|
|
 اه يا وطن !!
|
اه يا وطن !!
مالك علي ؟ حظي السجم ,,!
انا ما قدر زي دة ,, وكفاي !!
يكفيني اني بقيت براي ,, وحاضنه سنين الغربة ,, ووجعي البكرة جاي ,,
ومكويه من نار اللظي ,,
القضيتا في الغربة وبراي ,,
من ياتو باب ادخل علي فرحي الشقي ؟
وأقشقش دميعاتي وأجي ؟
والحق عميري الاتمحق من جاي وجاي
ااااه يا وطن !!
هل يا نديداتي اتكتبلي أعيش كدي ؟؟؟
هل بكرة جاي ؟
ليه يا وطن ؟
خلق الله كلها سابتك وجرت بعييد وهاجرت متلي وكدي ؟
ليه ابتلاك ربي ورضيت تتغابا العرفي في شعبك المسكين كدي ؟
وأنا وبي رضاي ,, اخترت دنيا الاغتراب ,,
لمن لقيت وطني العزيز لافظني لي عالم غريب ,,عالم غريب ومع جناي
غصبا علي ,, وتبا علي الزمن العبوس ,, خلاني اصارع في الزمن انا بس براي !!
بفضل اصارع ومابكل ,,
برجاك يا غيمة السحاب ,, لو يوم تحني علي جناي
أنا اصلي ما حظي اتعرف !!
يوم جابو لي حفنة دقيق نثروها في الشوك ليا ضر ,,
في يوم هبوب ,, ودخل الضلام ,,
وقالو لي لمي الدقيق ,, وأنا بي حفاي !! لميتو في الكيس لي شقاي ,,
برجاك يا وطني العزيز ,, لو يوم تحن ,, وأرجع واعيش أنا في هناي
ماعندي غير صبري ويقيني ولوعة الوجع المخزنة في حشاي
بت علي
(عدل بواسطة عواطف علي on 03-19-2014, 10:04 PM)
|
|
 
|
|
|
|
|
|
|
|
Re: اه يا وطن !! (Re: nour tawir)
|
تسلم اخي ( نور )
اسمع اخوي نور .. الغربة هي الغربة ,, سواء في بلد الجليد او بلد الخليج ههههههههه
بهواك انا وطني العزيز الكنت شايلني وتشابي ,, وكنته في جواك دوام !!
لكين غرورك وعزتي ,, كانن بدايات الصراع !!
اااااااااه يا وطن !!
تحياتي واحترامي
| |
|
|
|
|
|
|
|
|
|
Re: اه يا وطن !! (Re: nour tawir)
|
قال احدهم،، السودان موت
والغربة انتحار بطيء
والغربة مرة ومولمة،،،والغربة في الوطن اشد
شعرك جميل ي ا ستاذه،،
ملحوظه،،،،،ا نور انثي بالمناسبه،،،ليست كما اعتقدتي
تحياتي
| |
|
|
|
|
|
|
| |
nour tawir
الامين محمد علي
فيس بوك
تويتر
انستقرام
يوتيوب
بنتيريست