|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: سيف النصر محي الدين)
|
Quote: برضك فيها جانب جمالي يا قباني from optimistic point of view :) |
يا دكتور يا جميل ...
مافي شك ... جمال رباني ...
وحكمه في انو الشجر ده متحمل القسوه دي كيف ...
لكن من ناحيه رومانسيه ... انت و الحبيبه و كبايتين ( كاكاو ** ) سخن ... حاجه ما تخلص !!!
** كاكاو ( بالنطق ده بالتحديد ) عندي معاها قصص يا دكتور ...
زي بنات الهجره كانو بشيلو مع صاحبي الفنان وهو بيغني ...
هو يقول قام اتعزز الليمون ... وهو يشيلوا قام اتعزز ( اللامون ) ...
** يمكنك عزيزي القاؤئ استبدال كلمة كاكاو ب Wine .. شري ... شاي بي قرفه ... حسب ظروفك ...
لو مافي الامر رومانسيه يا دكتور ... انت قايل محمد حسن الرومانسي ده الجابو هنا شنو؟
الراجل لسه عريس جديد ...
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: يحي قباني)
|
الاستاذ الاكرم يحى قباني
تحياتي
اداوم على قراءة ماتكتب ويعجبني اكثر ما تسترجعه من ذكريات ايام الصبا. ولكن توقفك عند جمال الشتاء والالتفات للجانب الجمالي من قساوة الطبيعة يوضح بجلاء نظرتك المتفردة. اشكرك كثيرا على ما تمنحه لنا من نفحات تهيج الذكرى وتزودنا بما يعيننا على مواجهة الدوامة الحالية.
لست الاول من القبانية الذين امتعوا حياتنا حيثما كنا فاولهم عندي كان المذيع عبدالكريم قباني. ولا ازال اذكر اذاعته للاخبار ودعائه في ختام البرامج وفي افتتاح البث الاذاعي.
وفي امريكا تعرفت على قباني اخر هو الدبلوماسي والاقتصادي البارز عصمت قباني وهو ايضا عذب الحديث واسع المعارف.
ارجو ان تذكر دائما انك حين تكتب تنشر السعادة علينا جمعيا في انحاء السودان والمهجر .
ولك مسبق شگري وتقديري
محمد احمد الطيب. مسقط - عمان
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: ELSADIG ALI HASSAN)
|
Quote: عجبتني الصوره و أنا جديد في بلدكم دي ( فقط اربعه شهور) . غايتو كان بردكم ده سخن ، أقصد برد أكتر من كدا ياني الراجع مطرح ما جيت. كل سنه و انتو طيبين. الصادق |
هههههه ...
سلامات يا دكتور ...
ياخي و الله بلدنا ما انسترت معاكم ابداً الشتاء ده ...
السنين الفاتت كانت زي اللعب ...
بس طالما انت جيت قبل اربعه شهر معناتها شفت جمال الصيف ...
فيا زول عاين ليها زي أخوك كده ...
لو انتهي ديسمبر ده ... خلاص باقي لينا 3 شهور و القصه تنتهي ...
خلينا نشوفك ياخي ...
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: معاوية المدير)
|
Quote: سلآمات يا قباني.
إنت بتتلبد وثصور مالك ؟؟؟، ما تبقى مارق. يا أخوي الفريزينق رين اللتكُم دي أخير منها الـ47 تحت الصفر اللتنا دي. نادرة جداً الـfreezing rain |
و الله يا معاويه ...
20 سنه جنس الجانا الليله و امس ده اصلو ما شفناهو ...
بالله تسمع فروع الشدر في الحله ...ككككععع تنكسر من الوزن ...
والحكمه باني لي فوق نقطه تتجمد فوق نقطه ... لما بقي ارتفاع النقطه بوصة ونص ...
مرقت عربيتي في الشارع ... ابت تفتح !!! الا بي شاكوش بلاستيك باصرتها ...
جيت انزل القزاز ... شغلت الهيتر ربع ساعه ...
بعداك عيني ليهو نازل ... والتلج قاااعد عامل قزاز تاني ...!!!
يا زول آمنت عديل كده ... -47 ... تلج 50 سنتي ... اخير من الفريزنج رين ده ...
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: Osman Musa)
|
Quote: عان يا معاوية المدير بعد السلامات هسع بكون لوح التلج في كشك عمك ود حمدين في عطبرة حصل كم . ؟ |
عثمان يا صاحب، والله مشتاقين.
بالسوق اللسود، واللآ عدييييل كدا ؟؟؟. زمان لآمن يكون في عرس في حلتنا ويجيبو التلج، شُفع الحِلة كولهم يكوركوا، التلج جابو، التلج جابو...، هسّع كايسين التطيروا ما لاقيين.
يا عثمان أنا شايل البلد يوم اربعطاشر واحد إن شاء الله. أها، ما عندك خفسة ؟؟؟...
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: مهدي صلاح)
|
Quote: الحبيب يحيى قباني انت مبدع في كل شي حتى في اختيارك للصور والمناظر ,, ده بس شذى زهر بلا زهر ولا رايك شنو ؟؟ الله يغطي عليكم من كل بلا ومن كلا برد ويردكم سالمين غانمين ..
تحياتي : ياسر العيلفون |
ياسر يا فنان ...
لانك فنان و بارع ... عينك ما بتشوف الا الجمال ياخي ... ولسانك ما بقول الا الحلو ...
الله يرد السودان سالم غانم يا ياسر ... و انحنا هينين بعداك ...
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: يحي قباني)
|
Quote: بالجد التلج جميل جدا مثل الالعاب الزجاجية |
يا د. نجاة او كما قال الشاعر اذا رأيت اسنان الليث بارزة فلا تظنن ان الليث يبتسم لما يكون جليد شئ عادي و مقبول و الناس بتظلع تلعب فيهو. الحصل امس ده شئ تاني خالص و هو ليس جليد بل ثلج عديل. اجمل ما فيهو هي المناظر التي تركتها علي الاشجار و اسلاك الكهرباء. اما علي الارض فكانت طبقة زجاجية يصعب السير فوقها. كل الناس ماشة او تخيل انك ماشي علي سطج زجاجي.
الاخ يحيي قباني هو بالله انت معانا او نحن معاكم في ميسيساقا؟
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: يحي قباني)
|
اخبرني صديق درس في كندا قبل الانقاذ واعد الى السودان سالته لماذا لم يبق في كندا قال انه خارج روحه بعد الدكتوراه لانه الحتة الهو فيها كان كلو يوم بعملو كم كفتبرة موية ساخنة عشان يفتحو الباب تعرف اكبر تجربة مدهشة لي في حيااتي بعد البراية" سقوط الجليد دا
احسن الزول يعمل بيات شتوي في الفترة دي..
نديك واحدة قصيدة "حداسية" كتبتها عن الثلج
Quote: ثلوج ندوف الثلج تسقط كالاقطان وانا جالس فى "بيرجر كنق" وتخيلت ماذا ان لم تكن هناك جاذبية فترتفع الندوف وتحلق الى اعلى بدلا عن الهبوط المقيد بقوانين الطبيعة تبا لهذا "الكوكاين" المغشوش الذى اشتريته من زنجى رقيع يقف فى تقاطع "القينى مع جيرمان تاون |
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: د.نجاة محمود)
|
Quote: لانه الحتة الهو فيها كان كلو يوم بعملو كم كفتبرة موية ساخنة عشان يفتحو الباب |
ههه ...
انحنا ما قدر ده يا دكتوره ...
بس الاسبوع الفات و الله الا شاكوش البلاستيك حتي نقدر نفتح ابواب العربات لو مقرشه بره البيت ...
لكن ناس الكفتيره ديل معناتها فوق علي القطب ...
ديل عرباتهم بيشبكوها بالكهربا عشان تدور ...
وعادى لو نسو اللحمه الاشتروها ... في العربيه ... بيخلوها لي تان يوم يلقوها مفرزنه ... _______________________ القصيدة في وقتها تماما ... ههه _______________________ نسيت قزازة مويه في العربيه
لقيتها لوح تلج ... دي الصوره بعد ما ساحت شويه
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: يحي قباني)
|
الاستاذ الاكرم يحى قباني
تحياتي
اداوم على قراءة ماتكتب ويعجبني اكثر ما تسترجعه من ذكريات ايام الصبا. ولكن توقفك عند جمال الشتاء والالتفات للجانب الجمالي من قساوة الطبيعة يوضح بجلاء نظرتك المتفردة. اشكرك كثيرا على ما تمنحه لنا من نفحات تهيج الذكرى وتزودنا بما يعيننا على مواجهة الدوامة الحالية.
لست الاول من القبانية الذين امتعوا حياتنا حيثما كنا فاولهم عندي كان المذيع عبدالكريم قباني. ولا ازال اذكر اذاعته للاخبار ودعائه في ختام البرامج وفي افتتاح البث الاذاعي.
وفي امريكا تعرفت على قباني اخر هو الدبلوماسي والاقتصادي البارز عصمت قباني وهو ايضا عذب الحديث واسع المعارف.
ارجو ان تذكر دائما انك حين تكتب تنشر السعادة علينا جمعيا في انحاء السودان والمهجر .
ولك مسبق شگري وتقديري
محمد احمد الطيب. مسقط - عمان
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: يحي قباني)
|
Quote: غايتو إحنا تلجاية واحدة نزلت عندنا في لندن مافي.. خلت عيال الإنجليز زعلانين ما قادرين يعملو سانتا من التلج ولا يفلعوا بعض بكور التلج!
غايتو نشوف لباقي السنة! بس عندنا رياح قوية ودرجة الحرارة 4 بالنسبة ليكم ربيع عديل كده!
كل سنة وإنتو طيبين وتعيشوا وتستمتعوا بالتلج.. |
سلام يا بت الشيخ ...
انحنا بقي مش سانتا بالتلج ...
الدنيا كلها محنطة ... بيات تلجي عديل كده ...
الله كريم علينا ...
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: يحي قباني)
|
Quote: الاستاذ الاكرم يحى قباني
تحياتي
اداوم على قراءة ماتكتب ويعجبني اكثر ما تسترجعه من ذكريات ايام الصبا. ولكن توقفك عند جمال الشتاء والالتفات للجانب الجمالي من قساوة الطبيعة يوضح بجلاء نظرتك المتفردة. اشكرك كثيرا على ما تمنحه لنا من نفحات تهيج الذكرى وتزودنا بما يعيننا على مواجهة الدوامة الحالية.
لست الاول من القبانية الذين امتعوا حياتنا حيثما كنا فاولهم عندي كان المذيع عبدالكريم قباني. ولا ازال اذكر اذاعته للاخبار ودعائه في ختام البرامج وفي افتتاح البث الاذاعي.
وفي امريكا تعرفت على قباني اخر هو الدبلوماسي والاقتصادي البارز عصمت قباني وهو ايضا عذب الحديث واسع المعارف.
ارجو ان تذكر دائما انك حين تكتب تنشر السعادة علينا جمعيا في انحاء السودان والمهجر .
ولك مسبق شگري وتقديري
محمد احمد الطيب. مسقط - عمان |
ياخي أكرمك الله و ابقاك ...
شكرا لحلو كلماتك يا استاذ محمد ...
من اصلك الطيب و جمال روحك ...
التحية للعم عبد الكريم محمد القباني ... الله يطول في عمره ...
و التحية ايضا للصديق الجميل عصمت كامل قباني ...
و الذي اتشرف بمعرفته منذ ان كنا اطفالا ... فدكتور محمد قباني شقيقه الاصغر هو من اعز الناس الي قلبي ...
التحية لك مره اخري و انت تعطيني اكثر مما استحق ... انا فقط يا استاذى اوفي الماضي الجميل حقه ...
و اتفاخر باني من جيل عاش سوداناً جميلاً خالي من كل التناقضات ...
| |
|
|
|
|
|
|
Re: شجرة ( التلج ) دي صورتها من شباك الحمام اليوم ... تقول لي اضان دحش !! (Re: محمد محمود محمد)
|
Quote: حبيبنا قباني قلت لي الصورة من (خشم الباب )؟ وود المدير قال (اضان دحش )؟.. عليك الله وكِت بتعرفوا اللغات دي كلها . .. المقعّدكم مع العجم ديل شنو ...؟ كل سنة انت واسرتك العزيزة بألف خير .. |
محمد محمود يا صديقي ...
انت وين يا شاب ؟ ...
ما شايفك كتير انشالله مافي عوجه ...
و الله العجم ديل يا حبيبنا ناس حلويييييين ... و شايلننا فوق ريسينهم و الله ...
لا ارهبونا يوم ... لا روّعونا يوم ... نمش نخليهم وين ...
تحياتي لك يا صديقي و لاسرتك الجميله ...
وكل عام و انتم جميعاً بالف خير و عافيه ...
| |
|
|
|
|
|
|
|