|
كتب الكاتب الفاتح جبرا المتوفرة بمعرض الدوحة
|
|
 Re: خالص التمنيات بهزيمة مدوية لفريق الهلال السوداني في مباراة اليوم (Re: اساسي)
|
احييك واحترم رأيك وشجاعتك يا اساسي...
لم اتمنى يوماً ان يفوز المريخ على اي فريق..
ولا ارى في الامر غضاضة..
ولا ينقص من وطنيتي شيئاً..
لأن تشجيع الاندية ليس علاقة بالوطنية لا من قريب ولا من بعيد..
والهلال اليوم سيفوز ويصعد..
ولك حق فتح بوست في دور المجموعات في كل مباراة..
يعني جهز ستة بوستات..
وبرضو هيء نفسك تفتح بعدها تاني اربعة بوستات..
في الحالة دي ممكن تجيك جلطة كروية..
هههههههههههه
مع ودي
| |
 
|
|
|
|
|
|
|
|
Re: خالص التمنيات بهزيمة مدوية لفريق الهلال السوداني في مباراة اليوم (Re: الرفاعي عبدالعاطي حجر)
|
سمعت دعوة رشاشه ( صاحبنا ) بي اضاني ...
المريخ كان عندو مباراه في المغرب في اوائل او منتصف التمانينات علي ما اذكر
اعتقد مع الوداد البيضاوي ...
و اعتقد يا قبل ( الكاسين ) حقات سيكافا يا بيناتهم ...
يعني قبل ( كأس الكؤوس ) بي زمن ...
المهمة البعثه قامت و صاحبنا الهلالالبي الغيره كاتلاهو ...
قال لي ... ياخ انشاءلله الوداد البيضاوى يغلب المريخ 6 صفر ...
اخد سكته ... وواصل ...
و انشالله يمسكوا لعيبة المريخ و يكسروهم واحد واحد ...
و تاني سكت وواصل ...
و انشالله نص التيم و هم راجعين المطار تكون كرعينهم الجوز في الجبس ...
و بعد السكته الاخيره ... قال :
و انشالله كمان الطياره الجايباهم تقع بيهم و ما يلقوا فوقهم واحد حي !!!
______________________________________________
قلت ليهو يا رشاشه ...
وكت طيارتهم ماشه تقع ...
مكسر كرعينهم و مجبسهم مالك !!!
| |
|
|
|
|
|
|
|
|
Re: خالص التمنيات بهزيمة مدوية لفريق الهلال السوداني في مباراة اليوم (Re: اساسي)
|
لن تستطيع أبله ظاظا ولا أي أبله أخرى أن تشمت فيك يا أساسي ، صحيح أن الهلال تأهل بعد التعادل الباهت مع الفريق الكنغولي وصعد على حسابه في ظل أداء مهزوز و لاعبين و مدرب لا يستحقون التواجد في دور المجموعات
لا تحتاج لأي ملكات كروية أو معرفة بالتحليل الرياضي لتشاهد مرارة الأداء من كل خطوط الفريق الهلالي دفاع مهزوز وهجوم تائه ووسط عقيم. فريق لا يستطيع نقل الكرة بين لاعبيه بطريقة صحيحة لأكثر من ثلاث تمريرات
النتيجة النهائية لا تعبر عن سير المباراة لكنها المستديرة المجنونة كرة القدم بت الـ ..... إيه ، مبروك لأشباح الهلال فقد سرقوا التاهل أمام جمهور غفير في ستاد الخرطوم وخلف الشاشات من فريق لا يستحق لخسارة على الأقل في مباراة أمام فريق الهلال بالأمس.
الطريف في الأمر أن مدرب الهلال نصر الدين النابي قال أنه لم يلعب للتعادل وأن فريقه أدى مبارة جيدة أمام خصم شرس – شكارتها دلاكتها – المهم يا النابي الغريق قدام.
مبروك تأهل الهلال رغم أنف أساسي وآخرين ، بس ما تدقسو يا هلالاب ، من يضحك أخيراً يضحك كثيراً وأخير ليكم الجاي أصعب
| |
|
|
|
|
|
|
|
|
|
Re: خالص التمنيات بهزيمة مدوية لفريق الهلال السوداني في مباراة اليوم (Re: اساسي)
|
الأخبار
وتأهل الهلال السوداني (سيد البلد) لمجموعة الأندية الأفريقية الكبار لينافس على ما يلي:
- بطولة الأندية الأفريقية
- ممثل أفريقيا في بطولة أندية العالم
وترك رفيق دربه المريخ ليقاتل في الدوري المحلي وفي رواية أخرى مكانه الطبيعي على أن يستعد للمشاركة في العام القادم للمشاركة بالتمهيدي.
وننوه أن الكابتن هيثم مصطفى لاعب المريخ لم يشارك المريخ في ماراتيه بالتمهيدي لأنه غير متعود على هذه المرحلة أبان زمنه بالهلال (سيد البلد)
| |
|
|
|
|
|
|
|
|
 Re: خالص التمنيات بهزيمة مدوية لفريق الهلال السوداني في مباراة اليوم (Re: ياسر منصور عثمان)
|
اكثر ما جعل لهذا البوست قيمة هو التأهل الجنائزي لفريق الهلال , تأهل افرح الاخرين اكثر من الهلالاب , والمبادرة في مثل هذه الحالات ان يقول الاخرين للهلالاب مبروك التاهل ولكن وجدت ان انسب عبارة تلائم التاهل الذي حدث بالامس ان : البركة فيكم ..فما هو آت فهو آت لا محالة
فرحتنا تكمن بهذا التاهل الجنائزي ان الهلال موعود (بفريقه الذي ظهر امس ) كالجثة الهامدة ان (يجلب كعادته) فضائح محمولة جوا في المجموعات التي لا ترحم
ولا يسعنا الا ان نقول لاخوتنا في الهلال : احسن الله عزائكم وجبر كسركم ورحم الله فريقكم
اول مرة فريق يتاهل للمرحلة المتقدمة ويكسر خاطر جماهيره بتأهله
احيييييييي يا الري
| |
|
|
|
|
|
|
|
|
|
Re: خالص التمنيات بهزيمة مدوية لفريق الهلال السوداني في مباراة اليوم (Re: اساسي)
|
من الله خلقنى ما لاقانى زى الوصيفاب ديل
يقولوا نتمنى هزيمة للهلال يصعد يقولوا فرحنا لى صعوده
طيب ما كان تتمنوا فوزوا عشان يصعد
المشكلة انه ابو الهل ختاهم فى محل ضيق
لقوا نفسهم محتاجين يشجعوا الهلا ل و يتمنوا فوزه و فى نفس اللحظة دايرين يشمتوا فى الهلال بى هزيمته
الحالة بقت صعبة و مستعصية و محتاجة لى طبيب نفسى
و لى قدام المرض حا يستفحل خاصة لامن ازيز الطيارات يجى بى فوق العرضة جنوب و ابو الهل يتنقل من بلد لى بلد
و هم يا حسرة بالبص من قرية لى قرية
| |
|
|
|
|
|
|
|
|
|
Re: خالص التمنيات بهزيمة مدوية لفريق الهلال السوداني في مباراة اليوم (Re: اساسي)
|
التاريخ لا يحفظ العروض يا أساسي
وفي الحقيقة كثير جداً من الفرق تلعب جيداً ولكنها تخسر
ومثال على ذلك مباراة المريخ مع الزمالك المصري في كأس دبي
أهو المريخ شال كاسها من مباراة واحدة
لعبها الزمالك كلها في خط 18
الحقيقة اللعب المباراة الزمالك وحامد بريمة الله يديهو الصحة والعافية
قبل كدا قلنا الهلال موعود بهزيمة ثقيلة أمام الأهلي القاهري
وجاء الهلال وأبدع وهزم الأهلي بثلاثية نظيفة
تحياتي مثنى وثلاث ورباع
| |
|
|
|
|
|
|
|
|
|
Re: خالص التمنيات بهزيمة مدوية لفريق الهلال السوداني في مباراة اليوم (Re: سيف اليزل الماحي)
|
يا سيف
في التمانينات
حضرت كورة للمنتخب المصري مع المنتخب الكاميروني
في بداية المباراة ميلا جابلو قون، والقون ذاتو من الحارس مباشرة لي ميلا وللللب في القون
أها بعداك المصريين ما فاتوا خط 18 حق منتخب الكاميرون
لحدي ما المباراة انتهت 1/ صفر للكاميرون
تقدر تقول لي إنو ميلا وميكاناكي وأولمبيك وأومام بيك وكانا بيك كانوا كعبين
ولا كانوا بطبقوا في تكتيك دايرين يطلعوا بيهو بي نتيجة كويسة
خلاصة كلامي
إنو المباراة نفسها بتحدد للفريق يلعب كيف
| |
|
|
|
|
|
|
| |
اساسي
usama Babiker
محمد عمر الفكي
إسماعيل وراق
سفيان عثمان قرضيه
أحمد قلوب
Hashem Mubarak
عمر الفاروق عبد الله الشيخ
ملهم كردفان
الصادق صديق سلمان
nadus2000
Elmosley
alsngaq
Maawya Hussein
ياسر منصور عثمان
الرفاعي عبدالعاطي حجر
ABDALLAH ABDALLAH
يحي قباني
طارق حرسي
Zakaria Fadel
بدرالدين بابكر مصطفى
خالد عبد الله محمود
فيس بوك
تويتر
انستقرام
يوتيوب
بنتيريست