|
Re: رحيلك ليس برحيل عادي حبيبنا محجوب شريف (Re: عباس الدسيس)
|
إنا لله وإنا اليه راجعون .. ولا حول ولا قوة إلا بالله العلي العظيم .. اللهم إنا نسألك رحمتك وعفوك ومغفرتك لعبد محجوب شريف .. اللهم إنه بين يديك وفي جوارك يا رب العالمين اللهم احشره مع الصديقين والشهداء .. واللهم بارك في بنيه واجعل الجنة مثواه ..
له الرحمة والمغفرة ..
| |
|
|
|
|
|
|
Re: رحيلك ليس برحيل عادي حبيبنا محجوب شريف (Re: هشام كمال عبادي)
|
إن القلب حزين والعين تدمع والعقل مغيب وإنا لفراقك لمحزونون يا حبيب الشعب
تاني قام واحد جميل في بلدنا مات لا حول ولا قوة الا بالله العظيم إنا لله وإنا اليه راجعون عليه رحمة الله ورعايته ونسأل الله ان يبدله دارا خير من داره وان يتقبله قبولا طيبا مع الصديقين والشهداء والأبرار خالدا في جنات النعيم
| |
|
|
|
|
|
|
Re: رحيلك ليس برحيل عادي حبيبنا محجوب شريف (Re: علاء سيداحمد)
|
انا لله وانا اليه راجعون
ربي انه رجل اجري قلمة بما يدفع الشر عن وطنه اللهم تقبله بالرحمة والاحسان الذي انت اهله واوفه حساب الخيرين الذين اعطوا واوفوا ولم يبخلوا فاذا خذله عطاء الاخرين فان عطاءك ربي هو عطاء من ليس بظلام للعبيد
عاني الغربة والوحشة واضير وحورب بانه يري في وطنه مالا يرون ولو انهم انصفوا لوجدوا في رايه غايات لاينبغي ان يختلفوا معها
وطني له رجال يقدرهم الرجال ولا يقهرهم ظلم اشباه الرجال فسيخلد اسمك ايها الشاعر البطل .. ويبقي اجرك عند من لايظلم عبيده
اللهم انزله منزل صدق عندك وعوضه العناء والشقاء والقهر وارفع مقامه عندك بما شهد له به بني وطنه واكتب له بكل لحظة عنت وغبن عاشها احسانا ونعمة وزيادة منك
وداعا ايها الشاعر الذي لا ينجب مثله الا وطني ففي رحاب الله يرفع الظلم والغبن والقهر والعنت وعنده الوفاء لمن وفي
لا تدع له ربي ذنبا الاغفرته واغسله بطهور منك يمحو ما خدشوا به جسده وروحه وحسه واكتبه ممن ترضي عنهم من السابقين السابقين واصحاب اليمين واحفظ له بيننا تاريخا ناصعا وذكرا حسنا .. يوم يكتب لنا تاريخ
وافرغ علي اهله وذريته صبرا وعزاءً حسنا ولا حول ولا قوة الا بالله العلي العظيم
عمر علي حسن
| |
|
|
|
|
|
|
Re: رحيلك ليس برحيل عادي حبيبنا محجوب شريف (Re: حمد عبد الغفار عمر)
|
اظل حرفك متل نخل الجروف شامخ متل عرق الحنين جوه الارض مغروس تظل انت الحروفك ضئ حواليك الفقاري جلوس طلع بي حرفك الغناي وشالوه الترابلة نغيم دوباي وامك وامي هبن بيهو نار الشاي مشتبو شوارع الحارات مديح سراي ومين ذيك عشق الوطن ذي دين صاغو غمام وفوحو ذي عطر ياسمين ياطيب القلب يا سماحة الف سلام يالمليان محبة وخير حياك الغمام ياحمام السلام بتشرق انت ذي شمس الصدق بالطيبة من قدام محبة وخير صدق وسلام....
| |
|
|
|
|
|
|
Re: رحيلك ليس برحيل عادي حبيبنا محجوب شريف (Re: احمد حمودى)
|
الي جنات الخلد شاعر الشعب محجوب شريف
حنبنيهو البنحلم بيهو يوماتى وطن شامخ وطن عاتى وطن خيّر ديمقراطى وطن مالك زمام أمرو ومتوهج لهب جمرو وطن غالى نجومو تلالى فى العالى إراده .. سياده .. حريّه مكان الفرد تتقدم قيادتنا الجماعيّه مكان السجنِ مستشفى مكان المنفى كليّه مكان الأسري ورديّه مكان الحسره أغنيّه مكان الطلقه عصفوره تحلق حول نافوره تمازج شُفّع الروضه حنبنيهو البنحلم بيهو يوماتى وطن للسلم أجنحتو ضدّ الحرب أسلحتو عدد مافوق ما تحتو مدد للأرض محتله سند للإيدو ملويّه حنبنيهو.. البنحلم بيهو يوماتى وطن حدّادى مدّادىما بنبنيهو فرّادى ولا بالضجه فى الرادى ولا الخطب الحماسيّه وطن بالفيهو نتساوى نحلم .. نقرا .. نتداوى مساكن .. كهربا .. ومويه تحتنا الظلمه تتهاوى نختّ الفجرِ طاقيّه وتطلع شمس مقهوره بخط الشعب ممهوره تخلي الدنيا مبهوره إراده وحده شعبيّه
| |
|
|
|
|
|
|
Re: رحيلك ليس برحيل عادي حبيبنا محجوب شريف (Re: elhilayla)
|
Quote: انت من علمتنا كيف نحب الوطن انت من سموت بنا الى عالم الشفافية |
وداعاً شاعر الشعب
ماك الوليد العاق لا خنت لا سراق
لا حول ولا قوة إلا بالله إن العين لتدمع وان القلب ليحزن وانا على فراقك يا محجوب شريف لمحزونون رحمك الله رحمة واسعة وجعل الجنة مثواك , وألهمنا الصبر وحسن العزاء
"إنا لله وإنا إليه راجعون"
| |
|
|
|
|
|
|
Re: رحيلك ليس برحيل عادي حبيبنا محجوب شريف (Re: Mohamed Foto7li)
|
اللهم ارحم محجوب شريف واغفر له وامطِر قبره سحائب الرحمة واجعل الجنة مثواه وانزلهُ منزلة الصديقين والشهداء وحسُن أولئك رفيقا
اللهم اجعله من أصحاب اليمين ( في سِدرٍ مخضود * وطلحٍ منضود * وظِلٍ ممدود * وماٍ مسكوب * وفاكِهةٍ كثيرةٍ * لا مقطوعة ولا ممنوعة * وفُرُشٍ مرفوعة * )
العزاء لأسرة شاعرنا المناضل محجوب شريف العزاء لك أخي موصلي ولنا ولكل من أحب هذا الرجل السوداني
إنا لله وإنا إليه راجعون
| |
|
|
|
|
|
|
Re: رحيلك ليس برحيل عادي حبيبنا محجوب شريف (Re: محمد فضل الله المكى)
|
الفقد واحد احبتي ----------------------
يوسف الموصلي 3 ابريل 2014 اسمك محجوب لكن في عقولنا و....في قلوبنا ماك المحجوب يالقمت مودع دنيانا و.....شفناك ..يادوب ياما في .....درب الوطنيه ...عبدت دروب متواضع تقسم في النبقه و.....عزمك لالوب بالمونه بترفع وحدتنا و....بتشيل... الطوب يالنيلك غالي ف سكتنا و....عالي المنسوب في غربنا تنده لي ألله.... والعشق.. جنوب وشمالك حافظ اعمالك ....والحن ادروب متأصل زي لون الكسره الغرقت. في الروب وقهرت القاهر بي نظمك.... سند المغلوب حتظل في قلوبنا وفي دمانا رغم الحي ووب
| |
|
|
|
|
|
|
Re: رحيلك ليس برحيل عادي حبيبنا محجوب شريف (Re: Elmosley)
|
يا درب لناس غلابه يا نشيد في الحق مرجل كلمة واقفه زي ضئ الشمس واضحه ماده للناس العلامه من عطفك نفسك عطر الأماسي رافع ضد الغيم هتافك كل همك الناس الحفايا تشاور وتديهم تحية لما صادفك الموت اخدك ما إتنازلت بسمتك أنو خافت الحكاية رحلته انت راضي فارد قربك مسافه اصطفوا ليك الانبياء تحية يا روح الشعب اهلاً مليون باب وتحية شهق النيل صدح في دمي حنايا صوتي محجوب معايا
| |
|
|
|
|
|
|
Re: رحيلك ليس برحيل عادي حبيبنا محجوب شريف (Re: Elmosley)
|
مات محجوب شريف, فنان الغلابة والكادحين, وموحد السودان الكبير يالحزنى ولحزن السودان الكبير من حلفا الى نمولى ومن سواكن الى الجنينه يالحزن عمال عطبره, والمزارعين فى الحلاوين يالحزن تجار الجنينه ونساء سوق الطواقى فى امدرمان يالحزن المعلمين فى رفاعة ورعاة الابل فى بادية الكبابيش مات فنان الشعب, فنان الغلابة والمسحوقين والكادحين عزائى للاخت اميرة, مريم, ومى محجوب شريف, للاصدقاء حسن, عبدالمنعم الجزولى واخوتهم, للصديق مصطفى مدثر, لقاسم بدرى كمال كرار وكل اصدقاء وصديقات الفقيد, لشعبنا السودانى المنتصر حتما ضد حكم ارهاب الاخوان والعسكر. اللهم لانسألك رد القضاء ولكننا نسألك اللطف فيه
| |
|
|
|
|
|
|
|