هربوا ك " الحريم " يقصد بها الخوف وبالتالي " الجري " نتيجة لهذا الخوف والخوف طبيعة عند كل انسان ولكن الانثى معروف عنها " الخوف" كصفة فيسيولوجية فيها وتصرفاتها " الانثوية " تحتم عليها ان تظهر خوفها و " تجري" والا ماكانت " انثى " ..!!!
أسه انا " بعرس" لي مره بتواجهه الحرامي ..!!! مالي ومالها يأأأخ .. أم عضلات دي
04-13-2014, 03:33 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: والخوف طبيعة عند كل انسان ولكن الانثى معروف عنها " الخوف" كصفة فيسيولوجية فيها وتصرفاتها " الانثوية " تحتم عليها ان تظهر خوفها و " تجري" والا ماكانت " انثى " ..!!!
Quote: أسه انا " بعرس" لي مره بتواجهه الحرامي ..!!!
حرامى شنو ؟ انتا الله ما ليكشوف النسوان بتعمل شنو !!
اها يلا تعال ورينا الحاصل شنو بعد دا
04-13-2014, 04:18 PM
ناصر حسين محمد ناصر حسين محمد
تاريخ التسجيل: 01-09-2013
مجموع المشاركات: 5237
اعلم اشجع من مشي علي قدمين في هذا السودان تاريخيا، كانن نساء وليسو رجال اذا لابد من كلام زي ده!
الCandacy من Kentake وهذا في الاساس اسم لاميرة بعينها تحول بالتدريج الي لقب لكل اميرات مروي، العالم القديم طوق به عنق اميراتنا المرويات، الاشتهرن علي نطاق ذاك العالم بالفروسية والكلام ده قبل 2,000 سنة من اليوم.
اذن ما حتلقي ولاذكر سوداني واحد، شهرتو كبطل وفارس مغوار لايهاب الموت، فاق شهرة اميرات مروي!
ماعندنا وكت لنبش تاريخ هذه الحقبة المدهشة من تاريخ المراة السودانية.
يكفي من الاساطير اللتي رددت انو الاسكندر الاكبر الذي اخضع العالم المعروف حينها بما فيه "كمت" اي مصر ابنتنا البكر، لما فكر في الزحف نحو السودان الحالي، قالو الزول ده رمش عديل كده، لمن بلع الريق زي ما بنقول، من فرط الرهبة من السمعة المدوية والكبيرة لاميرات مروي!
لاحظ في الزمن داك امثال الاسكندر الاكبر المراة في ثقافتم الارية، كانت مجرد بعض سقط متاع، ومملوكة كما قطعة الاثاث لي نوع الذكور، او ده كان حال وضعية نوع الاناث بطول وعرض شمال الكرة الارضية كلها، بما فيهم الاسيويين، العرب، اليهود، بالاضافة للاوربين عكس سودان اليوم!
هذا بعض السبب ليه اميرات مروي شهرتن طافت الافاق في ذاك العالم!
نعم خواجات ذاك الزمن كانو زي وهابية السعودية في احتقارم لنوع النساء، لهذا صعقو بل انخلعو لما شافو كيف مش راس الدولة فقط والقائد العام زي ما بنقول اليوم للجيش، بل القائد الميداني ذات نفسو البقاوم فيهم، كان امرأة يا للهول!
ده السبب الاساطير تحدثت عن كيف الاسكندر كان عاشق لي اميرة مروية، وهذا ما منعه من المواجهة!
اما الرومان فقد شاهدو كيف القائد العام للجيش السوداني اي احدي اميراتنا المرويات، قادت جيشا من الامام وفي المقدمة، مش من الخلف علي ظهر هودج مثلا!
نعم هذه الفارسة نزلت بنفسها الميدان وقاتلت قتال مادي فعلي man to man زي ما بقولو الخواجات، اوما تنسو مفردة man هنا الذكوريتا ما صدفة!
نعم هذه الاميرة المروية لما اصيبت بجرح في احد عينيها، خرجت للاسعاف، لتعود فورا، وتواصل نزالا من محل ماوقفت، وهذا ما اذهل الرومان حينها!
اها او بعد ده البعض هنا للاسف يعير نساء السودان كمجرد "حريم" بالفهم الذكوري المقزز للمصطلح المحتقر لنوع السودان!
04-14-2014, 00:36 AM
Kostawi Kostawi
تاريخ التسجيل: 02-04-2002
مجموع المشاركات: 39984
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ناصر حسين محمد
على محمد على بشير
تبارك شيخ الدين جبريل
Bashasha
Kostawi
فيس بوك
تويتر
انستقرام
يوتيوب
بنتيريست