|
|
 أنا داير ابقي طيار حربي ....
|
ماشين على المدرسة الصباح يوم الخميس الماضي وبرفقتي (عبدالرحمن 8 سنوات ومحمد عثمان 6 سنوات) ...
شاهدت طيارتين حربيتين تخترقان الاجواء في تمرين روتيني في الغالب الاعم ......
منو فيكم داير يبقي طيار حربي ؟
محمد عثمان : أنا ما عاوز.
عبدالرحمن : أنا داير ابقي طيار حربي.
|
|
 
|
|
|
|
|
|
|
 Re: أنا داير ابقي طيار حربي .... (Re: omer osman)
|
السنة الفاتت كان مشروعه مختلف شوية .......
قال لي انا بتمني يكون عندي مليون دولار ......
طيب اها قول اديناك المليون دولار ح تعمل بيها شنو ؟
ح اشتري المدرسة بتاعتنا واقفله .......................... 
| |
|
|
|
|
|
|
|
|
|
Re: أنا داير ابقي طيار حربي .... (Re: صلاح أبودية)
|
Quote: عمر جنابو زى ما بقولوا الجماعة !
ياخ ربنا يحفظم ليك وينجحم إن شاء الله
والله لو على رغبات الجماعة ديل ..
ماكان فى مدرسة واحدة فضلت فى الدنيا كلها ! |
من البوست الاخير بتاعك عرفت البوست ده بجيبك ياسيادتك .........
اجدع لينا قصة قصتين من طرف الجماعة المعاكم ........... 
| |
|
|
|
|
|
|
|
|
|
Re: أنا داير ابقي طيار حربي .... (Re: omer osman)
|
سلام يا جنابو
يا ريت لو عندنا قصص، وحقيقة ما كنت عراف انا داير ابقى شنو زاتو
او كما قال صديقي: انا لحد سنة تالتة ابتدائي ما كنت عارف انا بمشي المدرسة لييه!!!
الآن يحمل شهادة دكتوراه في القانون من بريطانيا
__________________________
حكمة الامس واليوم وغدا
بالاصفر لا يا جمال الوالي كااااااااااااااك
هارد لك يا قريبي
| |
|
|
|
|
|
|
|
|
|
Re: أنا داير ابقي طيار حربي .... (Re: أحمد ابن عوف)
|
Quote: او كما قال صديقي: انا لحد سنة تالتة ابتدائي ما كنت عارف انا بمشي المدرسة لييه!!!
الآن يحمل شهادة دكتوراه في القانون من بريطانيا |
عقبال عبدالرحمن ..........
Quote: حكمة الامس واليوم وغدا
بالاصفر لا يا جمال الوالي كااااااااااااااك
|
نصحت قومي فلم يستبينوا النصح الا بعد ما طارو ........
| |
|
|
|
|
|
|
|
|
|
Re: أنا داير ابقي طيار حربي .... (Re: omer osman)
|
جنابو ....سلامات ..
| Quote: أنا داير ابقي طيار حربي .... |
طيار حربي في الجيش النيجري كيف ؟!!
قلت لولدي عمار لمن تكبر عايز تبقى شنو او متمنى تبقى شنو ؟!! قال لى عايز ابقى مكنيكي ..قلت ليعو يازول انا مدخلك مدرسة عالمية وانجليزي ابوك مادرسه وتقول لي مكنيكي !!!اها بعد كم شهر جاني قال لي ياابوى خلاص انا سمعت كلامك وماداير ابقى مكنيكي ..قلت ليهو كويس ..قال لى انا عايز ابقى لاعب كورة ....سكت ..
| |
|
|
|
|
|
|
|
|
|
Re: أنا داير ابقي طيار حربي .... (Re: فايزودالقاضي)
|
| Quote: طيار حربي في الجيش النيجري كيف ؟!! |
يازول ديل مشاة ساكت بس لقو قامم فريق خدمة الزامية
| Quote: قلت ليهو كويس ..قال لى انا عايز ابقى لاعب كورة ....سكت .. |
ولد اخوي ......
يقيم مع والده في اسكتلندا .......
ابوه طبيب ..........
سأل ابوه انت بتاخد في الاسبوع كم ؟
قال ليهو باخد ............... جنيه في الاسبوع.
طيب يابابا ماكان في اى داعي تقرا طب !!!!!
انت عارفه ناس مانشستر بدو رونالدو كم ؟؟؟؟؟؟؟؟
وشال كورتو وجري الشارع بلا قراية بلا لمة ........
| |
|
|
|
|
|
|
|
|
 Re: أنا داير ابقي طيار حربي .... (Re: omer osman)
|
Quote: ماشين على المدرسة الصباح يوم الخميس الماضي وبرفقتي
(عبدالرحمن 8 سنوات ومحمد عثمان 6 سنوات) ... |
يا جنابو تصرف في دم قلبك في تعليم الأشبال ديل ويجو بنات
ود الصايم وبنات صحبك داك  ... يلقوهم جاهزين شي طيارين
وشي دكاترة وشي قانونيين (إن شاءالله)، ويختفو من طرف، ويخلو
خشمك وأم عبدالرحمن، ملح ملح !!
عشان كدا تحت تحت من هسه خليهم يساهمو في تعليم الأشبال ديل!
______
غايتو ما شاءالله مع كمية شبلات أصحابك أشبالك يدبلو بس !
| |
|
|
|
|
|
|
|
|
|
Re: أنا داير ابقي طيار حربي .... (Re: Hadeer Alzain)
|
Quote: يا جنابو تصرف في دم قلبك في تعليم الأشبال ديل ويجو بنات
ود الصايم وبنات صحبك داك ... يلقوهم جاهزين شي طيارين
وشي دكاترة وشي قانونيين (إن شاءالله)، ويختفو من طرف، ويخلو
خشمك وأم عبدالرحمن، ملح ملح !!
عشان كدا تحت تحت من هسه خليهم يساهمو في تعليم الأشبال ديل!
|
خالم لزم عندو تلاتة امورات ........
قلت ليهو نعقد إتفاقية جنتلمان ...............
تدفع 50% من الرسوم الدراسية ....... نحجز ليك الشباب الاتنين ديل + (السيد طلال) ده كمان الذ زول
| |
|
|
|
|
|
|
|
|
|
Re: أنا داير ابقي طيار حربي .... (Re: داليا الكباشى)
|
ياسيد عمر سلامات
وربنا يخليهم ليك
وبعدين الجيش دا نحن إتعقدنا منو .. كان حق السودان ولا النيجر .. حاول تبعدهم عنو
................
Quote: خالم لزم عندو تلاتة امورات ........
قلت ليهو نعقد إتفاقية جنتلمان ...............
تدفع 50% من الرسوم الدراسية ....... نحجز ليك الشباب الاتنين ديل + (السيد طلال) ده كمان الذ زول |
لو كان خالهم الأنا بعرفو داك دفعوا 90% + فاتورة التلفون الشهريه
كسره
عملت لينا شنو فى الموضوع الكلمك عليهو مبشر
| |
|
|
|
|
|
|
|
|
|
Re: أنا داير ابقي طيار حربي .... (Re: حذيفه ابراهيم الكباشي)
|
ياخي عبدالرحمن دا زول لذيذ شديد - ربنا يحفظو
..
قول ليهو بعد تبقي طيار حربي وقائد للقاعدة الجويه
حولها من مكانها الحالي دا وامنع التدريب فوق رؤوس المواطنين
فترنا من الازعاج بتاع الطيران فوق بيوتنا وكفاية حوادث سقوط الطيران الحصلت
| |
|
|
|
|
|
|
|
|
|
Re: أنا داير ابقي طيار حربي .... (Re: محمد عبد الماجد الصايم)
|
ود اختي
بعد اسبوعين بكمل تلاتة سنوات
قبل يومين كان في مطرة في الخرطوم
وطلعوا من الشقة اثناء المطرة دي
لما ركب العربية قال لابوي(اللي هو جدو)
عايز Umbrella
اهي دي عرفة الحضانة
دا بما يمشي المدرسة اهلو يدبروا حالهم شديد
وما شاء الله عليهم كلهم
ربنا يحفظهم
| |
|
|
|
|
|
|
|
|
|
Re: أنا داير ابقي طيار حربي .... (Re: Hala Hassan)
|
Quote: يا جنابو أخد الموضوع دا جد وتحرى عن أوضاع المدرسـة، وبصـورة غير مباشـرة أسأله عن حال
المدرسـة ومعاملة الأساتذة للتلاميذ، وأوكد لك ستسمـع العجب.. ولابد من حل هـذه المشكلـة والتحرك
بسرعـة حتى لو نقلته لمدرسـة أخرى.
|
جنابو عمر ...
كلام ابوالريش دا منطقى جداً .. ياترى سألت الولد لية داير يدمر المدرسة .؟
دا معناهو ما مرتاح فى المدرسة أو فى اساتذة تعاملهم قاسى معاهم أو شى من هذا القبيل ..!
جرب انت ماخسران ..
أو أسال زملاء ولدك عن تعامل المدرسين كيف معاهم .؟
واكتر استاذ مابيحبوهو منو .؟ ولية .؟
شكرا يا ابوالريش كلام منطقى خالص .. خالص .!
| |
|
|
|
|
|
|
|
|
|
Re: أنا داير ابقي طيار حربي .... (Re: Hala Hassan)
|
Quote: عمر عثمان كيفك؟؟
ولدك بتمنى بس،
البت الصغيرة دة فكرت و خططت و نفذت،
شوف الفيديو (ملف صوتى) دة:
|
ازيك ياهالة ........
اليوتيوب من المكتب ما بفتح معاي ..........
نشوفوا بعدين في البيت ............
| |
|
|
|
|
|
|
|
|
|
Re: أنا داير ابقي طيار حربي .... (Re: SHIBKA)
|
Quote: ود اختي
بعد اسبوعين بكمل تلاتة سنوات
قبل يومين كان في مطرة في الخرطوم
وطلعوا من الشقة اثناء المطرة دي
لما ركب العربية قال لابوي(اللي هو جدو)
عايز Umbrella |
لو محل جدو كان نزلتو من العربية ...........
| |
|
|
|
|
|
|
|
|
|
Re: أنا داير ابقي طيار حربي .... (Re: نوفل عبد الرحيم حسن)
|
Quote: قول ليهو بعد تبقي طيار حربي وقائد للقاعدة الجويه
حولها من مكانها الحالي دا وامنع التدريب فوق رؤوس المواطنين
فترنا من الازعاج بتاع الطيران فوق بيوتنا وكفاية حوادث سقوط الطيران الحصلت |
الاهم من كده يا نوفل .......
لو عمل انقلاب وبقيت ابو الرئيس ......
راحات الف ...................
| |
|
|
|
|
|
|
|
|
|
Re: أنا داير ابقي طيار حربي .... (Re: أسامه الكرور)
|
Quote: لو كان خالهم الأنا بعرفو داك دفعوا 90% + فاتورة التلفون الشهريه
كسره
عملت لينا شنو فى الموضوع الكلمك عليهو مبشر |
ياهو زاتو ياسيادتك ..........
مبشر ضرب لي وقلت ليهو الدالات كتيرة بس مسكني طرف الخيط لكن ما رجع لي تاني
حاضرين لاي خدمة يا سيادتك ..........
| |
|
|
|
|
|
|
|
|
|
Re: أنا داير ابقي طيار حربي .... (Re: داليا الكباشى)
|
| Quote: ربنا يحفظهم يارب ! |
اللهم آمين يادكتورة ...............
Quote: موش عصابه القناع الاسود حقتك دي !
ياخ ديل موش حايبقوا طيارين حربيين ,
ديل حايخترعوا القنبله الذريه الهالووجينيه الجايه ! |
ده كلو عشان زنقوك في الكولا دايت الشربتيها ليهم في بيت الفنون والا شنو ؟
| |
|
|
|
|
|
|
|
|
|
Re: أنا داير ابقي طيار حربي .... (Re: omer osman)
|
Quote: سلام يا جنابو
وياخ قصص شنو ونوادر شنو خلينا نناقش كلام الإبن دا بالأول نقاش موضوعى ومفيـد.
لقد تبسمت من حديثه الأول عن القنبلة التى اراد أن يلقيها فى المدرسـة، ولكن عند قراءة
حديثه الثانى عن المليون دولار التى سيشترى بها المدرسـة لتقفيلها، توقفت وخنقتنى العبرة (والله).
يا جنابو أخد الموضوع دا جد وتحرى عن أوضاع المدرسـة، وبصـورة غير مباشـرة أسأله عن حال
المدرسـة ومعاملة الأساتذة للتلاميذ، وأوكد لك ستسمـع العجب.. ولابد من حل هـذه المشكلـة والتحرك
بسرعـة حتى لو نقلته لمدرسـة أخرى.
وخلينا من العفوية الســودانية والنوادر.. الكلام دا ما فيه أى نادرة وإنما مؤشـر خطير.
أى حديث للأطفال يعنى أعمق مما يظهـر، لأن هـذا هو اسلوبهم الوحيد للتعبير عن الشكاوى والإحتجاجات.
لذلك يجب متابعـة الخيط لمعرفـة الحقيقـة.
|
Quote:
جنابو عمر ...
كلام ابوالريش دا منطقى جداً .. ياترى سألت الولد لية داير يدمر المدرسة .؟
دا معناهو ما مرتاح فى المدرسة أو فى اساتذة تعاملهم قاسى معاهم أو شى من هذا القبيل ..!
جرب انت ماخسران ..
أو أسال زملاء ولدك عن تعامل المدرسين كيف معاهم .؟
واكتر استاذ مابيحبوهو منو .؟ ولية .؟
شكرا يا ابوالريش كلام منطقى خالص .. خالص .!
|
الاخوان الاعزاء ابوالريش ومزمل ............ تحياتي
شاكر ليكم جداً اهتمامكم بامر صغيري (عبدالرحمن) والنظر للامر من زواية جادة .......
وكلامكم بشكل عام في محله ويجب الاهتمام بمثل هذه الملاحظات او الافكار التى ربما تعبر عن امر ما يعاني منه الطفل ..........
لكن بالنسبة لعبدالرحمن ....... الحمد لله مدارس القبس العالمية لديها بيئة مدرسية ممتازة واساتذة على درجة عالية من المهنية .........
ونحن وهم على اتصال شبه يومي .............
عبدالرحمن مشاغب درجة أولي والمدرسة كلها تعرفه من الغفير حتى المدير ...... وكلهم يجمعون على شغبه وتميزه الاكاديمي في ذات الوقت ...
شاكر ليكم مرة اخري اهتمامكم ونصائحكم القيمة ................. ودمتم
| |
|
|
|
|
|
|
|
|
|
Re: أنا داير ابقي طيار حربي .... (Re: عمر عبد الخالق سعيد)
|
حوار بيني وبين سالم (5 سنوات)
Salim:
why all times you have to listen to mama
Me:
because she is the boss of this house
salim:
so what will happened if you don't
Me:
she will kicked me out of this house
Salim;
that will be great
Me
why
Salim:
at least when you are gone, no body will tell me to go to bed early
اها يا جنابو شوف المحنة الانا فيها دي .. يعني بس بـ امشي نوم بدري طلعت برا الملة
طيب بعد دا اتخيل المنظر وهو طيار حربي وشوف القنبلة بتاعتو حيرميها في منو؟
مع تحية خاصة لعبد الرحمن واخوه وربنا يحفظهم
| |
|
|
|
|
|
|
| |
omer osman
صلاح أبودية
أحمد ابن عوف
فايزودالقاضي
Hadeer Alzain
داليا الكباشى
أسامه الكرور
Abureesh
حذيفه ابراهيم الكباشي
نوفل عبد الرحيم حسن
محمد عبد الماجد الصايم
SHIBKA
مزمل خيرى
طارق جبريل
عمر عبد الخالق سعيد
Shams eldin Alsanosi
فيس بوك
تويتر
انستقرام
يوتيوب
بنتيريست