|
|
 الغلاط وعدم الاقتناع والشروط تعجيزية
|
قال تعالى:{وَقَالُوا لَنْ نُؤْمِنَ لَكَ حَتَّى تَفْجُرَ لَنَا مِنَ الْأَرْضِ يَنْبُوعاً * أَوْ تَكُونَ لَكَ جَنَّةٌ مِنْ نَخِيلٍ وَعِنَبٍ فَتُفَجِّرَ الْأَنْهَارَ خِلَالَهَاتَفْجِيراً * أَوْ تُسْقِطَ السَّمَاءَ كَمَا زَعَمْتَ عَلَيْنَا كِسَفاً أَوْ تَأْتِيَ بِاللَّهِ وَالْمَلَائِكَةِ قَبِيلاً * أَوْ يَكُونَ لَكَ بَيْتٌ مِنْ زُخْرُفٍ أَوْ تَرْقَى فِي السَّمَاءِ وَلَنْ نُؤْمِنَ لِرُقِيِّكَ حَتَّى تُنَزِّلَ عَلَيْنَا كِتَاباً نَقْرَؤُهُ قُلْ سُبْحَانَ رَبِّي هَلْ كُنْتُ إِلَّا بَشَراً رَسُولاً}[الإسراء: 90- 93].
|
|
 
|
|
|
|
|
|
|
 Re: الغلاط وعدم الاقتناع والشروط تعجيزية (Re: osman righeem)
|
Quote: او ليس علي الرسول الا البلاغ؟؟؟؟
منطقو يا جنابو أو انفي ليهو
الانقاذ نظام حكم لا يشبه دين الاسلام
شوف ليك تور تناي قول احلبو؟؟؟ |
والله ياعثمان وانا بكتب في البوست او بفكر فيهو قبل ما اكتبو السياسية اصلاً لم ترد في ذهني .........
سمعت هذه الآية في راديو العربية صباح اليوم ..........
ومن الصباح كنت بفكر فيها وفي كثير من مايحدث في المنبر او في حياتنا السودانية العادية ........
لماذا نحب الغلاط ونرفض الاقتناع ونطالب بشروط تعجيزية دائماً .........
حتى وصل الأمر انو الناس يغالطو زول عضو في المنبر ويعرفه عدد من الاشخاص يغالطوهو في شخصيتو ويقولوا ليهو لا انت ما فلان .......
| |
|
|
|
|
|
|
|
|
|
Re: الغلاط وعدم الاقتناع والشروط تعجيزية (Re: omer osman)
|
اتنين اصحابنا اتغالطو في زول هل هو (مشلخ ام غير مشلخ) ..........
بعد لت وعجن ............ واحد فيهم شعر انو حجتو ضعيفة .......
رفض الاقتناع ........ وقال خلاص الزول ده بكون شلخوهو بعد الثانوي العالي لانو لحدي الوكت داك ما كان مشلخ .....
| |
|
|
|
|
|
|
|
|
 Re: دا إسمو تشتيت ودستراكشن! (Re: omer osman)
|
يا جنابو ياخ إنت رجل شرطة حصيف وأول دفعتك 
دي تفوت عليك كيف دي!! طيب أمرنا لله إليك السيناريو
لمن سين يزنقوه في عين، يقوم سين الحريف يكون داير يشتت الإنتباه عن عين
يقوم سين يخترع موضوع ثانوي وت اف ه عن شين عشان يشتت الكورة عن عين
في محاولة حريفة منه لإستغباء الجمع!.
أها يقومو ناس ألف وباء وتاء وهلم جرا يطلعو أذكياء وتفتيحة شديدة ومقرمنها من كلو 
يكشفو هذا الإستنكاح الرخيص من سين، ومن ثم يرفضوا علنآ إستغباء سين الحريف لهم.
أها باقي القصة إنتا عارفا 
طبعن ما حا أقول كيف تفعل ذلك الإنقاذ حين تتزنق في ورطة !!
_______
ماتزعل ووتحمق ياخ!
وتيك ثينغز آز يو فاوند زيم !
| |
|
|
|
|
|
|
|
|
|
Re: دا إسمو تشتيت ودستراكشن! (Re: Hadeer Alzain)
|
Quote: يا جنابو ياخ إنت رجل شرطة حصيف وأول دفعتك
دي تفوت عليك كيف دي!! طيب أمرنا لله إليك السيناريو
لمن سين يزنقوه في عين، يقوم سين الحريف يكون داير يشتت الإنتباه عن عين
يقوم سين يخترع موضوع ثانوي وت اف ه عن شين عشان يشتت الكورة عن عين
في محاولة حريفة منه لإستغباء الجمع!.
أها يقومو ناس ألف وباء وتاء وهلم جرا يطلعو أذكياء وتفتيحة شديدة ومقرمنها من كلو
يكشفو هذا الإستنكاح الرخيص من سين، ومن ثم يرفضوا علنآ إستغباء سين الحريف لهم.
أها باقي القصة إنتا عارفا |
اهلين هدير .........
التشتيت تكتيك معروف في المنبر بس لمن يقترن بي تضليل او اتهام (زيد) بغرض رفع الحصار عن (عبيد) ببقي مشكلة كبيرة .....
كثيراً ما اجد احد اصحابي في المنبر مزنوق زنقة ترزي يوم الوقفة لكن لمن ما يكون عندي حجة منطقية او معلومة مفيدة وصحيحة تفك عنو الحصار بكتفي بالصمت والمتابعة ....
غايتو الزعل ما بيدنا لكن ما بنطول فيهو زعلة وبتروح .......... 
| |
|
|
|
|
|
|
|
|
|
Re: الغلاط وعدم الاقتناع والشروط تعجيزية (Re: omer osman)
|
تحية للعزيز القريب عمر ....فعلا ما طرحته يمثل ظاهرة تدعو للعجب العجاب ..هل هذا مرده الافتاء دون علم ..تمرير المعلومات الخاطئية .. المواقف الانطباعية التي لا تقوم علي رجلين..تصفية الحسابات الاسفيرية او اسفيريا ..اختلاف الثقافة او تباين الخبرة الخ
عندما جئت الي هذا المنبر لم يكن دافعي البتة سوي الحوار الاجتماعي وتبادل المعلومات او الالتقاء اسفيريا بالاصدقاء المنتشرين حول العالم...تبادل التجارب الانسانية ألخ
يحز في نفسي اسلوب الشتائم المتبادلة بين بعض المتداخلين والسباب بينهم.. والمضحك المبكي انهم تراضوا علي شروط المنبر وفقا لقواعدا لتعامل الحضاري
اما عن ساس يسوس فحدث ولا حرج .. يتذكر الانسان ما كان بين داحس و الغبراء..ونغني بلسان وطن ديمقراطي ونمارس الاقصاء
قد يفكر الانسان الانسحاب بهدوء من هذا المعترك ..ولكن كيف يتم التاثير الايجابي وكيف نسعي اليه
ولك الحب والاحترام...زالكامل
| |
|
|
|
|
|
|
|
|
|
Re: الغلاط وعدم الاقتناع والشروط تعجيزية (Re: محمد الكامل عبد الحليم)
|
| Quote: هل هذا مرده الافتاء دون علم ..تمرير المعلومات الخاطئية .. المواقف الانطباعية التي لا تقوم علي رجلين..تصفية الحسابات الاسفيرية او اسفيريا ..اختلاف الثقافة او تباين الخبرة الخ |
كل ذلك موجود ياقريبي .......
لكن الاسوء منه الكذب والتضليل والاصرار على الخطأ ..............
| |
|
|
|
|
|
|
| |
omer osman
osman righeem
سارة علي
Hadeer Alzain
محمد الكامل عبد الحليم
أبو عبيدة البصاص
فيس بوك
تويتر
انستقرام
يوتيوب
بنتيريست