|
|
|
 Re: شلِعوه السودان _ وكل ستة في حتة ( بلا نضال بلا لخمة ) (Re: الجنيد حمد)
|
Quote: والنشيد الوطني يكون
كانت ايام ياوطني زي الاحلام ياوطني |
ههه الله عليك
دي اجمل طريقة لحل المنازعات الأهلية في البلد الواحد
ولمعاجة الامراض النتنة التي ابتلينا بها في هذا العهد البغيض
عنصرية وقبلية ومحسوبية وجهوية لم نسمع بها في كافة الملل السابقة واللاحقة
إقترح انو طريقتك دي للحل........تضمن في برنامج الوثبة
في حالة فشل الحوار الجاري دا
| |
 
|
|
|
|
|
|
|
 Re: شلِعوه السودان _ وكل ستة في حتة ( بلا نضال بلا لخمة ) (Re: الجنيد حمد)
|
العزيز / راشد السر . اسعد الله اوقاتك بكل خير
| Quote: مالك فارز الشايقية والجعليين من اهلم النوبيين ات قايلم شنو؟؟؟ الشايقية والجعليين نوبيين فى الاصل |
كيفتني شديد من المداخلة دي
قول لي كيف ؟
حنمسكا من الكبري اقصد من كل المناطق
فور - تامة -رفاعة -كواهلة -عركيين - شنابلة - كبابيش - حمر - بجاء -بني عامر - رشايدة - زبيدية - عبابدة
وعييييك .........................الخ من قبائل السودان
ما كلهم اهل وسودانيين - ليه ينفصلوا
ليه دي وتد الفرس .
تحياتي
| |
|
|
|
|
|
|
|
|
|
Re: شلِعوه السودان _ وكل ستة في حتة ( بلا نضال بلا لخمة ) (Re: الجنيد حمد)
|
العزيز / جلال الدين القرشي - اسعد الله اوقاتك بكل خير
صحيح الانقاذ ساهمت في اشعال نار الفتنة
و
نحنا ما قصرنا تمينا الناقصة
اتمنى أن نعي قيمة هذا الوطن وهذا التنوع .
............................................................
العزيز / هاشم بركات - اسعد الله اوقاتك بكل خير
الحوار على ما أظن للخالد علي عبد اللطيف وليس عبدالقادر ود حبوبة
ويكفينا منه هذه الجملة
سوداني وبس
تحياتي
.................................................................................
الحاجة الاكيدة
السودان فيهو حق لكل زول
القبلية بتجيب قبلية والخسران هو الوطن والمواطن
ربك يلطف
| |
|
|
|
|
|
|
|
|
|
Re: شلِعوه السودان _ وكل ستة في حتة ( بلا نضال بلا لخمة ) (Re: الجنيد حمد)
|
لا لا يا الجنيد،
تقسيمك المناطقى بجيب هوا تانى ..
أحسن نقسموها بالقبائل .. وفروع القبائل .. وحتى خشوم البيوت ..
يعنى مثلاً الزغاوة .. 12 خشم بيت .. خشم بيت دكتور خليل إبراهيم دايرين لهم دولة .. خشم بيت مناوى عايزين لهم دولة .. وخشم بيت ناس أبراهيم بقال دايرين لهم دولة ..
ونحن الحوازمة ما بين الأبيض تلودى لدينا 35 قبيلة فرعية وخشم بيت .. يعنى عايزين 35 دولة ذات سيادة على كل شيئ فيها.
وبعدين، من يريد أن يندمج مع جيرانه أو يحاربهم .. بيكون شيئ يخصه .. وعلى مستوى محصور ..
ببساطة بدل دولة واحد ممكن يكون عندنا أكثر من ألف دولة .. ويكون لدينا ألف رئيس سودانى ونائب رئيس ..
وبدل يمثلنا فى الخارج مبعوث واحد يكون عندنا ألف مبعوث ..
يعنى الحاجات بتكون كويسة شديد خلاص ..!
بريمة
| |
|
|
|
|
|
|
|
|
Re: شلِعوه السودان _ وكل ستة في حتة ( بلا نضال بلا لخمة ) (Re: بريمة محمد)
|
لكن يا الجنيد
ممكن يكون فى تقسيم تانى .. على حسب الأحزاب السياسية وناس الطرق الصوفية ..
يعنى أنا عايز مثلاً كل ناس طريقة صوفية لديهم رئيس وحكومة تملثهم داخلياً وخارجياً ..
الشيوعيون يكون لديهم دولة بكامل طاقمها ..
والكيزان لهم دولة بكامل طاقمها ..
والأنصار دولة زعيمها الأمام الصادق ..
ونعطوا ناس الحركة دولهم ..
ثم نضيف عليها دول المناطق .. ودول القبائل .. عشان يكون عندنا أكثر من ألفين دولة ..
ومن ثم يكون عندنا ألفين رئيس .. (أنا حكاية الرؤساء الكتار دى عا########ى .. يعنى ممكن ألقى فرقة أبقى إن شاء الله رئيس فريق فى دبر الوطا، بكون مبسوط أنى رئيس حاجة).
بريمة
| |
|
|
|
|
|
|
|
|
|
Re: شلِعوه السودان _ وكل ستة في حتة ( بلا نضال بلا لخمة ) (Re: الجنيد حمد)
|
الجنيد
تحية يا صاحب
في مدن السودان في احياء بتكون معروفة ضمنيا ان سكانها فور ولا شوايقة ولا فلاتة ولا دناقلة , بل بعضها يأخذ اسما قبيليا , حلة فلاتي , حي الدناقلة ,, حلة الشوايقة
وبتكون كدة لأن الزول البجي يشتري بعقلية قبلية بسكن جمب اهلو , بساندوهو ولو سافر بكون مطمئن ماياهم ديل ناسم خالك فلان جمبك
ولا تظهر هذه القبلية في التعامل او الطقوس , الناس كلها متعايشة وفق ثقافة متسامحة انتجت ثقافة واحدة هجين
ف شنو
لو ابعدنا اصوات العنصرين من كلا الطرفين فنجد ان السودان بلد متسامح عرقيا إلا من الحكومة التي تؤجج للعنصرية
ف بدل نقسم الوطن
النشيل الحكومة
| |
|
|
|
|
|
|
|
|
|
Re: شلِعوه السودان _ وكل ستة في حتة ( بلا نضال بلا لخمة ) (Re: عبدالحفيظ ابوسن)
|
الجنيد يا صاحب زهجتك قويه والله... السودان في عهد الدغمسه هو في طور تفكيك جزئيات الازمه والان هو في الطريق الصحيح ولا ينصلح حال الوطن الا بعد ان يعي الجميع بانفسهم ومن ثم يعون بالوطن وزمان كانت الحروب في الهامش ومنكوي بيها انسان الهامش الان انسان المركز عرف معني الحرب وسيتساوي فهم الجميع لمعني الوطن وسيعرف الجميع بعضهم البعض ومن ثم سيعرفون الاخر وهنا مربط الفرس حينما نعرف الاخر بكل ثقافاته سيكون الاحترام والحقوق ...الان الكل بيحاول يظهر قدراته ويعتد بنفسه .نعم حينما نعرف بعض سنبني وطننا يسعنا..والكيزان سيذهبون حتما ومن حسناتهم جعلونا نتحارب لنعرف بعضنا عن طريق الحروب ..وغدا سنبني وطنا يسعنا جميعا بكل تنوعه واحتراماته
| |
|
|
|
|
|
|
|
|
|
Re: شلِعوه السودان _ وكل ستة في حتة ( بلا نضال بلا لخمة ) (Re: الجنيد حمد)
|
كوميدتك الحزينة لها مجال في الواقع
العنصربة والتحزب البائس سخف قديم متجدد
اخطر ما في انفصال الحنوب , ليس قيام دولتين , بل الاخطر انه يشجع لتناسل الدول المنفصلة
الفاعدة واضحة وبسيطة عندي :
في الاتحاد قوة ,,
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
| |
الجنيد حمد
محمد المسلمي
Tragie Mustafa
باسط المكي
بريمة محمد
عبدالحفيظ ابوسن
Haju Muktar
شهاب الفاتح عثمان
ahmedona
فيس بوك
تويتر
انستقرام
يوتيوب
بنتيريست