|
|
 هل تمثل سودانيز المجتمع السوداني ?
|
هل يمثل سودانيز منبرا شعبيا يعبر عن الشعب السوداني بكل قطاعاته , ويمثله حسب ثقله السكاني ووفقا لقضاياه واهميتها
او بشكل آخر
هل من يقرأ سودانيز سيأخذ تصورا يقرب للحقيقة عن السودان
|
|
 
|
|
|
|
|
|
|
|
Re: هل تمثل سودانيز المجتمع السوداني ? (Re: عبدالحفيظ ابوسن)
|
المجتمع السوداني مقسوم لقسمين لا ثالث لهم
السلطة واهلها وهم من يستأثر بكل الثروة القومية
بقية الشعب الذي تزداد معاناته كل يوم
وهو يعاني من كل اشكال المعاناة التي لا يتصورها احد
الفقر والجوع والمرض والحروب وانعدام الامن والظلم وتغول السلطات التنفيذية
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: عبدالحفيظ ابوسن)
|
سلام أبو سن،
خلينا نسميها: فرع من كل شجرة
وأحيانا وقت العواصف تميل فروع عدد من الأشجار لبعضها البعض.
مع المحافظة على أدنى درجات الإرتباط بالشجرة الأم.
و كثير من ذات الفروع المنتشرة على الغابات الأخرى بذورها من ذات الأشجار !
تقدير واحترام
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: قصي محمد عبدالله)
|
بسم الله الرحمن الرحيم
الجميل / ابوسن
في الواقع ما نراه الآن في البورد بعيد كل البعد عن واقع السودان
والأمر لا يحتاج لتفعيل ولكن كمثال فقط العنصرية الموجودة بالبورد
والتنابذ بما يدلل عليها لا وجود له في واقع حياتنا بهذه الصورة الفجة
والمنفرة والمتكررة بصورة أصبحت شبه يومية
( كلمة تفعيل عاليه وردت بالخطأ بدلا عن تفصيل )اما عن اسهاماتنا فحدث ولا حرج
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: Artiga Gilani)
|
مرحبا قصي
وحبابك والله
هل هذه الفروع من ذات الشجرة التي تنبت في ارض السودان ?
وهل تلك الاشجار التي تأوي نحو بعضها البعض روتها مياه الوطن
قالو في المثل
الشدرة كان ميلت بتتكي في اختها
التضامن والتآذر من القيم السودانية الأصيلة
ويا ابومرة البجيك بي فرارة من غير تأخير , بجيك لي عدوا قاصد شر
يا قصي والله مشاكلنا داخل الوطن لا تشبه هذا
هي مشاكل في غاية الوضوح والبساطة
مشاكلنا تقبع في ادني مثلث مالتوس !
تحية وود لك واحترام
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: عبدالحفيظ ابوسن)
|
لا يا ابو سن
سودانيز اون لاين لا يمثل الشعب السوداني
العضويه فيه هي لا تعكس التمثيل الحقيقي لشعبنا
اديك مثال
حسه من اكبر الفاعلين سياسيا في العمل المسلح هم اهل جبال النوبه….مثلا
تعال شوف عضويتهم كم؟!
وهكذا يا صديقي…..
كذلك نسبة النساء للرجال ههههههههه لا تمثل المجمتع السوداني نهايء.
وقس علي ذلك.
| |
|
|
|
|
|
|
|
|
Re: هل تمثل سودانيز المجتمع السوداني ? (Re: عبدالحفيظ ابوسن)
|
أنا رأي، وحسب خبرتي في المُنْتديات، إنو الأعضاء هُم البتأثروا بِالبيحصل في الوطن، والوطن ما بنحدِث فوقو أي فرق البتة.. الوهم العايشنو بعض الأعضاء هِنا وفي غيرا مِن المنابِر الإسْفيرِية، بصَوِر ليهم إنهُم بحْدِثوا فرق، الواحِد تلقاهو بِيكْتِب كأنو شايِف الشعب مُتلهِف لِحروفو وبِتْشابا ليها، تحِب أديك مِثال، طَيِب.. خُد عِنْدك مثلاً بشاشا بِجوعِر ليهو قريب الـ10 سنوات بِتاريخ قاطعو مِن راسو، وبِطول تكرارو ليهو وعلى مدى سنوات، صدقو، قام سواهو مِدْماك لمنفِسْتو سِياسي.. عِنْدك تاني مثلاً زي تراجي البِفوق دي، بتقول بِوش بِحق المرأة ونُبْل الديمُقراطِية والمانشيتات دي، وبِوَش كالِح تاني تلقاها بتصرِح بِإنو [ثلاثة أرباع بنات جامعات السودان عاهِرات]. عِنْدك تاني منو.. عِنْدك مُحسِن خالِد كتب هِنا ده عن المغربِية السحاقِية القال على لِسانا: [أنيكك وأنيك كل الرجال] وكتب عن أمثالنا السرِية -حسب مُسماهو- وسرد أقذر الأمثال [البتِتْناك ما بتغطي جملا] [الشقي تعتِر ليهو بيضاتو] والناس تعال شوف تأوهاتُم.. يا رائِع.. يا جميل.. يا مُبْدِع.. قام قال [أنا خليفة عيسى ابن مريم] أو حاجة زي دي، الناس سكتت التقول في كيبوردا موية، قام تاب ورجع، الناس صفقت وإشْتغلت تااااني.. يا رائِع.. يا جميل.. يا مُبْدِع. شوف مُدعي النِضال الهِنا، عملو شنو غير [أن أخرجوا أيها الشعب السوداني البطل] [إن الصُبح لآتٍ آت] والواحِد تلقاهو لامِن كان في سودان البشير بِغِم ما بِقولا، وكُل كام سنة بِزور السودان وبِكمِل إجازتو في الفواتِح والقيدومات والسِمايات ويِصُد إلى ميدان نِضالِه.. إلى غرفته ذات الستائِر، فيعد لنفسه كوب مِن الكابتشينو ذو الرغوة، يفتح الأبجورة، يسدل الستارة، ثُم يبدأ في النِضال [أن أخرجوا أيها الشعب السوداني البطل] [إن الصُبح لآتٍ آت]
المنابِر الإسْفيرِية لا تُحْدِث فرق.. بل تُفرِق مَن بعثرهم الله تعالى في الأرض مِنا
إحْتِراماتي ود أب سِن
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: عبدالحفيظ ابوسن)
|
Quote:
هل يمثل سودانيز منبرا شعبيا يعبر عن الشعب السوداني بكل قطاعاته , ويمثله حسب ثقله السكاني ووفقا لقضاياه واهميتها
او بشكل آخر
هل من يقرأ سودانيز سيأخذ تصورا يقرب للحقيقة عن السودان |
تحية طيبة لك أخي عبدالحفيظ
فكرة الطرح من حيث هي فكرة غير مسبوقة
وتشكل إيجابية عالية التردد إيجابية تبدو في
هيئة مظلة مترامية الأطراف دون مشاهدة
نهايات لأطرافها وكلما وقفت تحت مفهوميتها
تجد نفسك انت المنتصف أقصد محل الأمينة
أخاف على أن تضيق المظلة هذه بفعل الأسئلة
المطروحة ..بالصورة دي وبالتالي يصبح
ماتحت المظلة هو سراب بقيعة .
ياسيدي ماجرى به قلمي هي مفاهيم انبرت لي
من زاوايا محددة وكان غصباً عني اتناولها
كمابدت لي ..وإلا كنت سأخون فكري بالتحريف
والإصطناع ....
هذا فيما يلني أنا شخصياً ..أما فيما يخص
عموم الطرح والاسئلة الواردة فيه فإنه يمكنني
القول بكل أريحية أن الأمر لايمكن أن يكون
كذلك حيث لايمكن اختزال دولة كاملة
وشعب يمثل شعوب قارة بحالها لايمكن إختزاله
في موقع واحد ..والموقع في حد ذاته لايمكن ان
يتصدر مسئولية تمثيل شعب بحالو ولا ننسى التنوع
والإختلاف والإئتلاف ...
من ناحية أخرى يمكنني الاجابة بنعم فقط بشرط
التناول الجزئي وأكرر الجزئي .
يظل سودانيزاونلاين كبير بمعانيه وشامل في تناوله
أقصد تناول الاعضاء فيه ..ويظل كذلك في الريادة
وفي مقدمة المواقع السودانية بكااااافة المقاييس
عند اللفة بس :
-------------
في ذات الوقت يظل الموقع جزء من السودان
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: معتصم سليمان)
|
مرحب معتصم
وحبابك
كتر خيرك والله
بلاشك ان الموقع يعول علية , نوعيا بجدارة عضويته ,, وانتشارا بعدد قراء الموقع
فهو موقع مقروء ويأمل الناس فيه كثيرا , لذا كانت تلك الاسئلة , وهدفي منها ليس الادانة بل التجويد
إن إفتنعنا بأن حميد او محجوب كشعراء يعبرون عن كامل الوطن وهم افراد , فالأمل معقود علي سودانيز ان تكون برلمانا يمثل السودان حكومة ومعارضة
كامل الود
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: عبدالحفيظ ابوسن)
|
الفئات العمريه في سودانيزونلاين
اقل من 20 سنه 3%
20 - 30 7and
30 - 40 12 %
40 - 50 35 %
50 - 60 35 %
60 -70 5 %
الفئات العمريه في السودان
اقل من 20 سنه 15%
20 -30 20 %
30- 40 22 %
40 - 50 22 %
50 -60 10 %
60 -70 10 %
سودايز ونلاين تمثل فئة عمريه معينه وهي فئة تملك = مقدرات مالية وحرية في الاختيار = اما اسوأ ما في الامر ان الشباب السوداني قد هرب من السودان وبنائه ومن الصعوبة اعادته للوطن = فعلأ ومجازآ=
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: اخلاص عبدالرحمن المشرف)
|
عبد الحفيظ..حبابك يا صديقي
التحية للصديقة اخلاص المشرف ..و متذكرها لمن كانت مشاركة عبر نافذة الفيس بووك.. الف مبروك يا اخلاص نيل العضوية..
و بعد..
الحساب و اضح يا عبد الحفيظ..و بيني بينك مرعب للغاية..
احصاءات اخلاص دايرة توصل ليك أنو المنبر ناسو عجايز خالص ..و بعيد عن الواقع الحقيقي..
في المنبر الناس ألأقل من عمر خمسين سنة نسبتهم (22%)..و الناس الأكبر من عمر خمسين نسبتهم (75%)..
اما في واقع السودان ، في نفس المعطيات:
الناس الأقل من عمر خمسين سنة نسبتهم (57%) و الناس الأكبر من عمر خمسين سنة نسبتهم (42%)..
الحكاية دي انا فهمت منها انو السودان ماشي على الشباب و المنبر ماشي على ان يكون عجوز..
المسألة الثانية.. خطاب المنبر و طرائق تفكير اهله لا تتماشى مع واقع السودان..!!
المهم ده الفهمتو ..ولو غلطان قولي عووك يا اخلاص..!!
دمتم..
كبر
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: Kabar)
|
غايتو مدخل علمي شوية يا حفيظ ..
لو شئنا بالتمثيل هنا التعبير الحقيقي عن المجتمع السوداني .. وبالتالي قضاياه الخ .. فلابد من من تطبيق مفهوم العينات العشوائية وبعداك نجي نعمل ليها stratification ومن ثم تبدأ العمليات الاستدلالية نحو التعميم .. (يعني كلامي ما علمي شديييييد عشان الدقة وكده .. كلام من الراس) ..
بهذا المعنى لا يكون المنبر تمثيلا حقيقيا لاهل السودان لان العينة الموجودة مورس في انتقاءها الشيء الكثير ..
أما لو كان المراد ان المنبر يمثل مجتمعا سودانيا او مجتمعات سودانية فدي مسألة مؤكدة بحكم التكوين .. وبالتأكيد تعبر هذا المجتمعات السودانية الموجودة في المنبر عن قضاياها .. ولربما كان سودانيزاونلاين هو المنبر الاكثر حظا في هذا المجال ..
مودتي ..
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: محمد حيدر المشرف)
|
شكرآ كبر علي ايضاح الفكره ونمشي خطوة كمان للحل ومحاولة جذب الشباب وافتكر الاعلانات عن الاشياء والبضائع التي تهم الشباب قد = تدينا فرصة فيهم = يعني بكري لو وظف شريط الاعلان ل = اكسسوارات الموبايل واللاب وبعض صور مشاهيرهم واشعارهم و ووو
حاولو معاي
ود اخوي النابه محمد الحسن كيفك ود حيدر اخوي
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: محمد حيدر المشرف)
|
مرحب كبر
وحبابك يا صاحب
اخلاص المشرف كانت من المشاركات النشطات من خلال النافذة ولها التحية
قبل كدة جات رسالة في الواتس وانتشرت في الفيس فيها اعمار قيادات السلطة وكلهم يفوقون ال70 عمرا
والزول لامن يكبر قدر ده حكمه للأمور مختلف ، وواضح اهو همهم كلو يوفرو مستقبل اولادهم ولا يوفرو مستقبل الوطن
المنتدي صعب الحكم علي سن عضويته فهي غير متوفرة , لكن يمكن التكهن بها من نوعية اللغة والمواضيع وحديث الذكريات
فأقول مطمئنا ان معظم الاعضاء فوق ال40 او دونها قليلا
كامل الود
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: عبدالحفيظ ابوسن)
|
مرحبا ود المشرف
حبابك يا صاحب
كما اسفلت لا توجد احصائيات دقيقة
لكنها فعلا عينات عشوائية ! فهي تضم جميع فئات الشعب , ولم يتم اختيار الناس وفق ضوابط محددة معروفة , هذا علي حد علمي
التمثيل واضح شكليا , لكن حقيقيا هل تمثل ? التمثيل وفقا للأهتمام بقضايا الوطن وطرائق حلها التي تضع المشاكل الحقيقية اولوية
مثلا
نحن في داخل الوطن مهمومون بالتعليم وانهياره وغلاء تكلفته , كقضايا نواجهها بشكل فردي يوميا
انعدام الغاز وغلاء سعره
وقوفنا وحدنا امام الحكومات المحلية في فرض وزيادة الرسوم واقتلاع الميادين وفساد الموظفين
مواجهين يوميا بغلاء الاسعار وعدم قدرتنا علي توفير متطلبات اسرنا
انتشار السلع الفاسدة والمسرطنة
فساد الذوق العام الذي تدعمه الحكومة بدعم القنوات
ووووو
فهل تلك القضايا لها الحظ داخل المنبر حين طرحها
ام قضايانا الشخصية , فالقضية الشخصية والموغلة في الشخصنة تتفرع لأكثر من بوست
نعم المنبر سوداني فكلنا سودانين وقلت سابقا لم اطرحه بهذه الحده
اكيد الود
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: عبدالحفيظ ابوسن)
|
Quote: ن إفتنعنا بأن حميد او محجوب كشعراء يعبرون عن كامل الوطن وهم افراد , فالأمل معقود علي سودانيز ان تكون برلمانا يمثل السودان حكومة ومعارضة
كامل الود |
اخي الكريم عبدالحفيظ
لك تحية طيبة
معك مرة أخرى وسأكون إن شاء الله
كلما كان ذلك ممكناً
بمعنى آخر كلما وهبتني فرصة
لو اتفقت معك جدلاً أن حميد أو محجوب
شريف هم أفراد يعبرون عن وطن كامل
قد لا أتفق معك بأن سودانيزاونلاين سيمثل
برلمان يدير السودان ...عارف ليه ؟؟
عشان لا المعارضة بطريقتها المتبعة هنا
ولا ناس الحكومة بطريقتهم المتبعة هنا
حيكون في خير فيهم للسودان
صدقني 90 في المائة من البرلمان ده
حيكون نبذ ومهاترات لاتسمن ولا تغني
من جوع والنتيجة حتكون شنو ؟؟؟
ينط فيها عسكري والمزيكا تطرب ولبيان
يصدر ويجي عاليها سافلها .
إذا يا سيدي فإن لى سودانيزاونلاين كموقع
رائد وريادي أن يقوم بدور في الوقت الراهن
دور مهم وهو بث الوعي وخاااااصة وعي وأدب
الإختلاف ..والمنهج الصحيح في حوار الأضداد
فإذا ما خلصنا لهذا فإنه وبكل تأكيد ستظهر النتيجة
الإيجابية المرتجاة وستكون الموالاة مفيدة وفي ذات
الوقت تكون المعارضة مفيدة ومنتجة وفعالة وبالتالي
يمكن القول أن سودانيز اونلاين قد أصبح مهيأ لأن
يمثل ذلك البرلمان المفترض .
عند اللفة بس :
-------------
أعلاه يتضمن هو جزء مما أنادي به
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: معتصم سليمان)
|
مرحبا اخلاص
حبابك يا خية
افترض جدلا صحة فرضيتك حول النسب المئوية بالمنبر و بالوطن , رغم القول ان الحروب أكلت معظم الشباب السوداني
والسؤال الأهم الذي قمتي بطرحه
كيف نجذب الشباب للمنبر ?
اعتقد جانبك الصواب في جذب الشباب بالاكسسوارات والموبايلات ,, أي شباب تريدين جذبهم ? وليفعلوا ماذا ? ليحولوا المنبر لتلك المنابر التي تهتم بمقاطع الفيديو واحدث الموبايل وصور النجوم
يوجد شباب مهتم بقضايا الوطن والسياسة ودل عليهم تحركهم في سبتمبر وغيرها
الامر هو طبيعة ونوعية القضايا المطروحة وكيفية نقاشها
هذه واحدة
والاخري تتعلق بنا هنا كأعضاء ,, فما جاءت عضوية جديدة وإلا أنبري لها عددا يقل او يكثر بالسخرية والمطاعنة ان بكري يخم ويجيب ,,
وهل تم يوميا نقاش قضايا الشباب ,, او اهتماماتهم حتي نكون منبرا يقرأه اولئك الشباب ?
التعليم اولي قضايا الشباب , فهل كنا حريصين علي دعمهم في الاخذ بحقوقهم عبر مؤاذرتهم ورفدهم بالتجارب
تسعي السلطة في غباء لإضافة عام آخر للابتدائي ,, طلاب جامعة الخرطوم معتصمين ,, وغيرها من قضايا الشباب فهل تمت مناقشتها كقضايا تهم الوطن اولا قبل الشباب
فلنرفض اولا تسليع الشباب وتحويلهم لكائنات استهلاكية لا ان ندعوهم لذلك
لن انصح الشباب بترك الخمر بدعوتهم لشرابها ثم مناقشتهم ,, بل بالذهاب لهم في اماكن سكرهم
كامل الود
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: عبدالحفيظ ابوسن)
|
شكرآ ود اب سن ووالله كنت منتظرة الطرح ده تعرف الكهرباء في السودان وين ؟ الانترنت ال استعملو منو ؟ ناس ادروب وتيه ال في الجبال الحاجات دي ما سمعو بها = وعشان كده انا بريد ناس الطرق الصوفية وناس الادارة الاهليه وكل المصنفين ( تخلف ) ويمكن كمان رجعيه , الشريحة ال انا بتكلم عنها هي + اولاد ناس المنبر -انا وانت - اما ال في زغلونا و مانديلا ف ديل الاول ال نعلمهم القرأيه كان تبشير ولا خلاوي , الهم كبير يا ود شيخ العرب والدرب طويل
| |
|
|
|
|
|
|
|
|
|
Re: هل تمثل سودانيز المجتمع السوداني ? (Re: اخلاص عبدالرحمن المشرف)
|
ود اب سن الشباب بعيد عن المنبر بس ما بعيد عن الهم والهموم , الواحد يصحي من الصباح ومن كباية الشاي الهم مقابلو , بعض الاسر كباية الشاي وعيشة ده فطورهم , المواصلات المدارس كلها حقائق حياتهم وهم ثارو وهبة سبتمبر = الثورة المستمرة = ال ارعبت التنظيم العالمي وخلت امير قطر يشترط علي الجماعة = الترابي والبشير = الوحدة هي صنيعهم وانجازهم ال ما وجد تنظيم = واكيد ح يلقو طريقة ينظمو نفسهم بها = الناقص المنبر هو الشباب اما ما سوي ذلك فهو ===حكي واحباطات واحلام مؤودة ==
| |
|
|
|
|
|
|
| |
عبدالحفيظ ابوسن
قصي محمد عبدالله
Artiga Gilani
فيصل محمد خليل
Tragie Mustafa
عزام حسن فرح
معاوية المدير
معتصم سليمان
Kabar
محمد حيدر المشرف
مني عمسيب
فيس بوك
تويتر
انستقرام
يوتيوب
بنتيريست