|
|
|
 Re: كلاكيت تاني مرة : علاءالدين يوسف والحوادث المروية ... الحمد لله جات سليمة (Re: khaleel)
|
| Quote: مر عثمان نجمك غائب مالك زي مريخك |
ياهندسة ده نجم السعد ما بغيب ......... 
اسمع بحكاية نجمك غائب دي احكي ليك قصة حبوبتنا (الزلال) ......... لها الرحمة
الكلام ده بدري .......... كانوا في مناسبة في حلة تانية هي ونسوان من الحلة ومن اهلنا .........
اهاااااا قالوا ليهم في فكي في الحلة دي وقاموا مشوا عليهو ...........
لمن جاء دوره (حبوبتنا) الفكي قال ليها انتي نجمك غاب ....... (يعني ح تتلحسي قريب)
حبوبتنا قلت ليهو شاحدة ربي يغيب نجمك قبل نجمي ............ يا راجل يا ضلالي .........
النسوان نهروها قالوا ليها يا الزلال ما في زول بشاكل الفكي ...........
قالت ليهم بلافكي بلا لمة قوموا لفوا نسوان ماعندكم شغلة ............... 
* ماتت عن عمر يناهز مائة وشوية يعني اقل حاجة بعد 50 سنة من كلام الفكي الموهوم ..........
| |
 
|
|
|
|
|
|
|
|
Re: كلاكيت تاني مرة : علاءالدين يوسف والحوادث المروية ... الحمد لله جات سليمة (Re: Tabaldina)
|
Quote: عمر عثمان ياخى معليش
حمدالله على السلامة ورمضان كريم
وكل عام وانت والعيله بخير
----------------
الواحد بقى بجمع ببطء
والحساسية طاغية على بورداب الخرطوم
قلنا يمكن طناشك دا من ضمن المنظومة دى .. |
سلام ياتبلدينا ............ ورمضان كريم
غبنا من المنبر لدواعي زهجة عابرة ............ لكن قلوبنا معاكم .....
متابعك وشايفك مركز مع الاصفر في اغاني واغاني ........................
بالمناسبة بتسوق من بقالة الحاوي شارع 15 كم مرة لاقيتو هناك .........
نشوفك بعدين ضروي ياخي ...............
| |
|
|
|
|
|
|
|
|
|
Re: كلاكيت تاني مرة : علاءالدين يوسف والحوادث المروية ... الحمد لله جات سليمة (Re: صلاح أبودية)
|
شاكرين يا شباب و مُقدِّرين
الحكاية و ما فيها إنُّو أخوكم جا قاطِع الشارع الماري شمال السّفارة الأمريكيّة
قاطعو من الشّمال للجّنوب ماشي تجاه بنك فيصل
مع رمضان الشّارع دة بقى لي زي الإتِّجاه الواحد كدة
كيف أنا ما عارف
المُهِم أنا شفتو إتِّجاه واحد و جيت خاشِّي على كدة
عاينت يميني و خشّيت مُطْمئنّاً
يلْفحني ليك الما بتقهِر ولا بِتْقدِر من شمالي
تووووووووووووووووووووووف و أنا أعيييييييييييييييييييييييييييط
تووووووووووووووووش و النّاس إتلمّت و هاك يا شمشرة
و عيك و عاك و عووووووووووووووووك
غايتو اللّهم إنِّي صائم
و الحمد لله على كل حال
أنا بقيت أخاف من الرّكْشة
يطْلع لي بص الولاية!!!!؟
| |
|
|
|
|
|
|
| |
omer osman
علاء الدين يوسف علي محمد
معاوية عوض الكريم
ذواليد سليمان مصطفى
Elhadi
Mohammed Awad
علاء الدين صالح
معتز القريش
osman righeem
معتصم دفع الله
أيمن الطيب
طلال جبير جابر
محمد المسلمي
mayada kamal
كمال سالم
GamarBoBa
Frankly
داليا الكباشى
طارق جبريل
مزمل خيرى
محمد المعتز جعفر
بدر الدين اسحاق احمد
khaleel
Dr.Elsadig Abdalla
صلاح أبودية
عبد العظيم احمد
محمد البشرى الخضر
عبدالعزيز الفاضلابى
أمين محمد سليمان
الشفيع وراق عبد الرحمن
محمد عبد الماجد الصايم
عبده عوض
Elawad
Al-Shaygi
فيس بوك
تويتر
انستقرام
يوتيوب
بنتيريست