|
الاخوان ملاسي وعمر الفاروق رجاًء كفاية ........
|
احمل لكم الكثير من المودة والتقدير واتابع كل حرفاً تكتبونه هنا .....
لديكم وجهة نظر واضحة ومختلفة في ذات الوقت مع عدد كبير جداً من اعضاء المنبر بشأن قضية الاخ حمور زيادة ........
بغض النظر عن كل شيء حمور لايستحق كل هذا الذي يجري وحمور ان لم يكن قد اضاف للمنبر إلا انه لم يكن خصماً عليه باى حال من الاحوال
قد لايبرع حمور في كتابة بوست كامل من كلمتين كما تفعل اخي ملاسي وقد لاينجح في الكتابة عن عالم الكرة والغناء كما تجيد ذلك اخي
عمر الفاروق ...... لكنه يبرع ويبدع في ان يكتب ققص تحوز على اعجاب وتقدير الكثيرين وأنا منهم ....... والمنبر يتكامل به وبكم
وبكل اعضائه ........
اختلفوا مع حمور اقصي درجات الاختلاف لكن في الاطار الذي لا يجرح مشاعره او مشاعر محبيه ، وحمور وأنتم أهلاً للاحترام المتبادل .....
قد يعجبكم كلامي وقد لا يعجبكم لكن فقط هى كلمات ابت الا ان تخرج من تقديري لكم ولحمور ودمتم ..........
|
|
|
|
|
|
|
|
Re: الاخوان ملاسي وعمر الفاروق رجاًء كفاية ........ (Re: omer osman)
|
يا زول اها كيف ليك كلامك عاااجبني وسااااري بالي .. وعشان ما تتاخد الأمور بي شخصنة فماف اي شي بيناتنا يا قريبك .. انا عند رأيي وحا اواصل فيهو .. بالنسبة لي ما رأه حمور من تجاوز للأدب فحقو علينا او علي انا ده تحديدا عشان ما أدخل نون النحل ساي.. بالمناسبة يا جنابو ياخ انت طلعت إشاعة كبيييرة ..
جيت دال للسيارات وسألت مكن ياخ ما عرفوك تصدق ؟:)الغريبة وناظم انا جاي استلم لي زول عربيتو على زيرو فقلت نظام أقشر ليك بيها وبي كلل عوارة شايل المفتاح والولح فيهو وقلت لي السيكورتي بالله وين مكتب جنابو عمر عثمان ؟ بالله طلعت زي رواية حمور انقر عرفك ؟؟ قال لي عمر عثمان ؟؟ جنابو ؟؟؟ ابدددددددددددددددددا ما عندنا زول بي الاسم ده .. غايتو الحمد لله طلع عندي صاحبي مريخابي زيك كده ومرضان اسمو غاندي فتوووشك حوولت السؤال وقلت ليهو طيب الباش مهندس غاندي
تخريمة : اسة في داعي أها خزلتك والبوست بي كده انتهى شوف ليك ضابط معاش ولا جندي مستجد اكتب عنو بعد ده
| |
|
|
|
|
|
|
Re: الاخوان ملاسي وعمر الفاروق رجاًء كفاية ........ (Re: عمر الفاروق)
|
Quote: عييبك الوحيد يا جنابو إنك ود ناس ..وود ناس شدييييد عشان كده الزول رد ليك .. والغريبة ما معجب بي ولاااا عايز تصاحبني بس ساااي لله في لله كده نصحتني ..
|
لا والله معجب بيك وكتبت ليك الكلام ده قبل كده في واحد من بوستاتك ومعجب كذلك باخونا حسين ملاسي وقدرته الفائقة على التعبير
بي كلمة واحدة زي عمود نص كلمة بتاع احمد بهجت في اخبار اليوم المصرية والا الاهرام مابتذكر ..........
واقسي حاجة تشوف ناس انت معجب بيهم (الفاروق وملاسي وحمور) مختلفين اختلاف دموي زي ده .... عشان كده نصحتك
| |
|
|
|
|
|
|
Re: الاخوان ملاسي وعمر الفاروق رجاًء كفاية ........ (Re: عمر الفاروق)
|
ياخي البوست والا انتهي ولا شيء وطالما انت مقر بعدم شخصنة الامور برضوا مكسب كبير لكن بيني وبينك
ياعمر هي ما اتشخصنت شوية كده
والله ياعمر تعجبني جداً كتاباتك الساخرة مع شوية اللسعة الفيها دي بس المرة دي زدت اللسعة مع حمور شوية ........
بعدين ياكيشة تسأل من بتاع أمن بي اسمو ما لازم يكون عندي اسم حركي يعني شغال بي اسم تاني ...... كدي جرب مرة
تاني قول ليهم مكتب (تامر حسني) وين ؟؟؟؟؟ شوف كم زول بجيبك لي
| |
|
|
|
|
|
|
Re: الاخوان ملاسي وعمر الفاروق رجاًء كفاية ........ (Re: عمر الفاروق)
|
Quote: يا البلولة ود عجب الدار؟ |
ذكرتني نكتة حصلت بالجد ونحن طلبة في كلية الشرطة في ايامنا الأولي يادوب الناس عاوزه تعرف بعض
اتنين من دفعتنا (منصور الحاج) و (كوكو طبيق) الاول سأل التاني عن اسمو ........
انت اسمك منو : كوكو طبيق محمد بردان.
كوكو لونه اصفر ..... منصور تخيل ان كوكو عاوز يلعب بيهو بي اسم كوكو وبردان عشان كده لمن كوكو سأله انت اسمك منو ؟
قال ليهو اسمي : جابر جبارة الله جبر الدار ...........
| |
|
|
|
|
|
|
Re: الاخوان ملاسي وعمر الفاروق رجاًء كفاية ........ (Re: omer osman)
|
اها البوست انحرف يا جنابو (يعني بوستك ده ممكن عاااادي يمشي يسجل في القرووب الفي الفيس بوك الفاتح ليهو حميدة بوست) اها بي مناسبة الأسماء دي صاحبنا قصاص زول لذيذ جداً عندو صاحبو إسمو ضياء الدين النور سراج الدين الضو .. قال ليهو انت مالك مولللع كده ؟
نرجع لي موضوعنا الأساسي يا قول عمي الراجل بتاع شمبات زراعة
| |
|
|
|
|
|
|
Re: الاخوان ملاسي وعمر الفاروق رجاًء كفاية ........ (Re: omer osman)
|
بعيدا عن موضوع حمور
أعضاء المنبر الأمنجية
• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين! • مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال. • لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ. • كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم. • بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ. • ما يقوم به هؤلاء لا يقل إجراماً وخطورة عما يقوم به النظام داخل البلاد. • هم العدو فاحذرهم.
| |
|
|
|
|
|
|
Re: الاخوان ملاسي وعمر الفاروق رجاًء كفاية ........ (Re: omer osman)
|
سلامـــــ يا صاحبي .. تعرف كللللللنا هنا متابعين (التراشق) الحاصل ده.. التراشق ده ممكن يكون رشاقة أو حاجة تانية .. لكن على العموم نتمنى من الأخوان هنا تسمع الكلام ده وتبطل حركات .. ـــــ يعني كان كاتب البوست ده زول غيرك كان قلت ليهو (نحن نروح الإسم)
واحد برلوم..
| |
|
|
|
|
|
|
Re: الاخوان ملاسي وعمر الفاروق رجاًء كفاية ........ (Re: محمد عمر جبريل)
|
Quote: بكري دا (او من يقوم مقامه )بقى فقرى امس نزلت بوست وقلت اقزقز بيه لحدي ما بكري يصح ويخش بالله نزلته كدا ومشيت اتاكد من الحضور انو بكري لسع مافي جيت لقيته ليك لفحه |
سلام يا مياده أنا ما عارف موضوع بوستك كان شنو ، لكن أنا بوستي كان إستنكار للكلام الحقير الكتبو عمر الفاروق لحمور ! بكري يخلي كلام عمر و يسحب البوست البيستنكر كلامو ، قصه عجيبه !
----- معليش يا سعادتك ما لقينا مكان نشتكي فيه من ظلم أب صلعه ده غير هنا !
| |
|
|
|
|
|
|
Re: الاخوان ملاسي وعمر الفاروق رجاًء كفاية ........ (Re: أمين محمد سليمان)
|
Quote: سلام يا مياده أنا ما عارف موضوع بوستك كان شنو ، لكن أنا بوستي كان إستنكار للكلام الحقير الكتبو عمر الفاروق لحمور ! بكري يخلي كلام عمر و يسحب البوست البيستنكر كلامو ، قصه عجيبه !
|
ما قلنا ليكم بكري بحب الاكشن يخلي بوستات الاساءة مدورة بالساعات ولمن الشكلة تدور وتسخن يجي يشيلها
وبكري بكون وصل لي قناعة انو الناس هايفة وزي ما كلنا بنعرف بوستات الاساءة والشكلات بتسجل اعلى قراءاة ومشاركاته في البورد بكري زي بستمتع بالحاجة دي ويعاين من بعيد لي بعيد ولمن المنبر يسخن شديييد يجي ناطي لينا ويشيل البوست زي الحداية (شكلي كدا حاترفد من البورد)
Quote: أنا ما عارف موضوع بوستك كان شنو |
في واحد اخ هنا منزل بوست بخصوص واحدة من بنات خوجلي ربنا يحفظهم بوست ما عنده موضوع وبيسيئ فيه ليها ..... البوست ليه كم يوم كان قبليه في اخ لا بيني ولا بينه ... ويشهد الله ما حصل انتبهت لاسمه في المنبر دا منزل بوست باسم بحب امنة مختار وبكره ميادة كمال بكري خلى البوست مدور كم ساعة جاء مسحة في الاخر
جاء بعد داك واحد بطالب بكري بسحب بوست الاخ الاساء لي الاخت خوجلي انا قمت نزلت بوست (حذف بوستات الاساءة ليس هو الحل) وكتبت كمية تحليلات كدا مسحه في اقل من عشر دقائق نزلت واحد تاني برضو مسحة لي مصلحة من يتم ذلك
معليش يا جنابو بوستيك دا كمان ممكن يمشي الخور امسحه لي في وشي عليك الله هههههههه
| |
|
|
|
|
|
|
Re: الاخوان ملاسي وعمر الفاروق رجاًء كفاية ........ (Re: omer osman)
|
يا عمر كلامك سمح ويعجب لكن تقول شنو؟ ملاسينا ده والله أعيى حتى الطبيب المداويا، ونحن ذاتنا خجلنا، صاحبكم، صاحبكم؛ أما ود الفاروق، أخير منو ملاسي، يحوم بيك - زي ماهو حاصل الآن- وما تعرف تمرق منو بي سمح ولا بطال، وفي النهايَّة ينزل ويقول ليك اديني الباقي، هسي أديهو الباقي..
____ ملس ود الفاروق، بي صراحة والله مسختوها، حمور لا يستحق هذا الكم من التهكم، أتمنى وأترجى منكما أن تتوقفا عن مطاردة حمور..
| |
|
|
|
|
|
|
Re: الاخوان ملاسي وعمر الفاروق رجاًء كفاية ........ (Re: Faisal Elrasheed)
|
يا جنابو عمر كيفك شوف الكوتين ديل الاول كاتبو المدعو عمر الفاروق والتاني كاتبو ملاسي
Quote: اوووووووووووو قال ليك حا نتوقع المرة دي رواية لابسة من غير هدوم .. حمور غررررررررزة ياااااااااااااا .. عممممممممممممممممممممممممك يااااااااا.. |
Quote: لو كتب حمور قصة مقززة أخرى نالت من الضجيج ما نالته قصته المقززة الأولى؛ ما حيكون فاضل ليهو – حينها – إلا تضامن ساركوزي لتتساوى شهرته مع الشهرة التي نالتها لبني |
بالله ديل بني آدمين تفتح ليهم بوست بأسمهم انت ذاتك ما عندك شغلة وزمنك دا كان اولى بيهو عيالك
____ غايتو موقف جوز البنقز ديل خلى مخ الزول يودي ويجيب كدي يا حمور تعال ورينا حـامد دا كان ساكن وين ؟
| |
|
|
|
|
|
|
|