|
كتب الكاتب الفاتح جبرا المتوفرة بمعرض الدوحة
|
|
 Re: رحل ...شاعر مواجع الشعب (لك الرحمة استاذنا محجوب شريف) (Re: جلال الدين القرشي أحمد محمد)
|
الاسم بالكامل ..
إنسان
الشعب الطيب .. والدىّ
الشعب حبيبى وشريانى
أدانى بطاقة شخصيّه ....
****
من غيرو الدنيا وقبالو
قدامى جزائر وهميّه
لا لون..
لا طعم..
ولا ريحه..
وانوار مطفيّه مصابيحها
زي نجمه بعيده ومنسيّه.....
****
المهنه:
بناضل وبتعلم..
تلميذ فى مدرسة الشعبِ...
المدرسة..
فاتحه على الشارع
والشارع فاتح فى القلبِ...
والقلب..
مساكن شعبيّه
****
ودينى محل ما تودينى
شرّد اخواتى واخوانى
فتش أصحابى وجيرانى
خلينى فى سجنك...
وانسانى
في سجنك جُوّه زنازين
أرمينى وكتّف ايدىّ
****
من أجل الشعب السودانى
وعشان أطفالنا الجايين..
والطالع ماشى الورديّه
****
وحياه الشعب السودانى
فى وش المدفع
تلاقانى
قدام السونكى
حتلقانى
وانا بهتف تحت السكين
الثوره طريقى وايامى
معدوده
وتحيا الحرّيه
| |
 
|
|
|
|
|
|
|
|
Re: رحل ...شاعر مواجع الشعب (لك الرحمة استاذنا محجوب شريف) (Re: جلال الدين القرشي أحمد محمد)
|
الي جنات الخلد شاعر الشعب محجوب شريف
حنبنيهو البنحلم بيهو يوماتى
وطن شامخ وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده .. سياده .. حريّه
مكان الفرد تتقدم
قيادتنا الجماعيّه
مكان السجنِ مستشفى
مكان المنفى كليّه
مكان الأسري ورديّه مكان الحسره أغنيّه
مكان الطلقه عصفوره تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو ضدّ الحرب أسلحتو
عدد مافوق ما تحتو مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادىما بنبنيهو فرّادى
ولا بالضجه فى الرادى ولا الخطب الحماسيّه
وطن بالفيهو نتساوى نحلم .. نقرا .. نتداوى
مساكن .. كهربا .. ومويه تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
| |
|
|
|
|
|
|
| |
محمد علي عثمان
elhilayla
أسامة العوض
فيس بوك
تويتر
انستقرام
يوتيوب
بنتيريست