|
|
 انتشار شرطي كثيف بالخرطوم
|
تشهد ولاية الخرطوم اليوم انتشاراً شرطياً مكثفاً بجميع المحليات تدشيناً لمشروع نفرة مكافحة الجريمة. وقال اللواء شرطة/ عطا
عبدالحميدالجاك - مدير دائرة الجنايات بشرطة ولاية الخرطوم ان الحملة ستنطلق بالمحليات كافة لضبط ورصد معتادي الاجرام وضرب
أوكار الجريمة.
صحيفة الرأي العام - 16/6/2009م
|
|
 
|
|
|
|
|
|
|
 Re: انتشار شرطي كثيف بالخرطوم (Re: omer osman)
|
| Quote: انتشار شرطي كثيف بالخرطوم |
دي جاكات ساي يا أخونا ما تغرك
ولا بتوقف حرامي ولا بتفرمل جريمه
وفوق لي دا خلي يكون القانون رادع ويُنفذ على الكبير والصغير !
ضياع هيبة القانون أولى عتبات الإنفلات الأمني الرهيب الذي تشهده البلاد
ويتأثر به العباد أجمعين !
فقدان الخبرات الشرطيه من الشرطه أفقدها ونحن الكثير !
كفاك مافي داعي
أها الحصل شنو في موضوع السطو المسلح بتاع الطيب داك ؟ (أسره تستنجد في المزاد)
الهجوم على طرمبات العرقي بعـد المغرب وقبل العشاء دا برضـو جاكات ساي
ما بتجيب فايده لأنو العرقي بيتهرب من دوائر الشرطة ويتمو الباغـه مويه ! وما بيتهرب بس !!!
دا كلام ما بينفعنا بي شيء يا مان وقلنا الكتير الكتير وغير الوهـم ما بنحصـد حاجه ونشـوف !!
الأمن دا عاوز جهاز شرطه ما فيهو ثغره !!! ما فيهو واسطه ! ما فيهو عصبة عشوائية تحمل
أمن المواطن في كفه ومصالحها الشـخـصـية في كفه تانية !!
فأكتبنا مع الشاهـدين ...
هشام
| |
|
|
|
|
|
|
|
|
|
Re: انتشار شرطي كثيف بالخرطوم (Re: مزمل خيرى)
|
كان الله في عون المواطن
مزيد من الضغوط والمضايقات في أي حملة بوليس
قليل من النفع والجدوى
شكرا مراسل شرطة الموتمر اللا وطني بالمنبر
زمان أول بدايات التمكين كانوا مرابطين في (التمن) (أكشاك الأمن الشامل) لا شاردة ولا واردة وإن كان سكران واعي يمشي الهوينة خشية يقظة الجبار
الآن بعد اليسر والشبع كبروا وتقوا وتركوا الأمن للخالق وداعة وهو لا تضيع ودائعه
الشرطة وكلياتها أصبحت حكرا لبيوت وقبائل دون غيرها
قبل التخرج يفكر في اللحاق بأخيه أو أبيه ويمطح ويطمع في نفس المخصصات والممتلكات
وبعد التخرج تفرغ تام لإدارة وجنى أرباح وأتعاب رتبته
حتى أصبح حلم الالتحاق بالشرطة حلم كل شاب أو شابة ، ثراء ، وسلطة ، وجاه وووو
ولن ننسى شعار إندثر ( الشرطة في خدمة الشعب) بعد أن حل محله شعار ( الشرطة في خدمة الشرطة)
الشفيع
| |
|
|
|
|
|
|
|
|
|
Re: انتشار شرطي كثيف بالخرطوم (Re: omer osman)
|
ايوة كدة دا عمر عثمان البنعرفو مش طمبل والهلال ..
هسع يا عمر عليك الله ياتو يوم الشرطة بتستجيب لنداءات الجماهير
يعني خبرك دا كان ممكن نقراهو عادي لو ما جيت بكلامك دا :
Quote:
عاجل الى مدير شرطة ولاية الخرطوم ... أسره تستنجد
هاهي شرطة الولاية تستجيب. |
غايتو الرفاعي حجر فتح ليك بوست نتمني انه برضو الشرطة تستجيب :)
| |
|
|
|
|
|
|
|
|
|
Re: انتشار شرطي كثيف بالخرطوم (Re: حامد محمد حامد)
|
حامد سلامات يا عزيز
| Quote: واحد من مناصرى الشرطة .. وضد حيدر الزين ..فى ايه مش عارف |
انا ذاتو ضد نفسي ومناصر للشرطة اها شن ليك !!
هسع جنابو عمر دا وقت غاب في غياهب الصمت اللاسلكي راسنا انقطع مشينا نعرض صقرية مع ود الباوقة
بس الحمد لله عاد بالسلامة والمرة دي ( منتشر كثيف ) يعني تنشن زي ما عاوز ان شاء الله بخرطوشوم
و ( القطا ) يقع هبطرش .. هههه
تحياتي
| |
|
|
|
|
|
|
|
|
|
Re: انتشار شرطي كثيف بالخرطوم (Re: omer osman)
|
Quote:
عاجل الى مدير شرطة ولاية الخرطوم ... أسره تستنجد
هاهي شرطة الولاية تستجيب. |
عثمان ياخوى انت عارف انا لو فى محل الفريق هاشم عثمان كنت رجعتك الخدمة وختيتك محل اخونا ابوعبيدة العراقى مسئول الاعلام برئاسة الشرطة ..!!
| |
|
|
|
|
|
|
|
|
 Re: انتشار شرطي كثيف بالخرطوم (Re: HAIDER ALZAIN)
|
Quote: وقال اللواء شرطة/ عطا عبدالحميدالجاك - مدير دائرة الجنايات بشرطة ولاية الخرطوم ان الحملة ستنطلق بالمحليات كافة لضبط ورصد معتادي الاجرام وضرب أوكار الجريمة.
|
لو الإنتشار الشرطي الكثيف دا كمان بقى من إتناشر بالليل لي خمسة أو سته صباحآ ستعم الفايدة
وسينوم المواطن المسكين قفا خوفآ من زوار الليل  الذين عادة تدب الحركة والنشاط في أوصالهم ذلك الوقت ...
شكرآ جنابو عمر لنقل الخبر "السار"
| |
|
|
|
|
|
|
|
|
 Re: انتشار شرطي كثيف بالخرطوم (Re: Hadeer Alzain)
|
Thursday, 18 June 2009
القبض على 374 متهماً في حملات للشرطة
الخرطوم: عمر جمعة
اسفرت الحملات التي قادتها شرطة ولاية الخرطوم مساء أمس الاول وامس عن اعتقال 374 متهماً من معتادي الإجرام
ومشردين ومتخصصين في سرقة السيارات وتجار عملة ومزوِّرين وفتحت بلاغات في مواجهتهم تحت المواد 771, 871, 251, 77,96
وكشف مدير دائرة الجنايات بالولاية عن اكتمال قضية قتيل بانت حيث سجل القاتل وهو شقيق المجنى عليه اعترافاً
بارتكابه للجريمة بدافع الورثة وسيتم تقديمه قريباً إلى القضاء.
التفاصيل هنا:
http://alintibaha.sd/index.php?option=com_content&task=...w&id=7831&Itemid=148
_____
يا جنابو عمر تاني
حا تحمينا القعدة في المنبر دا
| |
|
|
|
|
|
|
|
|
|
Re: انتشار شرطي كثيف بالخرطوم (Re: Hadeer Alzain)
|
Quote:
القبض على 374 متهماً في حملات للشرطة
الخرطوم: عمر جمعة
اسفرت الحملات التي قادتها شرطة ولاية الخرطوم مساء أمس الاول وامس عن اعتقال 374 متهماً من معتادي الإجرام
ومشردين ومتخصصين في سرقة السيارات وتجار عملة ومزوِّرين وفتحت بلاغات في مواجهتهم تحت المواد 771, 871, 251, 77,96
وكشف مدير دائرة الجنايات بالولاية عن اكتمال قضية قتيل بانت حيث سجل القاتل وهو شقيق المجنى عليه اعترافاً
بارتكابه للجريمة بدافع الورثة وسيتم تقديمه قريباً إلى القضاء.
|
والله شغل نضيف ........ مبروك.
Quote: يا جنابو عمر تاني
حا تحمينا القعدة في المنبر دا |
انتو ذاتكم القاعدين ليها شنو ..... اجمعوا وشكلوا تلاتات واعملوا صف وانتباه سلام سلاح للشرطة السودانية.
| |
|
|
|
|
|
|
|
|
|
Re: انتشار شرطي كثيف بالخرطوم (Re: على محمد على بشير)
|
| Quote: اسفرت الحملات التي قادتها شرطة ولاية الخرطوم مساء أمس الاول وامس عن اعتقال 374 متهماً من معتادي الإجرام |
قلت لي قبضوا معتادى الإجرام??..طيب محـترفي الإجـرام بكاوشوهم متين ?
مخـتلسو المال العام بالمليارات .. والمعتدين علي الطالبات ليلا في مخادعهن?
وقناصي د. العـبيد والعتاولة ناس صلاح قوش ونافع وبقية الكيزان اللذين
مارسوا فسادا وإفسادا غير مسبوق في تأريخ إدارة الدولة السودانية !!
يا جنابو(سابقا).. إنتشار كثيف ولا كـسيف ?
--------------------
غايتو .. بقيت بتاع ورنيش عـديل كـده !!
| |
|
|
|
|
|
|
|
|
|
Re: انتشار شرطي كثيف بالخرطوم (Re: Abd Alla Elhabib)
|
| Quote: اسفرت الحملات التي قادتها شرطة ولاية الخرطوم مساء أمس الاول وامس عن اعتقال 374 متهماً من معتادي الإجرام |
لو دا حصل يبقى حاجه نقول بيها في شرطــه
لكن هو ليه في مجرمين حايمين في الشوارع ؟
ما في وحدات شرطيه مفروض تتولي القبوض دا ؟
ونتمنى ان تدرس الشرطـه السودانيه كيفية خروج المجرمين من دائرة الإجرام
وان تعمل الدوله على إصلاح حالهم ! ما هي الشرطه في خدمة الشعب
والناس ديل برضهم شعب والا حاجه تانيه ؟
نطالب بمزيد من الجهد من الشرطه السودانيه لتطهير تلك الفئة من آثامها وفعالها !
ونطالب وزارة العدل بتشديد العقوبات على مرتادي الإجرام !
أها يا أخوي بتاعين الليل الهجمو على البنات ديلك لقوهـــم ؟
مع ديل والا ديل الحمله الجايه ؟ بتاعين بوسط الطيب المستعجل داااااكـــ !
مش كتير الزمن دا على العثور على هؤلاء ؟
هشام
| |
|
|
|
|
|
|
|
|
|
Re: انتشار شرطي كثيف بالخرطوم (Re: omer osman)
|
Quote: اسفرت الحملات التي قادتها شرطة ولاية الخرطوم مساء أمس الاول وامس عن اعتقال 374 متهماً من معتادي الإجرام
ومشردين ومتخصصين في سرقة السيارات وتجار عملة ومزوِّرين وفتحت بلاغات في مواجهتهم تحت المواد 771, 871, 251, 77,96
|
المشردين جريمتهم شنو كمان ؟!!
وحا يتحاكموا بموجب ياتو مادة من التحت ديل ..
| |
|
|
|
|
|
|
| |
omer osman
Hisham Ibrahim
مزمل خيرى
فدوى الشريف
HAIDER ALZAIN
حامد محمد حامد
Hadeer Alzain
على محمد على بشير
عبدالعزيز الفاضلابى
Abd Alla Elhabib
حيدر حسن ميرغني
Mohamed Suleiman
فيس بوك
تويتر
انستقرام
يوتيوب
بنتيريست