|
|
 عضو كرت في الباب كو كو كو أهل الحوش يا جماعة هوي سلام عليكم
|
بسم الله و الوطن والسلام والمحبة والعدل والخير و الحُسن و الجمال
سلاماتي و تحياتي للكل و من قبلها شكري للباشمهندس بكري ابوبكر لجعل هذا ممكن، حقيقة الواحد سعيد ان يكون في وسط هذا الفضاء المزدحم بأهل العلم والثقافة والسياسة والمعرفة عموما في مجلاتها وفروعها المختلفة انه الفخر والشرف، ونساله اللهم ان يوفقنا ان نكون اضافة وعند حسن الظن.
ولكم الورد والحب وكل ما هو جميل
|
|
 
|
|
|
|
|
|
|
 Re: عضو كرت في الباب كو كو كو أهل الحوش يا جماعة هوي سلام عليكم (Re: حامد عبدالله)
|
يا حامد يا برلم سلام
هسع دا وقت بجي فيهو ضيف؟ عندنا الساعة فاتت الواحدة صباحاً.. أمشي اللكوندة وتعالنا صباح الرحمن.. هسع ما عندنا ليك عنقريب ذاتو ..
بس لمن تجي راجع تجيب معاك عكاز كبير ومضبب.. والباقي ما محتاج شرح..
مرحب بيك .. لكن ما عندنا عشاء .. بموية وكملت .. ههههه
إن شاء الله قدمك يكون بارد على المنبر .. لكن طوِّل بالك وما تتضايق في ناس كتار بعكروا الدم وبرفعوا الضغط .. أبعد منهم عوجة واحدة بتجيك مافي..
تحياتي
كبـّاشي الصـّـافي
.
| |
|
|
|
|
|
|
|
|
Re: عضو كرت في الباب كو كو كو أهل الحوش يا جماعة هوي سلام عليكم (Re: محمد عبد الله حرسم)
|
اها دي المحرية تووووش شي بوقفنا ماف ومشكور علي الترحاب يا زول المكان دا دخلنا اسع دي لكن هو اصلا ما فارقنا يوم سنين في اليوم يمين ندخل سودانيزاونلاين مليون مرة .
ياخ دا قرب يخلينا مجانين. ما هو الشي دا بقي ادمان مرات تكون في الشغل وقاعد في المكتب و مافي شي كتير تعملو تقوم فاتح المنبر وتبدا قراية شي ضحك بصوت عالي وشي حزن لغاية ما الزملا في المكتب يبدو في يا زول لو مريض ما تمشي البيت. ولا لمن واحد يقرب من الشاشة شغل شمار يقوم يلقاك بتشوف في شي يقوم يفتكرو رسم ولا شخبطة ياخ العربي دا للناس الله خلقم كتابتم من الشمال لليمين ديل بلخبط ليك حنانم زاتو طبعا الجميلة انو بفتكرو انو انا تعلمتو كلغة تانية ياخ ديل مطلعني ليك ذكي شنو الهين دا هههههههه غايتو نحن السودانين ديل حاجتنا برانا وزول في خلق الله التاني دا بشبهنا مافي
لك الورد يا امير
| |
|
|
|
|
|
|
|
|
|
Re: عضو كرت في الباب كو كو كو أهل الحوش يا جماعة هوي سلام عليكم (Re: عبدالعزيز عثمان)
|
مرحب حامد،،ابقي داخل يابا ،بالرغم انو نحن ضيوف لكن يمين تدخل..ود خالي كباشي مايخلعك ويخليك تتلبد،الدار امان ومبسوطين طب،،بس ان شالله تكون معاك خرتاية حكي وسعن ضحكات،،دي غايتو البتحجاك،،،وبرد الكليمة يابا،اصلو الكلمة الطيبة بخور الجوف...
دي المحرية فيكم يا زول ود خالك دا راجلا كلس بدور يخلعني الا هي الخلعة انا استلمتها مع الباس ورد بس بيكم ووسط الناس الحلوين ديل ندافر ونعافر لغاية انشا الله نتعلم والله كلك حكم وحكي حلو بالحيل
لك الورد يا امير
الاقتباس عندي حالتو بالبلا ومع البرلمة دي اها كوبي اند بست ههههههه
| |
|
|
|
|
|
|
|
|
|
Re: عضو كرت في الباب كو كو كو أهل الحوش يا جماعة هوي سلام عليكم (Re: محمد الطيب محمد)
|
يا حامد
سلامات البيت بيتك
ونرحب بك هنا ونتمني ان تكون
عند حسن الظن
تحياتي لك
ود الطيب لعلك طيب يديك العافية وتشكر علي الترحاب ماني شاكي تب اهو البيت بيتنا انشا الله بس ما نغيب الظن. بمناسبة ما نغيب الظن دي قال ليك واحد زول الله عريس جديد من كم شهر كدي وعندو نسيبة صعبة صعبة خلاص اها يوميا تشيل تنق وتسال في بتها اها الراجل دا كيف اها الراجل كيف المهم ما طلعت بالشي الفي بالا تقوم الصباح تمشي بيت نسيبا وتنشبك معاهو قال ليك لسانا صعب وكلاما كلو برا بتي وبتي ولو انت ماك راجلا وووووووووو اهل الولد قاموا اتدخلو وقومي يا شكلة ولعي اها زولنا اصلا ما زول مشاكل يقوم يجري بعيد في اخر الحلة ويتفرج من بعيد شكلة مولعة فوق وهو قاعد وخاتي يدينو في شداقينو وبشوف فجاة جا زول ماشي في الطريق يقف ويسالو يا زول الناس دي الحاصل عليها شنو متشاكلين كدي زولنا قال ليهو الناس ديل قالو لقوني( فوسكي)
اها يا قريبنا سودانا حالتو صعبة بالحيل وعشان الواحد يحدد يقيف وين دي زاتا والله مسعلة جد صعبة بس فوسكي دي ما منبقاها انشا الله
لك الورد يا امير
| |
|
|
|
|
|
|
|
|
|
Re: عضو كرت في الباب كو كو كو أهل الحوش يا جماعة هوي سلام عليكم (Re: cantona_1)
|
يا حامد يا برلم سلام
هسع دا وقت بجي فيهو ضيف؟ عندنا الساعة فاتت الواحدة صباحاً.. أمشي اللكوندة وتعالنا صباح الرحمن.. هسع ما عندنا ليك عنقريب ذاتو ..
بس لمن تجي راجع تجيب معاك عكاز كبير ومضبب.. والباقي ما محتاج شرح..
مرحب بيك .. لكن ما عندنا عشاء .. بموية وكملت .. ههههه
إن شاء الله قدمك يكون بارد على المنبر .. لكن طوِّل بالك وما تتضايق في ناس كتار بعكروا الدم وبرفعوا الضغط .. أبعد منهم عوجة واحدة بتجيك مافي..
تحياتي
كبـّاشي الصـّـافي
(العوج راي والعديل راي) .
كباشي زاتو يا زول انت ماك عارف ساكت
حرّم ندخل بيتك وننوم والصباح ارحم الراحمين نكوريك لناس البيت هوي الشاي وما تنسو اللبن واللقيمات
ويا ولد تعال ودي الملابس دي لناس جوة للغسيل واُمك كلما الفطور تستعجلو المافي شنو ،
عكاز والله حياتي الا كان بشوفو في يد الناس أبدا ما احتيجت ليهو حُرم في بلد الفرنجة انشكل ليّ مع زول دقيقة والتانية تلقاني حجاز 0
يا راجل أنا مرعوب ساكت الباشمهندس بكري جدعة لي بالتمنيات انا قايلو لعب الزول في اقل من أربعة وعشرين ساعة قال لي ياهو باس ورد . من الخُلعة قربت نقول ليو يا راجل خلي باس وردك معاك .
اها ندخل البورد نلقي الناس الجديدة ناس نضمي مقعد و مرتب من بوستات السلام الواحد نقشم. اها بديت نفكر طبعا بالجد مرعوب نكتب اسع ولا نصبر لغاية الصباح يجيني ليك خيال انو ناس البورد ديل كلهم بشوفو تاريخ تسجيلك وتصبر لغاية الصباح يقومو يفتكروك زول مجضم النضمي اها اتوكلت وقلت في سري اجدعو وهم نيام. كما فاغشيناهم وهم نائمون ويا دار دخلك زول جديد دا اسمو تكتيك الامتصاص او صرجا يعني ازلقا من دون تعمل كركبة او صوت.
يديك العافية ومشكور علي الترحاب والكتابة الجميلة الدافئة والله تثلج القلب و تنزل الطمأنينة وتأكد انو اختيار التواجد في هذا المكان كان خيار صائب بالرغم من المشغولية الا ياهو من بدايتو انبساط
لك الورد والحب وكل ما هو جميل
| |
|
|
|
|
|
|
|
|
|
Re: عضو كرت في الباب كو كو كو أهل الحوش يا جماعة هوي سلام عليكم (Re: ياسر بيناوي)
|
تشكر علي الترحاب يا وجيه. انا حي العرب بورتسودان ههههههه
ادروب قالو ليو الفريق عمر البشير جاي زيارة بورتسودان قال ليم حي العرب يديو تلاتة دحين الفريق البدي فريق تلاتة دا انا في ختراتو بس
.بلد فيهو هلال ومريخ و فرق في كل حلة وفي كل مدينة واي ركن وفريق واحد بس البلعب بيهو لغاية ما بقي مشير .
التحية لاهلنا الحلوين والجميلين في شرقنا الحبيب وهم يوزعون البسمة بنكاتهم الجميلة وروحهم العسل ودمهم الخفيف
الجماعة بقولو البرلوم بدا يلعب ضاغط شوية
لك الورد وكل الفي مرادك
| |
|
|
|
|
|
|
|
|
|
Re: عضو كرت في الباب كو كو كو أهل الحوش يا جماعة هوي سلام عليكم (Re: د.محمد بابكر)
|
شكرا علي الترحاب الجميل اكيد سيطيب المقام طالما يوجد امثالكم.
امين يارب و انشا الله كلنا نسعي لتحقيق هذا الحلم الوطن الديمقراطي المتقدم. المهمة صعبة بس ما مستحيلة. بالارادة القوية والعمل الجاد والتفاني والاخلاص وحب الله والوالدين والوطن والاهتمام بالصغار مشاعل المستقبل واحترام وقبول اختلافنا. حنصل وحيصبح الوطن الحب الكبير
لك الورد يا امير
| |
|
|
|
|
|
|
|
|
|
Re: عضو كرت في الباب كو كو كو أهل الحوش يا جماعة هوي سلام عليكم (Re: محمد المرتضى حامد)
|
اها يا ولدي الدنيا ضلمت والناس نامت وانا ذاتي الفيني اتلحقت وامس كباشي قال زيارة انصاص الليالي بتخليني انوم في لكوندة ودا انا ما بقدر عليهو في نيتي نكتب ليك شكر حق الابهات البجد داك الا خلاص بقينا في جاز المصافي.
تشكر علي الترحاب الدافي والمليان بحنان الجني وزي ما قال المثل رب جنن ليك لم تلده امك شوفت الدنيا دي كيف ياهو الواحد مع البرملة والمعافرة لم ليهو في جني المهم الشغلة لو يوم جابت ليها عكاكيز وفليق ياهو جناك البقيف معاك وانا والله محظوظ عوجة ما تلم فيني
لك الورد وكل ما تتمناه
| |
|
|
|
|
|
|
| |
حامد عبدالله
munswor almophtah
cantona_1
محمد الطيب محمد
عبدالعزيز عثمان
الشفيع وراق عبد الرحمن
haroon diyab
محمد عبد الله حرسم
محمد خضر بشير
د.محمد بابكر
محمد فضل الله المكى
Abu Baker Ahmed Abdel Rahman
ياسر بيناوي
محمد المرتضى حامد
ismeil abbas
علي الكرار هاشم
محمد مجيدو
جمال خضر
فيس بوك
تويتر
انستقرام
يوتيوب
بنتيريست