فيه
اللهم اشفي صلاح شفاء لا يغادر سقم واهديه
| |
|
|
|
|
|
|
Re: دكتور عبد الرحمن الخضر يتكفل بعلاج الاعلامي صلاح غريبة ..... (Re: ود الباوقة)
|
من مقال للفاتح جبره
Quote: الخبر الثاني حكاه لي صديق صدوق.. قال إنه ذهب لشراء بعض الأدوية من إحدى الصيدليات بمدينة بحري وأثتاء ما بالصيدلية جاء طفل في حوالي العاشرة من العمر وقد طلب من الصيدلي ثلاث عبوات (أنسولين) يقول صديقي إن الطفل ما إن استلم العبوات حتى أطلق رجليه للهواء وسط دهشة الجميع وأولهم الصيدلي الذي قام بمطاردة الطفل حتى أمسك به وهو يجهش بالبكاء، يواصل صديقي أن الطفل قد أخبرهم أن والده يرقد في المستشفى وأنه في حاجة لهذا الدواء وهم لا يملكون نقوداً، تبرع بعض الذين حضروا الحادثة بدفع قيمة (الأنسولين) بل ذهبوا وصديقي معهم إلى حيث يرقد الأب فوجدوه غائباً عن الوعي، فجمعوا للطفل مبلغاً من المال سلموه له، وقفلوا راجعين واجمين !
هذان الخبران نهديهما للمرشحين الخمسة لرئاسة الجمهورية وللرئيس شخصياً قبل رئاسته الجديدة وإقامته |
| |
|
|
|
|
|
|
Re: دكتور عبد الرحمن الخضر يتكفل بعلاج الاعلامي صلاح غريبة ..... (Re: علي محمد الفكي)
|
حقيقة تألمت جداً لما حدث للاستاذ صلاح غريبه فرغم اختلافنا مع طرحه الا ان الرجل في محن حقاً نسال الله يمن عليه بالشفاء العاجل الزيتونة ظلت على الدوام تقدم اسواء الخدمات الطبية للمرضى ومن يدخل الزيتونة لا بصداع لا يضمن ان يخرج منها بفشل كلوي ظلت تجد حماية من سلطة مامون حميده في ظل سكوت وزارة الصحة الاتحادية وبقية السلطات متى تغلق هذه المستشفى ابوابها
| |
|
|
|
|
|
|
Re: دكتور عبد الرحمن الخضر يتكفل بعلاج الاعلامي صلاح غريبة ..... (Re: ذواليد سليمان مصطفى)
|
Quote: اخونا ود الفكي
الذي استغرب له انك معنا هنا في الرياض طيلة الفترة الماضية ولم تشاركنا
في كافة مناسباتنا ( بورداب الرياض ) وانا علمت بوجودك هنا متأخرا
مع ذلك سوف نسجل لك زيارة في مقر عملك باذن الله
مع التحية |
الاخ ود الباوقة سلام اول حاجة اسأل الله ان يسبغ نعمة الشفاء على اخونا صلاح غريبة. و تاني حاجة من متين الناس بيتزاوروا في مقار عملهم داير تزور ود الفكي امشيلو في بيتو و كان كمان كلامك دا تهديد مبطن برضو حبابك و ما تمشي انت لود الفكي اجيك هو لغاية عندك و كان كلامك دا مزاح دا مزاح ثقيل. اما قولك انو داسي نفسو فدا كلام غير صحيح اسأل عنو علي الكرار و حسين ديقول و الخال صديق الموج و حضرنا انا و هو و الاستاذ الشاعر محمد مدني افطار البورداب في رمضان قبل الفايت و اكان محروق منو في حاجة خليك شفيف و ارمي بياضك.
| |
|
|
|
|
|
|
Re: دكتور عبد الرحمن الخضر يتكفل بعلاج الاعلامي صلاح غريبة ..... (Re: Jamal Mustafa)
|
السلام عليكم ايها الزوار والمشاركين فى هذا البوست وصاحب البوست لذيذ تفاح الباوقة البوست ده ما عشان نتمنى الشفاء للاخ صلاح غريبة فى بوست تانى موجود ممكن الناس يكتبوا فيهو دعواتهم
لكن الموضوع هنا تكفل الدكتور عبدالرحمن الخضر بعلاج الاعلامى صلاح غريبة ولو انا فهمت صاح ده بى صفتو الدكتور عبدالرحمن الخضر مش د.عبدالرحمن الخضر والى ولاية الخرطوم مش كده يا لذيذ تفاحة الباوقة ؟؟؟؟ لو ناقشا هذا الفهم (الوصلنى ) د.عبدالرحمن الخضر بيطرى حيعالج الاستاذ الاعلامى كيف ؟؟ ولو حيدفع تكاليف علاج الاستاذ غريبة يكون التساؤلات الفوق كلها عايزة اجابة من قروشو ولا من قروش الولاية ؟؟؟؟ بعدين ال غريبة قالوا قادرين على تكاليف العلاج ودى ما المشكلة مشكلتهم فى الاخطاء الطبية الما عندها محاسبة عندنا فى دولة (باركوها ) حسب مشاركة عادل غريبة اها هنا مفروض علينا نعرف الدكتور رصد كم لهذا العمل الجليل ام ان الميزانية مفتوحة ؟!!! الاولى تدفع ما رصده (ان كان من حر مالو ) لاناس اكثر حوجة من الاستاذ صلاح غريبة وكتار (كدى يشوف برنامج بنك الثواب ) اما ان كانت من (مال الولاية )مشاريع كتيرة ممكن يصرف فيها هذا المال ليعود بالخير علينا جميعا بالخير بما فينا ال غريبة زمن صاحبى لذيذ تفاح الباوقة ( ضيق) ومشغولياتو كتيرة الله يعينو ما نطول عليهو بعد ما يحلل كلامى ويرد عليهو بجى تانى اواصل
ياخى تعال اشرب معاى الشاى اذا لقيت ليك زمن يا لذيذ مشتاق ليك والله عبدالرحمن
| |
|
|
|
|
|
|
Re: دكتور عبد الرحمن الخضر يتكفل بعلاج الاعلامي صلاح غريبة ..... (Re: عبدالرحمن يسن حسين)
|
اخي العزيز \ ود الفكي ..
لك التحية والتقدير والاحترام .
يعني من الليلة وصاعدآ الاسم الاصلي لي ود الباوقة( الارقوز )
والحركي ود الباوقة والله العظيم لقب وقع لي في جرح ..شايل طبلتو
وواقع القاب في الشرفاء دا ماسورة سغيرونة ودا شنو لكن من هنا وجاي
هيهات بس الاقوز .. ومشكور يا اخي عمر غلي هذا اللقب المناسب وشبيه جدآ
للمطبلاتي المغضوب عليه .. ولي قدام ..
| |
|
|
|
|
|
|
Re: دكتور عبد الرحمن الخضر يتكفل بعلاج الاعلامي صلاح غريبة ..... (Re: ود الباوقة)
|
ما نطول عليهو بعد ما يحلل كلامى ويرد عليهو بجى تانى اواصل
تحية طيبة اولا ادعو بالشفاء لصلاح غريبة
اخى عبدالرحمن لك التحية .. اعتقد لو راجى ود الباوقة يجى يرد عليك فأظنك حتنتظر كتير !! فالراجل ماعهدناه يرد على الحجة بالحجة ف بيفضل ينطط ويموه على الموضوع ويزوغ يمين ويسار وهذا من صفات الكيزان .. وانت شايف عمر غريبة كتب شنو فوق وصاحبك ما اشتغل بيهو وحاول يشتت الكورة
هؤلاء اقلامهم فقط للتطبيل وما اتوا لقولة حق
| |
|
|
|
|
|
|
Re: دكتور عبد الرحمن الخضر يتكفل بعلاج الاعلامي صلاح غريبة ..... (Re: عبدالرحمن يسن حسين)
|
أفتكر كل البنعمل فيهو ده ما ليهو معنى ....... الفتح البوست ده، سواء كان ود الباوقة والاّ غيرو، عمل العايز يعملو.
شوفوا عنوان البوست .......... الخضر يتكفل بعلاج ......... إلخ. البيدخل البوست حيلقى الخبر غير صحيح والعنوان كلام فارغ ما عندو علاقة بالحقيقة ......... لكن هل كل البيقرو العنوان بيدخلوا البوست؟ يظل العنوان (الفرية) في صفحات المنبر وأي متصفح يشوفوا ويفهم - كما أريد له - إنو هذا العبدالرحمن الخضر تكفل بالعلاج.
التكتيك ده ما أول مرة ....... بيتعمل بشكل مكرر ..... وفي الغالب الطرف المتلقي الدعم ما بيكون ليهو علاقة بالسلطة، خلاف الحالة القدامنا، لأن الكل يعرف إنو صلاح غريبة مناصر قوي للحكومة وللمؤتمر الوطني.
| |
|
|
|
|
|
|
|