|
|
|
 Re: رحلة عمر مشوار طويل ...... صور (Re: omer osman)
|
سؤال برئ بعيداً عن السياسة ...نقيب شرطة (م)... ؟؟ موظف...؟؟
أولاً ماذنبك وقد أُبعدت عن الشرطة وأنت لا تزال ضابطاً صغيراً فى رتبة النقيب كما جاء على بروفايلك ؟؟؟
من المسئول عن تلك السنين من عمرك التى مضت وأنت تجهز نفسك وعقلك وتربى كيانك لتصل لهذه الرتبه ثم يزول هذا الكيان بجرة قلم من شخص ما فى زمن ما لتوجه ما إما ارضاءاً لفرد ما أو اقتصاصاً من آخر ينتمى إليك !!!!أو إرضاءاً لنفسك بالبعد عن حالة تتعارض عما يجيش فى نفسك ومبادئك!!
| |
 
|
|
|
|
|
|
|
|
Re: رحلة عمر مشوار طويل ...... صور (Re: مزمل خيرى)
|
Quote: اتاريك طلعت حجير، ماشاءالله الواحد يشوفك فى الطبيعة
يقول مواليد التمانينات ؛ |
يامزمل ياخي نحن في الابتدائي زمن الخرطوم عندها محافظ ........
تقول لي التمانينات ........... في الوكت داك نحن بنطلع مظاهرات عديل كده ......
| |
|
|
|
|
|
|
|
|
|
Re: رحلة عمر مشوار طويل ...... صور (Re: sourketti)
|
| Quote: أولاً ماذنبك وقد أُبعدت عن الشرطة وأنت لا تزال ضابطاً صغيراً فى رتبة النقيب كما جاء على بروفايلك ؟؟؟ |
أخونا سوركيتي ..
جنابو نزل معاش بمحض إرادته على ما أعلم ..
__________________________
واصل يا جنابك .. خلينا نشوف وصلتا وين ..
| |
|
|
|
|
|
|
|
|
|
Re: رحلة عمر مشوار طويل ...... صور (Re: sourketti)
|
الاخ سوركتي صباح الخير..........
اشكرك على مرورك وكلماتك ....... مثل ما قال لك الاخ عبداللطيف بمحض ارادتي تركت الشرطة ........
بالطبع لم اتركها من فراغ لكن المناخ العام وقتها وبيئة وظروف العمل في الشرطة لم تكن تشجع على الاستمرار ........
| |
|
|
|
|
|
|
|
|
|
Re: رحلة عمر مشوار طويل ...... صور (Re: خالد درق)
|
ما شاء الله
الابن عمر
الله يعطيك طول العمر
انت من تلاميذ مدرسة الاتحاد شرق حديقة القرشي
يا حليل ايام زمان
ناظر هذه المدرسة ( الاتحاد ) زميلي الاستاذ بشير ( رحمة الله عليه )
وجاء بعده الاستاذ حمدالنيل ناظراً وهو من ابناء توتي وكان المدير عندنا في الديم شرق وتم نقله الى مدرسة الاتحاد عام 1980م على ما اذكر وتم نقلي إلى الصحافة غرب فتركت العمل واغتربت ونسيت كل زملائي واصحابي ... وها انتم يا ابنائنا تذكرونا بماضينا وزملائنا .
الله يوفقك
| |
|
|
|
|
|
|
|
|
|
Re: رحلة عمر مشوار طويل ...... صور (Re: حمزاوي)
|
مواليد الستينات و بتشجع المريخ > غريبة !!!
طيب عشان نساعد المتابعين اول كرة تابعتها
للمريخ سنة كم وكانت نتيجتها كم ... ؟
ولا الحكاية وراثة ؟
____
جنابو سلامات و متابعين التوثيق
وربنا يديك العمر الطويل
ويحفظ الاسرة
| |
|
|
|
|
|
|
|
|
|
Re: رحلة عمر مشوار طويل ...... صور (Re: طارق الكوتش)
|
عمر
تحياتي و عمر مديد
ما شاء الله
الابن عمر
الله يعطيك طول العمر
انت من تلاميذ مدرسة الاتحاد شرق حديقة القرشي
يا حليل ايام زمان
ناظر هذه المدرسة ( الاتحاد ) زميلي الاستاذ بشير ( رحمة الله عليه )
وجاء بعده الاستاذ حمدالنيل ناظراً وهو من ابناء توتي وكان المدير عندنا في الديم شرق وتم نقله الى مدرسة الاتحاد عام 1980م على ما اذكر وتم نقلي إلى الصحافة غرب فتركت العمل واغتربت ونسيت كل زملائي واصحابي ... وها انتم يا ابنائنا تذكرونا بماضينا وزملائنا .
الله يوفقك
حمزاوي العجوز دة لو كان درَّسك حسع كنت بتتكلم لغة نوبية زي الترتيب
و لسع المشوار طويل ربنا يديك العافية
| |
|
|
|
|
|
|
|
|
|
Re: رحلة عمر مشوار طويل ...... صور (Re: شمائل النور)
|
Quote: جنابو ... الصغير
،دا مالو زي اسم مسلسل اطفال،
|
زمااان كان في مجلة اسمها الشرطي الصغير
| Quote: لكن بيني وبينك مرة عترت في صورتي وانا صغيرة اتغابيت فيها العرفة |
شجاعة ادبية مافي والا شنو ....... 
| |
|
|
|
|
|
|
|
|
|
Re: رحلة عمر مشوار طويل ...... صور (Re: معتصم محمد صالح)
|
ياخي قلت نجي نسمع عند عندك اغنية (عبد القادر سالم )
نجي نلاقي البوست (تزوير في اوراق رسمية )
بعد شوية تقولينا زي نادر يوسف صاحبك
قال شنو : نحن في الانتفاضة ماكنا عارفين حاجة وشايلين الشجر ونهتف
وفي الحلقة الاخيرة اتضح هو من الانقلابيين ..
اها رايك شنو نتصل دبي لربيع صاحبك وناخد النجيضة زي مابقول ود الصايم
------------------------------
يديِك طول العمر وسعادة الكُبر ياعمك
| |
|
|
|
|
|
|
|
|
|
Re: رحلة عمر مشوار طويل ...... صور (Re: وليد عبد اللطيف)
|
Quote: ياخي قلت نجي نسمع عند عندك اغنية (عبد القادر سالم )
نجي نلاقي البوست (تزوير في اوراق رسمية )
بعد شوية تقولينا زي نادر يوسف صاحبك
قال شنو : نحن في الانتفاضة ماكنا عارفين حاجة وشايلين الشجر ونهتف
وفي الحلقة الاخيرة اتضح هو من الانقلابيين ..
اها رايك شنو نتصل دبي لربيع صاحبك وناخد النجيضة زي مابقول ود الصايم
|
ياوليد انتفاضة شنو ؟ نحن جيل الانتفضة لكن نادر يوسف ده قول ثورة اكتوبر معقولة ...
| |
|
|
|
|
|
|
|
|
|
Re: رحلة عمر مشوار طويل ...... صور (Re: طارق الكوتش)
|
Quote: مواليد الستينات و بتشجع المريخ > غريبة !!!
|
ياكوتش ماتنسي انو سنة 67 دي ما سنة النكسة العربية
ابداً الحكاية ما وراثة ابوي هلالابي لكن عمي مريخابي ...... وعندنا عمنا كان عندوا دكان في المنطقة الصناعية شارع الحرية
في الاجازة بنشتغل معاهو في الدكان واهم حاجة تمشي الصباح تودي التوريدة للبنك (بنك الوحدة) تعرف بنمشي ليه ؟
لانو عمار خالد كان شغال موظف في الفرع داك ...... تورد القروش وتسلم على عمار خالد برنامج يومي
| |
|
|
|
|
|
|
|
|
|
Re: رحلة عمر مشوار طويل ...... صور (Re: omer osman)
|
| Quote: ياوليد انتفاضة شنو ؟ نحن جيل الانتفاضة لكن نادر يوسف ده قول ثورة اكتوبر معقولة ... |
هههههههههههههه
اكتوبر بس انا خايف يكون مع الجماعة القطعوا راس غردون
| Quote: لانو عمار خالد كان شغال موظف في الفرع داك ...... تورد القروش وتسلم على عمار خالد برنامج يومي |
ياالله ياعمر مالك مذكرنا عمار خالد طبعا بعد تركة للكورة دربنا في نادي الاتحاد البحراوي عام 1985 م لما كان في الاولى
وياريت يترك السياسة ويرجع يدرب المريخ لان له طريقة تدريب جميلة وفكر كروي عالي والناس استفادة منه الكثير .
زمن .. زمن
| |
|
|
|
|
|
|
|
|
|
Re: رحلة عمر مشوار طويل ...... صور (Re: حمزاوي)
|
| Quote: ناظر هذه المدرسة ( الاتحاد ) زميلي الاستاذ بشير ( رحمة الله عليه ) |
استاذ حمزاوي الف تحية وتجلة واحترام
استاذ بشير له الرحمة كان ناظر المدرسة واستاذ الدين ......... لم يكن يقصر في جلدنا وبرغم ذلك كنا نحبه ونحترمه فهو
لايخلو من روح الدعابة والمواقف الطريفة ........ حسب ما علمت انه توفي في اثناء ادائه لفريضة الحج ويا لها من حسن خاتمة
| |
|
|
|
|
|
|
|
|
|
Re: رحلة عمر مشوار طويل ...... صور (Re: omer osman)
|
جنابو عمر
غايتو بس ذكرتني مسابقات التلفزيون ويختوك في مسابقة 2050
ولد في ....
ودرس في .......
وكانت مراحلةالدراسية في ............
وتخرج في كلية الشرطة سنة ................
من هو ؟
تسلم الاجابات ........
والزمن داك حتكون طريقة تسليم الاجابات كالتالي
1- بالبلوتوث
2- بالام ام اس
3- اونلاين
اها الجائزة
طيارة همر
| |
|
|
|
|
|
|
|
|
|
Re: رحلة عمر مشوار طويل ...... صور (Re: ياسر عبدالكريم محمد)
|
| Quote: او تذكرة كورة المريخ وبرشلونة في نهائي كأس العالم للاندية البطولة التى يستضيفها المريخ السوداني |
هههههههههه
ياجنابو ما تجيب لجمال السنوسي سيرة التذاكر والسفر بالطائرات انت ناسي كان عايز
يحصل لاعبي فريق هارلم لكرة السلة .
| |
|
|
|
|
|
|
|
|
|
Re: رحلة عمر مشوار طويل ...... صور (Re: omer osman)
|
عمر ياصاحب
سلامات
يااخوى كان عايز تترشح فى الانتخابات قول لينا عديل وبطل لولوة
واخير ليك تمسك فى كلام ود الصايم ده
Quote: بعد شوية حتجيب لينا شهادة الوفاة ولا شنو؟
|
ربنا يديك الصحة والعافية ويطول مشوارك
| |
|
|
|
|
|
|
|
|
|
Re: رحلة عمر مشوار طويل ...... صور (Re: ابراهيم الرشيد عبدالرحمن وراق)
|
جنابو عمر ,,,,متعك الله بالصحة والعافية ,,ويحفظ ليك وليدات وينجحهم وتشوف سمحهم يا رب.
بمناسبة الصف تيجاني,,, انا كنت مربي هذا الصف سنة 82\83 علي ما اعتقد لكن تركت الجديدة
والسودان في 1985 بعد الانتفاصة بشهرين ,, وعيييييك لي هسع طاشي يا جنابو,,,تسلم ويديك طولة العمر.
| |
|
|
|
|
|
|
| |
omer osman
sourketti
مزمل خيرى
عبداللطيف محجوب
ذواليد سليمان مصطفى
محمد عبد الماجد الصايم
عفاف الصادق بابكر
طارق جبريل
فايزودالقاضي
محمد كابيلا
صلاح أبودية
ابو جهينة
محمد يوسف الزين
معتصم محمد صالح
شمائل النور
وليد عبد اللطيف
جمال السنوسي
ياسر عبدالكريم محمد
سيف الدولة كامل
فيس بوك
تويتر
انستقرام
يوتيوب
بنتيريست