|
|
 في انجاز رائع.. وزارة الصحة توقف استيراد عسل يحوي منشطات جنسيه ولا تجامل في صحة المواطن
|
Quote: أعلنت وزارة الصحة الاتحادية عن إغلاق ملف العسل الملكي الذي احتوى على منشطات جنسية، وكشف مدير الإدارة العامة لصحة البيئة صلاح المبارك أن الوزارة حسمت العسل المنشط جنسياً والذي أدخلتة الشركة الموردة له بأنه غذاء مكمل لكن التحاليل أثبتت أنه يحتوي على منشطات، جازماً بأن الوزارة تتشدد في دخول الأغذية للبلاد بصرامة ولا تجامل في صحة المواطن،
صحيفة الجريده |
|
|
 
|
|
|
|
|
|
|
|
Re: في انجاز رائع.. وزارة الصحة توقف استيراد عسل يحوي منشطات جنسيه ولا تجامل في صحة المواطن (Re: عباس الدسيس)
|
واحد عندو قفص دجاج خاتي معاهم ديك.
مشي اشتري ليهو ديك تاني عشان البيض اكون كثير
بعد فترة لاحظ البيض الزمان وقت الديك كان واحد اختفي
مشي للديك القديم وقال ليهو: انا جبت ليك ديك عشان اساعدك والبيض اكون كثير شنو الحكاية البيض اختفي خالص ؟؟؟
رد الديك : عايزة الصراحه و ل الكذب الديك الجبتو لي احلي من كل الدجاج.
يا جماعه مفروض اكون هنالك تنسيق بين شحنات المخدرات المعاها فياغرا والعسل الفيهو منشطات جنسيه عشان ما تتضارب المصالح بتاعتكم
الي اكون حكاية العسل وهمه عشان تغطو بيها عملية تانية لو كانت وهمه تكونو خطيريين
| |
|
|
|
|
|
|
|
|
|
Re: في انجاز رائع.. وزارة الصحة توقف استيراد عسل يحوي منشطات جنسيه ولا تجامل في صحة المواطن (Re: عباس الدسيس)
|
Quote: الحكاية شنو يا الدسيس الجماعة ديل ما دايرين الناس دي تفرح أصلو
العسل الملكي دي يباع منذ اكثر من خمسة سنوات في الصيدليات الجد شنو عليهو |
سامي يا حبيبنا اخبارك
الجماعه شغالين ما تفرح الي بامر منهم
تقوم وتقعد علي كيفم شايف التحكم كيف في الشعب حتي العسل الشغال ليهو سنين وقفوهو
يقال ان القرار كان قبل الشحنه بتاعت المخدرات المعاها الفياغرا ودواوين الحكومة ورقيه ما لقت البثبتو تمشيا مع الاحداث وقف العسل والفياغرا اتكشفت والضايع المستورد وليس المستهلك
تحياتي وتقديري
| |
|
|
|
|
|
|
|
|
|
Re: في انجاز رائع.. وزارة الصحة توقف استيراد عسل يحوي منشطات جنسيه ولا تجامل في صحة المواطن (Re: عبدالحفيظ ابوسن)
|
هذه جعجعة فالشعب يعاني من آثار فايروس حكم طويل المدى مارسته الجماعة وما أنفكت يفكهم الشديد القوي عكس الهوا ليهووا في مكان سحيق جممممبلغ.
المسألة تتعدى الحسادة فالعملية تتطلب لياقة وطاقة وراحة بال كل ده معدوم في كثير من السودانيين في هذا الزمان فالناس في عمومياتها بقت زي إبل الرحيل شايله السقا وعطشانه الراجل والمرا منكدين على بعض ، الرجل يلهث وراء الحياة ويحاول وكثيراً ما يتكس راجع ويفشل والمرأة تزهج من كثرة الوعود والتتكيس الراجع لأنه في الغالب الأعم ليست كل صاده لاعبه.
فلا عسل ينفع ولا فيجرا تشفع وفي الأساس الناس في بلدي ليسوا بحاجة إلى هذه الدفره والقومه ليك يا وطني رغم المصائب والإحن.
سؤال غير برئ
هل هذه هي الحته الوحيدة التي تهتم الوزارة فيها بصحة المواطن
| |
|
|
|
|
|
|
|
|
Re: في انجاز رائع.. وزارة الصحة توقف استيراد عسل يحوي منشطات جنسيه ولا تجامل في صحة المواطن (Re: نور الدين عثمان)
|
Quote: حمدلا بالسلامة يا صاحب
كويس برضو رغم الشك انها قد تكون حرب اقتصادية بين اتنين واحد منهم واصل اكتر من التاني
يلا بعد ده حاربو كريمات تفتيح البشرة والاعشاب وووووو
وساهلة جدا
اتبعوا دعايات القنوات السودانية فيها ارقام التلفونات ووصف المحل |
شيخ العرب سلام
حبابك ودابوسن
شكلة الجماعات المنتفعه بطلع البلاوي
ناس التلفزيون في الشريط الدعائي البتابعو إقول مشكلة الامراض في السودان اتحلت اغرب دعايه عندهم كريم بعالج الصلعه وعلاج اشيل الشيب اما الضعف الجنسي والسكري والضغط جابو اجلو زمااااان
في عهد حكومة الدجل والكذب الايقاع بقي ماشي الكل عايز اكذب
تحياتي وتقدير
| |
|
|
|
|
|
|
|
|
|
Re: في انجاز رائع.. وزارة الصحة توقف استيراد عسل يحوي منشطات جنسيه ولا تجامل في صحة المواطن (Re: محمد مجيدو)
|
Quote: هذه جعجعة فالشعب يعاني من آثار فايروس حكم طويل المدى مارسته الجماعة وما أنفكت يفكهم الشديد القوي عكس الهوا ليهووا في مكان سحيق جممممبلغ.
المسألة تتعدى الحسادة فالعملية تتطلب لياقة وطاقة وراحة بال كل ده معدوم في كثير من السودانيين في هذا الزمان فالناس في عمومياتها بقت زي إبل الرحيل شايله السقا وعطشانه الراجل والمرا منكدين على بعض ، الرجل يلهث وراء الحياة ويحاول وكثيراً ما يتكس راجع ويفشل والمرأة تزهج من كثرة الوعود والتتكيس الراجع لأنه في الغالب الأعم ليست كل صاده لاعبه.
فلا عسل ينفع ولا فيجرا تشفع وفي الأساس الناس في بلدي ليسوا بحاجة إلى هذه الدفره والقومه ليك يا وطني رغم المصائب والإحن.
سؤال غير برئ
هل هذه هي الحته الوحيدة التي تهتم الوزارة فيها بصحة المواطن |
حبيبنا almulaomar سلام وتحية
فعلا البلد الحال فيها يغني عن السؤال
اهم شيء في الخبر الصحفي وزارة الصحة يهمها صحة المواطنيين ...بلد لو ما عندك قروش ما تتعالج فيها اتملت مستشفيات خاصة ...برضو اهمهم صحة المواطن
غايتو غلبنا حيلة ،،،
تحياتي وتقديري
| |
|
|
|
|
|
|
|
|
|
Re: في انجاز رائع.. وزارة الصحة توقف استيراد عسل يحوي منشطات جنسيه ولا تجامل في صحة المواطن (Re: عباس الدسيس)
|
Quote: يا ركس .... سلام
شفت ناس الحكومه ديل اولاد لذينا كيف ؟؟؟؟
هم خايفين المنشطات دي .. لو انتشرت بين العامه ...
يقوم الشعب دا يصحصح كده ويفنجل وبعدين يطلعوا ليك مظاهرات هادره ..
فقالوا احسن نخليهم نايمين خاملين ... ولا وجع الراس .... |
مجيدو يا وجيه اخبارك
ياخ اولاد لذينا ساكت فاتو الذين هم ذاتم
اخيرا فكرو ما امنحو الشعب أي طاقه ربما تخزن لاغراض اخري
بالله تخيل زول عذابي ضرب العسل اعمل شنو غير كلامك القلتو فوق
حسبوها كويس اعتقد الفكرة بتاعت ايقاف العسل جات من اللمبي
تحياتي وتقديري
| |
|
|
|
|
|
|
|
|
|
Re: في انجاز رائع.. وزارة الصحة توقف استيراد عسل يحوي منشطات جنسيه ولا تجامل في صحة المواطن (Re: مدثر صديق)
|
Quote: الأخ عباس الدسيس بعد السلام
الحيكومة مشكورة قبضت المخدرات وهي أصلها مخضرات تخضِّر حياة الشعب البقت ناشفة. والشركة المستوردة فص ملح وذاب. وهسع منعوا عسل الملكات الليهو 5 سنين شغال تنشيط في الشعب النائم...
الحيكومة مهتمة بصحة المواطن الغلبان وضد بهجة الإنسان النديان...
أها الحيكومة قصّرت معاكو؟ كو ما قصرت .. يعني إنتو بتعرفوا أكتر من الحيكومة يا ركس؟
تحياتي.
|
كباشي سلام يا حبيبنا
الحيكومه هي ست المعرفه في التنويم والتخدير يا حبيبنا
احيانا لو خلوك نايم احسن ليك ... وهم اكونو صاحيين لو ربنا كان راضي عليهم كان نامو والشعب صحي .... نوم الظالم عبادة...
ربنا ما قاسم ليهم أي نوع من العبادة حتي ولو بالنوم
تحياتي الصافي
| |
|
|
|
|
|
|
|
|
|
Re: في انجاز رائع.. وزارة الصحة توقف استيراد عسل يحوي منشطات جنسيه ولا تجامل في صحة المواطن (Re: عادل البراري)
|
البصل راقد هبطرش زرعناهو وخزناهو في قطاطي القش ، لكن للأسف أسعاره في السوق ضاربه الدلجة ويبدو أن صيفنا سوف لن يكون على كيفنا هذا العام ، من هنا ننفي نفياً قاطعا أي محاولات لزعزعة سوق البصل بعد الحصل ، فالبصل راقد بكميات كبيرة بس البصل براهو ما بسوي الملاح فساعدوهو بي جكه أو هرولة أثابكم الله.
أما الجرجير فربما تكون فعاليته قلت لأسباب يأتي في مقدمتها الإستعاضة بالأسمدة العضوية بسماد كيميكال يعني غذاء غير صحي على شاكلة البيرجر بيفاً كان أم جيكناً أوهوت دوق السيد الرئيس فكلها أشياء فشنك تملأ المعدة وتزيد الوزن وتكثر النتوءات والتعريجات في البطن والصدر والمؤخرة والجضوم بالقدر الذي يصبح فيه الراجل ظل ذي ثلاث شعب.
فات علينا حكاية تلك المدائد التي تملأ الساحات أكشاكها والتي يعتبر مفعولها سريع وفتاك على رواية الراوي ومن أشهرها تلك المديدة التي قال فيها البائع مستحثاً ومستفزاً الناس الحايمة المديدة الشديدة من الكوره للماسورة أو الأباجورة ما عارف بحسب توارد الروايات في شأن المدايد.
النظام الحاكم يبدو أنه كفر بالكثير من الثوابت ولم يعد يرغب في أن يباهي بنا الأمم من حيث التعداد فأباد الكثير من القرى وهجر الكثير من القبائل قسراً وهاهو ذا يحارب الناس في عناقريبها وإتيان نساؤهم لا أنى شاؤوا ولكن عند اللزوم وذلك أضعف الإيمان.
الحسد هو تمني زوال النعمة الوحيدة التي يمتلكها الناس في بلادي وكان من اللائق أن تغبطنا الحكومة على ما آتنا الله من قوة أو نشاط أو فورة أو فحولة لكن أن تتسلح هي بكل هذه الكونتينرز المليئة عن بكرة أبيها بمنشطات وينكشف أمرها أمام الملأ فهذا مجرد إنذار لهم والقادم أصعب وأتعس.
سيادة الرئيس إنت وأعضاء حكومتك المبجلين إن شاء الله ما تنفعكم
| |
|
|
|
|
|
|
| |
عباس الدسيس
سامى عبد المطلب
عبدالحفيظ ابوسن
almulaomar
نور الدين عثمان
محمد مجيدو
cantona_1
مدثر صديق
Deng
عادل البراري
فيس بوك
تويتر
انستقرام
يوتيوب
بنتيريست