كتب الكاتب الفاتح جبرا المتوفرة بمعرض الدوحة
|
|
 ماك الوليد العاق لا خنت لا سراق
|
في وداع شاعر الشعب محجوب شريف
الاستاذ الشاعر محجوب شريف هرم من أهرامات الوطن الشامخة ورمز من رموزه الباسقة وجبل من جباله الصامدة ونهر عذب من أنهاره الجارية
زرع محجوب الفرح في أفئدتنا كما زرع الحماسة والصمود في صدورنا بكلمات قوية كالرصاص فكان حصنا حصينا من أحصنة المبادئ والقيم النبيلة وحارسا أمينا من حراس السودان
ماك الوليد العاق..... لا خنت لا سراق
عودك خاتي الشق ... ما قال وحاتك طق
تب ما وقف بين بين بي موتو اتقدم
قال انا ما بجيب الشين لو سقوني الدم
محجوب حجبنا بالعزيمة والإرادة والأمل والفال فعشنا على الحلم الذي غناه
حنبنيهو البنحلم بيهو يوماتي
وطن شامخ وطن. عاتي
وطن خير ديمقراطي
وطن مالك زمام امرو
وطن حدادي مدادي
ما بنبنيهو فرادي
محجوب شريف علمنا الأقدام وحضنا على العصيان وشجعنا على الثورة ضد السجن والسجان
مساجينك مساجينك
تغرد في زنازينك
عصافيرا مجرحة بي سكاكينك
نغني ونحن في اسرك
وترجف وانت في قرصك
محجوب شريف هذا الشرف الباذخ علمنا العصيان على الطغيان ووصانا على الحرية واختيار الديمقراطية بأيدي قوية
عصينا عصينا على الحرية منو بوصينا؟
نحن الشعب الما بحتار
اختار اختار
ديمقراطية بأيدي قوية
نحفر أعمق نرمي الساس
للسودان الوطن الحر مرفوع الرأس
للحرية بلا دورية ولا تفتيش ولا حق ينداس
مرض محجوب في مارس ورحل في ابريل وأبريل ذكرى الثورة المجيدة والانتفاضة الداوية التي هدت قلاع الظلم والدكتاتورية
مارس ماسك كتف ابريل
اعظم شعب وأعظم جيل
شعبا صمم فردا فرد
هب وهدم حكم الفرد
فجع الشعب السوداني في وأحد من أعظم واخلص ابنائه الأبرار الأوفياء الذين سطروا بأشعارهم ملاحم البطولة والنضال ورسموا حقيقة انسان السودان في أبهى صوره الشجاعة والثبات ورفض الذل والهوان
ان يوم من ايام الحزن والبكاء على اهل السودان لهذا الفقد الجلل والكرب العظيم
العزاء انك باقي فينا باشعارك الخالدة ومواقفك المشرفة
ان القلب ليحزن والعين لتدمع وانا على فراقك لمحزونون
اللهم اغسله بالماء والثلج والبرد وتقبله قبولا حسنا
انا لله وانا اليه راجعون
عمر عبد الله فضل المولى
السعودية - الرياض
|
|
 
|
|
|
|
|
|
|
|
Re: ماك الوليد العاق لا خنت لا سراق (Re: عمر عبد الله فضل المولى)
|
معاينة الصورة
يا شعبنا
يا والداً أحبنا
يا من وهبت قلبنا
ثباتك الأصيلا
إليك هذه الرسالة القصيرة الطويلة
إليك من زنزانة تخاصم الفصولا
إليك رغم أنف كل بندقية
وطعنة شقية
وحقد بريرية
إليك الحب والسلام والتحية
إليك يا حبيبنا وبعد
أدبتنا
أحسنت يا أبي
فلم نتابع الهوى
لكنما قابيل ما أرعوى
كالذئب في حظيرة عوى
وكم غوى
وتابع الهوى
وتاه في الأنا
أراد للدماء أن تسيلا
ونحن مثلما عرفت يا أبي
بفضلك الكريم
من أشرس الرجال حينما نقاوم
نموت لا نساوم
ندوس كل ظالم
ونفتح الصدور للمدافع الثقيلة
ومن هنا
أبناءك الرفاق أقسموا
فصيلة فصيلة
أن يثأروا لحرمة الأمومة الجليلة
لطفلة جميلة
تنفست قليلا
تمددت قتيله
رصاصة في قلبها
وطعنة في جنبها
ولم تعش طويلا
لكنما
مليون مثلها سينجبوا
النضال يا أبي حقيقة
وأجمل الأطفال قادمون ساعة فساعة
عيونهم أشد من عيوننا بريقاً
صدورهم بما وهبت أكثر اتساعا
سيوفهم تزيد من سيوفك الطوال طولا
| |
|
|
|
|
|
|
|
|
|
Re: ماك الوليد العاق لا خنت لا سراق (Re: عمر عبد الله فضل المولى)
|
الي جنات الخلد شاعر الشعب محجوب شريف
حنبنيهو البنحلم بيهو يوماتى
وطن شامخ وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده .. سياده .. حريّه
مكان الفرد تتقدم
قيادتنا الجماعيّه
مكان السجنِ مستشفى
مكان المنفى كليّه
مكان الأسري ورديّه مكان الحسره أغنيّه
مكان الطلقه عصفوره تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو ضدّ الحرب أسلحتو
عدد مافوق ما تحتو مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادىما بنبنيهو فرّادى
ولا بالضجه فى الرادى ولا الخطب الحماسيّه
وطن بالفيهو نتساوى نحلم .. نقرا .. نتداوى
مساكن .. كهربا .. ومويه تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
| |
|
|
|
|
|
|
|
|
|
Re: ماك الوليد العاق لا خنت لا سراق (Re: elhilayla)
|
لك الرحمة والمغفرة في الأعالي ياحبيب الملايين..
ياوالدة يامريم
ياعامرة حنية ..انا عندي زيك كم ..ياطيبة النية
بشتاق وما بندم..إتصبري شوية ..
ياوالدة يامريم
ماني الوليد العاق لا خنت لا سراق..
والعسكري الفرّاق بين قلبك الساساق وبيني هو البندم والدايرو ما بنتم..
يا والدة يامريم
عارف حنانك لي .. راجلا تلوليني دايمًا تقيلني وفي العين تشيليني .. القاهو عز الليل .. قلبك يدفيني
ضلك علي مشرور ..قيلت في سنيني انا لو تعرفي الفيني انا كم بحبك كم
والعسكري الفراق بين قلبك الساساق وبيني هو البندم والدايرو ما بنتّم
ياوالدة يامريم
طول النهار والليل في عيني شايلك شيل لكني شادي الحيل لا خوف علي لا هم ..
هاك قلبي ليك منديل .. الدمعة لما تسيل .. قشيها يا مريم
ما بركب السرجين وماني زول وشّين ياوالدة دينك كم
دين الوطن كمّين
ما شفتي ود الزين الكان وحيد امو
وماليها كان العين
قالولو ناسك كم ورينا ناسك وين؟ ورينا شان تسلم
العودو خاتي الشق
ما قال وحاتك طق تب ما وقف بين بين لي موتو يتقدم
انا ما بجيب الشين
انا ما بجيب الشين
انا لو سقوني الدم..
والعسكري الفراق بين قلبك الساساق وبيني هو البندم والدايرو ما بنّتم
كم من حبيبًا لي .. كان مالي بينا دروب
ما ودّع الحباّن ما وسدوه الطوب
حي .. حي قولي ما حي ووب
ما خلّى ساعة الموت
يمة السرج مقلوب
إتشتت الرصاص في جسمو إتقسم
لاقاهو يتبسم
والحولو حبلو وكان ريحة صباه بتنشم
زي التقول يوم داك يوم العرس يادوب
انا ما بجيب الشين انا مابخت الشين انا لو سقوني الدم
والعسكري الفراق بين قلبك الساساق وبيني هو البندم
ياوالدة يامريم
يُّمـة السجن مليان رجالّة ما بتنداس
الختّو قبلي الساس والشالو هّم الناس
والفات وليدًا ليه ما مسّكو الكراس
ما سمعو يتكلم
ما نحن عود الفاس فرسان حمى وحراس
في الحارة نتحزّم عشم القدر ما كاس مالاقي بيت يتلم
عشم الطواهو الجوع المُتعب المعدم
والعسكري الفراق بين قلبك الساساق وبين هو البندم .. والدايرو ما بنتّم
ما تقولي شن سويت
ما تبكي ما سويت غير البطمّن ناس
بي همّهم حسيت
حارس مع الفرسان
حارس بلدنا البيت
إخواني علّو السور .. انا طوبة ما ختيت
ديل من زمان تاتيت لامن كتبت قريت
وعرقنا ياما يدر
يمّة اللبن والزيت
الكسرة والكراس
لي قشة الكبريت
وتقولي جيدًا جيت
راجع مع الفرسان
فايت الحدود واسيت
وتغني يا مريوم
لينا وتجرّي النّم
والعسكري الفراق بين قلبك الساساق وبيني هو البندم
والدايرو ما بنتّم
يا والدة يا مريم
| |
|
|
|
|
|
|
|
|
|
Re: ماك الوليد العاق لا خنت لا سراق (Re: عمر عبد الله فضل المولى)
|
بلا وانجلى
محجوب شريف
غناء وردي
بلا وانجلى
حمد الله الف على السلامة
انهّد كتف المقصلة
والسجن..
ترباسو انخلع
تحت انفجار الزلزلة
والشعب..
بى أسرو اندلع
حرر مساجينو اندلع
قرّر ختام المهزلة
يا شارعاً..
سوّا البدع
اذهلت أسماع الملا
كالبحر..
دواى الجلجلة
فتحت شبابيكا المدن
للشمسِ
واتشابا الخلا
شفت البنادق فى السما
الظبط والربط انتمى
للشعب..
شعب الملحمة
الصرخه كانت همهمة
والهبه كانت ململة
سداً منيعاً يا وطن
يا شعب وهّاج الفطن
للظلم يوماً ما ركع
مهما جرى
تباً لعهد السمسرة
والنهب..
ثمّ السمسرة
سداً منيعاً يا وطن
صه يا طنين البلبلة
أبدا ً لحكم الفرد..
لا
بالدم لحكم الفرد..
لا
تحيا الديمقراطية
كم نفديك يا مستقبلا
بلا وانجلى
بلا وانجلى
حمد الله الف علي السلامة
انهدّ كتف المقصلة
| |
|
|
|
|
|
|
| |
عمر عبد الله فضل المولى
Abu Baker Ahmed Abdel Rahman
محمد علي عثمان
elhilayla
Ahmed Alim
أسامة العوض
فيس بوك
تويتر
انستقرام
يوتيوب
بنتيريست