|
|
|
 Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: عبد اللطيف بكري أحمد)
|
فعلا أخي عبد اللطيف منتهى قلة الذوق وعدم الإحترام لوالد هذا الشاب السوداني ..
وما أساءني هو ضحك احد ضيوف البرنامج بصورة توحي بالعنصرية وسوء السلوك ..
والله لو كان هذا خليجي كنت تراه يقف مثل ألف المد ولا يستطيع ان يمزق الأوراق كما فعل ..
فلتذهب جائزته إلى الجحيم ..
Quote: والله مثلك تماما لا ادري ماساقني للوقوف على هذه المهزلة
منتهى قلة الذوق يامصطفى الاغى
والسخف ، لم يتجاوبوا معك لانهم لا يعرفونك ولا يعرفون التمثيل حتى ولو كانت الجائزة مليون
الحق علينا ان صرنا نقبل اي تنطع من اي كائن
لو هو راجل خليه يعمل كدا مع شخص من الخليج!!
لعن الله الفقر وقلة الحيلة
ياربنا نسألك الستر والعافية واغننا عن هذا السحت!!! |
| |
 
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: Mashaer Ali)
|
Quote: سلامات اخي هشام
الناس ديل ما شافو الفيديو بتاع الراعي الطيب يوسف ولا شنو؟؟؟؟؟ قول ليه في ستين انت وقروشك ،، نحن القروش ما بتزلنا ،،
اللهم أغننا بفضلك عن من سواك
لك التحيه |
تحياتي يا اخت مشاعر ..
نعم نحتاج إلى القروش لضمان حياة كريمة ..
لكن الحصل امس دا كان مهزلة كبيرة واتمنى ان لا تمر مرور الكرام ..
على إدارة MBC انها تعاقب هذا الرجل أو على الاقل تلفت نظره لما قام به ..
مودتي بلا حدود ..
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: هشام كمال عبادي)
|
يا زول من غير فيديو مصدقنك
هذا الأغا مريض بداء جنون العظمة ويتعامل بتعالي حتى مع العاملين معه
ونرجسي من الطراز الأول ويطلب من الفنانات التغني بإسمه ويصادق النجوم بفرض نفسه بالقوة
وهو ضعيف جداً في علاقته بالرياضة من خلال تقديم البرنامج وطريقة محاورته للضيوف
ولكن يبدو أن الصدفة والحظ والمال وتمكنه من مفاصل البرنامج جعلته يصاب بالغرور
على كل حال لا يستغرب منه هذا التصرف
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: عبدالكريم أحمد الامين)
|
Quote: ** هُشام ..
** سلام وصباحك خير..
** ويالصدفه أيضاً مثلك شاهدت هذا الإنتيكه المدعو الأغا فى تعامله الإستفزازى مع الفائز السودانى ووالده ,, علماً بأن هذه الجائزه لو كان الفائز من جنسيه أُخرى من الجنسيات التى تجيد المزاح والمسخره لما قام بتمزيق الورقه أمام الكاميرا بهذه الطريقه الإستفزازيه ,, ولما ضحك ضيوفه لو كان الفائز أو الفائزه من جنسيه خليجيه ** علماً بأن مُساهمة المُشاركين عن طريق الإتصالات التلفونيه أعلى من قيمة الجائزه بكثير ,, وبذلك لاتعتبر مِنه من قناة MBC
^
^
## وللأمانه فلقد شارك الإبن والأب فى هذه المهزله بطريقة ردودهم وتواصلهم معه قد يكون الأمر لأسباب تتعلق بنا فى كيفية ُ مُخاطبة الآخرين وتريقتهم على لهجتنا بصوره سافره وسكوتنا على ذلك ,, والدليل سؤال الأب :- متين حترسلوا لينا قروشنا وكيف ... ورد الأغا بنبره حاده القروش حتصلكم فى إى مكان ... |
يا سعادتك سعيد انا بطلتك والله ..
اتفق معك تماما في انو الأب كان شريك أساسي في هذه "الجريمة" ..
شكرا على المرور الجميل ..
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: محمد جلال عبدالله)
|
Quote: لا يستغرب منه هذا السلوك
يقال ان زوجته تشتغل مذيعة في قناة الشروق بواسطة جمال الوالي
يعني جزء من مدخول بيته من ضهر الشعب السوداني القاعد يسخر منه |
نعم يا محمد جلال زوجتو هي الاستاذة مي الخطيب ..
وقبل سنة تقريبا قالت انها لا تتابع برنامج زوجها والسبب لأنه غليظ
| Quote: زوجة مصطفى الاغا : زوجي غليظ ولااتابع برنامجه |
شوف صورة الزول دا قبل سنين كانت كيف "قبل التلميع" والصنفرة ..
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: سفيان عثمان قرضيه)
|
| Quote: يا زول من غير فيديو مصدقنك |
الفيديو مرفق في المداخلة الأولى يا حبيب ..
شكرا على تصديقك ..
Quote: يا زول من غير فيديو مصدقنك
هذا الأغا مريض بداء جنون العظمة ويتعامل بتعالي حتى مع العاملين معه
ونرجسي من الطراز الأول ويطلب من الفنانات التغني بإسمه ويصادق النجوم بفرض نفسه بالقوة
وهو ضعيف جداً في علاقته بالرياضة من خلال تقديم البرنامج وطريقة محاورته للضيوف
ولكن يبدو أن الصدفة والحظ والمال وتمكنه من مفاصل البرنامج جعلته يصاب بالغرور
على كل حال لا يستغرب منه هذا التصرف |
الإتصال كان في ساعة متأخرة من صباح الجمعة 1 صباحا ..
وصادف ان يكون الإبن مصطفى نائم وبالتأكيد سيكون غير مركز بعض الشيء ..
وكمان هناك احتمال ضعيف جدا ان يعتقد ان الإتصال بخصوص فوزه بمليون دولار ..
ومصطفى الأغا لم يراعي قواعد المهنية الصحفية ويلتزم بلباغة الحوار ..
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: Balla Musa)
|
اخونا فيصل حبابك الف ..
Quote: بصراحة الاتنين يحرقوا الروح
مقدم البرنامج والولد و ابوهو
|
ههههههههههههه ياخي الزول دا متصلين عليهو الساعة 1 صباحا تفتكر يكون ردة فعلو شنو ..
بعدين الأيام دي قالو في ناس تتصل عليك انك فزتا في مسابقة زين ولازم تدفع وتاني ما تشوفهم ..
Quote: ياخي مافي أي استفزاز أو إهانة
بس نحنا في كثير من الأحيان عندما نتصل على قناة بنرتبك ومابنعرف نتكلم
بالاضافة أن عاميتنا السودانية غير منتشرة وسط العرب رغم انتشارنا كمغتربين
والمذيع كمذيع عايز ياخد ويدي مع المتصل قبل إعلان الجائزة
والضيف عاجز عن التعبير عن نفسه. |
دكتور بلة يا سدنة كيف يا حبيب ..
العامية حقتنا تعتبر اكتر عامية مفهومة في الخليج ..
لكن المشكلة في مصطفى الأغا العايز يعمل raw للبرنامج حقو ..
وعايز الناس تزغرد وتكورك وتمجدو وكان الجائزة منحة وهبة وليست اختيار كمبيوتر ساي..
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: Dania Elmaki)
|
ده أختلاف بتاع ثقافات واضح جدا.
واضح جداً أن الأغا محبط جداً من الطريقة الغير حماسية التي تحدثا بها الأب وأبنه الناعس،
طريقة هذا البرنامج تعتمد على الإثارة ولكن طريقة حديث الأب، وأبنه لم تواكب تلك الطريقة
لذلك ظهر الإحباط على مقدم البرنامج وصار يسخر منهم.
حتى بعد أن أعلن الأغا فوز عمر ب الجائزة .
عمر لم يتجاوب كثيراً ولم يستوعب حجم الجائزة ولم تتغير نبرات صوته معبرة عن فرحه.
عمر ووالده هم الذين قررو المشاركة في ذلك البرنامج ويبدو أنهم من المتابعين له، وكان يجب أن يكونو مستعدين.
| |
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: Deng)
|
شاهدت اعادة البرنامج.. صراحة لا اعتقد ان هناك سؤ ادب من الاغا
بل بالعكس هو تعامل بدون غضب مع برود ردود الفائز وابوهو
يمكن بس حكاية تمزيق الورقة دي شوية ما جايا
لكن تخيل زول يقول ليك انا مصطفى الاغا من الام بي سي وابنك فائز بجائزة الحلم
يكون الرد :نعم
اعتقد ان الاب وابنه ربما ظنو انها مزحة سخيفة من احد معارفم وما صدقوا القصة
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: مجاهد محمد الهادي)
|
والله يا خوانا يفقعو المرارة الابو و ولده ،، ونهائى ما بلوم مصطفى الاغا ،، ولاحظو انه اي زول مشترك فى المسابقة دي قاعد منتظر
يتصلو عليه ،،وشوف الناس ديل ضحكو على الابو ولده قدر شنو ،، جاين تلومو ضيوف البرنامج ،،
زول يقولو ليه فزته بى مليون دولار وكانه شئ لم يكن ،،، آي ،، آي ،،
انا ممكن اديهم القى ليهم سبب ،، انه البرنامج دا بجى متاخر جدا وبعلنو الفائز على اخر الحلة يعنى على الساعة واحدة نص الليل
وزي الوقت دا الناس دي بتكون نائمة
لكن برضو فقعو المرارة ،،
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: ودالعباسية)
|
شاهدت الفيديو و كان فيديو عادي ما فيه اي استفزاز شخصي. و طريقة مقدم البرنامج عادية جدا.
من الناحية الأخرى الفائز و أبوه كان من السودان و لا من أي بلد أخرى غير مؤهلين للحديث في اجهزة الاعلام و لا التواصل .
التساؤل هم ما دام بمثل هذه البساطة و إن لم نقل السذاجة كيف عرفوا الإم بيس ي و عرفوا فرص الفوز و اتصلوا كم مرة؟ ثم لا يعرفوا كيف يتعاملوا مع موقف زي ده . أقصد لا يتوقعوا أن يفوزوا و يتصلوا عليهم كما شاهدوا مع فائزين آخرين. آخر برود في الرد و تكرار في الاسم و أنا أبوه. و نحن ماشين بعيد ليه: البرامج الإذاعية و التلفزيونية الناس البقدموا أو بيستضيفوهم فرقهم شنو من الفائز و لا من أبوه؟
ده كله لإفراز لوضع عام مأزوم و متخلف .و المشكلة إنكم شايفين ما في مشكلة. السودانيين ديل عايشين في عالم آخر.
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: حسين عبد المجيد)
|
سلام لجميع المتداخلين ..
و لا أعتقد أن هناك أي سوء أدب من مصطفى الأغا بقدر ما هو ضجر من عدم تفاعل الإب و إبنه ..
مع طبيعة الفقرة الإحتفالية و التي عادة ما يظهر فيها الفائز و من هم حولخ بهجتهم و سعادتهم بالجائزة ..
و على فكرة الجتئزة ليست ملسيون دولار و لكن هي حصة من مليون دولار توزع على الفائزين الستة تقريباً ..
الإبن معذور لأنه ما بين نايم و صاحي و ربما مصدق و مكضب و الأب تعامل بجدية و ربما كان ينتظر فقط أن يخبروه
بأن إبنه الفائز .. يعني ما عايز كلام كتير .. و ربما طبيعة هي فيه و إبنه ..
سيختلف الأمر كثيرا بالطبع حينما يقوم وفد الأم بي سي بزيارة الإبن و تصويره و عرض حالته ساعة إبلاغه بالجائزة ..
أرى أن لا نحمل الأمور فوق ما تحتمل فالأمر أراه عادياً جداً فلا تهاجموا الإبن أو أبيه أو مصطفى الأغا ..
قولوا مبروك و ربنا يهنيهم ..
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: عصام دهب)
|
الف مبروك للإبن مصطفى على الفوز بالجائزة مهما كانت قيمتها ..
والشكر أجزله للمتداخلين ..
الحبيب عاطف عمر البوست ملكك يا حبيب ..
الحبيب دينق وسعيد انا بمداخلتك ، والله يستر انو الحكومة تشيل منها ضرايب وزكاة كمان ..
الحبيب منتصر عبد الباسط ، اتفق معك تماما ..
الأخت دانية المكي شكرا على المرور الأنيق .. كوني بخير ..
الحبيب علي ميرغني .. عبارات الآغا وضحكه التهكمي وتمزيقه الورق هي اكبر استفزاز ..
الحبيب هشام أمين .. فعلا على الآغا أولا الإعتذار لأسرة مصطفى عما بدر منه من تهكم ..
الحبيب الموسيقار يوسف الموصلي .. شكرا على المرور الأنيق وسعيد بطلتك ..
الأخت المرهفة وضاحة .. ههههه قلتي لي فضحونا بس الآغا دا استفزهم بصورة غريبة ..
الحبيب مجاهد محمد الهادي .. شكرا على المرور ، وفعلا الآغا يعتقد انها منحة او هبة وليست جائزة ..
الحبيب ود العباسية .. معاك انهم حرقو روحنا ، لكن يمكن دي طبيعتهم ..
الحبيب محمد عبد الله الحسن .. احترم وجهة نظرك يا حبيب ..
الحبيب حسين عبد المجيد .. يا حبيب لو كان الفائز من دولة خليجية كان الحوار اختلف تماما ..
الحبيب عصام دهب .. فعلا عمليات نصب كتيرة حصلت في السودان في الفترة الفاتت دي ..
شكرا ليكم كلكم على المرور والتعليق ..
مودتي ..
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: عصام دهب)
|
بعض التعليقات على مصطفى الآغا في الفيس بوك ..
Quote: بالفيديو.. #سوداني "نائم" يقتنص جائزة #الحلم "السادسة" ويحير #الآغا
http://onmbc.net/vFP96
#صدى_الملاعب #MBC1 |
Quote: Nourelhooda Mustafa
يااااا مصطفى الاغا يااا اغلامي يا كبير كنا فاكرنك لكن طلعت اااعلامي صغير ماعندك ااي رحبة صدر بيمسخر على السوداني البسيط وقطع الورقة الساعة التي يبت فيه الرنامج عندنا في السودان الساعة 12 ليلا والفائز مزارع بسيط في قري ود مدني يعني ااااكيييد نايم بعد صلاة العشاء وفي ناس طبيعتهم كدا عندهم برود وحتى لو ما اتفاعل معك ما كان في دعي تستفزه وتمسخر عليه بشكل القذر دا وتقطع الورقة على الهواء يعني انت يااا اغا الله يسامحك يعني ماعندك اااي تقدير للناس البسطاء وبدل المسخرة كان تقدر انو نائم وتوضح دا للمشاهدين و وتجد له العذر سامحك الله ياااااعلامي يااا كبير |
Quote: Naglaa Gadelrab
ونحن السودانين والحمد لله من راعينا البسيط لي دكاترتنا وبروفسيراتنا ناس عندنا وزق واخand#65275;ق عاليه ...سوداني وخليك سوداني ... حتي القروش ما بتغيرنا والتعليم بيخلينا متواضعين
انا ما حصل شوفته مذيع سوداني شغال في اي قناة عربيه بيتمسخر علي اي واحد عربي ..... لكن and#65275;نو دا طبع فيكم . فالطبع يغلب التطبع .... وبعدين القروش بتاعت الحلم دي مصطفي اand#65275;غا دافعه من جيبوا يا وهم ... انا لولقيت الجواب المصور بتاع شركه اand#65275;تصال المساهمه لي جمع المال ح ارسلوا ليكم .... بعدين النجاح من غير حسن تصرف ولياقه يعتبر تمثيل ... وللاسف هو ما قدر يمثل وظهر علي حقيقتوا .. طبع الشوام عامة
|
Quote: Mervat Abdallah
بغض النظر شو عمل وشو حكي السوداني ....اعلامي كبير متل مصطفي الاغا المفروض انه ما قطع الورقة ورماها بالجو لانه بتتفسر ع انها استخفاف بالناس من وجهه نظري انا شفت انها حركة غبية لانه ما عرف يتمالك نفسه |
Quote: Omeima Mohammed Othman
يا جماعه صلو على النبي ....الاغا مااتمسخر عليه ولا شي بس الشيء الطبيعي والمتوقع ان رد الفعل يكون مختلف وعلى رايه دي ثروة جات لحد عنده المفروض يكون ايجابي شويه ..ويتفاعل ..والله انحنا كمتفرجين اتشلينا منه ومن ابوه البيرد على تلفون ولده ....
3 · 10 hours ago |
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: سفيان عثمان قرضيه)
|
بعدين ياخواننا في حاجة والله السوداني عنده عزة نفس
يعني يقعد ينطط ويكورك زي الاهبل عشان جاتو قروش حتى لو مال الارض دي عيب عندنا
يعني ما بنهبل نفسنا عشان قرش زي ما بحصل في بلاد تانية مصر وللا سوريا ذاتا
الواحد لو جاتو. 500 دولار يلم البلد كلها نحنا عيننا مليانة الحمد لله حتى لو فقراء
انا مرة في الشغل المدير اختارني لتنفيذ مشروع وقال لي مكافأتك حتكون كده (أكثر من راتبي)
استقبلت الكلام ده ده بي برود وثبات وما أظهرت اي لهفة حتى هو ذاتو استغرب وكرر لي الكلام قال لي حنديك مبلغ كده وكان في زميل مصري اتلهّف ونطط عيونو انا بنفس الهدوء قلت ليهو خير ان شاء الله وتجاوزت النقطة دي وبقيت اناقش فيهو في التفاصيل
ده طبع فينا ما بنخليهو وفي قصة مشهورة قالوا مسؤول مصري زار السعودية على ايام الملك فيصل قام شاف القصر مليان سودانيين فسأل الملك ليه ما بتجيب مصريين فقال ليهو اوريك فنادى مصري وقال ليهو من بكرة ما عندك شغل معانا قام بقى يبكي ويكورك وقال ليهو انا عندي عيال فقال ليهو امشي ونادى سوداني قال ليهو من الشهر الجاي ما عندك شغل معانا السوداني قال ليهو وليه من الشهر الجاي ؟ من هسي دي!! القصة رواها بروف مالك بدري
وفي الاخير السعب السوداني عموما لا يحب إظهار مشاعره إلا الغضب :) ماكلين حلال
بس شايل هم الجماعة المزارعية ديل جاياهم قروش قمار وحرام وهم هسي
| |
|
|
|
|
|
|
|
|
 Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: هشام كمال عبادي)
|
حبيت اجيب ليكم الرابط دا من موقع النيلين ..
Quote: حقاً هي جائزة ” الحلم ” ، فبينما يغط ” مصطفى محمد الحسن ” ( 59 ) عاماً في نومٍ عميق يوم” السبت ” إذا بجرس الهاتف يرن بإلحاح لترد زوجته على ” الرقم الدولي ” الغريب ، فإذا بالطرف الآخر يطلب ” مصطفى ” بإلحاح فتوقظه زوجته ليُبشر بفوزه بجائزة ” الحلم ” بقناة mbc وقدرها مليون دولار أمريكي ، لم تسع الفرحة ” مصطفى ” الذي يسكن بحي ” المنيرة ” بمدينة وادمدني حاضرة ولاية الجزيرة ، ويعمل ” مصطفى ” بشركة CTC الهندسية بوادمدني ، وقد شارف على ” التقاعد ” هذا العام ، كما افاد مصدر مقرّب لـ ( سوداناس ) .
وكانت أسرته قد شاركت باسمه بالمسابقة ” دون علمه ” وقد أيقظ من النوم ليفاجأ بالبشارة ” الحلم ” التي زرعت الفرحة وسط أسرته وأصدقائه وجيرانه ليصبح الفائز الثاني من السودان .
وكان ” عوض الله صالح محمد أحمد ” يسكن الخرطوم بحري بالسودان ، قد فاز بأول مليون دولار في على نفس المسابقة بقناة mbc والتي يقدمها مصطفى الأغا |
فكان رد أحد الاخوة على المقال كالتالي ..
Quote: 37 Saudi Arabia [ود حي ناصر]
3.50/5 (2 صوت)
04-12-2014 10:39 AM
الموضوع تفاصيله غير صحيحة بالمرة وهو كالتالي
اتصل مصطفى الاغا ولم يرد احد فطلب استبدال الرقم برقم اخر الا ان معد في البرنامج حبيب السودانين (حمادي القردبو ) اصر ان يتم الاتصال مرة اخرى بالرقم لحبه للسودانين وتم الرد عن طريق الوالد مصطفي محمد الحسن والد عمر الذي هو قام بالاشتراك وهو عمره ستة عشرة عاما (16 سنة ) وللاسف خذلونا مع مقدم البرنامج بالبرود الشديد من قبلهم بعد اعلامهم بالفوز بالجائزة وقبلها دار حوار طويل مع الوالد مع مقدم البرنامج باعتباره هو المشترك واتضح انه هو والد المشترك عمر برود انجليزي انا بعذر عمر لانوا صحوا من النوم لكن المليون دي مفروض تخلي يصحصح في نهاية البرنامج داعب مقدم البرنامج بعد ان تعب من البرود الانجليزي للاب والابن الاب بانه ذاهب للرياض فهل يريد شيء الا انه وبكل برود قال له ( القروش نستلمى كيف ) مما دعى مقدم البرنامج بتمزيق الورقة التي بها اسم الفائز ، فكرة البرنامج وخاصة مقدم البرنامج يطلع للبهجة والشهرة ويريد التفاعل الحي الا ان برود عمر ووالده احبطاه ، لقد ذكر كثير من العلماء والفقهاء بحرمة المشاركة في مثل هذه المسابقات والله اعلم .
|
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: وضاح عبدالرحمن جابر)
|
أُثني على كلام الأخ دينق
البرنامج قائم على الإثارة
ويقاس نجاحه بلحظة تلقي الفائز لخبر فوزه وكيقية التعبير عن ذلك سواءً بالصراخ أو الضحك أو الزهول أو أو ... إلخ
جماعتنا كانوا في منتهى البرود
وفقعوا مرارتنا ،، حيث قابلوا الخبر بمنتهى البرود والبلاهة
جد ،،،، الأغا ليهو حق يعمل أو يقول أي شي
لأنهم فعلاً باردين وخربوا ليهو الرصة مرررررة ( على فولة أخوانا السعوديين )
عموماً ،،، الأغا راجل زوق وظريف ,،، وعمك وولدو ليحان ،،، ليحان تلج وإنا لله ،،،،،،،،
وسلامتكم
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: محمد عبد الله الحسين)
|
الاخ هشام والمرور الكرام ...
الف مبروك للعايلة الجائزة ....
للذين مروا من هنا وعلقوا على الخال العزيز مصطفى محمد الحسن ....
اولا هو من الرباطاب الشريك تحديدا
ولد ونشاء وترعرع بالقضارف حي الجناين ....
خريج جامعة الخرطوم هندسة
وعاش في فرنسا زمنا ليس بالقصير
من الرجال الذين يهتمون بالعلم والقراءة ...قليل الكلام ومنكبا على عمله دوما
مهذبا خلوقا لدرجة تجعلك تحترمه وتهابه ....جاد جدا في حياته ....
ابناءه من الاذكياء والاوائل في المدارس .....
لذلك قد لايكون على علم باشتراك ابنه من اصله .....
سمعت مادار بينهم كان كلامه واضحا ولكن الاغا حسب ما يحمل من فرح كان عبيطا ....لا اقول قلة ادب ولكن طريقته تختلف من السودانيين ولو كانت الاسرة متابعه للبرنامج لتبادلوا الفرحة ولكنها كانت مفاجاة بالاضافة لعدم الالمام من اصلو ...
مصطفى خالي زول جمييييل وراق ومن قراء سودانيز
فلماذا هذا الكلام
يحرق الروح
عبيط
من قال اننا نقبل هذا ...؟ومن يحق له القول القبيح وهذه الاوصاف ....؟كيف لكم يا مستنيرين ان تطلقون الاحكام على عواهلها ....
اعرف جيدا ان الاغا هذا له الكثير من الاحقاد على السودانينين من خلال زوجته المذيعه السابقة من الشروق مي الخطيب ...وخاصة بعد التفنيش ولكن من اين اتيتم بان الاب وابنه هبل
اعيدوا المشاهده مره واخرى وتخيلوا زول بتصل عليكم وانتم نيام وليس لكم فكره من اصلوا بان ابنك مشترك في برنامج او فرتكان
وحاشا ان يكون الباشمهنس مصطفةى محمد الحسن الهادي ميرف ....اهبل او عبيط ...ارحموا حالكم
شكرا يا هشام ومعزوم معانا للاحتفال ....كنت اود نقل جزء من احتفائنا ولكنني ارى الا شي يستحق ....
شكرا لك هشام
وشكرا حزينا لكل هذا البؤس وصناعه
والدولارات تفرح ولكن لاتدهش من ترعرعوا في كنفها ....
مبروك الخال مصطفى
والخالة اماني عمر الشامي
مبروك عمور
ولكل العايله
جعلها الله دولارات خير وبركة
| |
|
|
|
|
|
|
|
|
|
Re: سوداني يفوز بجائزة مسابقة الكنز ، ومصطفى الآغا يستفزه بصورة غير لائقة (Re: نعمات حمود)
|
الأخوة الكرام والاخت نعمات
بأمانة الموضوع يستحق الوقوف ولا نلوم او نجرم احدا لكن اسلوب بعض السودانيين فى التعامل مع الغير واجهزة الاعلام ينم عن برود وعدم تركيز الامر الذى يفسر فرية المصريين عنا باننا كسالى وكنت اتوقع من الاب المثقف المتعلم ان يملنا خير تمثيل امام هذا الاغا ولا نجد له العذر للمفاجأة كما قال البعض لانه لم يفصح حتى بعد الشرح المستفيض من المذيع اما الابن الفائز وحتى ان تملكه النعاس كان يدرى انه اشترك فى مسابقة الحلم وهناك احتمال ولو ضعيف بان يكون الفائز ويتصل عليه الاغا كما يشاهد الmbc وحتى بعد اخطاره من الاغا بانه الفائز لم يعبر عن نفسه حال معظم السودانيين
حقيقة نحن شعب يملك حياء جما يفقدنا الكثير من الحيوية والتفاعل مع الاحداث وهناك خلل فى تركيبة الشخصية السودانية من حيث عدم المقدرة على التعبير وعرض منجزاتنا على الغير والتواضع المخل والتأدب فى غير موضعه
هناك درس مستفاد من هذا الفيديو وحلقة الأغا التى شاهدها الملايين على الهواء نرجو ان يستفيد منه الكثيرين حتى لا نقع فريسة الانطباعية من امثال الاغا ونصنف على اننا لا نجيد التعبير عن انفسنا
| |
|
|
|
|
|
|
| |
هشام كمال عبادي
Mashaer Ali
سفيان عثمان قرضيه
محمد جلال عبدالله
عبدالكريم أحمد الامين
عاطف عمر
فيصل محمد خليل
Balla Musa
منتصر عبد الباسط
Dania Elmaki
Deng
Hisham Amin
Elmosley
وضاحة
مجاهد محمد الهادي
ودالعباسية
محمد عبد الله الحسين
حسين عبد المجيد
بدرالدين بابكر مصطفى
وضاح عبدالرحمن جابر
سيف الدين محجوب
نعمات حمود
Mohd Ibrahim
فيس بوك
تويتر
انستقرام
يوتيوب
بنتيريست