لو ما غِلطْ عليهم ما بِغلطوا عليك الجملة ده عجبتي شديد خالص والله، وبهديها لكل الناس الحلوين والطاعمين.
قبل عشرة خمسطاشر سنة الواحد نظرتوا للضغط والسكري كانت والى وقت قريب مختلفة خالص خالص عن الايام دي، الحقيقة كنت بنظر ليهم باعتبار انهم مرضين خطيرين جدا - الآن بنظر ليهم بانهم مرضين يمكن التعايش معهما بكل سلاسة - والا الواحد بطمن في نفسو ما عارف
وبما انهما في القزاز لا محالة، فالبقابلنا متحزم ... بنقابلو عريانين عديل كده ... كع
04-26-2014, 11:43 AM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
ثانيا , فعلا الاتنين سهل تتعامل معاهم بقليل من العزم والاصرار
الضغط علاجه بيكون سهل لو ختيت في بالك ( انه مافي شي اغلى من حياتك ) ومافي حد بستاهل تزعل او تضيع حياتك عشانه السكري حاول تقنع نفسك بفكرة انه هو اصلا مافي لكن لو تناولت الكميات الممنوعة خلال اليوم حايجيك ... ده طبعا شرطه الاساسي انك تقتنع بوجوده بس ماتخليهو يسيطر على تفكيرك لانه كترة التفكير فيهوز بتفاقم المشكلة وفي نفس اللحظة لازم تحافظ على عدد الجرعات العلاجية
على كلا
الله يشفيك ويعافيك
لكن عادي ياخي كلنا لها هههههه
04-26-2014, 12:07 PM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
يا جماعة أنا لسا ما عندي لا ضغط لا سكري لكن حاسي بيهم في القزاز، عشان كده قلنا: البقابلنا متحزم ... بنقابلو عريانين عديل كده وهذا شرف لا أدعيه وتهمة لا انفيها
خلال سنين وبسبب الفوبيا دي - كان عندي نظرية: ليه أحرم نفسي من السكر والملح وهن حا يجن حا يجن (الضغ والسكري) بسبب او آخر، ليه ما نستغل فرصة انهن ما جن لسا وتأخذ نصيبك تالت ومتلت - ودي نظرية ثبت انها غلط
04-26-2014, 12:11 PM
Asma.A.Salih
Asma.A.Salih
تاريخ التسجيل: 04-21-2014
مجموع المشاركات: 70
يا سيدي اذا كان كدا بعد الشر عليك وان شاء الله مايجوك
بالنسبة لنظرية اخد حقك منهن لانهن حايجن حايجن ( ليه هو انت ناوي تسف علبة السكر وعلبة الملح يوميا والا شنو ههههههههههههه)
ليه ماتوازن من هسي وتحافظ و مقابل كل وجبة ( سكرية او مالحة ) اتمشى ليك ربع ساعة و احرقهم وريح دمكم من استضافتهم في اوقات الراحة يعني بلاش تاكل وانت ناوي تنوم وجبة سكرية اومالحة وكان الله يحب المحسنين
04-26-2014, 12:29 PM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
خلال السنوات القليلة الفاتت عودت نفسي ما اكب أكتر من ملعقة سكر صغيرة في كباية الشاي أو القهوة - في البداية كانت المشروبات بتظهر لي ماسخة شويتين، بس بمرور الوقت اتعودت وبقى احساسي بالسكر عالي ولو السكر زاد عن ملعة ملعقة ونص بتشاف لي كتير وزايد ( يخيل لي الحاجة دي ممكن تحصل لأي زول) احساسو بالسكر بزيد بمرور الزمن. المشكلة لما القى الحلويات ما بقصر معاهن تب
الحاجة الأكيدة انو لو الزول ما عندو سكري وبيتناول سكريات كتيرة الحاجة دي ممكن تتسبب ليهو بالاصابة بالسكري - صححوني يا الاطباء لو كلامي غلط !
04-26-2014, 12:41 PM
Asma.A.Salih
Asma.A.Salih
تاريخ التسجيل: 04-21-2014
مجموع المشاركات: 70
طبعا الاصابة بالسكري ارتباطها المباشر بمعدل افراز البنكرياس للانسولين الطبيعي او قصور وقلة فعالية الانسولين المفرز والبنكرياس اساسا بفرز كمية تناسب المعدل الطبيعي للسكريات اللازمة لامدادنا بالطاقة خلال اليوم زيادتها تؤدي لتعب البنكرياس وعدم قدرته على تحليل كل السكر في الدم
علما بان السكري لا يرتبط فقط بمشاكل الانسولين بل هناك امراض تؤدي للاصابة بالسكري
واساسا زيادة تناول الحلويات و السكريات بتعرضنا لمشاكل تانية من تسوس اسنان وزيادة وزن ودي بيعقبها او بيصاحبها مرض السكري
يعني من الاخر ( خليك زول متوازن وبلاش تكتر عشان ماتدخل في معمعة العلاجات )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة