|
|
 السلام عليكم ياساده يا اكارم
|
بسم الله شرعت في اول سطر توكلت على عالم السر والجهر هو الذي ينفع ويضر ،
وصليت على واسع الصدر شفيعنا يوم الحشر ..
في بادئ الامر رأيت ومن باب اولى ان اتقدم بجزيل شكري وعظيم امتناني للباش مهندس بكري وكذلك الباش مهندس امين بشاري
ان اتاحا لي هذه المساحه بينكم
واتمنى ان اجد منكم ما اتمناه وان تجدوا مني ما يرضيكم ..
تحياتي لكم جميعا اخوه واخوات ..
|
|
 
|
|
|
|
|
|
|
|
Re: السلام عليكم ياساده يا اكارم (Re: الطاهر الطاهر)
|
حبابك يا الطاهر اخوي ،،حبابك...
معليش العمد مشغولين ترا ما شافوك...
اها ورغم اني لا زلت شايف روحي ضيف ضيف،،،
الا حوش بكري ده والله تلقي فيهو اطيب ناس...
بس وصية اخوي،،،وما ظنك بتحتاج ليها...
اختا الشخصي والكلمة الشينة واها،،،بتفيد وتستفيد...
| |
|
|
|
|
|
|
|
|
|
Re: السلام عليكم ياساده يا اكارم (Re: عبدالعزيز عثمان)
|
حبابك ات اخوي عبد العزيز ، وكتر خيرك كتير ان كنت اول المرحبين بي
والان ايقنت تماما انك شيخا مبروك تمشي على سطح الماء وتزاور احبابك البزوروك
من قبل ما تتعرف عليهم
فقد كنت بالامس القريب في ضيافتك وضيافة جدك كرداش حتى منتصف الليل وقبل تاريخ تسجيلي
فها انت الان تزورني قبل ان تدري اني كنت في ضيافتك بالامس
فهنيئا لي بك اخا عزيزا
| |
|
|
|
|
|
|
|
|
 Re: السلام عليكم ياساده يا اكارم (Re: احمد حمودى)
|
الاخوه والاخوات الافاضل
نعمات
احمد
فيصل
تسلمو كتير على الترحيب وربنا يقدرنا ان نرد افضالكم
اختنا نعمات وصيتك محل تقدير واحترام ،
اخونا فيصل الراجل اللزيز يازول اعتبرني معاكم من الليله لغاية ما نشوف راي الخيانه شنو
كان لقيت عرضهم مغري بقلب معاهم
| |
|
|
|
|
|
|
|
|
|
Re: السلام عليكم ياساده يا اكارم (Re: الطاهر الطاهر)
|
Quote: بسم الله شرعت في اول سطر توكلت على عالم السر والجهر هو الذي ينفع ويضر ،
وصليت على واسع الصدر شفيعنا يوم الحشر ..
في بادئ الامر رأيت ومن باب اولى ان اتقدم بجزيل شكري وعظيم امتناني للباش مهندس بكري وكذلك الباش مهندس امين بشاري
ان اتاحا لي هذه المساحه بينكم
واتمنى ان اجد منكم ما اتمناه وان تجدوا مني ما يرضيكم ..
تحياتي لكم جميعا اخوه واخوات .. |
مرحب الأخ الطاهر الطاهر،
وحبابك ألف، وفي انتظارا ابداعاتك ومهاراتك.
كيف في بادئ الأمر وانت عندك أربعة مشاركات قبل!
أتوقعك تقصد في أول الأمر وآخره!
هههههه
بالمناسبة:
تاريخ تسجيلك نفس تاريخي!
تحياتي وتقديري
| |
|
|
|
|
|
|
|
|
Re: السلام عليكم ياساده يا اكارم (Re: عثمان الشريف اسحاق)
|
لاحوله !
هشام كمال
منى عمسيب
قصي محمد
حبيبنا عثمان (حريقه )
ياناس براحه براحه علي
شاعرنا الرائع محمود فلاح رحمة الله عليه كان طريح فراش المرض
لما جوهو ناس عزاز عليهو ،، من شوفتو ليهم كتب قصيدة حبايبي الحلوين اهلا جوني وانا ما قايل حلوين زي ديل بزوروني ...
اها اسي انا زول نصيح في كامل قواي العقلية والجسمانيه ،، بطريقتكم دي حتمرضوني بحبكم ..
| |
|
|
|
|
|
|
|
|
|
Re: السلام عليكم ياساده يا اكارم (Re: الطاهر الطاهر)
|
طاهرووون .... حبابك الف
والمنبر نور يازووول ....
يا جماعة الطاهر دا .... زول ما ساهل .. وكتابتو سمحه بالحيل ..
نتمنى ان تفيد وتستفيد .....
اها رجعت من السودان ولا لسه بهناااك ؟؟؟؟
وبالتوفيق ان شاء الله ....
تحياتي ,,,,
| |
|
|
|
|
|
|
|
|
|
Re: السلام عليكم ياساده يا اكارم (Re: محمد مجيدو)
|
مرحبتين يا الطاهر ..
وإن شاء الله يكون ول أبا الطاهر .. على اليمين لو صدق الأسم أنتم أمام راجل كلس .. وقلم سنين .. وماهر .. وأمامكم مفاجآت لا حدود لها.
وعلى كل حال مرحب بالطاهر الطاهر ..
بريمة
| |
|
|
|
|
|
|
|
|
|
Re: السلام عليكم ياساده يا اكارم (Re: بريمة محمد)
|
هلا هلا ومرحب ..
اسفرت وأنورت ..
وبزيارتك حوشنا نور ياخ ..
طبعاً انت ما محتاج ترحيب .. قلم تأخر وصوله الى هنا
شهادتي فيك مجروحة يا حبيب ..
أتمنى لك حياة اسفيرية عامرة بالعطاء والبذل .. والله صحي :)
| Quote: وإن شاء الله يكون ول أبا الطاهر .. على اليمين لو صدق الأسم أنتم أمام راجل كلس .. وقلم سنين .. وماهر .. وأمامكم مفاجآت لا حدود لها. |
بشحمه ولحمه يا بريمه ...
| |
|
|
|
|
|
|
|
|
|
Re: السلام عليكم ياساده يا اكارم (Re: الامين موسى البشاري)
|
باش مهندس امين
ياود الكلكله برام .. مدينة الانغام
ياخ انا الان في موقف حرج جدا ..!!
اسي دايرني ارحب بيك كيف وانتم اهل الترحاب ..
ياود هبان ..
نحـن عيال هبـــان وهبـــان أبونا
واضحين ساعة الشدة ما بتعبوا بكوسونا
الفعل الزين شهونا والسرج أبورطراط لهونا
والجار ما بنخونا ونحمي كرامته لو كان عدونا
والما عارفين كرمنا مــرحب بيهم يشرفــونا
والدايرين دواسنا أحســن يلمـوا يجربونا
أو يسألوا الشافونا حمرة عين فروا ما لاقونا
والشدوا خيلهم غـدروا ما قدروا يحصـلونا
نحـن أهل الدين البجينا بخير أخــــونا
| |
|
|
|
|
|
|
|
|
|
Re: السلام عليكم ياساده يا اكارم (Re: بريمة محمد)
|
ولد ابا بريمه
يشهد الله اني مشتاق ليك شوق لو فرقوه على جميع اهل الولايات الامريكية لفاض ..
ياخي اتصلت عليك اكتر من مره عشان اغريك التحايا والاشواق لكن يبدو انك غيرت رقم التلفون
عموما تحياتي لك وللاسره الكريمه
وشهادتك اعتز بيها وافتخر بيها كتير ودا من طيبة اصلك وتواضعك
بس بالغت شويتين ,,, وين انا من قلمك واقلام بعض الفطاحلة هنا ..
اسأل الله ان يقدرني على رد افضالكم ويعيني على ارضاء ازواقكم بما تجود علي به خبايا بنت عدنان ..!!
تحياتي ..
| |
|
|
|
|
|
|
|
|
|
Re: السلام عليكم ياساده يا اكارم (Re: محمد مجيدو)
|
مجيدو يا مجيدو
علي اليمين فاض بي لهيب الشوق ياسيد الناس كيف احوالك
ياخ اللوعة في جواي وانا زدت في شوقك ياسمح انت وسمح زوقك ..
انا جيت راجع يامجيدو يا اخوي
وان دار محور سؤالك عن البلد واهلها
فالحمد لله لسه بنومو وبصحو على حلم راجع بكتبو في الفضا الشاسع بحلمو بوطن واسع ..
لا محزون ولا مهموم لا مسجون ولا محموم ..
قابضين على الجمره نايمين بدون تمره ..
لكن مهما ضاقت الاحوال اكيد قلم الظلم مكسور ..
تحياتي لك وللاسره الكريمه وان ربنا ودانا الشرقية اكيد بيتك حيكون لي اريح سكن ..
| |
|
|
|
|
|
|
|
|
|
Re: السلام عليكم ياساده يا اكارم (Re: Tragie Mustafa)
|
ام حازم
وحات كتاب الدين مشتاقين حد الانبعاج الحراري ذاتو ..
ياولية وين الحي بيك .!
خوتك خوة كماسرة
الشي لا بتتصلي لا بتسالي ، انا متصل عليك اكتر من سبعة وسبعمية مره
عموما ياستي مقدر مشغولياتك .. تحياتي للاولاد
عيييييك زمن ..!! ياحليل ود الزاهد ،، ود الاسد ،، عمك تنقو ،، بدر الدين ، حامد يوسف ، عالم بحر
حقيقة كتر خيرك كان ليك الفضل عرفتينا بناس فطاحلة ..
تحياتي ..
| |
|
|
|
|
|
|
|
|
|
Re: السلام عليكم ياساده يا اكارم (Re: MOHAMMED ELSHEIKH)
|
مرحب حباب الارباب اخوي محمد الشيخ
لاشك اخي الفاضل انك تنحدر من اسرة دينية محافظه بدلالة اسم الطاهر الذي يكثر في اسرتكم ..
فان هذا الاسم يكاد يكون مرتبط ارتباطا وثيقا بكل الاسر ذات الثقافة الدينية او الصوفية عندنا في السودان ..
امسك من احمد الطاهر اول قاضي شرعي بالسودان وتعال ماري بناس الخلاوي والحيران
ناس الشيخ الفكي الطاهر والشيخ الطاهر ود عبدالله ووو ....
شفت انا زول مبروك كيف اول من رحب بي شيخ عبد العزيز وان اسي جيت تميت البركه ..
اما مسألة البروفايل بتاعي اقول ليك حاجه ياود الشيخ
انا متابع للمنبر دا من 2004 م عاصرت الاعضاء الماتو والفاتو والقليل منهم مازالو قاعدين امد الله في اعمارهم
في بعض الناس هنا يا ود الشيخ تختلف معاهو في حاجه يجري جري يجيب بروفايلك ويجي
ويقول ليك .. هو انت بتاكل ملاح خدره ماشي تكون نافع !!
عشان كدا ياخوي خليناهو فاضي لا اكلات مفضلة لا لون سياسي ..
تحياتي ..
| |
|
|
|
|
|
|
|
|
|
Re: السلام عليكم ياساده يا اكارم (Re: أسامة العوض)
|
الاخ الكريم الطاهر الطاهر
مرحبا بك في سودانيزأونلاين نتمنى لك مقاما طيبا
كدة العقد الفريد قرب يكتمل
تراجي مصطفى
امين البشاري
احمد ابنعوف
مجيدو
الطاهر الطاهر
ناقصين ود السيالي و كوكو المفتري و سيف المناقل و حامد يوسف....
فتوش
| |
|
|
|
|
|
|
|
|
|
Re: السلام عليكم ياساده يا اكارم (Re: أسامة العوض)
|
مرحبتين حباب اسامة العوض
تسلم كتير اخوي على الترحاب وياها المحرية فيكم ..
تحياتي ..
******************************
لاحولة اخونا العزيز فتوش
الرجل الجميل في الزمن الجميل
ياخي مشتاقين كتير ياراجل ياملك .. كيف اخبارك والاسرة الكريمه عساكم بخير وعافية
سالين منك كتير والله . قبل تنقطع اخبارك
اخر معلوماتي انك في قطر معاك الاسرة
اجدع لي تلفونك في الخاص ياحبيب علنا نبل اشواقنا بسماع صوتك
تحياتي ..
| |
|
|
|
|
|
|
|
|
|
Re: السلام عليكم ياساده يا اكارم (Re: السيد أحمد إبراهيم)
|
ابو السيد يا قلب
ياخي الشوق كيمان كيمان ، بستان فل وازهار وريحان
ترحيبك اسعدني كتير ياحبة
واشتاقكم في حوش الاصحاب زي شوق العليل للعافية
بس اخوك اليومين ديل شايل ليهو جوال هكر زي بتاع ود القاضي
طبعا انت عارف ناس السودان مستنكحين اولاد كب
لغاية باب المطار واحد من الشلة والاصحاب اتعكلت في جوالي شالو
ومسكني ماسورة ..
الله كريم
| |
|
|
|
|
|
|
| |
الطاهر الطاهر
عبدالعزيز عثمان
Haju Muktar
فيصل محمد خليل
نعمات عماد
احمد حمودى
هشام كمال عبادي
مني عمسيب
محمد مجيدو
بريمة محمد
الامين موسى البشاري
علاء سيداحمد
علي محمد الفكي
MOHAMMED ELSHEIKH
Tragie Mustafa
haroon diyab
أسامة العوض
Fathi Ali Mohammed
السيد أحمد إبراهيم
فيس بوك
تويتر
انستقرام
يوتيوب
بنتيريست