قال لي رموز الكيزان ديل اصلوا ما بموتوا؟ قلت ليهو مش يجيبوا لينا مبدع بالأول !!

Quote: بس يموتوا ناس وردي و حميد و محجوب و الليله ناجي القدسي ...

Quote: إبداع أكتر من كدا عليك الله يا قباني ما تفوّل علينا ياخ

Quote: أما ديل فقاعدين يموتو كل يوم الف مره تحياتي يا ملك و ربنا يجبر كسورنا و تبقي سيرة شرفاء شعبنا ذخرا لنا في قادم ايام الوطن

Quote: أذكر أن أحد قادتهم أقر في لقاء تلفزيوني بأنهم كانوا يفتقرون إلى الكوادر التي تعنى بالثقافة في حركتهم .. وهاهي النتيجة بعد ربع قرن ..زي ما شايف.. قلت ثقافه!! سلام يا قبه..

Quote: أذكر أن أحد قادتهم أقر في لقاء تلفزيوني بأنهم كانوا يفتقرون إلى الكوادر التي تعنى بالثقافة في حركتهم .. وهاهي النتيجة بعد ربع قرن ..زي ما شايف.. قلت ثقافه!! سلام يا قبه..

Quote: يا قباني حرام عليك.. يعني عاوز ليك إبداع أكتر من الفعلوه دا .. هسّع إنت لو أدوك قروش يعني أجّروك وقالوا ليك سوي الفعلوه الجماعة ديل بتقدر عليهو؟ طيب ما ياهو الإبداع ذاتو بس إبداع بالماينص.

Quote: كويس انو بوست هباني دا لاقاني بيك

Quote: يا ناصر ركّز ياخ.. هباني في عزلتو المجيدة.. ومشتاقين كتير يا يحيى.

Quote: وكت الناس كانوا بشتغلوا المسرح الجامعي, وأبو دماك مدورة, وناس الحركة التشكيلية شغالين أعمال وتنظير, ديل كانوا شايلين السيخ لمحاربة الرقص الشعبي وقبل الابداع

سلامات يا كرفاني ... مشتاقين يا رجل ... و البركه فيكم في رحيل المبدعين يا حبيب ...

عاين عز الدين عثمان الله يرحموا عمل فيهم شنو زمان

Quote: وغايتو ما عارف هم بحاربوا الابداع وبكتلوا المبدعين لأنهم ما عندهم مبدعين, ولا ما عندهم مبدعين لأنهم بكتلوا بوادر الابداع واتجاهاته داخل عضزيتهم؟ ههههه ياهو ده نفس سؤالك الفوق

Quote: لا بيت شعر ... لا دوبيت ... لا نقرشة عود ... لا نمة ... لا ترنيمه ... لا قصة ... لا مسرح ... لا لحن ... لا تيمه ...

Quote: Quote: لا بيت شعر ... لا دوبيت ... لا نقرشة عود ... لا نمة ... لا ترنيمه ... لا قصة ... لا مسرح ... لا لحن ... لا تيمه ... يا قبة ماممكن ياخي الحاجات الفوق دي حرام حرام............... الناس ديل ببدعوا في الحاجات الحلال فقط............انت ما سمعتة بحسبو نسوان ولا شنو..........ياخي ده كتلة من الابداع...........

Quote: انت بتجين الحاجاات دي من وين يا قباني؟؟ عندك كنوز كده,, لكن هذه الكراكتيرات لاتزال كاملة الصلاحية حتى الآن .. شئ عجيب جيتك تاني يا قباني هنالك مشروع على درجة من الأهمية يتعلق بالتوثيق لحياة محجوب شريف من خلال شهادات يقدمها كل من له علاقة,

Quote: عزيزي يحى .. الابداع يتطلب نوع من الرقي والجمال الانساني .. ولا أعتقد أن أحدهم وقد تمتع بشيء من هذا الرقي الانساني قد يصبح "كوزا" .. هؤلاء فاتهم هذا النوع من الجمال الانساني فتكوزنوا.. فكيف بالله قد يكونوا مبدعين ؟!!

Quote: ديل في ستينيات القرن الماضي حاربوا رقصة شعبية في كردفان اسمها العجكو .. تُرقص في الليالي المقمرة في كردفان .. عاوزين منهم يفهموا ليكم إبداع محجوب شريف الله يرحمه.. بصراحة كدا مش عصرتو عليهم شوية؟

Quote: بالجد يا قباني السؤال مهم، والبحث عن إجابة له لا تقل أهمية عن البحث في وسائل تخليص الوطن من أنيابهم مبدئيا أؤيد الزملاء الذين ذهبوا إلى أن بيئة الكيزان غير صالحة لنمو الإبداع، لذلك سرعان ما تذبل المواهب عندهم ليت من له معرفة بمكونات تلك البيئة أن ينوّرنا، ربما واحد ممن يـ(سـ) يشاركون في هذا البوست كان هناك ذات تيه وعودة عن الجد أقوليك، عيب لي الرقص، أليس من أنواع الفنون يا متعلم ولّ لازم يكون باليه يعني

Quote: Mawada Mohammed · الأكثر تعليقا استاذ قباني الحقيقه انو الكيزان قتلوا كل المبدعين ولسه في طريقهم للتخلص من القله الباقيه وهذه حقيقه اما بواسطة السموم اوالحقن القاتله او حوادث الحركه المفتعله ..حقو الناس تفكر في الموضوع ده بجديه لانو الموت الحاصل ده وفي فتره وجيزه للفنانين والشعرا، ما موت الله براه والموضوع مش انهم ما مبدعين او غيره الحكايه انو الاخوان المسلمين عايزين ينتهو من اي ثقافه او فن في البلاد وانو الناس ما تمارس اي نوع من الحريه وتكون مخدره وبعيده من اي ابداع وده ما حاول الاخوان المسلمون في مصر عمله وبداوا بالممثلين وكان حا يكون مصيرهم نفس مصير مبدعي بلادي لولا انهم فطنوا اليه باكرا وربنا نجاهم من هولا، الاوغاد ..

Quote: يحى يا حبيب .. هؤلاء الكيزان منبتين وحتى على المستوى الديني .. ما عندهم ادنى علاقة بالرموز الاسلامية يا يحى .. هو العندو دين ... بيسرق البلد العبادها موحدين .. او كما قال حميد شلة مسخرة وعبدة كراسي و مرتشين .. ديل .. ديل يا يحى .. ديل كيزان !!!

Quote: لا بيت شعر ... لا دوبيت ... لا نقرشة عود ... لا نمة ... لا ترنيمه ... لا قصة ... لا مسرح ... لا لحن ... لا تيمه ...

Quote: سلام يا صديق والبركة فيك وفي السودان كله في فقده الجلل الحاجات الفوق دي كلها شغل انساني صرف ينبع من نفوس سالمة سليمة محبة للأنسان والجمال وروعة التنوع. نفوس لا تبحث في ضمائر الناس لتصنفهم ولا تتناطى لعرضهم ولا تتدخل في البينهم وبين ربهم. نفوس لاتكذب ولا تغش ولا تراوغ ولا تخدع انسانها فكيف لهم بي (الحاجات الفوق دي) يجيبوها من وين دحين؟!!

Quote: بالجد -مرة تانية- يا قباني الكيزان ديل بنهلوا من معين فكري واحد (طبعا زيهم زي أي حزب عقائدي) ومنهلهم هذا يحرّم النحت والرسم (غير الطبيعة) والتصوير والغناء والرقص والتمثيل وهلمجرا فكيف بالله عليك تريدهم أن ينبغوا في هذه الموبقات

Quote: لا بيت شعر ... لا دوبيت ... لا نقرشة عود ... لا نمة ... لا ترنيمه ...

Quote: هل الزول بيكون كوز بالاول عشان كده ما ببقي مبدع ... و لا اصلا ما بكون مبدع ... عشان كده ببقي كوز ؟

Quote: حاولوا إيجاد جسم موازى لعقد الجلاد وفرقة الأصدقاء بصناعة فرقة نمارق وخصصوا لها الأموال ولكنها فشلت فالإبداع لا يُصنع بالمال . فى القضارف شغلهم الشاغل محاربة كل من يحاول محاربة التصحر الثقافى فى تلك المدينة العريقة فأصبح منتدى شروق هو عدوهم رقم واحد فسلطوا عليه جهاز الأمن الذى أصبح كل عمله محاربة المنتدى واعتقال منسوبيه ومصادرة ممتلكاته

Quote: تساؤلك العميق هذا يحتاج بالفعل إلى دراسة وبحث علمي أكاديمي , وأتمنى أن يتبناه أحد طلاب الإجتماع أو الفنون أو السياسة لنيل درجة ماجستير أو حتى دكتوراه , في أوقات أكثر رحابة , أو جامعة بالخارج

Quote: والله بتبالغ يا هندسة.. انت ناس قيم ومحمد بخيت وشنان الذين شنفوا اذاننا سنين عددا ديل ما معترف بيهم ولا كيف ولا الشعر بتاع امريكا روسيا قد دنا عذابها .. ولا شعارات هي لله هي لله لا للسلطة (أو السطلة ما عارف) ولا للجاه دا مش ابداع يا متعلمين يا بتوع المدارس

Quote: Aati Badri · كلية الهندسة جامعة عين شمس باشمهندس غايتوا السويتا في بوستيك دا مع صاحبك ود الباوقة كوعت اولا طلعتهم بلا ابداع ثانيا حا تكرهوا في عز الدين ياخي دا كل يوم شابك عمر دفع الله بالله انت فنان وعزالدين فنان يا مخربش ؟ رد · · منذ ‏4‏ ساعات

Quote: اخانا قباني احسن الله عزاء هذه الامة في مبدعيها و جبر كسرها الذي تطاول امده ----- ممكن استعير منك كركتيرات المرحوم عز الدين لا ستخدامها غي صفحتي على الفيس بوك؟

Quote: بعدين، الإبداع ده مش من شروطة إنو الزول يكون متصالح مع نفسو؟ ....... وتيب.

Quote: هذا مشروع ضد الحياة وضد الجمال وضد الاتزان والسواء النفسي ،عليه لن تجد ثمة مبدع يصفق لهذا الهراء .

Quote: بقينا في مزابل التاريخ ... و لم يصبح لنا عنوان !!!

Quote: لم يصبح لنا عنوان فعلا يا قباني لكننا أصبحنا عنوانا يشار إليه عند الحديث عن: الدولة الفاشلة الدولة الفاسدة الدولة المرتشية اللي بصلي ع النبي يزيد

Quote: Mohamed Elsheikh Mohamed Arbab · يعمل لدى ‏‎Al-Muhaidib Contracting Co.‎‏ هههه تشكر يا قباني على البوست الجميل... لكن الكيزان حالتهم صعبة اليومين ديل حتى الناكرين اليومين دي فكوا اخرهم وطلعوا من طورهم. رد · · منذ ‏12‏ ساعة

Quote: مواصلة لقايمة المبدعين المتكوزنين صلاح مصطفى وعثمان مصطفى وترباس مصطفى واليمني مصطفى ومن الشعراء مختار دفع الله بتاع ثوره ضد الجانا من بلكونته ناطي. بعد ما غير ملامحو معليش افطر واجيك اصلي صايم الاثنين والخميس يوم الاحد بالليل

Quote: الفاضل يحي قباني…. تحياتي و تعازيه في هذا الفقد الفادح لشعبنا. محجوب شريف…..سنظل نحمد الله ان امثاله…..كانوا بامتنا. رحمه الله و عوضنا شعبنا بالمزيد من الاوفياء و المبدعين مثله. اما ابداع الكيزان…..ففعلا له علاقة بكمية القمع التي التي يفرضونها علي انفسهم و قمعهم للاخرين طبعا لاحقا. الله يكفينا شرهم و يبعدهم عن تشويه نمط حياتنا اكثر مما فعلوا.