|
رد (Re: ناصر احمد الامين)
|
الاخ ناصر الامين تربصك وترصدك المستمر والمتواصل لخبيرنا الوطني لا يزيده الا اصرارا على متابعة المشوار في سبيل المسيرة القاصدة ايوة يا هندسة اظهر وبان ياخي مش تجي تقول لي قيمنا وتخلف مجتمعي؟
| |
|
|
|
|
|
|
Re: رد (Re: محمد عمر الفكي)
|
محمد عمر ازيك ياخي بس انا كنت عاوز اسألو عن كلمة (و نواصل) الجديدة دي اسه عليك الله غريبة دا زول بتربصو بيهو ؟؟ بتلقاهو في اي عزومة و اللا حولية اصدقاء السياحة و بالميت كده في قندهار ابحث عن العضة تجد غريبة
| |
|
|
|
|
|
|
رد (Re: ناصر احمد الامين)
|
اريتو اكان بظهر عليهو يا ناصر بالله لمن شفت صورو في الخرطوم حنيت عليهو الزول انسلب نهائي
| |
|
|
|
|
|
|
Re: رد (Re: محمد عمر الفكي)
|
دائماً ما يُصادف الإنسان الناجح في حياته عدداً كبيراً من الحُساد من انصاف المواهب يعملون على تعطيله ولكن بفضل الله دائماً ما يتجاوز هذه العقبات لان الحسود لايسود ولان الموهبة منحة إلهية (ياربي اسالك باسمك الاعظم الا تمنحني مثقال ذرة مما وهبته لعبدك صلاح غريبة وخاصة المُخ وطريقة التفكير) بدون زعل لاحظت ان التالية اسمائهم دائماً ما يتربصون بخبيرنا الوطني (خبير في عين اي واحد فيكم) والما عاجبو اقرب حيطة ينطح فيها لمن راسو دا يلحق راس النمرود بن كنعان دينق اولهم جمال خضر محمد ابو العزائم ابو الريش ناصر الامين محمد المسلمي اسامة بابكر ود الباوقة مرات مرات والله يا غريبة انت الوحيد القدر يجمع في الرأي بين اشتات المعارضة وانصار المؤتمر الوطني، حقاً انك (وِعاء جامع) من بوست مجاور كتب ناذر الخليفة
Quote: هاك دا نموذج رسالة جاتني في الموبايل من صلاح غريبة عشا ن تقارن ..:
Quote: بدعوة من الجمعية السودانية للحياة البرية وضمن الاحتفال باليوم العالمي للطيور المهاجرة تقيم رحلة تفاعلية لمحمية غابة السنط صباح يوم الجمعة . التجمع من الساعة 7 صباحا مدخل الغابة تحت مطلع كبري الانقاذ . نأمل حضورك والاسرة والاطفال للاستمتاع بالسياحة البيئية النيلية ومشاهدة حركة هجرة وتحلق الطيور في الغابة
|
| |
|
|
|
|
|
|
Re: رد (Re: محمد عمر الفكي)
|
Quote: هاك دا نموذج رسالة جاتني في الموبايل من صلاح غريبة عشا ن تقارن ..:
Quote: بدعوة من الجمعية السودانية للحياة البرية وضمن الاحتفال باليوم العالمي للطيور المهاجرة تقيم رحلة تفاعلية لمحمية غابة السنط صباح يوم الجمعة . التجمع من الساعة 7 صباحا مدخل الغابة تحت مطلع كبري الانقاذ . نأمل حضورك والاسرة والاطفال للاستمتاع بالسياحة البيئية النيلية ومشاهدة حركة هجرة وتحلق الطيور في الغابة |
والله دي فاتتني
انا بموت في الطيور
بالذات ام قيردون
بعدين ناذر مشى ولا لا ...
شكرا ود الفكي اضحكتني من الصباحية
| |
|
|
|
|
|
|
Re: رد (Re: ود الباوقة)
|
Quote: والله دي فاتتني
انا بموت في الطيور
بالذات ام قيردون
|
يا باوقة مشوية على الفحم ولا بانية ولا كدة وكدااااا.....
| |
|
|
|
|
|
|
Re: رد (Re: Hassan Makkawi)
|
Quote: مشوية على الفحم ولا بانية ولا كدة وكدااااا.....
|
حبيبنا مكاوي
ام قريردون
بحب بس كمونيتا
تشكراتي
وشكرا لاخي صلاح غريبة
بالتوفيق باذن الله
| |
|
|
|
|
|
|
Re: رد (Re: محمد عمر الفكي)
|
Quote: (ياربي اسالك باسمك الاعظم أ ن تمنحني ولو مثقال ذرة مما وهبته لعبدك صلاح غريبة وخاصة المُخ وطريقة التفكير) |
الأخ محمد عمر الفكى لك التحية والتجلة
لا حظت إعجابك وإنبهارك الشديد بالباشمهندس غريبة وعلى ضوء ذلك صححت لك ما خطاه يراعك
يظهر أن الإنبهار عمل إنجهار طشش ل العوينات ألبس نضارتك و أقراهو بتأنى وقول آمين
| |
|
|
|
|
|
|
Re: رد (Re: جمال خضر)
|
Quote: . نأمل حضورك والاسرة والاطفال للاستمتاع بالسياحة البيئية النيلية ومشاهدة حركة هجرة وتحلق الطيور في الغابة |
أخونا محمد الفكى تكون نسيت شقشقة الطيور وتحليقها وهدير المياه وخريرها وروائح الأزهار وألوانها و رقصات النجوم على ضوء القمر
علشان كده منبهر من تلك الشخصية الغريبية التى تمارس الإستمتاع بكل ذلك الجمال وتتمنى أن ترى نفسك مكانه ولكن معظم من فى اللستة
حاسدين غريبة عديل كده الواحد تلقاهو سنين ما صنقع لى فوق علشان يتأمل ولو صنقع ترتطم نظراته بسقف الغرفة البائس يا لهم من بؤساء تعساء
| |
|
|
|
|
|
|
Re: الآن في العرس السياحي ، منح سعادة الرئيس قلادة السياحة العربية من الدرجة الممتازة (Re: أمير السماني يس)
|
Quote: اها شفت جيتك دي اكبر دليل على مصداقيتي وان شاء الله دعاك مردود عليك يا تعيس مسعول من الخير يا جمال : رحلة تفاعلية تفاعلية دي بتاعة رابعة اول زي ما قال عادل امام حقت الكيمياء ولا شيتاً كُتر؟ يعني الواحد يجي مركب جنحين ولا شنو؟ |
أخونا صلاح غريبة زى ما قلت (وعاء جامع ) عندو بوستات كده تخلى الواحد بدون ما يشعر يجى منغمس وعمك غريبة يضرب الطناش وهذا يشجع الواحد إنو ينغمس أكتر وأكتر والإنغماس يعقبه الإندياح ثم الإنجذاب وفى هذه الحالة يلتصق الفرد بالبوست إلتصاقا لا فكاك منه. بخصوص (رحلة تفاعلية) فإذا إعتبرنا الرحلة عبارة عن فعالية يأتى إليها الناس ليتفاعلوا مع بعض و مع البيئة المحيطة بهم فيحصل الإنفعال وعندها تحصل الدهشة التى تقود الإنسان الى الإستمتاع بما حوله من مظاهر الطبيعة ( كتاب فلسفة السياحة للكاتب صلاح غريبة صفحة 520 السطر4 و5 و6 ) أها يا ود الفكى قصرنا معاك ما تنسى تقرأ الدعاء عقب كل صلاة إن شاء الله إنت كمان تكون وعاء جامع
| |
|
|
|
|
|
|
Re: الآن في العرس السياحي ، منح سعادة الرئيس قلادة السياحة العربية من الدرجة الممتازة (Re: جمال خضر)
|
Quote: أخونا صلاح غريبة زى ما قلت (وعاء جامع ) عندو بوستات كده تخلى الواحد بدون ما يشعر يجى منغمس وعمك غريبة يضرب الطناش وهذا يشجع الواحد إنو ينغمس أكتر وأكتر والإنغماس يعقبه الإندياح ثم الإنجذاب وفى هذه الحالة يلتصق الفرد بالبوست إلتصاقا لا فكاك منه. بخصوص (رحلة تفاعلية) فإذا إعتبرنا الرحلة عبارة عن فعالية يأتى إليها الناس ليتفاعلوا مع بعض و مع البيئة المحيطة بهم فيحصل الإنفعال وعندها تحصل الدهشة التى تقود الإنسان الى الإستمتاع بما حوله من مظاهر الطبيعة |
سعيلي الله كلامك دا كبير كبير وما اظن غريبة يفهمو باخوي واخوك، تحين ما عندك الا طريقة شرح احمد زكي لسعيد صالح في العيال كبرت
| |
|
|
|
|
|
|
Re: الآن في العرس السياحي ، منح سعادة الرئيس قلادة السياحة العربية من الدرجة الممتازة (Re: ناذر محمد الخليفة)
|
الاخ ناذر الخليفة مدير اعمال خبيرنا الوطني (سابقاً متاكد منها بس حالياً ما عندي فكرة) انت يا اخوي بقيت معانا ولا شنو؟ خبر اكيد اكده لي مصدر مسئول انه رواتب الشهور المتأخرة كلها حتنصرف نهاية الشهر دا الموضوع ما فلس يا نادر لكن كترة المشغوليات والاجتماعات ومتابعة رحلة الطيور هي الشغلت الخبير عن توقيع الشيك اقول لك حاجة بسيطة بس عشان تقدرو الظروف الخبير دا في سبيل لقطة طالبنها ناس ناشونال جيوغرافيك ساكي ليهو "ابو الرقيع" من كوستي لمن حددها معاهو في حلفا القديمة
| |
|
|
|
|
|
|
|