|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: mayada kamal)
|
Quote: وعلى الموطنين اخذ الحيطة والحذر والابتعاد عن القاء الاشاعات على نحو انها محاولة انقلابية او شئ من هذا القبيل
ويجب ان يطمئن الجميع انو البلد في امن وامان
شكرا يا سعاتو على التطمينات والتوجيهات وكدا |
الخرطوم فى امان وليس البلد ... البلد اتمزقت وانتهت يا ميادة المكابرة فى شنو انفصال الجنوب وتفرق الباقى برضوالبلد فى امان يا نسا الاختشو ماتو !!! ويوم باكر قريب . ولا كـــــيف
قاسم المهداوى
| |
|
|
|
|
|
|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: omer osman)
|
أنشئت شرطة الاحتياطي المركزي بموجب القرار الجمهوري رقم 475 لسنة 1970 م مهام وواجبات شرطة الاحتياطي المركزي ....... 1. حفظ الأمن و النظام العام في المناسبات القومية 2. أعمال فض الشغب و الاعتصامات و المحافظة على الأمن 3. فض النزاعات القبلية 4. محاربة النهب المسلح 5. تقديم العون في حالات الكوارث الطبيعية 6. حماية المشاريع القومية 7. حماية أبار و خطوط البترول 8. دعم شرطة ولاية الخرطوم و الولايات الأخرى في حالات الانفلات الأمني
| |
|
|
|
|
|
|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: عبدالكريم الامين احمد)
|
Quote: هلا يا جنابو.. في الدول التي تتعامل مع مواطنيها بشفافية وتحترمهم يتم الاعلان عن مثل هذا التحركات العسكرية التي تجوب في طرقات المدينة عبر الاجهزة الاعلامية قبل فترة كافية.. ولكن كون قليلين هم من يعلمون السبب الاساسي لهذه التحركات ده السبب البجيب الاشاعات والتفاسير وخاصة زي ما انت عارف السودان بلد اليومين دي كهربة الكركبات فيهو كهربتها في العالي.. |
كلام صاح .....
لكن ربما يكون للقيادات الشرطية تقديراتها التى لا نعلمها ........
| |
|
|
|
|
|
|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: عبدالكريم الامين احمد)
|
قد أكون مخطئا ... ولكن سيل الأسئلة لا يتوقف عن الانهمار
Quote: تمارين وطوابير سير روتينية وتحريك قوات بواسطة عربات لاندركروز وناقلات الجنود ربما يكون لاحظها بورداب الخرطوم في انحاء
متفرقة من الخرطوم وهي في اطار التمارين التنشيطية لقوات الاحتياطي المركزي .......... وربما تم اختيار اليوم السبت لقلة
الحركة في شوارع الخرطوم ................... |
Quote: الحقيقة ان منظر القوات وعددها وتسليحها وتجهيزاتها يبعث على الاطمئنان تماماً بأن قوات الاحتياطي المركزي جاهزة
لبسط الأمن في كل ربوع السودان ................ |
1) منذ متى كانت تجرى هذه التمارين الروتينية بهذا "الحجم العائلي" المطمئن وداخل شوارع المدينة وكل كم شهر مثلا ؟؟ كل سنة ؟؟؟ لماذا لم نشاهدها "قبل الآن" إذن ؟؟ 2) ما هو المسوغ أصلا لتجييش الشرطة بهذا الكم وهذا الكيف المطمئن طالما كان الحاكم عادلا وطالما كان المحكوم عنهم راضون مبسوطون ؟؟ أما كان اولى بهذا العدة والعتاد "جيش" يحمي البلاد والعباد ويسترد الفشقة وحلايب وغيرها من الأراضي السودانية التي تم زمطها ؟؟ 3) بقية سيل الاسئلة متروك لفطنة القارئ مقروءا مع فاتورة سكر شاي هذا الصباح وأحاديث المدينة الكثيرة حول نفس شاي الصباح ؟؟؟
يا جنابو فيصل قال ليك كلامك دا قولوا لي زول ما عندو شنو ؟؟؟
أأطع دراعي اما كانت الحييكوومة بتاعتكم دي خائفة أو حائفة أو خائفة إما إنو في حاجة حصلت فعلا بين القوم وبينهم وإما أنو في حاجة حاتحصل بيننا وبينهم ودايرين يخوفونا خوفوت يا جنابو خوفوت انتو خوفتو الاسرائيليين الجوكم في البحر الأحمر والمصريين الجوكم في نفس البحر الأحمر ما بتخوفونا نحنا
| |
|
|
|
|
|
|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: ASHRAF MUSTAFA)
|
المعارضة تهدد بالنزول للشارع مالم يستجب لمطالبها القضارف: عمار الضو
اعتبر تحالف القوي المعارضة، تنفيذ مقررات ملتقى جوبا، وتمديد فترة التسجيل الانتخابي، مطالب لا حياد عنها، وهدد بالنزول الي الشارع في حال عدم الاستجابة لها. وانتقدت قيادات من التحالف، في ندوة سياسية اقيمت بالقضارف ليل أمس، التضييق علي أنشطة الأحزاب السياسية، وأشارت الي تجاوزات في عملية التسجيل، وطالبت بتمديد فترته. وقال القيادي في حزب البعث محمد ضياء الدين، ان التجاوزات في الانتخابات بدأت مبكرا منذ التعداد السكاني، وتوزيع الدوائر الجغرافية، واعتبر أن تنفيذ مقررات جوبا لا حياد لقوى التحالف عنها، مؤكدا انه مالم يتم تنفيذ مقررات جوبا، وتمديد فترة التسجيل، سيكون للمعارضة موقف حاسم تجاه الحكومة، ورأي ان سياسات المؤتمر الوطني تدفع باتجاه فصل الجنوب. من جانبه، أكد المسؤول السياسي في المؤتمر الشعبي كمال عمر ، ان مقررات جوبا قضية مفصلية لتحالف المعارضة، ورأى ان قانون الأمن الذي يناقشه البرلمان يصادر الحريات، وانتقد التضييق علي النشاط السياسي للاحزاب ، وهدد باللجوء الي الشارع، فيما دعت القيادية في حزب الامة القومي مريم الصادق الي التوافق حول الانتخابات، والسجل الانتخابي، وطالبت باطلاق الحريات.
| |
|
|
|
|
|
|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: Mustafa Mahmoud)
|
جنابو عُمر معليش أسمِح لي أرد على الديكتور مصطفى محمود يا ديكتور طبعاً أنا أول مرة أحِس إنّك تبحث عن الحقيقة و عايز فِعلاً تفهم حاجة فخليني أشرح ليك أنا دة و أجاوب ليك عن تساؤلتك التي أعيتك الحيلة في استيعاب الأسباب التي أدّت إليها "أي التساؤلات" طبعاً يا ديكو أول حاجة أخونا عُمر عثمان دة دفعتو هسي كان ما أخاف الكِضِب عُقداء في البوليص "ما الأمن" البوليييييييييص أها الزول دة بحكم إنو كان بوليص و ضابط كبير عادي لمن يشوف تحرُّكات زي دي يسأل في شنو يا أخوانا مالكم؟ طبعاً ممكن يقول السؤال دة باعتباره مواطن لأي فرد من أفراد القوات المُنتشرة دي يعني ما شرط يقول ليهو معاك العقيد "م" عُمر عثمان و عادي بتاع الشُرطة ممكن يتكلم مع المواطن أوووووووووووووووعك تكون فاكِر إنُّو بِتاع الشُرطة في السودان زي البعّاتي و السحّار كان جاهو مواطن عاين ليهو بس يكمشو ليك كمشة وحش ضارِب لالالالا ياخ طبعاً إنت طلعت من البلد دي سنة حفروا البحر و الشرطة كانت بتلبس المريلة و الرِدة و الريشة الفي الراس ديك الحال تغيّر هسي كتيييييييييييير واللهِ الشُرطي عِندنا شِدة ما وديع بيلِز معاك عربيتك كان خِسرت و بيقطِّع المواطنين كِبار السِن الزلط و الكلام دة بتشوفوا و تلمسوا لمن تجينا بإذن الله زيارة لبلدك الثاني السودان أها عادي بتاع الشُرطة بكون قال لجنابو رغم إنو ما عارِف هو مِنو: عِندنا تدريبات إحماء عادِيّة للقوات بتاعتنا و الكلام دة ممكن يقولوا لأي زول ماشي في الشارع لو سألو أي واللهِ نمرة إتنين شان ما تجي و تشبكني هو يكون جنابو كيف و هو نزل من الخِدمة طيب يا ديكو إنت طبيب صح؟ تخصُّصك شِنو ما عارِف لكن نقول طبيب أها بعد كِبرت و عجّزت و كعكعت هل من حق الناس دي تشيل مِنّك لقب ديكو دة؟ يعني الدكتور لو بعد هرم و خرف الناس بتقول ليهو يا دكتور دة الدكتور أوكي أها يا ديكو هسي إنت لو نزلت معاش أو تقاعدت هل لقبك بيمشي؟ نمرة تلاتة ياخ إنت ما شايف المِنبر دة كللللللللللو شابك الزول دة يا جنابو يا جنابو! هسي دي دايرة ليها دكترة عليك الله
| |
|
|
|
|
|
|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: علاء الدين يوسف علي محمد)
|
Quote: جنابو عُمر معليش أسمِح لي أرد على الديكتور مصطفى محمود يا ديكتور طبعاً أنا أول مرة أحِس إنّك تبحث عن الحقيقة و عايز فِعلاً تفهم حاجة فخليني أشرح ليك أنا دة و أجاوب ليك عن تساؤلتك التي أعيتك الحيلة في استيعاب الأسباب التي أدّت إليها "أي التساؤلات" طبعاً يا ديكو أول حاجة أخونا عُمر عثمان دة دفعتو هسي كان ما أخاف الكِضِب عُقداء في البوليص "ما الأمن" البوليييييييييص أها الزول دة بحكم إنو كان بوليص و ضابط كبير عادي لمن يشوف تحرُّكات زي دي يسأل في شنو يا أخوانا مالكم؟ طبعاً ممكن يقول السؤال دة باعتباره مواطن لأي فرد من أفراد القوات المُنتشرة دي يعني ما شرط يقول ليهو معاك العقيد "م" عُمر عثمان و عادي بتاع الشُرطة ممكن يتكلم مع المواطن أوووووووووووووووعك تكون فاكِر إنُّو بِتاع الشُرطة في السودان زي البعّاتي و السحّار كان جاهو مواطن عاين ليهو بس يكمشو ليك كمشة وحش ضارِب لالالالا ياخ طبعاً إنت طلعت من البلد دي سنة حفروا البحر و الشرطة كانت بتلبس المريلة و الرِدة و الريشة الفي الراس ديك الحال تغيّر هسي كتيييييييييييير واللهِ الشُرطي عِندنا شِدة ما وديع بيلِز معاك عربيتك كان خِسرت و بيقطِّع المواطنين كِبار السِن الزلط و الكلام دة بتشوفوا و تلمسوا لمن تجينا بإذن الله زيارة لبلدك الثاني السودان أها عادي بتاع الشُرطة بكون قال لجنابو رغم إنو ما عارِف هو مِنو: عِندنا تدريبات إحماء عادِيّة للقوات بتاعتنا و الكلام دة ممكن يقولوا لأي زول ماشي في الشارع لو سألو أي واللهِ نمرة إتنين شان ما تجي و تشبكني هو يكون جنابو كيف و هو نزل من الخِدمة طيب يا ديكو إنت طبيب صح؟ تخصُّصك شِنو ما عارِف لكن نقول طبيب أها بعد كِبرت و عجّزت و كعكعت هل من حق الناس دي تشيل مِنّك لقب ديكو دة؟ يعني الدكتور لو بعد هرم و خرف الناس بتقول ليهو يا دكتور دة الدكتور أوكي أها يا ديكو هسي إنت لو نزلت معاش أو تقاعدت هل لقبك بيمشي؟ نمرة تلاتة ياخ إنت ما شايف المِنبر دة كللللللللللو شابك الزول دة يا جنابو يا جنابو! هسي دي دايرة ليها دكترة عليك الله
|
والله ياعلاء عااااادي ممكن تفتح ليك مدرسة لمحو الامية ........ ياخي ربنا يعينك
| |
|
|
|
|
|
|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: HAIDER ALZAIN)
|
Quote: اتلمّ الضلامي على العسكري .. |
يا جنابو هسي الزول دة ما إنتحال شخصِيّة عديييييييييييييل كِدة واللهِ العظيم جيت في واحدة من البوستات مرور و ما قايلو جدع البِتِّيخة بتاعتو لقيتو ليك رادي بالطاقية بتاعتك دي و أقرأ ليك بيتكلم عنّك يا أخوانا جنابو دة بِقى مُناتِل بتين و بيتكلّم عن نفسو كمان جاب الأنا دي من وين و شايف ليك الظعن ظعن جنابو و الطعن طعن حيدر الزين أقوووووووووووووم إكتشِف ليك حالة إنتحال الشخصية دي أها دة يعملوا معاهو كيف يا جنابو؟
| |
|
|
|
|
|
|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: علاء الدين يوسف علي محمد)
|
Quote: مااااااااالة البِتِّيخة يا حيدر الزين ياخ
|
هسع يا علاء الدين انت تقول جنابو عمــر بوليص بس ولا علاقة له بجهات أخري .. دا صلاتو وعلاقاتو وصلت لدرجة انه اوباما يشكي ليهو من وجع اليد بعد تعليقة البتيخة دي أظنه فات في قدرتو سالف الذكر صلاح قوش لانه قوش ما كان بيقدر يصل غير السي اي ايه وعمــر عثمان دخل البيت الابيض نفسه .. وبعد كدة يجي مستر كوبي & بيست يقول مصادر معلوماتك وين ..
ناس حايمة في الشارع ويقول ليك مصادر معلوماتك
هسع بالله المعقولة اني اجي أعزي وشايل بتيخة والوك في لبانة ومعلق وردة حمراء في ياقة الجاكت والا اسأل سؤال زي سؤال الدكتور دا
| |
|
|
|
|
|
|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: HAIDER ALZAIN)
|
والله يا جنابو الكلام بقي واضح زي الشمس اي واحد زي ناس سطوفي ديل عنده باقي فهم يجي يسويه .. وحركات ناس ياسر عرمان القالو الشرطه دي تسليحه زيادة ولازم تنقصوهو وووك كررووك وضربو الجرسه ديل ياهو ده بيان بالعمل اي واحد عنده فرفره والا عاوز يعمل مناضل اليومين ديل طوالي حيلقي نفسو اتشحر ليه نهارا جهارا .. شفتو كيف يا بتاعين اللابتوبات والمنح والبطاطين البصرفوها بالصف .. الداير يجي يناضل يجينا جوه هنا .. ياهو ده خالكم نقد وعمكم الصادق المهدي والبعثيين اهم قاعدييين جوه البلد يهضربوا هضربتهم في زول سألهم والا انتو اهم منهم ؟ يا بغاث المعارضه
تعرف ي جنابو الكان في الشارع امس ده حالتو لوا واحد بتاع احتياطي مركزي ..يعني الناس دي لسه ما شافو الباقي
والله يا سطوفي تشوف تلت الباقي صدقني شعرك المزعمط الباقي ليك ده بقيف براه .. اسمع نصيحتي واتغطي واشرب ليك قرفه وخش علي القوقل وقوقل ليك حاجتين تلاته ينفعوك بدل الخرف البتخرف فيه ده
| |
|
|
|
|
|
|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: Faisal Elrasheed)
|
Quote: والله يا جنابو الكلام بقي واضح زي الشمس اي واحد زي ناس سطوفي ديل عنده باقي فهم يجي يسويه .. وحركات ناس ياسر عرمان القالو الشرطه دي تسليحه زيادة ولازم تنقصوهو وووك كررووك وضربو الجرسه ديل ياهو ده بيان بالعمل اي واحد عنده فرفره والا عاوز يعمل مناضل اليومين ديل طوالي حيلقي نفسو اتشحر ليه نهارا جهارا .. شفتو كيف يا بتاعين اللابتوبات والمنح والبطاطين البصرفوها بالصف .. الداير يجي يناضل يجينا جوه هنا .. ياهو ده خالكم نقد وعمكم الصادق المهدي والبعثيين اهم قاعدييين جوه البلد يهضربوا هضربتهم في زول سألهم والا انتو اهم منهم ؟ يا بغاث المعارضه
تعرف ي جنابو الكان في الشارع امس ده حالتو لوا واحد بتاع احتياطي مركزي ..يعني الناس دي لسه ما شافو الباقي
والله يا سطوفي تشوف تلت الباقي صدقني شعرك المزعمط الباقي ليك ده بقيف براه .. اسمع نصيحتي واتغطي واشرب ليك قرفه وخش علي القوقل وقوقل ليك حاجتين تلاته ينفعوك بدل الخرف البتخرف فيه ده |
كده حنفتح فصل تاني لمدرسة محو الامية واحد استاذ علاء والتاني استاذ فيصل .......
رديف ما معانا ماحافظ تنجلد زي الماحصل حاجة ..........
يلا امشو ذاكروا الكلام ده كويس واعملو الـ homework وبكرة تجو بدري يا مناتلين
| |
|
|
|
|
|
|
Re: لا داعي للقلق ........ بسبب الوجود الكثيف لقوات الاحتياطي المركزي في الشارع (Re: Mustafa Mahmoud)
|
أخى الدكتور مصطفى ..
Quote: من الملاحظ انك دائما تكتب عن اسرار و تحركات قوات البوليس و االامن و مليشيات الكيزان
|
الأخ عمر يكتب عن تحركات و أخبار الشرطة وليس الأمن و مليشيات الكيزان.
Quote:
من اين لك بهذة الاخبار؟؟؟
|
أرجو مراجعة بروفايل الأخ عمر
Quote:
هل انت تعمل في جهاز الامن؟؟
و ما هي صفتك و رتبتك ؟؟؟
|
أخى دكتور مصطفى .. عمر ضابط شرطة متقاعد
Quote:
و هل انت الناطق الرسمي باسم امن الكيزان في هذا المنبر؟؟؟؟ ؟؟؟
و شكرا
أخى مصطفى ..الأخ عمر بحكم عمله السابق بالشرطة يعمل على نحليل المعلومات و الأخبار ، فالرجل يحمل درجة الماجستير فى القانون، و غالباً فى هذا المنبر تجد من يكتب عن الرياضة ومن يكتب عن الإقتصاد ومن يكتب عن الأدب ومن يكتب عن السياسة ومن يكتب عن الطب وهو ما ننتظره منكم، و هناك من ليس له أى مجال ( وواقع فى الناس مكاجرة)
الهم إلا إذا عمر إتغير خلال الثلاث أو الأربع سنوات الأخيرة..
و شكراً
|
| |
|
|
|
|
|
|
|