يس.. وَالأدبُ الْحَكِيمِ.. إِنَّكَ لَمِنَ الْمُبْدِعين (حبيب نورة وأشياء أُخرى)

Quote: لِقاء بورداب الدَوحة وقاطنيها بالمحبوب الحبيب الحِبييييب/ ياسين سُلَيْمان "حبيب نورة" بِـ"المركز الثقافي السوداني" مساء يَوم الجمعة 28 مارِس 2014م . (بعد صلاة العِشاء)

Quote: حتى بِفرض إنو ده حصل.. أنا ما ملزم أوريك إنت ولا غيرك.. ولا إنت ولا غيرك بقدرو يجبروني أوريكم.. بس أنا بِمزاجي حأواصِل في العمود ده وحأواصِل بِهناك، علشان أوري الأعضاء والقُراء الشلهته والتِسربِع الإنت وصلت ليهمْ وخلتك ما تفهم المكتوب قِدامك.. موضوع لقاء حبيب نورة حيحصل إن شاء الله في جمعتين إتْنين: (1) الجمعة 21 مارِس (اليوم/الليلة) وحيكون -لو حبيب نورة ما عندو إرتباط- في قهوة الصيادين، علشان كِده أنا كتبت "دُبِر بِصُبح" لأننا بنحاوِل نتصل بحبيب نورة ونحنِسو ونبوس ايدو إنو يِوافِق، (2) الجمعة 28 مارِس - المركز الثقافي السوداني بس إنت علشان شفقان ومُتْسربِع مِن قريت جمعة وجمعة طوالي جيت جاري ورِيالتك سايلا ومُلمْلِم في طرف جلابيتك أدوات مُعارِضي الأسافير (إخبارية عبر الجوال: حصِل عزام فرح/قراءة الأعمِدة بطريقة الجر/تحليل فطير/وقت فراغ/إدعاء بطولات/مُحاولة مُسْتميته لنحت ذكريات نِضال: أنا يا أولادي سنة 2014م والكلام ده في قطر كُنت... وفعلت.... وتسويت.... وقٌلت... وكتبت... إلخ) ونزلت: إتهمتني بِالجُبن، ورميت السِفارة بِالمؤامرة. أنا يا بدرالدين الأمير عندي تحليل منطقي للبتسوي فوقو ده، إنت والمعاك عاوزين تفشِلو لقاء حبيب نورة، وما بهمكم غير فشل فعاليات المركز الثقافي السوداني، أها يزعل حبيب نورة ما مهم.. يُحبط جمهورو ما مُهِم.. يضيع تنوير ما مُهِم.. يتعطل إنتاج مِن النشر ما مُهِم.. المُهم إفشال أي فعالِية تُقام بِالمركز الثقافي السوداني، لأنو لو ما كِده، ليه ما إنتظرت لغاية يوم لقاء المركز 28 مارِس وتخلي السِفارة تسوي المنع، وبعد داك تجي تتساءل المره دي بدون رِياله: [لماذا منع الروائى حبيب نورة من التحدث بالمركز الثقافى السودانى]. وبرضو هِنا ما بسألوني : [لماذا منع الروائى حبيب نورة من التحدث بالمركز الثقافى السودانى] لأني ما عِنْدي أي صِفة لا في المركز ولا في السِفارة ترميني بِالجُبن يا بدرالدين.. يا زول يا تقطع المسافة البيني بينك وتصلني ولا بقطعا وأصلك.. أو كمان خلا دخان ولا الخور بِحسِم موضوع الشُجاع/الجُبن ده.. رأيك شنو؟ لو زغت حرّم جَبان وخايِب رجا.. وأنا الليلة فاضي مِن الساعة 9 لغاية باكِر الفجرِية.. وبجيب معاي موس حِلاقة حرّم يا بدرالدين يا أحلِق شنبك ولا تحلِق إنت شنبي.. لكِن علي بِالطلاق واحِد فينا ما يِصُد أهلو زي ما فاتُم قِله أدب المُسْتعصمين بِالبُعد عنا بِنذِل ليها قُروشنا في رسوم القضايا.. وقله أدب بورداب وقُراء قطر حرّم الخلا بس بلا فساله معاك الِلقاء حيتِم بإذن واحِدٍ أحد

(عدل بواسطة عزام حسن فرح on 03-30-2014, 04:21 AM)

Quote: أنا يا بدرالدين الأمير عندي تحليل منطقي للبتسوي فوقو ده، إنت والمعاك عاوزين تفشِلو لقاء حبيب نورة، وما بهمكم غير فشل فعاليات المركز الثقافي السوداني، أها يزعل حبيب نورة ما مهم.. يُحبط جمهورو ما مُهِم.. يضيع تنوير ما مُهِم.. يتعطل إنتاج مِن النشر ما مُهِم.. المُهم إفشال أي فعالِية تُقام بِالمركز الثقافي السوداني، لأنو لو ما كِده، ليه ما إنتظرت لغاية يوم لقاء المركز 28 مارِس وتخلي السِفارة تسوي المنع، وبعد داك تجي تتساءل المره دي بدون رِياله: [لماذا منع الروائى حبيب نورة من التحدث بالمركز الثقافى السودانى]. وبرضو هِنا ما بسألوني : [لماذا منع الروائى حبيب نورة من التحدث بالمركز الثقافى السودانى] لأني ما عِنْدي أي صِفة لا في المركز ولا في السِفارة

(عدل بواسطة عزام حسن فرح on 03-30-2014, 04:23 AM)