|
|
|
 Re: شكرا سودانيز إيقاف بيع شارع كوستي (Re: عبدالحفيظ ابوسن)
|
ياولد يارائع كتابتك كلها روعة واخبارك اروع احبابنا الكوستاب(على وزن مقهانا المفضل)كوستا يستاهلو كل خير وتحياتنا لصاحبك الجفرى شاعر الاغنية الوحيدة ياخ بالموناسبة دى هل تصدق ان عمك جفرى شاعر؟؟وله قصيدة يتغنى بها كبار الفنانين؟كدى اسئلو منها ووثق ليهو لو لقيت فرقة مع الشبكة البطيئة دى قصيدتو دى انا مرقتها منو قلع اولاد اخوهو ماكانو عارفين عمهم شاعر؟وله غنية! غايتو لمن مزاجنا يروق نطلع درر (قالى ياولدى مرقتا منى ونسه لذيذه كانت مدفونة في ضلوعى (وطلع رومانسى ههههههها
| |
 
|
|
|
|
|
|
|
|
Re: شكرا سودانيز إيقاف بيع شارع كوستي (Re: cantona_1)
|
مبرروك كوستي
والف شكر ود ابو سن على اثارة تلك القضايا
ومزيد من المتابعة حتى يتم تأكيد الامر وازالة السور تماما
| Quote: ما تنسى تشكر ود عمي الشنبلي |
كباشي بالله ده قريبك " الشنبلي "
ياااخ ده عذبنا عذاب الاخرة
جاط الولاية وجاط كل شي فيها
| |
|
|
|
|
|
|
|
|
|
Re: شكرا سودانيز إيقاف بيع شارع كوستي (Re: ناصر حسين محمد)
|
Quote: كباشي بالله ده قريبك " الشنبلي "
ياااخ ده عذبنا عذاب الاخرة
جاط الولاية وجاط كل شي فيها |
يا ناصر حسين سلام مربع
يا زول ما تكبِّر في ولدعمي ساكت.. علي الحلف ولايتكم مجيوطة من زمن كانت عاصمتها الدويم .. يعني من زمن ناس أب قمزة وهلم جرا.
بس الشنبلي قنن الجوطة .. عشان تكون جوطة مزبوطة مش فوضى حتى في الجوطة كمان. مش كلام عقل؟
تحياتي
كبـّاشي الصـّـافي
.
| |
|
|
|
|
|
|
|
|
Re: شكرا سودانيز إيقاف بيع شارع كوستي (Re: عبدالحفيظ ابوسن)
|
يا ود أبسن سلام مربع
يا صديقي ما دام الحيكومة بتسمع كلامك وتوقف بيع الشارع حقها.. عليك الله ما تكلمهم لينا يتموا لينا طريق أم روابة أبو جبيهة المن زمن حفروا البحر .. إمكن الله يهديهم ويتموا السفلتة قبل الحيكومة ما تشقلب علينا.
تحياتي
كبـّاشي الصـّـافي
.
| |
|
|
|
|
|
|
|
|
|
Re: شكرا سودانيز إيقاف بيع شارع كوستي (Re: علي دفع الله)
|
الحمد لله
على تصحيح خطأ قفل هذا الشارع
وشكرنا لحكومة الولاية
والشكر موصول لكـ ..
أخونا حفيظ ..
على مجهودكـ في إثارة الموضوع هنا ..
وعشمنا ان تقلع الحكومة عن شغلة بيع كل ما يصلح للبيع
من ميادين وشوارع ..
متاملة أن تجد ما تستر به سوءتها وافلاسها ..
وهي قطعاً واهمة في ذلكـ ..
فقد إتسع رتق عجزها الاقتصادي على أجعص راتق ..
| |
|
|
|
|
|
|
|
|
|
Re: شكرا سودانيز إيقاف بيع شارع كوستي (Re: عبدالحفيظ ابوسن)
|
بتوحد الناس وتكاتفهم فهم قادرون علي انتراع حقوقهم
لم تنتهي القضية تماما ,
فيجب علي اهل كوستي ان يعرفوا بأن توجد اقتراحات يجب الوقوف ضدها
حدثني بعضهم همسا وجهرا بأنه يوجد مقترحا للتعويض ب
مدرسة القومية اولاد
نادي التنس
وهي امكنة تخص ذاكرة كوستي وتاريخها
قد تكون محض اشاعات او لا تكون
ولكن مبدئيا سنكون ضد بيع
القومية ونادي التنس
| |
|
|
|
|
|
|
| |
عبدالحفيظ ابوسن
يوسف أبو صالح
بشير حسـن بشـير
محمد جمعه الخير
cantona_1
ناصر حسين محمد
عزيز
علي دفع الله
جمال ود القوز
Tragie Mustafa
فيس بوك
تويتر
انستقرام
يوتيوب
بنتيريست