|
Re: وداعا مرض السكري الخطير إن شاء الله (Re: الرشيد حسن خضر)
|
لك التحيه يالرشيد ... خبر جميل والله بس الواحد بيستغرب من انو العلاح ماياخد حظو فى المختبرات العلميه والتجارب الدوائيه المعمليه الموثقه فى الأول وبعد كده يتم انزالو للسوق جاهز للإستعمال يعنى لو زول ليهو خصائص بيولوجيه حيويه معينه ما إستجاب للدواء ده أكيد بتتدهور حالتو ويمكن يموت فى خلال الاسبوع ده بالذات لو الحاله متقدمه
ادينا النجيضه بعد تجربتو على عدد وافر وكافى من المرضى
احترامى
| |
|
|
|
|
|
|
Re: وداعا مرض السكري الخطير إن شاء الله (Re: أيمن محمود)
|
يا زول والله الناس فترت من التجارب مش كان اولى انو الموضوع دا يتم عبر القنوات الطبية .. يعني يمشي يشوف ناس ادارة الصيدلة والسموم ويشوف الوصفة دي ناجحة ولا لا .. لكن مشكور على كل حال ، ولو واحد جربا يجي يقول ليك النتيجة شنو ..
مودتي ..
_____________ بعد اذنك يا صاحب الوصفة .. يا ايمن محمود يا اخوي سلام عليكم .. يا حبيب شايف نص مشاركاتك عبارة عن اقباس للكلام .. ياخي مش ممكن تقول رأيك كان مع او ضد الوصفة دي عشان نشوف فهمك شنو ..
| |
|
|
|
|
|
|
Re: وداعا مرض السكري الخطير إن شاء الله (Re: هشام كمال عبادي)
|
Quote: يا حبيب شايف نص مشاركاتك عبارة عن اقباس للكلام .. ياخي مش ممكن تقول رأيك كان مع او ضد الوصفة دي عشان نشوف فهمك شنو .. |
مرات كتيرة جدا يا هشام ما بكون عندي زمن للكتابة من خلال الاقتباس والابتسامة الفوق أظنك بتكون انت والقراء عرفتوا رأيي شنو: (سلبي) والا ايجابي وحقيقة انا عايز اعرف حقيقة انت فهمت رأيي من الاقتباس والابتسامة والا لا؟ تحياتي - انا شخصياً ما بؤمن بالعلاجات الا المثبت منها علمياً أو من خلال اجماع كثير من أصحاب التجارب الفعلية انتشرت في السودان وغيره ظاهرة استغلال حوجة المرضى للعلاج والجهل في الترويج لأدوية وهمية بخصوص السكر احد معارفي صرف مبالغ كبيرة في (مكمل غذائي) عاملو واحد اسموا الارباب او حاجة بالشكل ده .. ادعى انو علاج للسكري بدون فايدة - ومثلة آلاف الناس على ما افتكر خسروا مبالغ كبيرة جرياً وراء وهمات زي دي . أي علاج يقضي على السكري لحظة اعلان اكتشافة بعد التجارب العلمية حا يكون حديث العالم أجمع مع كامل التفهم لآمال مرضى السكري
| |
|
|
|
|
|
|
Re: وداعا مرض السكري الخطير إن شاء الله (Re: ملهم كردفان)
|
يا ملهم كردفان الناس ديل ماخدين الحكاية من قصيرها.. عليك بتجريب الدواء في نفسك.. كان إتعالجت يكون هو المطلوب .... وكان قطعت تذكرة يكون عمرك كِمِل.. وفي الحالتين هم ما فاقدين حاجة بل أخدوا حق الدواء بتاعهم مقدماً.. ويموت زول ولا 2 ما بتفرق كتير معاهم. المهم الكاش. تحياتي
كبـّاشي الصـّـافي .
| |
|
|
|
|
|
|
Re: وداعا مرض السكري الخطير إن شاء الله (Re: ياسر منصور عثمان)
|
شكرا لسرعة مداخلاتكم
نحن متفقين على خطورة المرض ومهدداته ..
ونحن نؤيد البحث العلمي بشدة لأنه المخرج من أزمة التخلف في عالمنا الثالث .. ولكن بشرط أن يلتزم الطب الحديث باللأسس الثقافية ( الصدق والموضوعية والإلتزام ) فلا يساغ أن يتجاوز طبيب الوصفة بباديء الرأي بقوله : الوصفات العشبية تجاوزها الطب الحديث للصيدلانية الحديثة ودونه الطب البديل يملأ الأرض نظرا لكثرة الأخطاء الطبية والآثار الجانبية البشعة للعلاج الصيدلاني حتى كاد الناس ينبذونها !!! أو يرفضها الطبيب الصيدلاني لمجرد أنه يريد أن يبيع ..وهلمجرا ..
ومع ذلك نحن مع التحقيق العلمي ولو جاءت هذه الوصفة من بيت خبرة شعبي موثوق مثل الإزيرقاب في أب روف وقريتهم قرب الكدرو أو غيرها ..
وأتمنى أن يفتح الموضوع الباب لنقاش مثمر ينفع الناس ..من الطباء والعشبيون وغيرهم ..
والله المستعان
الرشيد
| |
|
|
|
|
|
|
Re: وداعا مرض السكري الخطير إن شاء الله (Re: الرشيد حسن خضر)
|
التحقيق العلمي
جرب الشيخ العلاج على زوجته
هل من التحقيق العلمي اثبات صحة علاج بمفردة احصائية واحدة؟
وهل من التحقيق العلمي الزج بامور لا علاقة لها بالطب من اجل استدرار العواطف ؟
يتم وقف أي وصفة علاجية من الطبيب
يحتاط بعض العشابين بعدم توقف العلاجات الطبية واول مرة اسمع بمن يخاطر بمخاطرة مثل هذه
زولك دا يمشي وزارة الصحة يسجل العلاج ويثبت ذلك والا يكون تحت طائلة القانون
| |
|
|
|
|
|
|
Re: وداعا مرض السكري الخطير إن شاء الله (Re: حمزاوي)
|
حمزاوي تسحن بالحاء وليس الخاء أي توديها للسحّانة .. يعني تطحنها .. يعني تحولها إلى بودرة ياريت لو الإزيرقاب يفتحوا مدرسة لتعليم العربية لعير الناطقين بها وللا اقولك شوف صديق الموج ... تحياتي لشيخ الرشيد .. ولو إنت في السودان خلينا نقابلك
| |
|
|
|
|
|
|
Re: وداعا مرض السكري الخطير إن شاء الله (Re: عوض جاه الرسول)
|
ـ (1) لا يجوز لأى شخص تصنيع أو تحضير أو تجهيز أو إستيراد أو توزيع أو بيع أو عرض للبيع
أو تسليم لإعادة البيع أى دواء أو مستحضر صيدلانى أو مستلزم طبى أو مستحضر تجميل إلا بعد تسجيله وفقاً
لأحكام هذا القانون واللوائح الصادرة بموجبه .
1ـ (1) لا يجوز لأى شخص أن يقوم بنشر أو يشترك فى نشر أى إعـلان عن أى دواء أو أى مستحضر صيدلاني
أو مستلزم طبي أو عشبي أو أي مادة توحي بأنها علاج أو وقاية من مرض مهما كان نوعه بصيغة أو بطريقة يقصد منها
الترويج لإستعمال الدواء أو المستحضر الصيدلانى لعلاج الأمراض أو الوقاية منها أو تشخيصها أو لإسترداد الإنسان
أو الحيوان لوظائف جسمه العضوية ما لم يحصل على موافقة المجلس .
http://www.moj.gov.sd/content/lawsv4/12b/2.htm
| |
|
|
|
|
|
|
Re: وداعا مرض السكري الخطير إن شاء الله (Re: ود الخليفه)
|
شكرا جزيلا ود الخليفة الحق أحق أن يتبع
نحن مع دولة القانون ولو جانب الصواب- في العموميات .
يبدأ التوجه الحضاري الحقيقي لكل بلد ، بالتنمية الإجتماعية والتطوير المدني والإقتصادي والتثوير الثقافي والبحث العلمي ..
وجاء هذه البوست على نياتنا ..شكرا لك للتصويب ..
وعلى إستعداد لسحب البوست تعزيزا لكل ما سبق .. نحن متحمسون لتصحيح مسارنا الحضاري ..والمفاعلة أداة من أدوات التغيير .
على أمل أن تكون شركات الطب البديل والعاملين في حقله مجازون من وزارة الصحة بأفرعها المختصة وكذلك مخرجاتهم الطبية .
الرشيد
| |
|
|
|
|
|
|
Re: وداعا مرض السكري الخطير إن شاء الله (Re: ياسر منصور عثمان)
|
Quote: and#228;and#223;and#209;and#209; and#199;and#225;and#211;and#196;and#199;and#225; and#225;and#225;and#221;and#199;and#198;and#207;and#201; and#221;and#222;and#216;:
and#229;and#225; and#229;and#228;and#199;and#223; and#211;and#223;and#209;and#237; and#199;and#211;and#227;and#229; and#211;and#223;and#209;and#237; and#199;and#225;and#200;and#230;and#225;and#191;and#191; |
الصحيح هو البول السكري
وأحسب أنه خطأ مطبعي بمعنى لم تفقد الجملة معناها
| |
|
|
|
|
|
|
Re: وداعا مرض السكري الخطير إن شاء الله (Re: Adil Isaac)
|
Quote: بس أوقية الترمس دا حب ولا مطحون واذا حب حناخذوا كيف وتسخن الثلاثة كيف .. يعني نغليهم التلاتة سوا ؟ .. ولمدة قدر ايه ؟
جزاك الله خيراً |
حمزاوي سلام مشتاقين يمين بالله تباري الوصفات بتاعت الناس البكتبو في النت الي تلحق امات طه قاول ليك ترمس ده سكري و ل كسر حلبه ....معقوله ناقصة المديده عديل .....عشان كده جربو في مرتو ...انتظر بعد اجربو في راجل امكن الحلبه احذفوها اما الكسبره شيء عجيب طيب ما قربنا لي وصفة ابري رمضان جننتونا واكلتونا التونا ............ تحيايت لصاحب الوصفه
| |
|
|
|
|
|
|
Re: وداعا مرض السكري الخطير إن شاء الله (Re: عباس الدسيس)
|
شكرًا يا اخ الرشيد أودّ عبر بوستك هذا أن وجه نصيحة لمرضى السكر الذين سيطلعون عليه ملخصها أن إيقاف العلاج و بالأخص لمن يتعالج بالانسولين هو مغامرة خطيرة قد يترتب عليها مضاعفات هم في غنى عنها، كما أرجو منهم أن يتعاملوا بحذر شديد مع مثل هذه الوصفات العشوائية و التي مهما كانت المواد الداخلة فيها تبدو مواداً طبيعية الا أننا لا نعرف ما يترتب على تناولها بكميات اكبر من المعتاد و لا عن تأثيرها على عمل اجهزة الجسم المختلفة. في غالب الأحوال لهذه الوصفات نتائج كارثية على من يستخدمها و المستشفيات مليئة لمرضى الفشل الكلوي و من بترت أطرافهما لأنهم استجابوا بدعاوي من مجهولين يدعون توصلهم لعلاج ناجع و نهائي لمرض السكر دون علم او تأهيل.
| |
|
|
|
|
|
|
Re: وداعا مرض السكري الخطير إن شاء الله (Re: سيف النصر محي الدين)
|
الأخطاء الإملائية في المداخلة أعلاه على مسؤولية السيد سفاري بتاع الايفون و بالمناسبة ما في حاجة اسمها سكري البول ، السكر لازم يرتفع في الدم اولا ثم يبدأ يدفق في البول ، بعض الناس عندهم مشكلة تتمثل في انو كليتهم تسمح بنزول سكر في البول في معدلات سكر في الدم اقل من 180 ملجم في الديسلتر و هذا لا يعتبر مرضا. و في مرض اسمه diabetes insipidus و هو لا علاقة له بمرض السكر حتى و إن ترجمه البعض ب "البول السكري".
| |
|
|
|
|
|
|
Re: وداعا مرض السكري الخطير إن شاء الله (Re: سيف النصر محي الدين)
|
علي اليمين أنا ما أسمع بسكري البول وسكري الدم إلا في ناس العالم الثالث ديل
يا جماعة إتحضروا شوية وواكبوا الحضارة والتكونولوجيا ..
السكري نوعان : النوع الأول Type 1 وفيه يعتمد المريض على الإنسولين
والنوع الثاني Type 2 وفيه يعتمد المريض على الحمية الغذائية وبعض الأدوية المخفضة لسكر الدم مثل ميتفورمين
| |
|
|
|
|
|
|
Re: وداعا مرض السكري الخطير إن شاء الله (Re: Ali Abdalla Hassan)
|
الحلبة بستخدمها شبه يومي و لا اضرار عليها. ما فهمت ليه يتغلي و يتدفق الموية ثلاثة مرات لانو بعد ثلاث غليات ما اظن فضلت فيها فائدة. قاعد اكبها في القاربيج الترمس برضو حاجة كويسة لكن الكسبرة دي مش الزي شمار بستخدم كبهار مع الفول و اللحوم ام شئ اخر؟
| |
|
|
|
|
|
|
|