|
|
 فطور الوالي
|
فطور الوالي
---------
هوي ياناس المعارضه شوفو ليكم حته تانيه غير ميدان شمبات. نحن خلاص حصلنا المرغني والصادق المهدي . السيد المحترم والي الخرطوم حفظه الله كان فاطر معانا في شمبات يوم الجمعه الفاتت. اي زول فينا في شمبات عمرو 18 سنه حا يدوه قطعه ارض. يلا بلا معارضه بلا لمه. سير سير يالبشير. هي لله هي لله.
حقنا مابنقلعو في المكاتب ولا المحاكم. الوالي والوزير جونا لحدي عندنا وفطرو يوم الجمعه ولا السبت ماعارف. اي والله يوم الاجازه، عاد بلدنا دي ماشاء الله ما شيوخنا ناس الحكومه ديل كلهم بركه وكلهم واصلين.
اها القصه شيخي وسيدي الوالي قال لي ناس شمبات في الفطور أمركم مقضي تب. يااخوانا المعجزة حصلت وشكلو كلام شيخنا الوالي من بركته في يوم الاجازه القرار شكلو مشه المجلس الوطني وتم الاجازه وحول القرار للإسكان. اها وحاتكم الليله ناس الاراضي بسجلو في وليداتنا العمرهم 18 سنه جوه الحله في شمبات.
اها يلي انتو خمو وصرو وخليكم في عوارتكم دي. عاملين لي فيها انتو عندكم مبدأ والسودان الوطن الواحد ولب لب لب لب لب.
كلام جاد:
---------
الخطه السكانيه لابناء شمبات هي حقوقهم وشمبات من المناطق التي عانت من ظلم الحكام في جميع الفترات. ولكن بكل اسف لم يكن هذا القرار لأنو نحن كنا مظلومين او اصحاب مطالب عادله ولكن كان هذا القرار من وجهه نظري هو فقط محاوله من كلاب الإنقاذ لكسر صمود أهالي شمبات وضرب المعارضه من خلال كسر حاجز شمبات. بكل اسف كما فعلها الصادق والمرغني وكثير من الأحزاب التي يشارك محسوبين منها في اغتصاب الوطن ساهم بعض ابناء شمبات في فتح أبواب شمبات لمن اغتالو أبناءنا. بكل اسف الغالبيه منهم فعلوها بحسن نيه من اجل مصلحه ابناء شمبات للحصول علي ابسط حقوقهم المسلوبه ولكن في وجه نظري كان القرار تتيحه لقصر نظر وعدم فهم للوضع الحالي لحكومه الفساد الوطنيي التي هي علي وشك السقوط ولولا ايادي أمثال المرغني والصادق ومن يقومون بمثل إفطارات شمبات.
في الختام اقول لشباب شمبات انها ليست غلطتكم ولكم كل الحق في التقديم الي الاراضي فهي حق من حقوقكم. ارفعو رؤسكم ولاتستحو من حقوقكم وان أتت بثمن غالي ان نجست ارضنا الطاهره ببعض من قيادات النظام الفاسد.
|
|
 
|
|
|
|
Aemen Hagelsafy
فيس بوك
تويتر
انستقرام
يوتيوب
بنتيريست