|
|
 مصابيح الطريق..إيدينا يا ولد إيدينا للبلد
|
اتخيل معاى منظر ام واطفالها والدهم واتضبح قدام عيونهم ....
ام عمرها ما اتجاوز ال 20 سنه شايله طفلها مريض وهى حامل فى الشهر السادس ..
راجل عجوز رجله مبتوره وجرحه نازف بدون ولا حتى شاش يغطيه ..
رضيع عمره سته شهور بدون ام ولا اب ..
بنوته عمرها 6 سنه ماشيه عريانه وما عليها ولا حته قطعه قماش تسترا ...
صبي عمره 9 سنه شايل اخته بتبكى فى ضهره وبيفتش فى امه وباقى اخوانه ...
وحامل تانيه بتنازع بين الحياه والموت ودمها 50 وتولد الطفل ويموت بعد دقيقتين وهى برضو بين الحياه والموت ...
ست ستينيه شايله شقاوة الدنيا ملامح وقاعده تعاين ..انتى معاكى منو ؟؟
تجاوب ما فاضل زول الله قادر نقول شنو ...يلا اتخيلوا الناس ديل كلهم باوجاعهم الشايلنها دى قاعدين فى العراء بدون ماوى وبدون اكل وبدون شراب وبدون حبة بندول حتى ..
وجعكم الكلام الفوق ده؟؟؟ما تغيروا رايكم بعد م تعرفوا انهم ديل اهلنا الشردتهم الحرب والمجازر اللعينه من اعالى النيل النيل ملكال ، جلهاك، الرنك ، والقيقر ...ياهم اهلى واهلكم ...وياهو الجنوب بلدى وبلدكم ...وياهم ناس عانوا وعانوا ولسه بيعانوا ....
انا حاساعد بكتابة المنشور ده وكل البقدر عليه ... المنشور ده موجه للانسان ...ولو حتحسبا لى حسابات تانيه زى م ناس كتاااااار صدمونى ابعد ما عاوزين منك حاجه بس راجع انسانيتك ...
لو ربنا هون حنقوم قافله لجوده والجبلين وربك ...محتاجين اى حاجه ...مساهمات ماديه ..مواد تموينيه ..ملابس، جزم ، لعب مستعمله ..ادويه واى حاجه تانيه بتشوفا ممكن تساعدهم وده واجبنا لانهم فقدوا الدعم لا حكومتهم ولا حكومتنا ما حتساعدهم ..
كسره:محتاجين مقر فى الخرطوم انشاء الله مخزن .... والاهم شير للبوست
(ويا البتقولوا ديل جنوبيين وديل مسيحيين ومالنا ومالهم ؟؟ بعيد شديد الله الغنى
0912602676
منقول من الفيس بوك
|
|
  
|
|
|
|
ذواليد سليمان مصطفى
فيس بوك
تويتر
انستقرام
يوتيوب
بنتيريست