|
|
 عشان سمعة السودان وكــــده ..........
|
رمية :
واحد صاحبنا مشي بره السودان هو ومعاهو شلة من السودانيين مشوا ليهم حفلة ، وهم طالعين من الحفلة صاحبنا شاف ليهو
بنات سودانيات (حسب الفي رأسو) ماشات مع اجانب قام قال للجماعة كيف نخلي السودانيات ديل يمشوا مع الاجانب نحن لازم نمشي
نكسر الجماعة الاجانب ديل ! الجماعة بحاولوا يقنعوا فيهو يا اخي انت مالك ؟ انت دخلك شنو ؟؟ قال ليهم كيف دخلي شنو ؟ عشان
سمعة السودان وكده !
لمن قربوا من البنات الجماعة قالوا ليهو يا اخي ديل ما سودانيات ديل صوماليات ! يلا نمشي ... صاحبنا اخد ليهو صنة وقال ليهم
طيب عشان سمعة أفريقيا 
|
|
 
|
|
|
|
|
|
|
 Re: عشان سمعة السودان وكــــده .......... (Re: omer osman)
|
اها ياجماعة مناسبة الرمية دي زي مابقول دكتور البوني ، هلال السودان لاعب يوم 4 اكتوبر ضد مازيميبي الكنغولي ونحن كمريخاب
بنقول عشان سمعة السودان وكده .... مفروض كلنا نشجع الهلال ونقول أزرق هدر ... تاريخ ندر ... اسمو الهلال
| |
|
|
|
|
|
|
|
|
|
Re: عشان سمعة السودان وكــــده .......... (Re: وليد عبد اللطيف)
|
يا سياتك
ياربي المريخاب بقتنعوا
بهذا الكلام الجميل ياجميل
وامكن يقولوا الهلال ما وقف معانا في دورة سيكافا بالخرطوم
ياوليد ..وجنابو عمر
والله يا وليد لو لعبتو مع إسرائيل ما بشجعكم وإنتا عارف كويس
يعنى عايز تقول عباس اللبى يوم حيشجع المريخ ..سابع المستحيلات
هههههههههههها
| |
|
|
|
|
|
|
|
|
|
Re: عشان سمعة السودان وكــــده .......... (Re: شمس الدين ساتى)
|
| Quote: مفروض كلنا نشجع الهلال ونقول أزرق هدر |
انت بي صحك يا جنابو؟؟
اخر الزمن دايرنا نمشي نشجع الرشاشات ديل؟
عارفك قاصد العكس لانه ده اثم لا يضاهيه الا الارتداد
قال ازرق هدر قال .... والله كان هدر ما بعرفو
يهدر وين ديل انشاء الله الدقيقه 15 ماخدنها تلاته والمعز راقد يتدردق وهيثم مصطفي يتدردق وصلاح ادريس زااااتو يتدردق
كدي النمش ونجيك نلقاك قلته النجيضه
بعدين بيوت الشعر الفوق ديل ادني احساس انه عندك ميول تحوليه ... الله ينعل الشيطان ويكضب الشينه :)
| |
|
|
|
|
|
|
|
|
|
Re: عشان سمعة السودان وكــــده .......... (Re: وليد عبد اللطيف)
|
إنتا عرفناك حتى لاعب حريف وفنان
لكن أخوك عز الدين الكان حامينا القعاد فى الشعبية
هو وعباس وود الياس وتورو ..ياخى ديل كرهونا الشعبية
وحاجة إسمها هلال ..حتى لما نشوفو فى السما ما بنعاين ليهو
تقول لى نشجعو .. بعدكم.
ويا عمر عثمان أنسى الموضوع وإن شاء الله ياخدو خمسة
| |
|
|
|
|
|
|
|
|
|
Re: عشان سمعة السودان وكــــده .......... (Re: شمس الدين ساتى)
|
| Quote: بنقول عشان سمعة السودان وكده |
أها باقيلك ناس يااااااااااااااي .. واااااااااااااااي
ديل عندهم شغلة بي سمعة السودان يا عمر ..
ياخ ديل غلبو المريخ بس جابو ليهم حاجات كدة ما ظريفة
طيب لو غلبو مازيمبي ها يقولو شنو ؟؟
وللا عليك الله تعال شوف ناس تنتنو يالله .. ديل براهم كمان
تن تن ..!!
هسي في زمتك ديل ناس شغالين بي سمعة السودان دي الشغلة ..
_________
حاشية : أعمل ليك بوست جيب فيهو الكلام القالو الصفراب ديل لمن جاد عليهم
الكريم وغلبونا .. بعد داك لو إنت زاتك إقتنعت بي تشجيعهم .. أنا زاااااااتي بشجع معاك
| |
|
|
|
|
|
|
|
|
|
Re: عشان سمعة السودان وكــــده .......... (Re: محمد عمر جبريل)
|
Quote: أها باقيلك ناس يااااااااااااااي .. واااااااااااااااي
ديل عندهم شغلة بي سمعة السودان يا عمر ..
ياخ ديل غلبو المريخ بس جابو ليهم حاجات كدة ما ظريفة
طيب لو غلبو مازيمبي ها يقولو شنو ؟؟
وللا عليك الله تعال شوف ناس تنتنو يالله .. ديل براهم كمان
تن تن ..!!
هسي في زمتك ديل ناس شغالين بي سمعة السودان دي الشغلة ..
|
يامحمد عمر ...... نحن فوق عزنا ونحن الساس ونحن الرأس ونحن الصفوة والقدوة وعينه مليانة بي الكأسات خليهم يفرحوا مرة
| |
|
|
|
|
|
|
|
|
|
Re: عشان سمعة السودان وكــــده .......... (Re: omer osman)
|
| Quote: ما خفي يحرك نوازع الوطنية |
كلام القصير ما بتسمع
انا لي اسبوع بقول ليك في شنو؟
انت ما عارف الجماعة ديل زي المصريين ما بخجلو وما عندهم امان
| Quote: في الشايفو ده كلامك ماشي يبقي هو الصاح وكل زول ياكل نارو |
وده الكلام النحن دايرين نسمعو كل شات معلقه من كراعه
ولا يقيفو معانا ولا نقيف معاهم ولا وطنيه ولا يحزنون
ويا موبوتو ما تسرع ....عشان كل قرد يطلع شجرته
| |
|
|
|
|
|
|
| |
omer osman
وليد عبد اللطيف
شمس الدين ساتى
Faisal Elrasheed
محمد عمر جبريل
أمين محمد سليمان
فيس بوك
تويتر
انستقرام
يوتيوب
بنتيريست