|
حليل المَحَنة راحت مع القمل ... دي حبوبة المسنوح قالت كدي
|
والله يا المسنوح (المعرس الخواجية ) ماك طالبني حليفة في الليام الفاتت دي بتونس مع التهجة بت خالي البلولة قت ليها عليك الله يا التهجة ما اشتهيتي ليك صقعة قملة فوق راسك دا قات لي يا حليل القمل وقعدة صقعو الواحدة منعصرة علي اختها تفلي ليها ولمن تصقع القملة وتقوليها احي يا بت امي تحس بالمحنة في قليب اخيتا . . غايتو ما حضر القمل والحانكلو اب حكا حلو راتحت عليهو
|
|
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: الطيب شيقوق)
|
Quote: الله يسود خطوتك حررررررررررررررم ديل اكان حضرن زمن الابولا والايدز و داهية الشرق الأوسط ديييييك اكان ملن خشم بيوتكم نعلات |
ههههههههههههههههههههه مسنوووووووووووووووووح بت بالغ هههههههههههه عاين جاي قاليك واحد من جماعتنا عيان الناس جوا اكفروا ليهو واسعلوا فيهو مالك عندك شنو ؟ يقوليهم عندي ايدز والجماعة براحة امرقوا اولادو قاليهو يابا اتا عارف الايدز يعني شنو ؟ قاليهم عارفو وطيب لشنو بتقول عندي ايدز عشان امكم دي بعد اموت مافي زول اعرسا . . ياخ الزمن داك اللمراض بالكتير برجم والبرجم ذاتو راح مع الناس السمحين يا حليلو ويا حليل الحانكلو اب حكا حلو قاليك الواحد في عز الصلاة تلقى ايدو كف في اللباس دخلا
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: الطيب شيقوق)
|
Quote: عربون محبة ياودالبوش بس كان المسخوت ده قعد يزازي بيجاي انا تاني مابجيك صاد.. الزول ده مندفق في البوستات زي ملاح ام شِعيفة اللندفق في البِرش |
جيت آآآآآآآآآآآآآآآآ الشوم تتدبأ بجاي
ياكا النوع البجي قادل من طرف الصريف شايل ابريقو ومتلهم الناس تحت الراكوبة وتكتك بين سنونك وكمان تفاصح من بعيد حرف يظهر وحرف يروح هواء
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: عبدالله ود البوش)
|
ود البوش
القمل دا يقوم يرجع ,الا وزير الصحة يقول اعملوه مفرومة
ولدن لينا شغال فى طريق على ابن ابى طالب الجنبك دا امس سالت منو قالو لى مبرجم قلت ليهم اعلم الله الولد دا شيخ عديل الناس متورطة فى سرطان وايدز وحاجات تقرف , تقول برجم مرض اهل الله اها ما عندك ليه طين زير ساقط ,,الجنا لسع ميرود والدكاترة قالو ليه دا مرض عافية
الطيب سلام جدك قال الليل امسى البل حررنو مشيهن عقبن موية والجبل اب قرود راجيهن دا الخلانى فرض الخمسة ما مقضيهن رزق الدنيا والمحن البصارع فيهن ود شورانى
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: abuguta)
|
أنت عارف يا ود البوش ؟ قالوا البروتين حق القعوي ده أحسن علاج ناجع لي الكاروشة حقت القمل . حليل زمن القمل . وكل زمن بي قملو . زمن كان في قمل يا ود البوش معناتو الزول كان مشغول بي الشهور مع بقرو وضانو وحليبو وصرارو ومالو وحلالو . أها يا أخوي لا في وكت للبرود في النيل ولا في وكت للحلاقة .. المشغولية يا أخوي . زمن القمل الخير كان باسط .. زيت السمسم كان حدو الركب . والكوارع بي البرميل والمريسة بي التنكر والعونكوليب ما يديك الدرب . هيع
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: Osman Musa)
|
Quote: زمن القمل الخير كان باسط .. زيت السمسم كان حدو الركب . والكوارع بي البرميل والمريسة بي التنكر والعونكوليب ما يديك الدرب . |
معناة المعنى يا عثمان موسى اخير لينا ننكرش ونفلي ونصقع ونطرش بزيت السمسم ونجغم مريستنا ونغني دردرق بي يا اللوري دردق بي اخير لينا من النضافة واللمعة والنفوس ######انة العرق ملان دم القمل ياخد نصيبو والمارقوت والنفس طيبة ومتحانة
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: abuguta)
|
Quote: ولدن لينا شغال فى طريق على ابن ابى طالب الجنبك دا امس سالت منو قالو لى مبرجم قلت ليهم اعلم الله الولد دا شيخ عديل |
حرم يا اب قوتة في اللول قريتا مبرمج هههههههههه عليك الله وصفو لي سمح النمشي ليهو ما بلقا لي عندي حبة حنكولولاية ول ام قنطو ول كان كتكوتا ساهي احلي بيها حلقي دا يا حليل مرض زمان البروح بطين الزير ولبن الحمارة مرض هدي ورضي ما زي مرض حميدة دا الزيتونة ما بتروحوا يا حليل الكرو والعوار
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: أمير عثمان)
|
الله امتعك بالصحة والعافية يا حبيبنا أمير عثمان
Quote: والترجمه يا شباب لتكتمل البهجة .. |
العرفتو دا كان حمدت الله عليهو ما شوية زي ما قال الراعي الودر نص البهائم وقالوا وين ودرتها وين ؟ قاليهم ديل كان حمدتو الله عليهن ما شوية . . علما بانه الترجمة بتمزر بمحير الحديس ههههههه تعال يا المسنوح ترجم تحياتي واحترامي يا الامير
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: عبدالحفيظ ابوسن)
|
سلام ود البوش يا حلو يا تبوش سلام مني سلام ليك يا شيقوق .. يا حليل زمن القمل وأكل التبش ومخاتة تسيل من نخرة جاهل تحلف بالله تقول دوده شرطية تخش وتمرق مخدره ما زي الطايوق قدر ما تنخرا بصباعك بس ملاح لايوق ... تعرف يا ود شيقوق زمناً ما فيه مره تنقر وتخرط من حيطة البيت وتأكل زمن ممحوق زي شوربة الماجي .. زمان لما نجوع بملاح قأورمه أو تشوشه نصقر زي صقور الجديان .. والجنى جداد كان عنده صفارين والتحليه شطه بعجور .. مخلايه وونسة فقره تدمدم بهدم وتنوم مرات تشاغل النجوم .. والمخده تقول دوكه ...
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: عبدالله ود البوش)
|
عرووب سلام
ونحنا جغبر صاحبن لينا من مايورد بقع الخلاء ويمدغ المر لامن نسعلو يقولنا المر ببرد الحمى والعنكوليب زاتو متفاسلين بيه
علي الجزيمة رقبتك تتملي شراء حتن تلملك في عنكوليب عندي سعال ليه زمن واقف لي (ليه العنكوليب سيدو بكون فسلبو)
غايتو
نضميكم ده ياهو القالو بريف المدينة هسع نان كان نصاح تحنوا لزمن القمل والكشكة بت السقط
الله يقطع الكشكة وسنينا حكمت ربك ليوم الليلة كرشة الحيمورة بتنتح كل ما السقط يهب
اها النصقر فوق عنقريبنا ده ونسمع
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: الجنيد حمد)
|
ود البراري
ات طيب
Quote: يا حليل زمن القمل وأكل التبش ومخاتة تسيل من نخرة جاهل تحلف بالله تقول دوده شرطية تخش وتمرق مخدره ما زي الطايوق قدر ما تنخرا بصباعك بس ملاح لايوق ... تعرف يا ود شيقوق زمناً ما فيه مره تنقر وتخرط من حيطة البيت وتأكل زمن ممحوق زي شوربة الماجي .. زمان لما نجوع بملاح قأورمه أو تشوشه نصقر زي صقور الجديان .. والجنى جداد كان عنده صفارين والتحليه شطه بعجور .. مخلايه وونسة فقره تدمدم بهدم وتنوم مرات تشاغل النجوم .. والمخده تقول دوكه ... |
انت يا ود البراري دا كلو عرفناهو الحاجات دي مشت وين :-
المخاتة ملاح الخدرة السايل في صدر الشافع الكرو ( العوارة) الفي الساق زمااان البقرة البتنطح وقتين تكون والدة جديدة ال######ة الوالدة البتسكنا سكان لما نقرب لجناها الجدادة البتنجر فيك وقتين تكون حاضن
ات عارفة المحقة اللحقت الناس برضها لحقت البقر والجداد والكلاب
وعيييييييك
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: عادل البراري)
|
تعرف يا ود البوش زمان عندنا واحد جاتو الكتكوتة، وفي روايتن اخرى (أم طيطي) واسمها الاصلي الا كان تقولو انت قالو دواهو في لبن حمارة اها شايلين كورتنا ونكابس بالحيشان للحمارة الوالدة جديد لمينا في حمارة العاقب الحمامية .. وطبعا ما متعودة زول يحلبا واخوك المتبرع تب عامل فيها يعني مقطعا ان شاء الله وطت ليك في كراعي وطية كدة في الاصبع الكبير لي هسي علامتا قاعدة تب ههههههههههههههههههههه لكن المهمة انتهت بنجاح بعد معافرة وملاواة خلها ساي اها اليوم داك متشنقل علي ما قالو في البانيو .. شوف لك سختة ساي فجأة يظهر لي الاتر بتاع الفجخة ديك ضحكت لمن دمعت وقلت لكراعي سبحان من نقلك من حوش العاقب للبانيو علي اليمين هسي لو قلت الكلام دا للجماعة الانت عارفهم كان يتبرو مني حليل زمن المحنة يابا
كسرة: المشينا نجازف ليهو لبن الحمارة دا هسي افندي كبير والكرفتة والحالة.. البشوف القبة يقول تحتها فكي
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: نادر النور آدم)
|
ههههههه اسع دي يا نادر ما اخير منها ام قنطو راسا عديل
Quote: اها شايلين كورتنا ونكابس بالحيشان للحمارة الوالدة جديد لمينا في حمارة العاقب الحمامية .. وطبعا ما متعودة زول يحلبا واخوك المتبرع تب عامل فيها يعني مقطعا ان شاء الله وطت ليك في كراعي وطية كدة في الاصبع الكبير لي هسي علامتا قاعدة تب ههههههههههههههههههههه لكن المهمة انتهت بنجاح بعد معافرة وملاواة خلها ساي |
اريتا كان بالت فوقك يا نادر كان تكون ذكرى عبقة ههههههههههه . .
Quote: ضحكت لمن دمعت وقلت لكراعي سبحان من نقلك من حوش العاقب للبانيو |
بل من ترعة المتمدد للبانيو سبحانو هو لكن حرم عولقك وضيقا عليك اتا قايل شنو قال الحمامية قال ....... غايتو جنس ايغال في فرنغيتة العامية تمردغ عديل كدا اتمردغ يا نادر اتمردغ وهنق هههههههههههههه بالجد حروفك بتعمل لي آكلة في القلب ودائما عندما اقرأ حروفك بشوف روحي واقف في مثلث برمودا بين السواجير والمنصورو ركن المستشفى زمان لقيتو واقف منتظر في نفس الحتة دي بتوبوا ذاتو وقدلتو
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: الجنيد حمد)
|
الجنيد ود حمد يا حبيب سلام وشوق ياخ
Quote: اها النصقر فوق عنقريبنا ده ونسمع |
اسمع ساهي والله هنا تسمع محن . . عاين جاي الصورة حقت دي من دورديب ول حواليها يا سلام ياخ رقدة في العنقريب البغادي داك مو البهناك البهناك داك الفوقو توب الزراق مخدة حرم نومة فوقو ولا ابدلها بنومة في فندق مية نجمة ذاتو اتا قايل شنو ؟ وعلى الضمان مافيهو مارقوت الله اقطع المارقوت اخير منو القمل الحنين يابا
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: عبدالله ود البوش)
|
هو الراح مع القمل شويه يا ود البوش !! .. حرم راحت راحة البال .. وطولة البال .. والمحنه .. والشبع .. زمااان كنا شبعانين .. وبناكل حتى نشبع ( مازي شعار الكيزان ) جد جد كنا بنشبع .. عشان كده كان القمل بيلقى حاجة يمصها مننا .. لكن هسه القمله مجازفه سااي .. ما بتطلع ليها بي سي سي دم من الواحد .. لانه الاكل بقى نص بطن .. إنه الجوووع ...... والجوع كاافر .. نشَف دمنا .. غايتو القمل الجديد الانا شايفو يا هم ( الكيزان ) ديل .. يمين ما خلوا للقمل حاجة يمصها .. لانهم مصوا كل دم الشعب السوداني .. ودربهم شغالل بيشفط أول بأول .. لقد يبس دمنا .. وقطت عروقنا .. ونفذ صبرنا .. وهرمنا .. ولنا الله ......
| |
|
|
|
|
|
|
Re: حليل المَحَنة راحت مع القمل ... دي حبوبة المسنوح قالت كدي (Re: جمال ود القوز)
|
Quote: هو الراح مع القمل شويه يا ود البوش !! .. حرم راحت راحة البال .. وطولة البال .. والمحنه .. والشبع .. زمااان كنا شبعانين .. وبناكل حتى نشبع ( مازي شعار الكيزان ) جد جد كنا بنشبع .. عشان كده كان القمل بيلقى حاجة يمصها مننا .. لكن هسه القمله مجازفه سااي .. ما بتطلع ليها بي سي سي دم من الواحد .. لانه الاكل بقى نص بطن .. إنه الجوووع ...... والجوع كاافر .. نشَف دمنا .. غايتو القمل الجديد الانا شايفو يا هم ( الكيزان ) ديل .. يمين ما خلوا للقمل حاجة يمصها .. لانهم مصوا كل دم الشعب السوداني .. ودربهم شغالل بيشفط أول بأول .. لقد يبس دمنا .. وقطت عروقنا .. ونفذ صبرنا .. وهرمنا .. ولنا الله ...... |
جمال ود القوز الممهول الدائما ضاحك الليلة اضايق ؟ والله انها ثورة الحليم بالجد . . زماااااااااااااااان يا جمال منتصف السيتينات وانا شافع صغير بباري جدي امحمد طوالي ودار بينه وبين جدي عبدالله سيد الدكان الحوار التالي والله ليوم الليلة الكلمات دي ترن في اضاني جدي امحمد : اديني زيت بقرشين يا عبدالله جدي عبدالله اتنحنح وجررررررر كب ليهو الزيت في القزازاة جدي امحمد رفع القزازة لفوق على ضؤ اللمبة عشان اشوف حد الزين وين وعاين لجدي عبدالله وقال ليهو دا زيت بقرشين يا عبدالله آي يا امحمد الزيت غلا فرد عليه جدي امحمد ردا حتى اليوم احفظه بنفس حروفه والله كان كدي باطنا اخير من ظاهرا . . جمال اخوي صبرا ولكن هل تعود القوز كما كانت والبصات الحمر تجوب شوارعها النظيفة ؟ ما اظن ... ما اظن
| |
|
|
|
|
|
|
|