|
|
|
 Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: esam gabralla)
|
Quote: تانى جاى تنفي و تتنافي؟
يعنى القصة الا تقرض ليها كم نفر كده و احسن يكون فيها زى ياسر او باقان حتى تستحق؟
و مع انك رجل شرطه سابق و يفترض تكون عارف انو كون والخسائر حتى الان عدد واحد زير لا تقلل او تهون من خطورة ما حدث
الظاهر غيرتك على المؤتمر الوطنى و نقاطتو بقت اكبر من غيرتك على الشرطه
شرطتو عين الشرطه |
ياعصام بالله عليك الله ماتنشبك فينا ساكت انا عملت ملخص من سطرين لما ذكر في بوستات مختلفة وقلت نحن مانتسرع في توزيع الاتهامات
وننتظر الجهات الرسمية نسمع منها القصة كاملة.
تخريمة :
المؤتمر الوطني ونقاطتو ........ دي من وحي الزير والا شنو ؟؟؟؟؟؟؟؟
| |
 
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: omer osman)
|
Quote: بيان
1. في تمام الـ10:30ـــاعة صباح اليوم تقدم المدعو أحمد قرنق أهو ببلاغ لقسم شرطة الخرطوم شرق مفيداً بأن شخصين مجهولين قاما بوضع جسم غريب خارج مبني الحركة الشعبية " قطاع الشمال " الواقع بمدينة أركويت مربع 68 وقد انفجر هذا الجسم حوالي الــ4:30ـاعة.
2. أنتقل لمكان الحادث مدير شرطة ولاية الخرطوم ومدير دائرة الجنايات بالولاية كما إنتقلت الي موقع الحدث فرقة مسرح الحادث وشعبة المتفجرات والحرائق ووحدة الكلاب الشرطية بادارة الادلة الجنائية واتخذت كافة الاجراءات الفنية وتم اتخاذ إجراءات تحت المادة (44) من قانون الاجراءات الجنائية للاستثاق من الوقائع .
3. أفاد المبلغ أنه لم يبلغ الشرطة ساعة وقوع الحادث بل ابلغ فني المتفجرات بالقوات المشتركة بسوبا ولم يبلغ الشرطة الا بعد توجيهات من السيد ياسر عرمان ,
4. اكد مدير دائرة الجنايات بولاية الخرطوم بأن هذا المبني لم تكن مخصصة له قوة للحراسة .
فريق /
د. محمد عبد المجيد الطيب
الناطق الرسمي لقوات الشرطة
|
نقلا عن بوست للاخ عمر صديق
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: عبد المنعم سليمان)
|
جنابو عمر
تلقاك يا خطيييير بتحب حنان بلو بلو لما تغني جنابو وحياني بكابو
انت يا عمر كدي خلينا من الوفاحة ونتكلم بصراحة الكاب عندو مفاسات
ولو عندو مقاسك كم يا خطير ؟
ولو ما عندو كنت بتشل طاقية دي وتلخبتها في طاقية دا ولا ما كنتتتتت يا خطير
___
خلي الكودات ال بتجيبها اكتشفنا حسك البوليسي في قصة نادية صابون (ست الشاي) رحمها الله
حسك حسك مشى قدامك
__
بصراحة با جنابو وبدون وقاحة انا ظريف ول لا
اعنرف فالاعتراف سيد الادلة ( حلوووووووووووووووه)
ياااخ انا الظريف وبشجع نادي الظباط ذااااتو
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: عبد المنعم سليمان)
|
| Quote: لسه ما قبضتو ؟؟؟؟؟؟؟؟ |
جنابو عموووري يا خطير
كل ما اتذكر انت من سكان نمرة (2) بتذكر قصة سيدنا عمر (من اراد ان تثكله امه فاليلحقني وراء ذلك الوادي ) او كما قال
هسسسع لو داير تقبض زول ساكن كرور تعمل شنو ؟
ما تقول لي بعمل ساتر ؟ الساتر الله يا عموري مرة واحد ضابط اول دفعة زي حلاتك كدا عمل ساتر الله ما سترو
الله يسترنا واياكم ..
انت اور نيك تمانيه دا شنو يا جنابو لانه ظاهر عليك في النظر ي ختتتتتر وختتتتر باللبن كمان
ياطع نافوخو ها الضابط شو مهضوم بلبك بجنن بياخد العقل
حصل شي الانتر (بول) وداك مهمة لي لبنان
تعرف لو جيت لي هونيك عندنا بالضيعة شو كتير ابضايات لو ابضت واحد راح نكرمك كرم يهبل
مهضوم حبيبي فتك بعافية سعيدة ليلتك
___
اعترف فالاعتراف سيد الادلة
انا ظريف ول لا ؟
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: عبد المنعم سليمان)
|
جنابو عمر
انت لسع مُصر في مسالة نتيجة التفجير ؟
ول التفجير في حد ذاااتو ؟
عارفك يا خطير كنت مسئول المباحث في سوق الباميه
لكن تعرف انتو مركزين على الباميه ساي ناس الملوخيه هم الغشاشيين
تصدق بضيفوا للملوخية ارانب
ارنب ملوخية ولا قنطار حظ .. يدخلك الكلية ( زي ما قال المثل)
__
عمر لو انت اول الدفعة يكون طيش الدفعة هو ال قبض كارلوس
انت يا عموررري لو كارلوس دا خذنوه ناس الهلال كمدرب اجنبي موش كان احسن من تسليموا
الله يسلمك ..
انا عارف انه حسك البوليسي قال ليك كدا بس انت كنت عبد المامور لامن نزلت المعاش وفجاءة بقيت عبد المامور تاني
بانضمامك للمؤتمر الوطني ..
وطني ولا ملي بطني يا اب كرش انت
___
علموكم ال xp زمن الحضري ول زمن الريفي يا عموووري
بحبك للات والعزه كدا تصدق
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: عبد المنعم سليمان)
|
عموووري
اكثر ما اضحكني هو لقاء اجرته صحيفة (الرأي العام)14 مايو مع كمال عبداللطيف ليس بصفته (التانيه) مدير الامن الشعبي (كما تعرف)!!
وانما بصفتهوزيرا للدولة بمجلس الوزراء ..
تعرف قال شنو ؟
اول وظيفة التحقت بيها هي وظيفة رائد بالامن عام 89م
ممكن اسالك انت اتخرجت بياتو رتبة ؟
كان ما فيها احراج..
اصلي ما بحب الاحراج ..
لو قلت لي رائد ..
تكون الرائد الذي لا يكذب اهله ...
امووت ليك بدون وقاحة وبصراحة انا ظريف ول لا ؟؟!!
___
حصلت اشتغلت في راس الشيطان يا عمووووري ؟
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: أحمد الشايقي)
|
نقلاً عن الرأي العام 26/5/2009م
اكد الفريق شرطة د. محمد عبد المجيد الطيب الناطق الرسمي لقوات الشرطة أن قسم شرطة الخرطوم شرق تلقى بلاغاً امس تقدم به المدعو احمد قرنق، أفاد فيه بأنّ شخصين مجهولين قاما بوضع جسم غريب خارج مبنى الحركة الشعبية بضاحية اركويت في الخرطوم.
وأصدرت شرطة ولاية الخرطوم بياناً مساء أمس أكدت فيه عدم وجود أي مؤشرات لانفجار ، إذ لم يتضح وجود لمركز انفجار بالموقع ولا توجد أي شظايا لقنبلة أو ترسبات كربونية أو آثار للضغط الذى عادةً ما تسببه مواجهات الانفجار.
وهرع لمكان الحادث مدير شرطة ولاية الخرطوم ومدير دائرة الجنايات بالولاية، وفرقة مسرح الحادث وشُعبة المتفجرات والحرائق ووحدة الكلاب الشرطية بإدارة الأدلة الجنائية واتخذت الاجراءات الفنية كافة. وأشار البيان الى أن المبلغ أفاد انه لم يخطر الشرطة ساعة اكتشاف الجسم الغريب، وأبلغ فني المتفجرات بالقوات المشتركة بسوبا ولم يخطر الشرطة إلاّ بعد توجيهات من ياسر عرمان رئيس قطاع الشمال بالحركة الشعبية بحسب البيان. واضاف البيان ان هذا المبنى لم تكن مخصصة له قوة للحراسة. وفي السياق ذاته عقد ين ماثيو المتحدث باسم الحركة الشعبية مؤتمراً صحفياً روى فيه تفاصيل الحادث، واتهم شخصين مجهولين حضرا الى المبنى عند الساعة الثالثة صباح امس بوضع ما اسماها متفجرات.
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: omer osman)
|
كنت قايل مشكلتك حس بوليسي بس
لكن يا خسااااره طلع معاها تزوير وكذب كمان ..
منو القل ليك القنبلة اتفجرت ؟
قالو ليك الصاقع اتفك بس ..
انت اصلا في خدمتك الطويلة الممتازة ( ممتازة للحرامية) طبعا لانه في زمنك بكون الحرامية ما بسرقوا الا يوم انت نبطشي
نبطشي بكتبوها كدا ولا انا غلطان ؟
اصلك في خدمتك الممتازة ما اشتغلت في التفجيرات ؟
دي ذكرتني قصة يا ابو عميييير خليني احكيها ليك مش برضو نحن اصحاب .. بتعرف تلعب ويست ؟
المهم النكتة يا عموووري :
قالوا عسكري حنكوش ادوه مسدس وامر قبض قالوا ليه امشي جيب المتهم
مشى لقا المتهم ازرق طويل الباع مفتل جاء راجع ادى التحية للضابط
وطلع المسدس وامر القبض ناولهم ليهو وقال ليه : يا جنابو المتهم قال لا جاي لا جاي
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: omer osman)
|
الاخ عمر
السلام وعليكم
نفق التفجيرات والاغتيالات نفق مظلم لا كاسب فيه ولا نهايه له ان بدا في الانطلاق
نامل ان ندين جميعنا هذه اللغه ونمنع تمددها وسريانها ولو بالكلمه
Quote: بيان
1. في تمام الـ10:30ـــاعة صباح اليوم تقدم المدعو أحمد قرنق أهو ببلاغ لقسم شرطة الخرطوم شرق مفيداً بأن شخصين
Quote: Quote: بيان
1. في تمام الـ10:30ـــاعة صباح اليوم تقدم المدعو أحمد قرنق أهو ببلاغ لقسم شرطة الخرطوم شرق مفيداً بأن شخصين
|
الاخ عمر
استوقفتني كثيرا في هذا البيان عباره (المدعو) التي تسبق اسم الشاكي
اهل الشرطه والقانونيين عاده لايطلقون كلمه المدعو علي الشاكي
فقد جري التعارف علي ان الكلمه( عدائيه) بعض الشئ كمثل ان تقول( مايسمي ب كذا)
في بيانات الشرطه عاده يقال تقدم السيد فلان او الشاكي او المواطن
كلمه المدعو هنا اراها غير مناسبه واستنكاريه والله اعلم
الا توافقني ان من يصيغون بيانات الشرطه ينبغي ان يكونو اكثر حساسيه تجاه اللغه
كشرطي سابق يعني
ولي امكن الزول الماسك كتابه البيانات دا جديد مع الاداره الجديده للشرطه
اتمني ان تتحسب الشرطه من الدلالات السالبه في اللغه
تحياتي
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: طارق الأمين)
|
هييييييييع ابو عمار النفياني الاعتذاراتي
يا بيجو ياخي جنابو ده عصرت عليهو شديد...
حسع يوم يومين تقعدوا تزنقو فيهو كده حيشرد من الخدمة الاسفيرية..
وتاني بكلب بوليسي اسفيري مانلم فيهو...
...
عمر ده بذكرك نكتة
الاثنين الاتغالطو في ارنب وصقر..
وفي النهاية القصة طلعت صقر وطار..
فقام التاني قال للاول
يازول حتي لو طار فهو ارنب....
فالتفجيرات دي يا بيجو ارنب ساكت
ولو مغالط اسال جنابو عمر القدامك ده
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: عبدالكريم الامين احمد)
|
Quote: عمر ده بذكرك نكتة
الاثنين الاتغالطو في ارنب وصقر..
وفي النهاية القصة طلعت صقر وطار..
فقام التاني قال للاول
يازول حتي لو طار فهو ارنب....
|
الاخ عبدالكريم
تحياتي
في اتنين اتغالطو في واحد هل هو مشلخ والا لا.
الغالط فيهم لمن اتزنق وحجته ضعفت قال للتاني :
شوف الزول ده الا يكون شلخوه بعد الثانوي العالي .........
اها باقي ليك نحن كان ماسمعنا صوت (دوووول) بي اضناينا دي بنقتع انو دي قنبلة
اما عن صاحبك (بيجو) ده حقو تغيرو اسمو تسموه (ركشة) لانو زول مزعج خلاص وفي اى ملف تلاقيهو
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: طارق الأمين)
|
Quote: نامل ان ندين جميعنا هذه اللغه ونمنع تمددها وسريانها ولو بالكلمه
|
كلامك صاح ياطارق 100%
| Quote: كلمه المدعو هنا اراها غير مناسبه واستنكاريه والله اعلم |
برضو صاح 100%
طارق في بوست اخر ذكرت بان لدي راي ايجابي جدا اتجاه الاخ ياسر عرمان واعتقد انه شخص لديه رؤية وارادة
لكن ذلك لايمنعني من النظر الى الواقعة بما توفر لي من خبرات شرطية على قلتها (حسب كلام اخونا عبدالمنعم)
والمعقول معقول الواقعة اخي طارق وانت رجل قانون تطرح الكثير من علامات الاستفهام واصدقك القول بيان الشرطة
على ملاحظات على الصياغة لم يقدم معلومات واضحة تقطع الشك باليقين.
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: omer osman)
|
رأي كما هو وارد في بوست اخر :
Quote: انا شخصيا عندي رأي ايجابي جداً في الاخ ياسر عرمان لسبب اساسي انو الزول ده اختار في حياتو خيار غريب وعجيب
بمعايير الزمان والمكان عندما اختار الانضمام للحركة الشعبية في وقت لم يكون مثل هذا الاختيار مقبولاً او طبيعياً
وصمد على اختياره حتى تحقق السلام يعني باختصار ده بكشف عن انو الزول ده عندو رؤية وارادة تستحق الاحترام.
لكن بصراحة ومن خلال كثير من المعطيات واقعة القنبلة تطرح الكثير من علامات الاستفهام خصوصا عندما يسارع بعض
الاخوة لالصاق التهمة بالمؤتمر الوطني قبل ان تصل الشرطة الى مكان الحادث ، بالتالي رأي الايجابي في الاخ ياسر
عرمان ورفضي لاستخدام العنف في تصفية الخلافات السياسية لايمنعاني من إبداء رأي في قصة القنبلة دون تجريح
او تقليل من قدر احد او جهة. |
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: omer osman)
|
| Quote: اها باقي ليك نحن كان ماسمعنا صوت (دوووول) بي اضناينا دي بنقتع انو دي قنبلة |
عمر عثمان سلامات ..
انت بتنفي في حاجة هي اساسا منفية وبرضو مصر انك تنفيها ولا تذكر حقيقة الموجود ..
البيان والخبر يقول الانفجر صاقع القنبلة .. الاخ عبد المنعم بيجو يشيل ويكتب ليك انه دي الفتيلة الانفجرت ما القنبلة .. الدنيا كلها تؤكد علي المعلومة دي ..
وانت تجيب صورة موبايل منفجر وتقارنها بصورة الفتيلة وتقول هسع دي انفجار قنبلة ؟؟؟
رغم انه بالخبر الاورده منعم خبراء المتفجرات ذكروا انه في حالة انفجارها كانت حا تدمر المنبي ومباني مجاورة حتي ولو كانت بالبوابة الامامية وتعمل حفرة قطرها وعمقها خمسين متر .. وبرضو انت جايب صورة مخدة محروقة ..
يا عمر عثمان كلامك دا كله واحترامك لعرمان وادانتك للعنف كوسيلة جميل لكن هل كانت في قنبلة والا مافي ؟؟
هل في استهداف لعرمان الانت بتحرتمه دا والا مافي ؟؟
هل تم قبل كدة تجريمه بواسطة هيئة علماء السودان بفتوي لموضع تغيير القوانين الجنائية والا لا ؟؟
هل كفره اسحق فضل الله ودعا لتصفيته والا ما عمل ؟؟
ممكن نقول انه دسّ القنبلة دي ( لو اقتنعت انت انها كانت موجودة ) هو رد فعل مباشر للدعوات دي ؟
طيب مين البيستجيب لكلام هيئة العلماء ودعاوي التكفير وهدر الدم اليس مهاوييس الجماعات الاسلامية ؟؟
هل حزب المؤتمر الوطني بعيد عن هؤلاء المهاوويس ونظيف منهم ؟؟
بعد دا كله يا عمر عثمان لو وجدنا عندك اجابة مباشرة للاسئلة الفوق دي بنجيك راجعين وبنكون قربنا وجهات النظر ..
المهم اهم اجابة انه هل كانت في قنبلة ام لا .. وضعها منو مافينا زول بيقدر يحدد جهة بالاسم حالياً لكن ماهي الاسباب مفروض تورينا .. ومن خلق الاسباب برضو ساهلة ..
تحياتي
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: HAIDER ALZAIN)
|
ياسلام ياحيدر لمن تروق وتتكلم بهدوء (البركة في غداء الطيب عثمان يوسف)
Quote: لكن هل كانت في قنبلة والا مافي ؟؟
|
والله ياحيدر ما عارف وبيان الشرطة نفسه ما قدم مايفيد قد يكون كان في قنبلة واخدوها ناس المتفجرات بتاعين الحركة الشعبية.
| Quote: هل في استهداف لعرمان الانت بتحرتمه دا والا مافي ؟؟ |
في.
Quote: هل تم قبل كدة تجريمه بواسطة هيئة علماء السودان بفتوي لموضع تغيير القوانين الجنائية والا لا ؟؟
هل كفره اسحق فضل الله ودعا لتصفيته والا ما عمل ؟؟
|
صاح الى حد ما.
| Quote: ممكن نقول انه دسّ القنبلة دي ( لو اقتنعت انت انها كانت موجودة ) هو رد فعل مباشر للدعوات دي ؟ |
المناخ السياسي المتوتر يمكن ان يقدم مثل هذه الافرازات.
Quote: طيب مين البيستجيب لكلام هيئة العلماء ودعاوي التكفير وهدر الدم اليس مهاوييس الجماعات الاسلامية ؟؟
|
او شخص او جهة ارادت استغلال هذا الظرف الذي يتيح لها ان تضرب وتلصق التهمة بمن ذكرت.
Quote: هل حزب المؤتمر الوطني بعيد عن هؤلاء المهاوويس ونظيف منهم ؟؟
لايخلو حزب سياسي من الصقور والمتشددين لكن لماذا يفكر المؤتمر الوطني في التخلص من ياسر عرمان واشاعة جو من الفوضي
والاغتيالات السياسية وهو اى المؤتمر الوطني لاتنقصه مشاكل جديدة ولا اتهامات جديدة كما لاتنسي اخي حيدر ان للكومريد ياسر
عرمان اعداء حتى داخل الحركة الشعبية. |
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: طارق الأمين)
|
| Quote: صورة لانفجار جهاز موبايل (لاحظ الاثار الناتجة عن الانفجار) |
| Quote: عدم وجود أي مؤشرات لانفجار ، إذ لم يتضح وجود لمركز انفجار بالموقع ولا توجد أي شظايا لقنبلة أو ترسبات كربونية أو آثار للضغط الذى عادةً ما تسببه مواجهات الانفجار. |
الأخ عمـر ,
لك السـلام
1 / أين مركز انفجار هـذا الجهاز ( الموبايل )
2 / أين شــظايا الانفجار أو شظايا الموبايل ( مع ملاحظة أن الجهاز نفســه قاعد بصمة خشــمو ,
ركز في الصورة )
3 / ما هي آثار الضغط ( مهما كانت ضعيفة ) الذي عادة ما تســببه مواجهات الانفجار
( هل هي مواجهات أم موجات ام كلمة اخرى؟ )
4 /
.....
يا عمــر ما تقول انه انفجار موبايل ما هـو الأ احتراق حدث نتيجـة الحرارة الناتجة من
شـحن بطارية الجهاز الموضوع على مادة قابل للإشـتعال , لذلك يحذر الخبراء من وضــع
جهاز الموبايل على المخدة أو المرتبة عند الشــحن ,
كما أن الصورة الثانية لا أعتقد انها صورة لانفجار ,
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: عبد المنعم سليمان)
|
| Quote: الله يخلي ليهو حسو وما تشيلوا حسو |
سلام يا عبد المنعم .. لي هسع ما شلنا حسو لا سألناهو لكن صاحبي عمر عثمان دا براهو بيشيل حس نفسه..
ما ممكن زول يكون ( نفاي وغالاط ) كدة ..
طيب ما يرجع لبيان الشرطة الاورده او دقة سلف يمرقها في اركويت ويجي راجع ..
ويجي يقول ليك المنبر اتجاه او اتنين .. ؟
والله يا عمر المنبر اتجاهين وشارع خدمة وكل خط فيهو ستة مسارات لكن انت البتجي قاطع الشارع غلط ..وقدر ما نجر ليك نور عالي ولا هاميك سايق في سواقتك ..
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: HAIDER ALZAIN)
|
الاخوان عبدالمنعم وحيدر
والله ياجماعة انا معاوز اغالط ساكت زول الزول بتاع الارنب ولا زي الزول بتاع الشلوخ وحكاية (دوووول) دي قلتها على سبيل
المبالغة لكن انتو ما معاي انو في حته غامضة في الموضوع ده وهي اهم حتة (وينه القنبلة) اذا افترضنا صحة حكاية الصاقع
الانفجر (ودي حقيقة معلومة فنية حقو نسمع فيها من زول متخصص يمكن ناس الجيش افيد في الموضوع ده)
1- طيب وين باقي القنبلة ؟
2- ومش مفروض تكون معروضات في القضية ؟ وتحفظ بالطريقة الملائمة او تفجر بواسطة السلطات المختصة
ويشهد ذلك قاضي ووكيل النيابة.
3- لماذا التأخير في ابلاغ الشرطة ؟؟؟؟؟؟؟؟؟؟
4- منو الشاف الشخصين الذين قاما بوضع القنبلة ؟
5- ليه ماقبض عليهم ؟
6- اين كان حرس المكتب ؟
7- حسب ما علمت ان المكتب قريب من احد مباني الامم المتحدة المحروسة حراسة جيدة !!
8- اين وضعت القنبلة تحديدا خارج المبني ؟ ام في الممر كما يقول الاخ عبدالمنعم ؟؟
9- ماهي الاثار التى وجدتها فرق الادلة الجنائية في مكان الحادث ؟؟؟
والله ياجماعة لو نظرتو للوقائع دي بعين المنطق والعقل حتلقوا ثغرات كثيرة في هذه الرواية.
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: عبد المنعم سليمان)
|
Quote: 1- طيب وين باقي القنبلة ؟
2- ومش مفروض تكون معروضات في القضية ؟ وتحفظ بالطريقة الملائمة او تفجر بواسطة السلطات المختصة
ويشهد ذلك قاضي ووكيل النيابة.
3- لماذا التأخير في ابلاغ الشرطة ؟؟؟؟؟؟؟؟؟؟
4- منو الشاف الشخصين الذين قاما بوضع القنبلة ؟
5- ليه ماقبض عليهم ؟
6- اين كان حرس المكتب ؟
7- حسب ما علمت ان المكتب قريب من احد مباني الامم المتحدة المحروسة حراسة جيدة !!
8- اين وضعت القنبلة تحديدا خارج المبني ؟ ام في الممر كما يقول الاخ عبدالمنعم ؟؟
9- ماهي الاثار التى وجدتها فرق الادلة الجنائية في مكان الحادث ؟؟؟
|
عمر ياخوي إنت قولته لا نفي لا إثبات
اسع البتقول فيهو ده شنو
ركز يا زول
| |
|
|
|
|
|
|
|
|
|
Re: محاولة تفجير ؟ تفجيرات ؟ انفجارات ؟ والا القصة زير (ده لا نفي لا اثبات) (Re: عبد المنعم سليمان)
|
| Quote: 9- ماهي الاثار التى وجدتها فرق الادلة الجنائية في مكان الحادث ؟؟؟ |
الاثار ( الزير ) يا عمر عثمان .. :):)
طبعا الناس هربوا وحسب الرواية كانوا ببوكس مظلل ..
يا عمر عثمان وقت نتكلم عن جماعات الهوس الديني بنربطها طوالي مع نظام الانقاذ لانه هو الوفر ليهم الرعاية والحماية واظنك تذكر تماماً فترة التسعينات عند دخول جماعات القاعدة والتكفير والهجرة للسودان تحت نظر الجبهة الاسلامية وما خلّف ذلك من احداث في مسجد انصار السنة وبمدني وغيره ..
قبل حادثة مقتل الدبلوماسي الامريكي عشية راس السنة قبل الماضية ايضاً سارع الكثيرين لنفي القصة وربطها بالجماعات الاسلامية وولو كان لك حساب هنا حينها لكنت اول من فتح بوست نفي ..
ماذا خلصت القضية عليه في الاخر ( جماعة مهووسة ) ..
المؤتمر الوطني اذا كان يتعامل بجدية كنا على الاقل سمعنا بردة فعل رسمية منه تجاه فتوى هيئة علماء السلطان بنفس الحس الامني الذي تعامل به صلاح قوش تجاه اسحق فضل الله .. وبالتاكيد قوش ليس حريص على ياسر عرمان بقدر حرصه على تلافي يوم ثلاثاء اسود اخر والوصول الي الانتخابات دون فوضي قد يدفع اليها مهووس اخر وكانت الحكومة والجهات الرسمية تعاملت مع ائمة المساجد ومع المدعو الطيب مصطفي بنفس هذا النفس لكن ابداً .. ودي نتيجة مباشرة ..
ثم ليس بالضرورة ان يكون الامر خرج بقرار حزبي او اجتماع قيادة يكفي ان يكون برنامج الحزب وافكاره قائم على الشمولية والاقصائية ويمارس القتل على نطاق واسع في جبهات اخري ليغري كوادر عالية به لإغراء بعض السذج المهاوويس سواء بالمال او بالجنة العريضة وتوفير قنبلة تساوي خمسة وعشرين مليون ..
ثم انت تقول جهات اجنبية .. !!
ماهي مصالحها هل تدفع الجهات الاجنبية وتضغط على الحركة الشعبية والمؤتمر الوطني لتوقيع اتفاقية السلام ثم تسعي لافشالها ؟ دي يا عمر عقلية تآمرية دائما ما يحاول المؤتمرجية تمريرها ولا اظن بينجحوا فيها لانه في الاخر بيتعروا وينكشف المستور زي قصة محاولة اغتيال حسني مبارك ..
حراسة الامم المتحدة ليست مسؤولة عن مكتب ياسر عرمان في وقت الحكومة نفسها رافضة توفير الحماية لمكاتب الاحزاب ولا يمكن بحال من الاحوال ان تقول لي حراسة ( قريبة ) لماذا لم تمسكهم وانت رجل الشرطة وتعرف ان بعض المؤسسات والبنوك تنسرق حتي بوجود الحراسة بداخلها .. دا منطق ممكن اقبله من شخص اخر ولكن ليس من ضابط شرطة ..!!
| |
|
|
|
|
|
|
| |
omer osman
على تاج الدين على
حيدر حسن ميرغني
الطيب عثمان يوسف
ود محجوب
عمر صديق
Hadeer Alzain
عبد المنعم سليمان
Marouf Sanad
أسامة عبد الجليل
أحمد الشايقي
عبدالكريم الامين احمد
osman righeem
HAIDER ALZAIN
أحمد أمين
Nader Abu Kadouk
نصر الدين عثمان
فيس بوك
تويتر
انستقرام
يوتيوب
بنتيريست