|
|
 سَلِّمُوا سماءَ السُودان للأحباش (الأثيوبية)، لو الحبش وافقوا
|
نسبة لعدم كفاءة هيئة الطيران المدنى في إدارة قطاع الطيران وتدنى السلامة الجوية والأرضية في جميع مطارات السودان.
ونسبة لإنهيار الناقل الوطنى والذي دمرته سياسة ما يسمى بالمؤتمر الوطنى والكوارث المالية والجوية الى لحقت بسودانير ولحقت أمات طه. ونسبة لتآمر حكومة السجم دي علي خط هيثرو وعزوف السودانيين عن إستخدام سودانير خوفاً علي أرواحهم.
ونسبة لتوقف كُبري شركات الطيران العالمية عن الطيران للخرطوم والتى كان آخرها الخطوط الألمانية.
ونسبة لعدم مقدرة السودان علي توفير وقود الطائرات وتقديم خدمات عالية الكفاءة جوياً وأرضيا لما تبقي من الطائرات الخردة.
ونسبة للمشاكل المالية التى يعيشها السودان والتى أدت لهروب بقية شركات الطيران العالمية
وإسهاما في قيام سد النهضة وتسريع عملية تكامل إقتصادي – مائي مع جارتنا الإسمها إثيوبيا
وتعويضا للدمار البيئ الذي ساهمت فيه الخطوط الأثيوبية
أطالب بتسليم سماء السودان ومطاراته للأحباش "للخطوط الأثيوبية".
ما فيها حاجة يا جماعة ما تتعقدوا من الموضوع شوفوا مصلحة البلد وين
الصورة: الخطوط الأثيوبية في مطار بربرا في دولة أرض الصومال - بومباردير 400 داش 8
|
|
 
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: سيف اليزل سعد عمر)
|
النقاط المهمة في الاتفاقية هي
اولاً: يتم تسليم ورشة صيانة الطائرات في مطار الخرطوم بعد نظافتها من كل بقايا الطائرات الي الخطوط الاثيوبية. هذا يساعد في في قيام مركز جديد للخطوط الاثيوبية في مطار الخرطوم.
ثانياً: يتم تسريح او إحالة جميع الطيارين ومساعدي الطيارين والمضيفين والمضيفات والذين تعدت أعمارهم سن الأربعين عاما، علي أن يتم إستيعاب البقية في الطيران الإثيوبي.
ثالثاً: أن يتم تأهيل طيارين جدد في أكاديمية الطيران الإثيوبي في اديس ابابا التابعة للخطوط الاثيوبية علي أن يتم فتح أكاديمية للطيران بعد سبعة سنوات من بداية التعاقد.
رابعاً: تسلم إدارة مطار الخرطوم لإدارة مطار اديس ابابا علي المستوي التنفيذي العالي، علي أن يتم تقليص عدد العاملين في المطار للعدد الذي يرفع كفاءة اداء المطار.
خامساً: تسليم ما تبقي من طائرات لإعادة صيانتها وتأهيلها في ورش الصيانة الاثيوبية حيث لا تسري عليها المقاطعة الامريكية وتغيير شعارها لشعار الخطوط الاثيوبية مع وضع علم السودان بجانب العلم الإثيوبي في مرحلة متقدمة.
سادساً: تلتزم الخطوط الاثيوبية بإعادة تأهيل مطار بورسودان، دنقلا، الفاشر، كسلا والدمازين لاستخدامهم في رحلات داخلية وخارجية.
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: Abdel Aati)
|
سلام سيف
الفكرة تقنيا و بدون حساسية سياسية سليمة, لنعتبرها شراكة زي بتاعة عارف الكويتية مثلا
الخطوط الأثيوبية ماشاء الله عليها ماشة في نجاح و تقدم, لكن حتة الطيران المدني مستحيلة لأنو فيها سيادة وكدا, يكفي تسليمهم سودانير
لكن ما فهمت هذا الإقتباس | Quote: وتعويضا للدمار البيئ الذي ساهمت فيه الخطوط الأثيوبية |
أي دمار بيئي ساهمت في الخطوط الأثيوبية؟
| |
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: محمد البشرى الخضر)
|
وعليكم السلام محمد البشري
| Quote: لنعتبرها شراكة زي بتاعة عارف الكويتية مثلا |
عليك الله بس ناس عارف ديل زحهم بعيد من الموضوع. نشوف لينا تجارب ناجحة أحسن والسوق ملان.
| Quote: لكن حتة الطيران المدني مستحيلة لأنو فيها سيادة وكدا, يكفي تسليمهم سودانير |
أكيد ليس الموضوع تسليم سلطات الطيران المدني. الموضوع هو تسليم سوق الطيران في السودان للخطوط الأثيوبية. الشراكة تتم حسب ما عندنا وحسب مقدراتنا المالية.
| Quote: أي دمار بيئي ساهمت في الخطوط الأثيوبية؟ |
المقصود يا محمد البشري كيف يتم تعويض السودان عن غاز ثانى أكسيد الكربون بسبب طيران الأثيوبية في سماء السودان. الموضوع ده يمكن حسابه بدقة وتعويض أضراره ماديا ليعاد إستثماره في حماية البيئة السودانية.
أية طائرة متجه من أوإلي أديس لأوروبا، الولايات المتحدة وغرب أفريقيا تمر بسماء السودان.
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: Abdel Aati)
|
Quote: هذا ليس خيارا سليما
الخيار هو اسقاط النظام واعادة بناء البلاد على اسس حديثة ، بما في ذلك اعادة بناء الناقل الوطني |
الاستاذ عادل عبد العاطي
إسقاط النظام ده مسألة أساسية وجوهرية لا خلاف عليها. لكن هذا لا يعني عدم التفكير في إيجاد حلول لمشاكل السودان حتى قبل سقوط النظام. وانت شخص ليك مشاركات ومساهمات عديدة في هذا المجال. في نقطة أحب أن أشير إليها وهي الإعتقاد بان إسقاط النظام يعقبه حل للمشاكل. قالوا الخراب هين لكن العمار صعب. وإذا لم نبدأ مرحلة البناء حتى قبل سقوط النظام فلن نبني السودان، بل سوف نشاهده يوميا يغرق في الفشل.
وإذا لم نضع الخيارات أمام الشعب السودانى فلن يحدث التغيير.
خالص التحايا يا عادل
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: سيف اليزل سعد عمر)
|
العزيز سيف اليزل
تعليقك سليم اننا يجب ان نبحث عن بدائل .. من ناحيتي انفعلت بالشعور الوطني ولم ادرس اقتراحك للنهاية .. هذا الاقتراح مقبول في حالة اجراء اندماج اكبر بين دول شرق افريقيا ؛ وان تتحول الاثيوبية الى شركة عابرة للبلدان () لا ان تظل ناقلا وطنيا .. عمليا الاثبوبية تخدم الان كل طيران دولة ارض الصومال .. ولكن هل يقبل الاثيوبيون تغيير الاسم التاريخي الى اسم جديد ؛ مثلا طيران القرن الافريقي ؟؟
تعرف انه هناك في العالم اقامت عدد من الدولة شركة طيران واحدة .. في اسكندنافيا حيث تقيم هناك شركة ساس (SAS) ؛ وفي غرب افريقيا عملت لسنوات قبل ان تنهار شركة Air Afrique ؛ والتي تحاول ان تحل محلها شركة AfricaOne ذات الاصول النيجيرية ؛ دون نجاح كبير .. في امريكا الجنوبية هناك تجمع لعدة شركات طيران بداياته شيلية ولكنه يخدم عدد من الدول LAN Airlines
Quote: إسقاط النظام ده مسألة أساسية وجوهرية لا خلاف عليها. لكن هذا لا يعني عدم التفكير في إيجاد حلول لمشاكل السودان حتى قبل سقوط النظام. وانت شخص ليك مشاركات ومساهمات عديدة في هذا المجال. في نقطة أحب أن أشير إليها وهي الإعتقاد بان إسقاط النظام يعقبه حل للمشاكل. قالوا الخراب هين لكن العمار صعب. وإذا لم نبدأ مرحلة البناء حتى قبل سقوط النظام فلن نبني السودان، بل سوف نشاهده يوميا يغرق في الفشل.
وإذا لم نضع الخيارات أمام الشعب السودانى فلن يحدث التغيير.
|
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: سيف اليزل سعد عمر)
|
الفكرة نظرياً سليمة جداً وناجحة جداً ، على أن تشتمل مخططاً لتدريب وإحلال الكوادر والمؤسسات السودانية مكان الأثيوبية بعد فترة معينة من الزمن
عملياً:
على الإخوة الأثيوبيين تطعيم كوادرهم ومؤسساتهم التي ستشارك في هذه التجربة ضد العديد من الجراثيم والفيروسات السودانية التي ستسري دون شك في شرايين أي قادم إلينا في هذا البلد ،
وأخشى أن تكونَ هذه الخطوة بداية لنهاية النجاح العظيم الذي حققته الأثيوبية بعد سنوات وعقود من العمل الجاد
(أخجل حين أمرّ بمطار بولص الدولي بأديس أبابا من حال مطاراتنا في الخرطوم
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: Hani Arabi Mohamed)
|
رغما عن ان الحبش أول طيارتين امتلكوهم ..
كانوا من سودان السجم والرماد ده ..
واحده أهدوها ليهم والتانيه باعوها ليهم ..
تصدق كلام زي ده ..
طبعا ده كلو قبل الرماد يكيل خشم السودان..
وتبقى سودان طير بدون طيارات ذاتو ..
يعني زي ما قال سئ الذكر القذافي زمان لمن سألوهو
ليه عامل وزارة زراعة ..
وإنت ما عندكـ زراعة ..
رد متهكما طيب ما السودان عنده وزارة مالية ..
وما عنده فلوس ..
وهكذا دارت دوائر السمسره والفساد وسف القروش بالخطوط السودانية ..
وبقت بدون طيارات .. شركة طيران بدون طيارات !!! ..
أنا ما عارف هم قاعدين لحدي هسه بيعملوا في شنو ؟؟؟
حقو يشوفوا ليهم شغله تانيه يقضوها .. بدل العطاله الهم فيها دي ..
وصرف مخصصاتهم ورواتبهم على قفا الشعب الذي شكى لطوب الارض من سرقة ونهب ماله وقوته ..
والعجيب بيأجروا طيارات من الخطوط الأريترية ..
السووها هسع دي ..
شفت جنس المحن دي ..
المهم يازول بأيد كلامكـ ..
رغم عدم قناعتي به ..
يعني حراقة روح وبس ..
لأن خطوطنا هي عنوان عزتنا وكرامتنا وتماثل رمزية علم السودان ..
أو هكذا قال الكلمنجيه أصحاب الكلام الفاضي الما بملأ بطن ...
لأن النهب في مال الشعب شغال تش ..
سرقات وسمسره ..
وده كلووووووو من ايكال الأمور لغير اهلها ..
من حراميه وسماسره ..
فالحبش نزاهة ونظافة يد وكان ما عندكـ مؤهل محترم ..
ومرجعية في صناعة الطيران تحلم إنكـ تنضم لاسطاف الخطوط الأثيوبيه ..
مش جايبين لينا الشريف أحمد عمر بدر ..
ليدير لنا خطوطنا وهو لا ليه في الطين ولا في الطحين ..
ولا يفقه في صناعة الطيران التكتحو ..
غايتو الا جايبنو عشان يبسط ركاب سودان طير ..
والشريف مبسوط مني .......
كما قالت ندى القلعة ..
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: جمال ود القوز)
|
Quote: رغما عن ان الحبش أول طيارتين امتلكوهم ..
كانوا من سودان السجم والرماد ده ..
واحده أهدوها ليهم والتانيه باعوها ليهم ..
تصدق كلام زي ده ..
طبعا ده كلو قبل الرماد يكيل خشم السودان..
وتبقى سودان طير بدون طيارات ذاتو ..
يعني زي ما قال سئ الذكر القذافي زمان لمن سألوهو
ليه عامل وزارة زراعة ..
وإنت ما عندكـ زراعة ..
رد متهكما طيب ما السودان عنده وزارة مالية ..
وما عنده فلوس ..
وهكذا دارت دوائر السمسره والفساد وسف القروش بالخطوط السودانية ..
وبقت بدون طيارات .. شركة طيران بدون طيارات !!! ..
أنا ما عارف هم قاعدين لحدي هسه بيعملوا في شنو ؟؟؟
حقو يشوفوا ليهم شغله تانيه يقضوها .. بدل العطاله الهم فيها دي ..
وصرف مخصصاتهم ورواتبهم على قفا الشعب الذي شكى لطوب الارض من سرقة ونهب ماله وقوته ..
والعجيب بيأجروا طيارات من الخطوط الأريترية ..
السووها هسع دي ..
شفت جنس المحن دي ..
المهم يازول بأيد كلامكـ ..
رغم عدم قناعتي به ..
يعني حراقة روح وبس ..
لأن خطوطنا هي عنوان عزتنا وكرامتنا وتماثل رمزية علم السودان ..
أو هكذا قال الكلمنجيه أصحاب الكلام الفاضي الما بملأ بطن ...
لأن النهب في مال الشعب شغال تش ..
سرقات وسمسره ..
وده كلووووووو من ايكال الأمور لغير اهلها ..
من حراميه وسماسره ..
فالحبش نزاهة ونظافة يد وكان ما عندكـ مؤهل محترم ..
ومرجعية في صناعة الطيران تحلم إنكـ تنضم لاسطاف الخطوط الأثيوبيه ..
مش جايبين لينا الشريف أحمد عمر بدر ..
ليدير لنا خطوطنا وهو لا ليه في الطين ولا في الطحين ..
ولا يفقه في صناعة الطيران التكتحو ..
غايتو الا جايبنو عشان يبسط ركاب سودان طير ..
والشريف مبسوط مني .......
كما قالت ندى القلعة .. |
جمال ود القوز
قسما بالله حرقت جوفي معاك بالكلام ده
الاثيوبية بدأت وقامت بأكتاف السودانية
بعد كلامك ده مشيت قريت شوية في النت عن الموضوع ده
لقيت إنو الاثيوبية ما كان طارت بجناحيها لو ما ركت في السودان
الاثيوبية كانت لن تستطيع الوصول لأثينا وروما لو ما نزلت في مطار وادي حلفا
الاثيوبية كانت لن تستطيع الوصول لمصر والسعودية لو ما توقفت في مطار بورسودان
خلينى أمسح علي لوحة كتفك وأقول ليك رغم المرارة بتتصلح يا جمال وتعود سودانير زي ما كانت شعار السودان
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: Hani Arabi Mohamed)
|
Quote:
الفكرة نظرياً سليمة جداً وناجحة جداً ، على أن تشتمل مخططاً لتدريب وإحلال الكوادر والمؤسسات السودانية مكان الأثيوبية بعد فترة معينة من الزمن
عملياً:
على الإخوة الأثيوبيين تطعيم كوادرهم ومؤسساتهم التي ستشارك في هذه التجربة ضد العديد من الجراثيم والفيروسات السودانية التي ستسري دون شك في شرايين أي قادم إلينا في هذا البلد ،
وأخشى أن تكونَ هذه الخطوة بداية لنهاية النجاح العظيم الذي حققته الأثيوبية بعد سنوات وعقود من العمل الجاد
(أخجل حين أمرّ بمطار بولص الدولي بأديس أبابا من حال مطاراتنا في الخرطوم |
أهم شيئ إنو بعد عملية التحبيش دي يتم إعادة سودنة الوظائف. بالمناسبة طيارين السودان ديل بيدرسو وين وبيتم تدريبهم وتأهيلهم أثناء الخدمة وين؟
فعلا يا هانى مطار بولي مطار جميل ومنظم ويقع في موقع إستراتيجى في واحدة من هضاب أديس أبابا. من المرة الجاية أتعامل مع المطار من غير خجل . أضرب ليك أنجيرا واديها فنجان قهوة.
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: سيف اليزل سعد عمر)
|
نواصل في نقاط الإتفاقية
ثامنا: أن تستخدم الاثيوبية طائرات بوينج الحديثة في السفريات الداخلية الطويلة والبومباردير في السفريات الداخلية القصيرة او في سفرية ذهاب وعودة فقط.
تاسعا: تمول حكومة السودان شراء طائرات بوينج موديل 737 فقط حسب خطة مشاركة وإحلال طويلة المدي تعمل بنظام الكودشير وبتنسيق كامل مع الخطوط الاثيوبية. علي أن تعمل هذه الطائرات في الخطوط الخارجية فقط وتشمل دول الخليج، الدول العربية، تشاد، نايجريا، أفريقا الوسطي، يوعندا، كينيا، اديس أبابا (بالطبع) و إريتريا. تعمل هذه الطائرات تحت شعار الناقل الوطنى (إذا لم تُرفع المقاطعة يتم شراء الطائرات من البرازيل كما فعلت الخطوط الكينية)
يا جماعة اية زول عندو إضافة للإتفاقية مرحب بيهو طوالي
بالمناسبة علي ما اعتقد قريت لي خبر إنو دولة جنوب السودان إختارت الاثيوبية كناقل أول ما داير أقول وطنى، لأنو وطنى دي بتعمل حساسية شوية..
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: سيف اليزل سعد عمر)
|
سيف اليزل يا أخوي لو تفتح عمل الكيزان
الأثيوبية الآن هي واحدة من أفضل خطوط الطيران في أفريقيا وعلى مستوى العالم من ناحية السلامة الجوية والصيانة والإلتزام بمواعيد الطيران وربطها لكثير من دول أفريقيا بالمحطات المختلفة حول العالم كما أنها تمتلك أحدث أنواع الطائرات التي تمكنها من الطيران لمسافات طويلة دون توقف "مرضعاك حبشية"....
"كنا" لا يعفي جيل الحاضر من الحاصل الآن صحيح أن التاريخ لا ينفصل عن الواقع لكن لا يجب أن يكون مثبطاً نتباكى عليه في الفنون والتعليم والصحة والخدمة المدنية وكافة مناحى الحياة بل يجب أن يكون محفزاً للنهوض والتقدم والتطور ورسم ملاح أكثر إشراقاً لأجيال المستقبل.
الإرث ثقيل والخراب الذي تركه الحكم وما أنفك "يفكنا الفك سيدا من كشوفات الهلال" كبير والشق يزداد إتساعاً ، ويمكن رتقه
فبعد أن كنا طيران الشمس المشرقة أصبحنا
if you have time to spare fly Sudan air
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: almulaomar)
|
Almulaomar
فعلا لو تفتح عمل الشيطان، أقصد الكيزان
لأنو الاثيوبية جارتنا وحبيبتنا قلنا نسلمهم سوق الطيران بتاعنا عشان نقدر تقيف علي حيلنا.
بعدين سوق الطيران ده بقي كل نفرين او تلاتة خاتين رأسهم مع بعض وشغالين سوا.
يعنى كانت سافرت مدريد بالخطوط الاسبانية بترجع بالبرتغالية
وكان مشيت باريس بالفرنسية بترجع بالهولندية
انحنا ما عندنا التكتح وجيرانا طاروا السماء مش أفضل نتعاون معاهم؟
لابد من رتق ما هتكته الانقاذ ذي ما قلت.
خالص التحايا
Quote: سيف اليزل يا أخوي لو تفتح عمل الكيزان
الأثيوبية الآن هي واحدة من أفضل خطوط الطيران في أفريقيا وعلى مستوى العالم من ناحية السلامة الجوية والصيانة والإلتزام بمواعيد الطيران وربطها لكثير من دول أفريقيا بالمحطات المختلفة حول العالم كما أنها تمتلك أحدث أنواع الطائرات التي تمكنها من الطيران لمسافات طويلة دون توقف "مرضعاك حبشية"....
"كنا" لا يعفي جيل الحاضر من الحاصل الآن صحيح أن التاريخ لا ينفصل عن الواقع لكن لا يجب أن يكون مثبطاً نتباكى عليه في الفنون والتعليم والصحة والخدمة المدنية وكافة مناحى الحياة بل يجب أن يكون محفزاً للنهوض والتقدم والتطور ورسم ملاح أكثر إشراقاً لأجيال المستقبل.
الإرث ثقيل والخراب الذي تركه الحكم وما أنفك "يفكنا الفك سيدا من كشوفات الهلال" كبير والشق يزداد إتساعاً ، ويمكن رتقه
فبعد أن كنا طيران الشمس المشرقة أصبحنا
if you have time to spare fly Sudan air |
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: سيف اليزل سعد عمر)
|
يا سيف ازيك
Nabeel Ali · متابعة · الخرطوم التجارية
سيف اليزل حرامية المؤتمر الوطني رفضو يسلموه للقطرية وادهوه لناس عارف كيزان الكويت وجابو نهاية سودانير _ طبعا مع صرامة ونزاهة رئيس مجلس ادارة القطرية اكبر الباكر حرامية المؤتمر الوطني عارفين نفسهم ما بلقو التكتح _ الله يرحمك يا سوادنير
رد · أعجبني
عليك الله ياسيف اسهب في كلام نبيل على ده لانو كبيـــــــــــــــــــــــــــــــــــــــــــــــــــــــــــــــــــــــــــــــر وسمعت بيهو من اكتر من جهة وهو أهم ما انتجه هذا البوست وقالو لينا الجماعة لمن مرقو بى جلدهم مشو طورو ومولو السيرلانكية بى عشر اللى كاننو خاتينو لينا
وخلوها تطلع السما وبى شروط مرضية وعادلة جدا جدا على عكس شروطنا بتاعت (حكم قرقوش)بيذكرنى الحيث النبوى الزول الرسلوهو يشيل الزكاة ويجيبها فقال ليهم (هذا اهدى الى فقال له النبى هلا جلست في بيت امك لتنظر ايهدى اليك ام لا!!!او كما قال الرسول
ونحنا رجعنا لى ركوب الجمال
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: يوسف محمود)
|
| Quote: القطرية ....و (القطريين ) لو وافقوا احسن ...من الحبش كتير |
مدثر صديق
شكراٌ علي الإقتراح
أنا أستبعد القطرية تماماً من هذا الموضوع وذلك للأسباب الآتية
أولاً: البعد الجغرافي وطبيعة أسطول طائرات القطرية والذي يعتمد علي طائرات ضخمة لها تكلفة عالية وعدم ملاءمة مطارات السودان لإستقبال طائرات بهذا الحجم. أثيوبيا بالطبع هي الأقرب جغرافياً.
ثانياً: البعد الإقتصادي
القطرية كطيران خمسة نجوم لن يدخل ويمرمط سمعته مع طيران بدبورة واحدة. إحتمال كبير السودانية تجيب القطرية الواطة. اللهم إلا إذا كان إستثمار إقتصادي من القطرية تحت إسم سودانير وده هو الوضع الحالي الذي نريد تغييره.
ثالثا: البعد الأقليمى
نريد النهوض بالمنطقة إقليميا مع أثيوبيا ودول الجوار للمساهمة فى تنمية المنطقة، تجاريا، سياحيا وإقتصاديا. الإقتراح يعتمد علي سفريات جوية بين مدن السودان ومدن دول المنطقة. القطرية ما بتقدر علي الكلام ده.
مداخلة يوسف محمود تقريبا في نفس الإتجاه نرجع ليها لوحدها
خالص التحايا
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: سيف اليزل سعد عمر)
|
سلام
الحكومة السعودية عملت عطاء لشتغيل الخطوط الداخلية (داخل اللملكة العربية السعودية) و فازت بيهو القطرية (زائد شركة اخري) ....
| Quote: البعد الجغرافي وطبيعة أسطول طائرات القطرية والذي يعتمد علي طائرات ضخمة |
اذا وقع عطاء التشغيل للاماراتية او القطرية ...فيمكهان شراء او ستجار طائرات حسب الوجه و نظرات الطيران و السوق ...(لا تنسي شركة موانئ دبي كانت تحاول الفوز بادارة المواني الامريكية ) ...
| Quote: القطرية كطيران خمسة نجوم لن يدخل ويمرمط سمعته مع طيران بدبورة واحدة |
كما قلت انت الاضل العمل تحت مسمى جديد او (سداني ) حتى هههههههه...
| Quote: نريد النهوض بالمنطقة إقليميا مع أثيوبيا ودول الجوار |
ده مربط الفرس ....فالقرب الجغرافي دائما ما يولد المنافسة ....و الشي الطبيعي انو الاثيوبية لن تدير (السودانية) بنفس كفاءة ادارتها او اعلى من (الاثيوبية) حتى لا ينسحب البساط منها ....
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: سيف اليزل سعد عمر)
|
الأخ سيف اليزل
تحية طيبة
الخطوط الأثيوبية المصدر رقم واحد لميزانية الدولة الأثيوبية، تاتى بعده الإتصالات
فهى تعمل وتدار بكفاءة عالية .. وتصل رحلاتها لدول عديدة
الخطوط الأخرى التى لفتت نظرى وتعمل بحجم وكفاءة عالية هى الخطوط التركية
ويميزها موقع إستنبول الإستراتيجى الذى يربط كل القارات فأصبح أهم مطار ترانسيت
إستغلته التركية لإنشار رحلاتها. فى سفرى بها من امريكا للسودان مروراً بإستنبول،
ذهلت لحجم خدماتها التى تكاد تغطى كل الجنسيات والدول ، وبإعتدال أسعارها
لا أعلم لماذا تقترح تسريح الطيارين السودانيين من تعدى عمرهم الأربعين؟
كما أن الشرط الرابع للإتفاقية المقترحة مع الأثيوبية بإدارة مطار الخرطوم
شأن يتعلق بالطيران المدنى وليس خطوط الطيران
المحير والذ يحز فى النفس الخرطوم موقعها إستراتيجى لخطوط الطيران مقارنة بأثيوبية
ورغم ذلك فشلت الخطوط السودانية .. ونجحت الأثيوبية !!!
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: نادر الفضلى)
|
Quote: الخطوط الأخرى التى لفتت نظرى وتعمل بحجم وكفاءة عالية هى الخطوط التركية
ويميزها موقع إستنبول الإستراتيجى الذى يربط كل القارات فأصبح أهم مطار ترانسيت
إستغلته التركية لإنشار رحلاتها. فى سفرى بها من امريكا للسودان مروراً بإستنبول،
ذهلت لحجم خدماتها التى تكاد تغطى كل الجنسيات والدول ، وبإعتدال أسعارها |
الأخ نادر الفضلي
من حوالي عشر سنوات قررت عدم السفر جنوباً إلي القارة الإفريقة بأي شركة طيران أوروبية (الهولندية، البريطانية، الفرنسية، الألمانية إلخ).
ركزت فقط علي الإثيوبية والتركية والمصرية. المصرية توقفت قبل سنوات تطير للبلد القاعد فيهو ده.
توسعت التركية وخطفت العديد من زبائن الخطوط الأوربية لثلاثة أو أربعة أسباب:
إنخاض سعر التذاكر، السياحة التركية، توسع التركية شرقا وحداثة أسطولها من الطائرات.
أتفق معاك أن موقع إستانبول الإستراتيجى جعلها تنمو كمركز طيران ضخم. مقارنة مع طيران شرق آسيا والخليج، تنخفض تكلفة تشغيل الطائرات بإستخدام طائرات ذات ممر واحد بين أوروبا وآسيا.
عموما توجد أكبر مراكز الطيران في الجزء الشرقي من العالم.
التركية تجد دعم سياسي قوي من حكومتها بحثا عن أسواق جديدة. أقرب مثال هو طيرانها إلي مقديشو في ثلاث رحالات في الأسبوع رغم سوء الأحوال الأمنية.
تركيا لديها شركات طيران عديدة أهمها بيقاسوس وأونور لكنهم جميعا لن يصمدوا في السودان كمشارك لسودان طير.
| Quote: لا أعلم لماذا تقترح تسريح الطيارين السودانيين من تعدى عمرهم الأربعين؟ |
علي الرغم من إنو كلما زاد عمر الطيار كلما زادت عدد ساعات طيرانه وخبرته. لكن دايرين نبدأ بجيل جديد خريج مدرسة طيران واحدة يساعد في إعادة السودنة بعد التحبيش.
ما داير أجيب ليك فديو الطائرة البلزوا فيها.
Quote: كما أن الشرط الرابع للإتفاقية المقترحة مع الأثيوبية بإدارة مطار الخرطوم
شأن يتعلق بالطيران المدنى وليس خطوط الطيران |
مطار الخرطوم يعانى من سوء إدارة في جميع النواحي. وإذا كانت الأثيوبية سوف تتخذ المطار مركزا لها، نحتاج لنقل تجربة مطار بولي.
خالص التحايا
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: سيف اليزل سعد عمر)
|
استاذ سيف اليزل
ايواااا عليك نور عشان كده قت ليك سلط لينا عليها الضوء !!!
لى شينو؟؟؟لان انت اسع قلت ماعندك عنها فكرة كافية فكانما كان مقصود التستر عليها ونادرا ماسمعت زول سمع بيها فاستغربت وقرضت على مداخل الاستاذ نبيل على من الفيس بوك
يلا بزيدك من الشعر بيت لما تفضلت من ايراده أنت من معلومات وعظم حجم الطيران القطرى وهلمجرا قالو لى كان بند من بنودهم تطوير مطارات المدن الكبيرة كلـــــــــــــــــــــــــــــــــــــــــــــــــــــــها وتجعلها تتهيا لاستقبال الرحلات الخارجية والداخلية
وكتير من البنود المسيلة للعاب ووورش عالمية للتدريب والى اخره بس المجنن بوبى شينو عارف ؟؟ ليه فرطو ناسنا وولاة امرنا في بطة زى دى ياخى فعلا السيرلانكية كانت مرتبطة بالخليجية ولمن الخليجية (اتمرجحت)بالتالى
السيرلانكية قربت تدق واطا لو ما انقذوها ناس بابا حمد الله يديهو العافية بالجد الزول ده صرف كتير وكان مستعد يصرب بلاوى زرقا للسودان (ولكن)؟؟؟
وبالجد ماقصرو معاهم ورفعوها للمستوى الشايفو ده مطار كولومبو بقوهو ليهم زى خلية النحل
لك من الود اجزله وللاخوة المتداخلين
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: يوسف محمود)
|
يتم تسليم الاثيوبية الاسواق او الخطوط التاليه حسب التوزيع الجغرافي والاقليمى المقترح ادناه. بعض الخطوط معروفة.
نبدأ بقطاع الغرب والغرب الأوسط ومركزه مطار الفاشر والأبيض :
الفاشر- الخرطوم- بورسودان
الفاشر - جوبا
الفاشر - القاهرة
الفاشر - طرابلس
الفاشر إنجمينا
الأبيض - الخرطوم
كادوقلى - الخرطوم
الفاشر - كادوقلى - واو
الفاشر - دنقلا
قطاع الشمال
ومركزه مطار دنقلا
دنقلا - بورسودان
دنقلا - جدة
دنقلا - الخرطوم
دنقلا - القاهرة
دنقلا - طرابلس
قطاع الشرق
ومركزه مطار بورسودان ومطار كسلا
جوبا - بورسودان - الرياض
بورسودان - الخرطوم
بورسودان - القاهرة
بورسودان - اسمرا - اديس ابابا
بورسودان - كسلا - الدمازين
الخرطوم - كسلا - اسمرا
الخرطوم - كسلا - اديس ابابا
القطاع الأوسط
ومركزه مطار الخرطوم
خطوط سودانير المعروفة خارجيا للخليج والدول العربية
خطوط سودانير الموقوفة الى اوروبا
خط غرب افريقيا (كانو- انجمينا - الخرطوم - دبي (جدة) )
جوبا - الخرطوم - القاهرة
واو - الخرطوم
ملكال - الخرطوم
الخرطوم - الدمازين - جوبا
بأنقي - الخرطوم - اديس ابابا
عنتبي - الخرطوم - القاهرة
نايروبي - الخرطوم - القاهرة
القطاع الجنوبي
واو - جوبا - نايروبي
جوبا- ملكال - واو
جوبا - اديس ابابا
جوبا - كسلا - اسمرا
جوبا - بورسودان - جدة
جوبا - عنتبي
جوبا - بأنقي - إنجمينا
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: مدثر صديق)
|
الأخوة مكى ومدثر صديق
مكى كتب:
| Quote: وشوفوا الديمقراطية ودتهم وين والديكتاتورية غطست حجرنا قدر شنو |
مدثر عقّب:
| Quote: الديكاتورية بتاعتنا (هجرة السودانيين) ...و ديمقراطيتهم ( هجرت الحبش ) يا خي ديل البجي السودان يوميا منهم بكون الف |
مكي ربط التطور في البلدين بالتقدم في حالة ديمقراطية أثيوبيا والتخلف في حالة ديكتاتورية السودان. كلام سليم
أضيف عليه إنو إثيوبيا مستقرة سياسيا والسودان خلاف ذلك ، هذاغير الحروب الدمار والموت اليومى.
مدثر ربط بالهجرة في الحالتين في مقارنة ذكية. كلام سليم أيضا. إغتراب وهجرة السودانيين ليست ظاهرة جديدة ولكنها زادت تحت سنوات الإنقاذ لتشمل كوادر مهمة كان من المفترض أن تساهم في بناء السودان.
عكس الهجرة الإثيوبية وهي هجرة منظمة من قطاعات ذات تأهيل أكاديمى أدنى لها تأثير إقتصادي إيجابي علي أثيوبيا.
الموضوع دائر دراسة مستفضية.
شكرا ليكم
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: Abdel Aati)
|
تُشكر أستاذنا عادل عبدالعاطى
هكذا عرفناك دوماً تقبل الحوار والنقاش من أجل مصلحة السودان ومرحب بيك مرة تانية.
| Quote: هذا الاقتراح مقبول في حالة اجراء اندماج اكبر بين دول شرق افريقيا ؛ وان تتحول الاثيوبية الى شركة عابرة للبلدان () لا ان تظل ناقلا وطنيا |
لن توافق الأثيوبية علي هذا الإقتراح وسوف تظل هي الأثيوبية الناقل الوطنى لأثيوبيا وحتى إفريقيا. لكن في إعتقادي أنها قد توافق علي إنشاء شركة جديدة ليست منافسة لها ولكن متعاونا معها لتغطية خطوط إقليمية جديدة. قرأت قبل أيام خبر حول رغبة إثيوبيا في فتح مركز جديد لها في غرب إفريقيا لتكون كنشاسا مقراً له.
| Quote: ولكن هل يقبل الاثيوبيون تغيير الاسم التاريخي الى اسم جديد ؛ مثلا طيران القرن الافريقي ؟؟ |
لن يقبلوا بذلك.
| Quote: تعرف انه هناك في العالم اقامت عدد من الدولة شركة طيران واحدة .. في اسكندنافيا حيث تقيم هناك شركة ساس (SAS) |
فكرة الخطوط الإسكندنافية هى المن المفترض تقوم عليها إنشاء شركة جديدة تحت رعاية الأثيوبية تضم دول القرن الأفريقى وده سوق ضخم جداً.
إذا لقيت مساحة زمن سوف أكتب بعض الأسطر عن تجربة الخطوط الإسكندنافية. بالمناسبة كانت تهبط في مطار الخرطوم في طريقها لجنوب إفريقيا.
| Quote: وفي غرب افريقيا عملت لسنوات قبل ان تنهار شركة Air Afrique ؛ والتي تحاول ان تحل محلها شركة AfricaOne ذات الاصول النيجيرية ؛ دون نجاح كبير |
تعرف يا عادل لولا الإثيوبية لوجدت دول غرب إفريقيا صعوبة في التجارة مع دول الشرق خاصة دول جنوب وشرق آسيا. ربطت الأثيوبية دول شرق إفريقيا مع بعضها البعض.
| Quote: ليه البومابردير يعني ؟؟ اعتقد ان الامبراير افضل وارخص وبعدين البرازيلين اقرب لينا من الكنديين |
أتفق معاك تماما في هذا الموضوع.
أنا كلام المقاطعة الأمريكية في موضوع الطائرات ده ما شغال معاى، لأنه أكبر بضاعة فيها شغل سياسي هي موضوع بيع الطائرات، المدنية والعسكرية. ناس "سودان طير" بدل يشتروا من البرازيل مشوا إشتروا سكندهاند من أوكرانيا.
الخطوط الكينية تعتبر الأمبراير هي الناقل الرئيسي في أسطولها. ذكرت البومباردير لأنها هي التى تعمل في الخطوط الداخلية للأثيوبية.
خالص التحايا أستاذنا عادل
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: سيف اليزل سعد عمر)
|
الاخ سيف اليزل تحياتي
قبل ان نسلم سماء السودان للاحباش هي دعوة للوقوف علي التجربة الاثيوبية ليس في مجال الطيران فحسب بل في كافة المجالات بدءا من البني التحتية والعمران الذي تشهدها بالاضافة للبتنمية المتوازنة وهذه ليست قصرا علي اديس ابابا بل كافة المدن ففي بداية العام المقبل ستشهد اديس افتتاح الميترو والذي لا يقتصر علي مدنية اديس بل يتجاوزها الي مدنية دبرزيت والتي تبعد 40 كليو عن اديس وستشهد افتتاح القطار السريع الذي يربط اديس بدولة جيبوتي وتبلغ تكلفة هذين المشرعين قرابة العشرة مليار دولار اما اذا رجعنا الي موضوع الطيران فالجميع يعرف الاثيوبيه التي تجوب العالم ولكن ما لايعرفه الناس هو الطيران الداخلي فانت داخل مدنية اديس تستطيع الطيران الي معظم المدن الاثيوبية بمعدل رحلة يوميا او اربعة رحلات في الاسبوع الي المناطق والمدن الاخري كما توجد مطارات داخلية علي مستوي عالي فهنالك مطار بحر دار ومطار غندور ومطار قريداوا مطار قمبيلا ومطار مقلي مطار هرر مطار كمبلشا والقائمة تطول
كما ان هنالك اسطول جديد للاثيوبيه سيتم تدشينه قريبا في احنفالية بدأ الاعلان عنها وعليه اعتقد ان الخطوط الاثيوبيه مؤهله لنسلمها سماء السودان قبل ان ياتي يوميا ونجد ان جميع خطوط الطيران تم بيعها ولكن ماهي الصيغة وكيف وفي اي اطار كل هذه نتركة للمختصون ليدلوا بدلوهم
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: سيف اليزل سعد عمر)
|
Quote:
Quote: تعرف انه هناك في العالم اقامت عدد من الدولة شركة طيران واحدة .. في اسكندنافيا حيث تقيم هناك شركة ساس (SAS)
فكرة الخطوط الإسكندنافية هى المن المفترض تقوم عليها إنشاء شركة جديدة تحت رعاية الأثيوبية تضم دول القرن الأفريقى وده سوق ضخم جداً.
إذا لقيت مساحة زمن سوف أكتب بعض الأسطر عن تجربة الخطوط الإسكندنافية. بالمناسبة كانت تهبط في مطار الخرطوم في طريقها لجنوب إفريقيا.
|
هووووووى يا شباب
في دى انا مامعاكن
قرن شينو الببقى سوق؟ديل يركب معاك واحد لابس قرقاب وشانقو بى بالجنبة ويترع في وشك ملوخية بى موز ياخى مره واحد راكب جمبى غايتو
شكيتو لى الله . عذب المضيفات عذاب . والكويس خالص غازى مسواك في خشيمو ويتبسم ليك ويقلب عويناتو زى المجنكز بعرفهم بعرفهم كويس ونسوانهم ملصقات جمب بعض ويصرخن
المضيف الاثيوبيى لطيف جدا قالى اول مرة اشوف زول ياكل وفاتح خشمو (قت ليهو ثرى ان ون)ياكل ويتونس ويتنفس
سوق حقيقى لمن تبقى شركة اثيوبيا على ثوابتا الهسع دى وتنفتح على العالم بمنظورهم الهسع والضبط والربط الهسىع دى لاكن تسموها قرن العفريت ده يادوب اللحقت طيران عباس بن فرناس
فكرتك دى مفروض تتنفذ جنبا الى جنب مع دعمنا ليهم اللا محدود في موضوع سد النهضة او كمايسمونه سد الالفية جائت في وقتها تماما
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: نادر الفضلى)
|
Quote: الأحباش هسة ما عارفين شبكة الرادارات والرصد كيف
لو سلمناهم سمانا ومطارنا ولقوا الشبكة غير مستوفية
مع الطيارات البتختفى دى .. حيقبلوا المسؤولية ولا
يقوموا يدقوا طار .. ونقعد نفسر فى تكنلوجيا النظر ! |
هو أنحنا عندنا رادارات دحين؟؟ من شغل نظر ساكت
الشهر الماضي تم إختطاف الأثيوبية في سماء السودان. لمن جات إشارة إستغاثة من الطائرة ناس برج المراقبة عملوا نايمين.
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: يوسف محمود)
|
يوسف محمود
عساك طيب
شكراً علي الفديو
. عندي فيهو ملحوظة.
المقطوعة الموسيقية الفي الفديو هي أغنية الأستاذ أحمد المصطفي "البعدو يجنن" وهي واحدة من ضمن أربعة مقطوعات موسيقية سودانية تبث في قناة الموسيقي داخل الطائرات الأثيوبية. باقي المقطوعات هى:
حبيب االروح وأيضا لأحمد المصطفي
الحنين يا فؤادي لمحمد وردي
وعازة في هواك لخليل فرح
عليه يضاف للإتفاقية البند العاشر:
تستمر الأثيوبية في نشر الأغنية السودانية ويضاف إليها رائعة عشة الفلاتية "سمسم القضارف".
الفديو من مطار بولي يعرض أسطول الأثيوبية
| |
|
|
|
|
|
|
|
|
|
Re: سَلِّمُوا سماءَ السُودان للأحباش (الأثيوبية)، لو الحبش وافقوا (Re: Nasr)
|
Quote: الاخ سيف اليزل تحياتي
قبل ان نسلم سماء السودان للاحباش هي دعوة للوقوف علي التجربة الاثيوبية ليس في مجال الطيران فحسب بل في كافة المجالات بدءا من البني التحتية والعمران الذي تشهدها بالاضافة للبتنمية المتوازنة وهذه ليست قصرا علي اديس ابابا بل كافة المدن ففي بداية العام المقبل ستشهد اديس افتتاح الميترو والذي لا يقتصر علي مدنية اديس بل يتجاوزها الي مدنية دبرزيت والتي تبعد 40 كليو عن اديس وستشهد افتتاح القطار السريع الذي يربط اديس بدولة جيبوتي وتبلغ تكلفة هذين المشرعين قرابة العشرة مليار دولار اما اذا رجعنا الي موضوع الطيران فالجميع يعرف الاثيوبيه التي تجوب العالم ولكن ما لايعرفه الناس هو الطيران الداخلي فانت داخل مدنية اديس تستطيع الطيران الي معظم المدن الاثيوبية بمعدل رحلة يوميا او اربعة رحلات في الاسبوع الي المناطق والمدن الاخري كما توجد مطارات داخلية علي مستوي عالي فهنالك مطار بحر دار ومطار غندور ومطار قريداوا مطار قمبيلا ومطار مقلي مطار هرر مطار كمبلشا والقائمة تطول
كما ان هنالك اسطول جديد للاثيوبيه سيتم تدشينه قريبا في احنفالية بدأ الاعلان عنها وعليه اعتقد ان الخطوط الاثيوبيه مؤهله لنسلمها سماء السودان قبل ان ياتي يوميا ونجد ان جميع خطوط الطيران تم بيعها ولكن ماهي الصيغة وكيف وفي اي اطار كل هذه نتركة للمختصون ليدلوا بدلوهم |
الآخ حسن آدم العالم
فعلا هناك مشاريع ضخمة في أثيوبيا أنحنا يهمنا فيها سد النهضة وتحسين علاقاتنا مع السودان.
الأثيوبية لو دخلت سوق السفريات الداخلية في السودان تكون ما قصرت معانا.
نتمنى أن نري الأثيوبية تقف معنا في هذه المحنة..
تحياتى
| |
|
|
|
|
|
|
| |
سيف اليزل سعد عمر
Abdel Aati
محمد البشرى الخضر
Hani Arabi Mohamed
جمال ود القوز
مدثر صديق
almulaomar
mekki
Nasr
فيس بوك
تويتر
انستقرام
يوتيوب
بنتيريست