|
شقشقات وجدانية .. قصيده جديده للاستاذ هاشم صديق 30 مارس 2014 .. من اجمل ما كتب هاشم صديق
|
شقشقات وجدانية شعر هاشم صديق (1) صباح الورد اذا صِبْح الورِد شبهِك وفات سر عِطرك الفواح صباح الشوق اذا بِقْدَر يبل عطشي ويباركني وأنوم مرتاح. ............ صباح صِدقِك وموج وجدك يبوس شاطي العمر ويضحك أفرهد زي أمل ذابِل وأنَقْرِش نمة الأفراح . ............ صباحِك خير وش الخير ولا بتشبه ملامحِك غير. .............. أحبك موت ولا بسأل شنو الجاي أعيش حاضرك كفاي سقفو وعُشْ حضنو كفاي صدقاً جميل ونبيل كفاي صوتاً بقول الصاح . ويجمّل عُمري بالأفراح . .............. (2) مساك أجمل بهاك أمهل صفاك أنبل . .............. بحسك زول فسيح ومريح ، لا عارف شنو الشدّاني لي ودك ولا داير كمان أسأل . كفاي ءانك حضور معطونة في جِنّك . قريب منك بعيد عنك أكون مرات سلام نعسان ومرات زي تَنَقْرشي في وتر روحي وأخاف منك . ............... .............. مساك أجمل بهاك أمهل صفاك أنبل .
اضغط علي الرابط للوصول للنص الكامل علي موقع الأستاذ هاشم صديق http://hashimsiddik.com/portal/
او علي مكتبته علي صفحات مكتبة الأغنية السودانية http://www.sudanesesongs.net/index.php?act=idx
|
|
|
|
|
|