|
|
 قضية مهند وقضية دكتورة نجاة (بوست غير جاد)
|
قضية مهند تلخصت في اتهامه بقتل طفلة
القضية انتهت ببراءته حسب أعلى محكمة ماليزية
غايتو دي لو محكمة مصرية أو عربية أو سودانية بشرط تكون الطفلة كوزة بت كوز
كان حكموا عليه بالاعدام مقدما وبعد داك يدرسوا الحيثيات ويشوفوا توقيع الرئيس على الاعدام!
قضية دكتورة نجاة هي الطفلة مقتولة
ولازم يكون هنالك قاتل
مهند طلع منها
فلابد البحث عن مهند آخر..
الأكيد أن دكتورة نجاة لم تؤثر على الرأي العام الماليزي والسوداني
بدليل أنها لم تؤثر على الرأي العام في هذا المنبر..
أم مهند لقت دكتورة نجاة شماعة لتقول أن لولا دكتورة نجاة لما احتجز مهند كل هذه المدة..
في رأيي أنا مهند لايمكن أن يكون قاتل لأنه:
1/ تربى تربية منغلقة, لاقعد فوق لستك ولا سمع بالفي العصر مرورو ولا سمع بمقالب المراهقين (الما اولاد ناس) البقولوا البغسل يدينو بالصابون بقوم ليه شعر في باطن يدو.
2/ مهند قرا في مدارس طلابها أولاد أمراء وصاحبها زاتو أمير.
3/ في السودان وفي الجامعات قرأ في جامعة صاحب السمو الأمير مامون حميدة.
4/ ماكان من السودانيين مصاحب أي زول كان مصاحب أولاد الناس مثل ود صلاح ادريس وواحد تاني الأم نسيت إسمه وواحد تالت ماسمعتو كويس لكن بما أن الوالد أمن عليه بإيماءة من رأسه يكون في زمرة أولاد الناس.
أنا قضيتي براها
فأنا شايف دكتورة نجاة غلطانة قبل وبعد قرار المحكمة (رغم أن رأيها لم يؤثر على سير القضية).
وشايف مواصلتها في الموضوع شيئ من باب العناد وكية في أم مهند (البوباره) ومكايدة لبعض أعداء المنبر من الأعضاء.
قضية ناس المنبر الأعداء
فرصة لصيد دكتورة نجاة ومامهم أسرة مهند أو مهند.
قضية الشباب العملوا اللقاء
هي تدريب على العمل الصحفي
لكن طلعوا أنهم لسع ما أخدوا أخلاقيات المهنة فكشفوا أسرار اللقاء لدكتورة نجاة (حسب ماكتبته).
العلاج:
يرجع أهل مهند بأثر رجعي ويضبحوا خروف أصلي مع التأكد من عدم تعرضه لعملية تحريف تناسلية.
ويطردوا الأولاد البدرسوا إعلام ويرفضوا المقابلة
ويعملوا حسابهم من هيثم كابو ومزمل أبو القاسم وبكري علوم وبكري معمار وبكري جيولوجي.
وماينغلقوا على مهند
يرسلوه السودان لأقرب زاوية في حوش فيها عدد معتبر من اللساتك
وشلة ما من اولاد الناس البعرفوا الراندوك.
والاشتراك له في سودانيزاونلاين عشان يطرح قضيته ويزيد عدد الكلكات في المنبر ومنها يقابل أولاد الناس (حسب توصيف الأم) والماناس ويدخل في عشرة شتايم ويتمرن على ذلك حتى يستطيع يدي اسنا لشاتميه في قبولهم .
والسلام
|
|
  
|
|
|
|
|
|
|
 Re: قضية مهند وقضية دكتورة نجاة (بوست غير جاد) (Re: Balla Musa)
|
في حاجة مهمة عايز ألفت نظر الناس ليها خصوصا الأعضاء الأعداء
هنا بقصد أعضاء أعداء الحكومة
الانتصار على دكتورة نجاة هو في الأصل انتصار على الحكومة
وكذلك الانتصار اسفيريا على ودالباوقة وود وراق وابوحسين ومن لف لفهم
أما دكتور امبدة نقول له
عودو هو عودو ونورو هو نورو
فعودو عودو خاتي الشق
ونورو نورو بهر المنبر
وبمناسبة يوم المرأة العالمي
أحيي صديق الموج
والفت النظر بأن بوستات الترحيب بالعضوات الجدد أكثر تصفحا ومداخلات بما لايقارن ببوستات الترحيب بالأعضاء.
وذلك لا لسبب إلا أن العضوية الجديدة صادفت يوم المرأة العالمي.
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Balla Musa)
|
يا دكتور سلامات يا خي
طالما البوست ( غير جاد ) فبالله أسمح لي أسأل سؤال عام ،،
لييه الكراكتير بتاع عمر دفع الله معلقنو فوق المنبر رغم إنو يتعلق بـ ( شخص ) ؟
ولييه ما يكون في واحد من البوستات الاتكتبت في الموضوع ده ، إن شاء البوستات غير الجادة زي بتاعك ده ؟
بعدين يا زول لو كلامي ده بيجيب ليك الهوا مستعد أسحبو .
تحياتي
| |
|
|
|
|
|
|
|
|
|
بكري كان حميت الجماعة بشتموا السعودية ووب.. و كان خليتهم ووبين! (Re: Balla Musa)
|
سلامات يا بله
رغم متابعتي للموضوع من زمااان الا أني لم أتدخل في العركة الاخيرة دي لا بخير لا بشر . خليني في بوستك و بمنتهى عدم الجدية اقول:
and#1633;- من حق دكتورة نجاة انها تقول رأيها في القضية و في المتهم و كل الناس قاعدين يعملوا كده في هذا المنبر العايم.
and#1634;- ام مهند ذكرت اتنين بالاسم واحد في الخارجية و التاني في العدل و قالت انو نجاة مشت ليهم و اتكلمت معاهم حول ضرورة رفع يدهم عن القضية و عن الولد المتهم ! الاثنين ديل يا بله مفروض افادتهم تجي.. يا يكذبوا الام او ياكدوا كلامها، لأنو لو نجاة فعلا عملت كده تبقى غلطانة.
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Balla Musa)
|
سلام يا دكتور بله
تتذكر في الديمقراطية الثالثة قصة الكوز الاسمو عثمان خالد و قبضوهو في انصاص في موقف كان عادي جدا في تقديري.
قالو ناس حزب الامة دعو لاجتماع الساعة 2 صباحا لهذا الموضوع المهم
المهم عمك علي حسن تاج الدين (عضو مجلس رأس الدولة في ذلك الزمان) صحوهو 2 صباحا و قالو ليهم اجتماع مهم لازم تجي. رغم رفضه لفكرة الاجتماع و زمنه الا انه ذهب (لاهميته حسب محدثه).
اول ما فتخ الباب سألهم في شنو؟
الشمشارة قالو ليهو "اليلة و الليلة عثمان خالد قبضوهو مع مرة"
وكان رد "المشكلة شنو في ده و سب ليهم للاخر و طوالي اتخارج و هو يقول ليهم جايبني عشان زول لقوهو مع مرا".
___________
الولد ده فحل ما في شك و علاقته مع السيده هذه كانت واضجة لكن لا اعتقد انه اعتدي علي الطفلة.
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Mahjob Abdalla)
|
و الله يا بلة لكن امرك عجيب، انت موش فتحت بوست قبل يومين عن الموضوع، و لمن دخلنا عليك عملتا غمران 
الموضوع لا فيهو معارضة ولا عبد الظمبار، كل الحكاية انو الولد مشى ماليزيا و ما دفع الكومشن لنجاة، مر ساكت دون ان تطلع منه بكدّة. و نجاة فى الكومشنات دي ما بتلعب توديك المشنقة عشان شوية دولارات قول يا النبى نوح!
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: محمد حيدر المشرف)
|
عشان نبقى واضحين
أنا مازغت من البوست الأول
وفكرة البوست كانت أن دكتورة نجاة لايمكن أن تؤثر على الرأي العام في دولتين..
وقلت رأيي في ماكتبته دكتورة نجاة موضحا عدم استحبابي له
وبصراحة أنا زاتي ماقريت كلام الدكتورة إلا بعد عوة الفيديو..
ويا بكري والمشرف
أنا لما أفتح بوست ويعدي يومين تلاتة بكون مانشيط عليه
وزمااااان قلت ياريت لو افتح بوست ويشتبكوا فيه كمال عباس وقيقراوي دا يبقى بوست زي الصدقة الجارية صاحبو ميت والعداد ماشي
وكذلك لو لاحظت بوستات الاهداء للسادة السلفيين بالمنبر لم أرد فيها كثيرا..
يا اخوانا نحنا في بلاد العم سام مصابين بانعدام الونسة فمرات بنفتح بوستات ونسة ومرات بوستات جادة..
ولكن ونستنا مرات بكون فيها مقاصد..
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Balla Musa)
|
بعدين يا المشرف وبكري علوم
انا البدخلني في نقاش مع الشيوعيين شنو؟
أولا حرمة نقاشهم حسب ابن تيمنة
وثانيا زمااان وانا برلوم واحد شيوعي قال لدالي هسع أنا ممكن اثبت أنك ماموجود في ركنك دا, أها عاد نبقى على الزي دا يجي بكري علوم يطلعك انت زاتك مابلة الصائم بل أنت بلة الغايب؟
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Balla Musa)
|
Quote: يا دكتور سلامات يا خي
طالما البوست ( غير جاد ) فبالله أسمح لي أسأل سؤال عام ،،
لييه الكراكتير بتاع عمر دفع الله معلقنو فوق المنبر رغم إنو يتعلق بـ ( شخص ) ؟
ولييه ما يكون في واحد من البوستات الاتكتبت في الموضوع ده ، إن شاء البوستات غير الجادة زي بتاعك ده ؟
بعدين يا زول لو كلامي ده بيجيب ليك الهوا مستعد أسحبو .
تحياتي |
كمال عمر
أي كلام ضد (الكويفر) عمر دفع الله لايدخلني في حرج ولايخيفني من بكري أبوبكر..
بس اختى لي الطعن في الذات الكيزانية.
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: محمد حيدر المشرف)
|
تحياتي يا بلة و للشباب
اتفق مع دكتور سيف مسألة إصرار بيان على إدانة مهند رغم قرار المحكمة على ما فيها من خطأ و قسوة تبقى في حدود رأيها الشخصي و قناعاتها وهي حرة فيها
لكن إدّعاء والدة مهند أنها زارت فلان وعلان وسعت لتثبيط همم المدافعين عنه و ثنيهم هذا - إن صح - هو الأمر الخطير و فيه التعدي و تجاوز حدود رأيها الشخصي
لذا من المهم لبيان أن تلاحق هذا الإدعاء و تفنده خاصة وأن هناك أسماء مذكورة أما الورجغة - الحقوق لكيكي ثم المشرف - الدائرة في البوست فمجرد ورجغة معتادة و تكبر تنسى :)
الممتع في الموضوع يا دكتور كل - أو جل - سودانيز رافعة شعارات برّاقة و فوقها النبي عن ضرورة إحترام حكم القضاء و عدم الإدانة أو الإتهام بدون دليل
أها النشوف الشعارات دي كيف في أقرب مخادة - تقرأ قضية - متورطين - أو متهمين - فيها كيزان زي تبرئة بتاع الأوقاف مثلا, مش برئته محكمة برضك ! و حكم ببراءته قاضي , قاضي كان ولاّ مش قاضي يا متسّقين يا بتوع المبادئ :)
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: عاطف عمر)
|
ود البشرى ..
كيف الحال والاحوال ..
| Quote: أها النشوف الشعارات دي كيف في أقرب مخادة - تقرأ قضية - متورطين - أو متهمين - فيها كيزان زي تبرئة بتاع الأوقاف مثلا, مش برئته محكمة برضك ! و حكم ببراءته قاضي , قاضي كان ولاّ مش قاضي يا متسّقين يا بتوع المبادئ :) |
في اي شبهة في نزاهة المحكمة العليا في ماليزيا ؟!!!!
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: محمد حيدر المشرف)
|
يا ودالمشرف كيفك
أفا .. بالنسبة لي لا أفتي فيما ليس لي به علم, ليس لي معرفة بالمحكمة العليا الماليزية ليكون لدي شبهة عليهم
وأزيدك من الشعر بيت ليس لدي أي رأي أو شبهة في أي قضاء في الدنيا - بما فيها القضاء السوداني -لذا كمبدأ أحترم أحكام القضاء
دي واحدة و التانية, القاعدة القانونية بتاعة المتهم بريئ حتى تثبت إدانته تنطبق عندي على الجميع - بما فيهم الكيزان
أها .. كيف معاك كدا :)
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: وضاحة)
|
سلام يا دكتور بلة
القضية دي أنا قايلها جديدة لنج والله صحي
بس حكاية سوداني في غربة يحكم عليهو بالإعدام (مهما كان الجرم) بخليها ليست قضية رأي عام فحسب بل قضية دولة وشعب حتى لا يضيع مواطن يمكن أن يكون برئيا زي ما حدث
بعد إذنك
| Quote: احسن نمشي نشوف لينا باسطه صم وير |
يا مشرف ياخي ما تشوف لي معاك هسة أنا بلاكزو بشدة فيني عشان أجيب باسطة سودانية
شوف توارد الخواطر دا
يمين المنبر دا عجيييب
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: عاطف عمر)
|
دكتور بله الحاضر هنا: سلام
بما أنه بوست غير جاد ...فيا جماعة ختوا الكورة أرضا ...قصة مهند دي زي قصة شيعة الحسين .يبكون أو يندبون الحظ لعدم مشاركتهم في القتال ضد جيش يزيد ..فحولة مهند مقابل دموع نجاة على الطفلة ..ادعاءات الأم الموثق ودحض هذه الاتهامات لرأي شعب سودانيز اونلاين وهو شعب عكليت حسب التصنيف رمادي - شيوعي - جمهوري - حق - جهوري - كوز- انقاذي (ساي) - عنقالي --وهلم جرا من تصنيفات حكماء بني كجة ومن شايعهم ويمكن دا سبب إطالة عوارة النظام ..
موسى هلال مالو مش سوداني ومن حقه أن يقفز لسدة الحكم كما ظل يتقافز الموقوذة والنطيحة .
ياود البشرى معقول تقارن القضاء الماليزي بالسوداني .!! لكن ممكن المقارنة حينما حبس أنور نور زعيم المعارضة الماليزي أيام مهاتير واتهم بالفاحشة !!
الأمر معقد ...
أرحب بالزملاء والزميلات الذين ولجوا إلى حوش بكري..تحياتي
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: عبدالرحمن الحلاوي)
|
يا حلاوي مقارنة شنو الله يهديك
القصة مبدأ هل تؤمن بأن المتهم بريئ حتى تثبت إدانته أم لا غض النظر عن المتهم دا منو أو اتجاهه شنو؟ وهل تؤمن بنهائية حكم القضاء ولا تخوض فيه أو تعترضه إلاّ بالوسائل القانونية أم لا غض النظر عن القضاء دا تابع و تحت ظل أي نظام؟
الفكرة ان من رفض ما قامت به بيان لأجل مبادئ فا شنو اليشد حيله عاد ويتسق لينا و يورينا المبادئ دي في أقرب لفّة و احنا قاعدين و الكابشرات أبو حسين يقصّر ههههههههههههههههههه
أما من يعترض على بيان معاداة منه ليها ساكت فدا أمره هيّن مرق نفسه من زمرة ناس المبادئ و كدا
يا بلة ... إنت مش البوست ما جادي؟
أوع أكون زي بوّظت الحفلة ولا حاجة :)
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: عبدالرحمن الحلاوي)
|
| Quote: كل الحكاية انو الولد مشى ماليزيا و ما دفع الكومشن لنجاة، مر ساكت دون ان تطلع منه بكدّة. و نجاة فى الكومشنات دي ما بتلعب توديك المشنقة عشان شوية دولارات قول يا النبى نوح! |
دي النجيضة يا بكري علوم .. دا الباربكيو ذاتو ... المعتوهة دي لما مالقت فيهو كدة قالت احسن اشخ فيهو
اذيك يا دكتور بلبلة ... عوم وخليك جادي
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Balla Musa)
|
تحياتي وسلامات عزيزنا ود البشرى
Quote: القصة مبدأ هل تؤمن بأن المتهم بريئ حتى تثبت إدانته أم لا غض النظر عن المتهم دا منو أو اتجاهه شنو؟ وهل تؤمن بنهائية حكم القضاء ولا تخوض فيه أو تعترضه إلاّ بالوسائل القانونية أم لا غض النظر عن القضاء دا تابع و تحت ظل أي نظام؟
الفكرة ان من رفض ما قامت به بيان لأجل مبادئ فا شنو اليشد حيله عاد ويتسق لينا و يورينا المبادئ دي في أقرب لفّة و احنا قاعدين و الكابشرات أبو حسين يقصّر ههههههههههههههههههه |
لومني ( أنا عاطف عمر ) لو لقيتني في غير الموقف دا غض النظر عن المتهم .....
وصدقني ما خوف من كابشرات ولا سودانيزكم دي كوووولها
لكن خوف من ( نون والقلم ومايسطرون )
وخوف من الضمير القاعد ( ينتح ) يطير النوم من عيونا
وحاجات تانية خليها ساااى
__________________
أنا أبوك آ الشريف
بل
أنا ولدك آ الشريف ( سيد الإسم )
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Balla Musa)
|
إبراهيم محمود ما أرتري
فاصله من أعرق قبيلة سودانية
والأعرق تعني كثيرة العرق
انتو قايلين أي واحد ممكن يبقى أرتري؟ ( أحي انا أموت في أسمرا ويدفنوني في تسني)
عبد الله الطيب البروفسير الجعلي (إحياءا لسنة المنبر) قال المتمة الحبشية موجودة قبل المتمة السودانية وعليه يكون أصل الجعليين حبشي..
واحدكان في تووور صحي قال لي:
علي بالطلاق في المتمة غرب شندي لاقينا زائرة صحية مشلخة من نساء المتمة الشلوخ القال عليها العبادي: العارض برز سايق فيالق ستة, كل فيلق يقول للكان قبيل مين انت, كرهتنا في الشابات المعانا من ناحية جمال..
قلت ليه انت قايل الأمهرا ديل جايبين السماحة من وين؟
ياخي نافع والبشير ديل عايزين حد يقول عليهم أفغان ويلومني لو جينا دافعنا عنهم.
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: عاطف عمر)
|
يا جماعة عليكم الله هسة و لو فى سوداني بيبكي على قتيل فى ماليزيا دا امرو عجيب؟ ياخي الضحايا الفي السودان ديل ينشّفوا موية العين. لكن نقول شنو عاد. الطالب معتصم حامد ابو القاسم طعنوه الكيزان امام زملاءه الطلاب و عندما حاول الطلاب اٍسعافه تعرضوا للضرب من قبل عصابة الكيزان و ظل ينزف حتى فارقت روحه جسده، معتصم كان اكبر اخوته و الاسرة تنتظره يشيل المسؤولية مع والده، قتلوه غيلة و غدر و قاتله اخذ حكم بخمسة سنوات سجن  اما بقية الكيزان الذين شاركوا بمنع اٍسعاف الطالب المصاب لم يسأل منهم أحد، المحاكمة كلها تمت باشراف مباشر من نافع على نافع. معتصم من الطف عباد الله و رجل مسالم الى ابعد الحدود ،،، فى احدى زياراتي للسودان وصلت اسرته فى مدينة الابيض كل شئ فى بيتهم يفتقده و يسأل عنه فى اسى و عذاب.
محمد عبد السلام؟ لم يسأل احد عن قتله
ميرغني محمود النعمان
محمد موسى بحر الدين كذلك
قتلى جامعة الجزيرة الاربعة لم يسأل احد
على ابكر موسى قتيل الاسبوع الماضى
الالاف الذين قتلوا فى دارفور و جبال النوبة و النيل الازرق دون ان نعرف اسمائهم و حتى اعدادهم.
لكنه النفاق و الذمم المطاطة.
| |
|
|
|
|
|
|
|
|
 Re: قضية مهند وقضية دكتورة نجاة (بوست غير جاد) (Re: abubakr salih)
|
Quote: ويا بكري والمشرف
أنا لما أفتح بوست ويعدي يومين تلاتة بكون مانشيط عليه
وزمااااان قلت ياريت لو افتح بوست ويشتبكوا فيه كمال عباس وقيقراوي
دا يبقى بوست زي الصدقة الجارية صاحبو ميت والعداد ماشي |
يا بلة بختك، ماشة معاك طحنية. والله صحي.
أهو أُمنية وإتحققت. بدل كمال عباس وقيقراوي جوك طُرشُمية سوآق.
دي ما كان تحلم بيها. أمشي جيب ليك إسلآش، وإسليربي، وكيس
بوب كورن، وكرسي عز الدين الفحل الدوار وإستمتع.
حسدتك، أها...
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: معاوية المدير)
|
* وبعيدا عن التعليق علي الموضوع أصل المشكلة وماكتبته السيدة بيان عنه - أقول أن ردود الأفعال "حوت رؤية" شلة وشلة" مضادة ,وكل شلة متمرسة في موقفها بناء علي ثأرات إسفيرية ومكايدية وتصفية حسابات متبادلة ! ولكن هناك تيار عريض لم تحركه عقلية الشلة أو الإنتصار لفرد أو النيل من أحد وإنما حركه الإنتصار للحقيقة والمبدأ وقول الحق -ليس مناصرة زول معين أو تدميره- صوت هذا الطرف الثالث ضاع في وسط زحمة الجوطة والضجيج ,فمن كان يبحث حقا عن الخيط الضائع والحقيقة الغائبة فسيجدها في مداخلات هولاء - الذين لم تحركهم الأجندة - علما بأن مطالعة ا لبوست القديم والفيدويهات والإضافات الجديدة - وضعت كثيرين في الصورة ومنهم فضل الصمت وعدم التعليق مثلي ومنهم من أصر علي أن يعبر عم رأيه -رغما عن كل شئ !
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: كمال عباس)
|
بصراحة الواحد كان محتاج لبوست غير جادي يقول فيهو رأيو، لأنو أنا أصلاً ما قاعد أتعامل مع طلاشة الدكتورة بي جدية، وكنت عايز أتداخل في البوست بتاعها بهناك لكن لما لقيت الناس صارين وشوشهم الحكمة سكتتني، مع إنو السكات صعب خلاس
أها بغتنم الفرصة دي عشان أوجه كلام للناس الدخلو في البوست بتاع الدكتورة وهم ما بيعرفوها ولا داخلين عشان قلبهم يطمئن، يا ناس إتلهوا، الدكتورة ما بتعتذر لو السما إنطبقت مع الواطة زي ما أقسم الطيب الراعي الأمين، لأنو الإعتذار بيكون ضد قناعاتها ومبادئها، يعني عايزنها تخالف مبادئها.
وعشان ما تقعو معاها في مشكلة زي دي تاني مفروض تعرفوا المرتكزات البتقوم عليها المبادئ دي، أولاً بالتبادي هي كلامها صاح حتى لو كان زي كلام شيخ قصي الحذر بيهو الناس داك، وما ممكن تقتنع بي غيروا، تانيا أي زول يخالفها الرأي بيكون ضمن منظومة ما هدفها التآمر عليها وعلى أسرتها، وعلى حسب نوعية الخلاف بتتحدد هوية المنظومة دي إن كانت شيوعين أو منافسين في السوق، أو خلافه، تالتا الناس دي كلها هردبيس وأسرهم هردبيس ساي قصادها هي، عشان كدة هي تقول الدايراهو واما عاجبوا يشرب من أقرب بحر ليهو، وحسك عينك تجيب سيرتها عشان تلوكك لبانة لغاية ما الله يغفر ليك ذنوبك
شكراً دكتور بلة
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: معاوية المدير)
|
بلة الحاضر
ازيك ياخي و اريتك طيب
ود البشرى يا حبيبنا
بعد التحية
| Quote: أزيدك من الشعر بيت ليس لدي أي رأي أو شبهة في أي قضاء في الدنيا - بما فيها القضاء السوداني -لذا كمبدأ أحترم أحكام القضاء |
هنالك مقاييس معيارية لتقييم أداء الهيئات القضائية (تشمل جميع المحاكم) و بالتالي يمكن مقايسة الهيئات القضائية المختلفة و المقارنة الموضوعية بينهم و توزيع الإحترام لكلً منهم بحسب جودة أداءها
أنا أحترم الهيئات القضائية التي تتبع قيم معلنة و تلتزم بتحقيق العدالة و النزاهة و إستقلالية صنع القرارات و الشفافية و سهولة الوصول إلى العدالة.. و احترم الهيئات القضائية التي تسعى لضمان هذه القيم بإجراءات الرقابة على المحاكم و التقييم الدوري لأدائها
غير كدا ما عندي إحترام لمحكمة
النقة دي يا ود البشرى عشان لما تجي تشوف الشعارات في المخادة تحاسبني على شعاراتي دي
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Hafiz Bashir)
|
Quote: يا حلاوي مقارنة شنو الله يهديك
القصة مبدأ هل تؤمن بأن المتهم بريئ حتى تثبت إدانته أم لا غض النظر عن المتهم دا منو أو اتجاهه شنو؟ وهل تؤمن بنهائية حكم القضاء ولا تخوض فيه أو تعترضه إلاّ بالوسائل القانونية أم لا غض النظر عن القضاء دا تابع و تحت ظل أي نظام؟
الفكرة ان من رفض ما قامت به بيان لأجل مبادئ فا شنو اليشد حيله عاد ويتسق لينا و يورينا المبادئ دي في أقرب لفّة و احنا قاعدين و الكابشرات أبو حسين يقصّر ههههههههههههههههههه
أما من يعترض على بيان معاداة منه ليها ساكت فدا أمره هيّن مرق نفسه من زمرة ناس المبادئ و كدا |
ياود البشرى
القانون إجراءات ..تبدأ من تقديم الدعوى حتى استنفاذ كل وسائل الاستناف وحتى الطعن في الحكم إن كان هناك سبب قوي أو حدس لشخص ما بناء على ما يراه القضاة ، ولعل قضية أوجي في الولايات المتحدة خير شاهد - كما ذكر أحد الإخوة- لا يمكن مقارنة قضية اختلاس لوزير معين بقرار سياسي في دولة ماشطة ميطي كالسودان بقضية جنائية آثارها خادشة وممتدة لسمعة أسرة حسب العرف الاجتماعي في بلد كالسودان ..واثبات الاتهام ليس بالأمر الهين ..على كل حال انجلت القضية والدكتورة بين خيار الطعن في الحكم وإعادة القضية للنظر وملاحقة أم مهند بالتهم التي وجهتها لها في صلب اللقاء التلفزيوني أو أن تقنع منها ظاهر وباطن ..وأرى انه الصلح خير.
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: عبدالرحمن الحلاوي)
|
الغريبة انا كنت قائل بوستك جادي يا دكتور..بس لقيتو ما جادي كلو كلو 
الطيارة الماليــزية دي لو كان طيارها موسى هلال كان في جن اختطفها ؟!
آخر نظرية انه الكائنات الفضائية البشعة هي السبب .. وواحدين بيقولوا فتشوها في خيمة حمدتي ملبدها تحت عنقريب..
بلة في شنو .. وناس الــTOP VIP في شنو !!
قال العرق الاريتري قال :)
ــــــــــــــــ
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: علي محمد الفكي)
|
.Quote: وبمناسبة يوم المرأة العالمي
أحيي صديق الموج
والفت النظر بأن بوستات الترحيب بالعضوات الجدد أكثر تصفحا ومداخلات بما لايقارن ببوستات الترحيب بالأعضاء.
وذلك لا لسبب إلا أن العضوية الجديدة صادفت يوم المرأة العالمي. |
بله يا اخوى جاتنا لوز من الترحيب بابو وود دى
ابو جهينة ابوحسين ابو جلمبو ود الباوقة ود قاسم ود راوة
كفاية ياااخ..
بالمناسبه اهديك الاوسكار ده..
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Asim Fageary)
|
!Quote: صديق الموج عندي سؤال
البيمشي ماليزيا دي ما طالب وعنده فيها إقامة دائمة برضو المفروض يدفع الكوميشن ؟
دا بس عشان عندنا ناس بيهمنا أمرهم ما يحكموا عليهم بالإعدام ! |
شوف يا عاصم يا ابنى لو مشيت ماليزيا ودخلت جامعه ودفعت كوميشن جائز
لو مشيت ماليزيا للاقامة فقط وما دخلت جامعة وما دفعت كومشن تقيم مع الكراهة
ولكن اذا مشيت ماليزيا ودخلت جامعه وما دفعت كوميشن فهذا حرااااام يوجب الاعدام
المصدر: كتاب الفتاوى والمشورة فى عرف الدكتورة،،،
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: صديق الموج)
|
حصل فيكم زول غير صديق الموج لعب شليل؟
أها الحكومة دي أصلها زي العضم بتاع شليل
يشيلوها جماعة وجماعة يسكوهم لحدي مايرموهم واطه
ويقلعوا منهم العضم..
المشكلة في السايبر دا مابتعرف ود الباوقة خاتي العضم وين
لكن في ناس مصرين يقلعوا منو العضم
المشكلة تقلع العضم من ود الباوقة
تلقي العضم الحقيقي عند المتعافي يكد فيه
على أية حال نسيت أقول أن ابراهيم محمود سوداني كامل الدسم
ولكن دسمه مضر وربما تعاطيه يصيبك بارتفاع الكوزنترول.
شكرا لكل الذين انتهزوا هذا البوست كفرصة لرمي دكتورة نجاة بزحامهم.
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: صديق الموج)
|
Quote: أفا .. بالنسبة لي لا أفتي فيما ليس لي به علم, ليس لي معرفة بالمحكمة العليا الماليزية ليكون لدي شبهة عليهم
وأزيدك من الشعر بيت ليس لدي أي رأي أو شبهة في أي قضاء في الدنيا - بما فيها القضاء السوداني -لذا كمبدأ أحترم أحكام القضاء
دي واحدة و التانية, القاعدة القانونية بتاعة المتهم بريئ حتى تثبت إدانته تنطبق عندي على الجميع - بما فيهم الكيزان
أها .. كيف معاك كدا :) |
Quote: الممتع في الموضوع يا دكتور كل - أو جل - سودانيز رافعة شعارات برّاقة و فوقها النبي عن ضرورة إحترام حكم القضاء و عدم الإدانة أو الإتهام بدون دليل
أها النشوف الشعارات دي كيف في أقرب مخادة - تقرأ قضية - متورطين - أو متهمين - فيها كيزان زي تبرئة بتاع الأوقاف مثلا, مش برئته محكمة برضك ! و حكم ببراءته قاضي , قاضي كان ولاّ مش قاضي يا متسّقين يا بتوع المبادئ :)
|
الحبيب ود البشرى
اولا داير امرق نفسى من زمرة , كل وجل ناس سودانيز الرافعين الشعارات البراقة عن ضرورة احترام حكم القضاء وعدم الاتهام بدون دليل لانى ولله الحمد هذه القيم لم اتعلمها او اكتسبها فى سودانيز وكونوا فى بعض الاخوان بتحركهم احقادهم ومشاكلهم السابقة مع دكتورة نجاة وسايقين فى العبط فهذا لا يعنى ان يتم وضعنا جميعا فى قفة واحدة , ثانيا يا ود البشرى انا مثلك تمامالا أفتي فيما ليس لي به علم, لذا كمبدأ أحترم أحكام القضاء والقاعدة القانونية بتاعة المتهم بريئ حتى تثبت إدانته تنطبق عندي على الجميع لذلك ادلوت بدلوى فى هذا الموضوع لبيان والتى احمل لها كل تقدير واحترام مناصحا ولائما على التسرع فى اطلاق الاحكام بينما الموضوع فى يد القضاء ومن ثم تاييد حكم الاعدام على الطالب والاصرار عليه حتى بعد ثبوت البراءة والامر قد تعدى الراى حقيقة عندما تم اطلاقه فى الفضاء الاسفيرى والذى سينتقل بدوره ال الصحافة ثم الى المجتمع ليظل هذا الشاب مدانا طوال حياته , لم افكر كثيرا وانا ارسل كلماتى للدكتورة نجاة بانه وربما تعتبرها نصرة لموقف اعدائها وخصما عليها وربما ايضا زمالتى لوالد مهند ما عزز فرص مشاركتى فى الطرح عن هذه القضية وان شاء الله يا ود البشرى ستجدنى ثابتا فى موقفى هذا فى القضايا المماثلة حتى لو كان طرفها احد ابنائى
التحية للدكتور بلة والاعضاء المشاركين بالبوست
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: احمد التجانى احمد)
|
الاخ العزيز أحمد التجاني ..
تحية طيبة ..
| Quote: وكونوا فى بعض الاخوان بتحركهم احقادهم ومشاكلهم السابقة مع دكتورة نجاة وسايقين فى العبط فهذا لا يعنى ان يتم وضعنا جميعا فى قفة واحدة |
اولا واحتراما لشخصك الكريم .. الاحترام الذي فرضته أنت على الناس بما كسبت يداك في هذا المنبر .. انا استبعد جدا أن تكون مشمولا في قفة واحدة مع السايقين في العبط ..
ثانيا عن هذه المجموعة التي تحركها أحقاد ومشاكل سابقة مع الدكتورة .. فديل مجموعة كبيرة من اهل المنبر .. وفيهم من تمت اساءته اساءات بالغة جدا طالت حتى أسرهم .. وفيهم من تم تهديده بالمطارده والفضيحة والخ ... أقول .. هذه المجموعة لا يمكن أن إختزال دافعهم نحو الموضوع بالعبط .. من الجائز جدا ان الخصومة حركتهم .. ومن الجائز ان بعضهم فجر في خصومته تلك وبصورة لم يعد من الممكن معها ممارسة شيء من الرفق بهذه الدكتورة وهي في هذا الموقف الضعيف جدا.. تقديري الشخصي ان هذه مسألة خاطئة ولكن ليست "عبيطة" .. ارى في الامر تجني واضح ..
ثالثا .. وهذه نقطة اضافية مني قد لا تعنيك في حدود مداخلتك اعلاه وجزئية الاشارة نحو بعضنا بالعبط ..
أقول:
لو شئنا تقييم الذي يحدث بحيادية بدلا عن الاساءة لبعضنا .. ربما يكون المحور الاكثر الحاحا هو .. لماذا تحظى هذه الدكتورة بهذا القدر من الكراهية الشديدة ومن قبل عدد كبير من الناس المتباينين فيما بينهم .. لماذا هذا القدر الهائل من الكراهية ونحن في منبر حواري ؟!! ولماذا هذا القدر الكبير من الكراهية لانثى كبيرة في السن وصاحبة درجة اكاديمية رفيعة وفي مجتمع يقدر الانثى جدا كما يحترم كبير السن واصحاب المقامات العلمية العالية .. هذه ظاهرة سلبية جدا وتستحق دراسة الاسباب وجذورها التي افضت لهذا الوضع غير الطبيعي على الاطلاق ..
مودتي واحترامي ..
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: محمد حيدر المشرف)
|
| Quote: ثانيا عن هذه المجموعة التي تحركها أحقاد ومشاكل سابقة مع الدكتورة .. فديل مجموعة كبيرة من اهل المنبر .. وفيهم من تمت اساءته اساءات بالغة جدا طالت حتى أسرهم .. وفيهم من تم تهديده بالمطارده والفضيحة والخ ... أقول .. هذه المجموعة لا يمكن أن إختزال دافعهم نحو الموضوع بالعبط .. من الجائز جدا ان الخصومة حركتهم .. ومن الجائز ان بعضهم فجر في خصومته تلك وبصورة لم يعد من الممكن معها ممارسة شيء من الرفق بهذه الدكتورة وهي في هذا الموقف الضعيف جدا.. تقديري الشخصي ان هذه مسألة خاطئة ولكن ليست "عبيطة" .. ارى في الامر تجني واضح .. |
عزيزي ود المشرف
لك عميق شكري للتنبيه لفخ التعميم الذي كتبت مسائلا فيه ود البشرى ولم اتتدارك انني أيضاً قد وقعت فيه بوصف مجموعة عريضة ممن خالف دكتورة نجاة في هذه القضية بأنهم تحركهم احقادهم وسابقين في العبط والصحيح بعضهم فقط ولا اود الإشارة لهم تحديدا منعا لتشعب الموضوع او الدخول معهم في صراعات لا داعٍ لها لكن صراحة توجد بعض المداخلات العبيطة والتي لا ترق لمستوي القضية الجاد والذي يتعلق بمصير أسرة مرت بظروف عصيبة علي مدي خمسة سنوات عجاف وذلك يكفيهم ولكن اشبعتهم البوستات التي مازالت نشطة شتما ونبشا في خصوصياتهم لمجرد ممارستهم لحس الحماية الفطري من الآباء تجاه أبناؤهم ، كذلك يا ود المشرف تفرض أخلاق الفرسان علي الخصوم ان يكون النزال شريفاً فيه قدر من الاحترام للمبادئ والقيم والتي نعتز بها في ثقافتنا الشعبية السودانية خاصة ان كان احد أطراف النزاع انثي
ارجوا ان تتقبلوا اعتذاري عن التعميم
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: احمد التجانى احمد)
|
طالما البوست يكفل حرية التعبير دون أية قيود كما هو بائن أعلاه:
Quote: ولا عزاء لـ
حسين نوباتيا
والباشمهندس يحيى قباني
الباشمهندس أحمد التجاني
الدكتور أحمد طراوة
الأستاذ نادر الفضلي
والباشمهندسة سمارت
الأستاذة تراجي مصطفى |
البوست دا كلوا مافي شي وجعني فيهوا زي عدم ذكر لقب من النوع السمح الـ بالاحمر دا، لصاحبي الوغد حسين نوباتيا "يامسكينتو" :))
تحياتي للاخ العزيز عاطف عمر ود. بله والضيفان.
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Ahmed Alim)
|
تحياتي وسلامات عزيزنا أبو حميد
Quote: البوست دا كلوا مافي شي وجعني فيهوا زي عدم ذكر لقب من النوع السمح الـ بالاحمر دا، لصاحبي الوغد حسين نوباتيا "يامسكينتو" :))
|
حسين نوباتيا ( فقطن ) أكبر من ألقابنا وشهاداتنا
تتضاءل أمام إسمه هذه ( الوريقات ) والحروف التي تزاحم الأسماء
ثم
لعزيزنا حسين العتبى إن سهونا أو قصرنا في حق مكانته السامية
ولك عزيزنا أحمد وافر الشكر أن نبهتنا لما قد نكون سهونا عنه
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: احمد التجانى احمد)
|
Quote: ...
... لومني ( أنا عاطف عمر ) لو لقيتني في غير الموقف دا غض النظر عن المتهم .....
وصدقني ما خوف من كابشرات ولا سودانيزكم دي كوووولها
لكن خوف من ( نون والقلم ومايسطرون )
وخوف من الضمير القاعد ( ينتح ) يطير النوم من عيونا
وحاجات تانية خليها ساااى
__________________
أنا أبوك آ الشريف
بل
أنا ولدك آ الشريف ( سيد الإسم )
... |
...
.. ...
...
...عاطف يا عزيز ..
..
..تعرف وانا بقراء في البوست ده .... و تقاطع مداخلتك دي بالتأكيد الفيها بالتمسك الصارم مع مداخلات عزيزنا ود البشري و د. احمد التيجاني .... حول المبادئ القانونيه البسيطه .... اتذكرت بوست قديم كنت سألتك فيهو سؤال و مشكور انت رديت عليهو بكل اريحيه ..بما كنت اتوقعه من رد منك رغم انو قناعتي هي في الضد تماما من اجابتك .. و عذرا يا صديق انو انا في البوست ما ذكرت او في الحقيقه ابنت او افصحت عن قناعتي الخاصه لا لشئ إلا لحساسيه مفرطه - يمكن !!- في ان اتجنب حرف البوست عن سياقه العام او حرفه عن عنوانه علي ما اعتقد ....و وعدتك الي جرف النقاش فيه في بوست منفصل ....و عذرا كتيرا يا صديق ... ان لم افي بذلك في حينه ..... رغم اني لم احدد زمن لبوست الجرف ذاك ...متين و ليه و وين و كيف !!! و تركت الباب مواربا ....
...
...اتي هذا البوست و تلك المداخلات المذكوره عاليه لك و للاعزاء .... اكثر التصاقا بنبش ذاك الموضوع بالمقاربه معه ...رغم اختلاف الشخوص و الاحداث المعنيين و الذين يتناولهما البوستان .... و علي الاقل يمكن نلقا لينا مخرج من التكثيف المدمر لتناول الاشياء في محدوديتها الضيقه ....و التي لاتمتد افقا لابعد من طراطيف شعيرات رمش العين الي افاق اكثر رحابة .... تلامس مكان الازمه في حياتنا و بلدنا !!!!!!!؟؟؟؟؟؟؟؟؟
...
...و ياود موسي .... و بدون تهريج ؟؟؟؟!!!!! نقول ليك .... يحلك الحلّ ودموسي ...و شمّت ود المدير في بله .... فشنو الموضوع ده اذا الله قدرني اجاري و اناكف فيهو ... حيحول البوست لبوست جاد و لدفه مغايره تماما وليس غير جاد .... فاذا قبلان ادينا خبر و اذا كمان معترض كمان .... قول لينا عشان نلملم سفنجاتنا و نتخارج ؟؟؟؟؟؟!!!!!!
...
...
...حاجه تانيه يا هندسه (عاطف ) ..... البوست المشار اليه .... و الله انا ما متذكر اسمو شنو .... لو انت متذكر اسمو .... فبالله عليك و رجاء خاص ... اعمل كوتشين لكلامك و كلامي و جيبم ...مع وافر التقدير ليك
...
...و صباح الله بخيرو ....رغم انو الواطه عندنا اصبحت من ضي؟؟؟؟
...
..
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Hololy)
|
| Quote: ...و ياود موسي .... و بدون تهريج ؟؟؟؟!!!!! نقول ليك .... يحلك الحلّ ودموسي ...و شمّت ود المدير في بله .... فشنو الموضوع ده اذا الله قدرني اجاري و اناكف فيهو ... حيحول البوست لبوست جاد و لدفه مغايره تماما وليس غير جاد .... فاذا قبلان ادينا خبر و اذا كمان معترض كمان .... قول لينا عشان نلملم سفنجاتنا و نتخارج |
سلام ياحلولي
من هسع اعتبر البوست بعته لك بدون صداق مسمى بيننا.
بس عايزك تخلي العصمة في يد البوست.
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: عاطف عمر)
|
..
...
...اي يا ود موسي .... ما نحن اصلا في الدنيا دي طالعين للربا و التلاف ... ترموا بلاويكم ... و تتخارجو كما الشعر من عجين حبوبتي ...و بعدين شايف زوغاناتك كترت الايام دي ... و علي حسب ما قرأت في اخدي البوستات.....
..
..الله هونيكم غايتو!!!
..
...ـــــــــــــــــــــــــــــــــــــــــــــــــــــــــــــــــــــــــــ
..
..يا عاطف ما تمشي بعيد ياخ .... الحكايه ما جابت ليها اعتذارات و بطيخ سودانيزي !!!!!
...و الحقيقه البوست انا ما متذكر عنوانو كان شنو .... لكن كان فيهو مذاخلات ليك و علي ما اذكر اخداها لفتت نظري ... و دفعتني لسؤالك ...
..
..اذا كنت بتعتقد انو ازمة الديمقراطيه في السودان و بعد اكتوبر تحديدا بدأت بحل الجزب الشيوعي ؟؟؟؟ و انت اجبت علي التساؤل بالجزم بنعم ....و انا كنت في الضد من ذلك لكن ما وضحت كيف ؟؟؟؟
...شئ من هذا القبيل .... بس ما عارف اسم البوست شنو ....و لا الكاتبو ذاتو منو ؟؟؟؟؟
..
..خاول تتذكر ....او اي زول يساعدنا .... لانو الموضوع مرتبط في عضمو ببوست بله القال عليهو مخستك ده!!!!!؟؟؟
..
..
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: Hololy)
|
ههههه حاجة غريبة والله ومحيره
ودالمشرف ما يحرقك كلام احمد التيجاني وتعمل فيها شهيد وترقد لينا في الواطه قوم ياخ أنفض هدومك أنت قاعد تطارد دكتورة نجاة وبتكجنها لأنها بتزعمط الشيوعيين وأنت مركب مكنة شيوعي قلبه حار قوم لف بلا شيوعية بلا كلام فارغ وعبدالخالق ما شهيد بل انقلابي مجرم ومحجوب شريف منافق وكان ما عاجبك طالعني الخلا
بالمناسبة يا ودالمشرف الحركة بتاعت المطاردة في الخصوصيات والوعيد بالفضح والفضح قاعد أمارسه أنا اكتر من دكتورة نجاة وأخر حاجة تتذكر ساهمت معاي دكتورة نجاة هو تهديدنا لي وضاحة وأنت عارف السبب عليك الله ما تخلينا نمشي نجيب الكابشر الأنت شفته كامل نخلي البورد يتململ ويجي علي محمد الفكي يردح فوقنا
يعني يا ودالمشرف دايرنا نسوي شنو لي الوهمي البكتب بي أسم وضاحة غير نفضحة ونشتمه كدي تعال وريني تسوي شنو مع الناس الدايشين أو السابقين في العبط كما وصفهم أحمد التجاني ومافاهمين وقالين لقوا ليهم فرصة في دكتورة نجاة وهم بسووا الحاجات دي
يرن تلفونك وأنت نايم ترد يتشتم امك واخواتك واهلك بي اقذع الصفات
يجيك طلب صداقة من بنت تكتشف انها راجل تشتم أمك وأخواتك واهلك بعد يومين تلقى صورة خاصة ليك منشورة في المنتديات
اشاعات اشاعات ومؤامرات طربدة وقلة أدب وتدخل في الخصوصيات مجنون سكران بتاع حبش خاله الطيب مصطفى كوز اخوانجي وزي ما شايف أنت كل يوم مصيبة يتزور حسابك ويتوقف حسابك في البورد ويحرشوا بكري ويرسلوا ليك زول يشتمك
شفت دا كله بنستحمله يا ود المشرف وبنضحك ومبسوطين نحمد الله ما بنجي نرقد واطه ونعمل فيها شهداء لكن بنعرف نرد ونضحك لأنهم مابركزو وأهلنا ربونا الرجالة ركوز ما بركزوا ماشايفهم بتجارو كيف واي يا بكري عبدالعزيز سوا لي واااااي يا ناس عبدالعزيز هبشني بي تحت
ومن هذا البوست أخاطب هؤلاء الطرابيد السفهاء وأقول لهم المثل الشهير
المارق رقبته للدق يستحمل العكاز الغليد
أنت يا ودالمشرف قايل البوست دا جادي ههههه جادي عربي
--------
هههههههه
أغرب حاجة الدور الداخلة فيه تراجي وبذلهاالنصايح ولابسه دور الحنية وخايفه على الأسرة وعلى الأم النبي فيكم تراجي من متين بتهمها أسرة جلابية هههههه
ياخ دي زمان بتجرد قبيلة كاملة في كيس مخدة وتكتب بي قلم الشيني أسوأ النعوت والصفات ديباجة وتلصقها وتمشي تنوم
قال متعاطفة مع الأم والله المالقى شبهه الله قبحة تراجي عجبتها طربدة المره وكضبها ووقع ليها في حرج في عيد الأم دا
بالمناسبة يا بله كل عيد أم وأنت بخير أنا ما جادي
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: عبدالعزيز حسين عبدالرحيم)
|
| Quote: لومني ( أنا عاطف عمر ) لو لقيتني في غير الموقف دا غض النظر عن المتهم ..... |
أفا أفا .. يا ود الشريف
حاشاك عدم الإتساق يا هندسة
حافظ يا حبيب وعليكم السلام Quote: هنالك مقاييس معيارية لتقييم أداء الهيئات القضائية (تشمل جميع المحاكم) و بالتالي يمكن مقايسة الهيئات القضائية المختلفة و المقارنة الموضوعية بينهم و توزيع الإحترام لكلً منهم بحسب جودة أداءها
أنا أحترم الهيئات القضائية التي تتبع قيم معلنة و تلتزم بتحقيق العدالة و النزاهة و إستقلالية صنع القرارات و الشفافية و سهولة الوصول إلى العدالة.. و احترم الهيئات القضائية التي تسعى لضمان هذه القيم بإجراءات الرقابة على المحاكم و التقييم الدوري لأدائها
غير كدا ما عندي إحترام لمحكمة |
دا كلام زول قانوني و ذو باع في الموضوع دا, وأنا زول ميكانيكي زي ما قلت لا افتي في ما ليس لي به علم لذا أحترم القضاء و أحكامه بصفة عامة لأن ليس لي العلم بالمقاييس المعيارية وباقي الحاجات القلتها وكدا فليس لي سوى أن أحترم القضاء وبس | Quote: النقة دي يا ود البشرى عشان لما تجي تشوف الشعارات في المخادة تحاسبني على شعاراتي دي |
العفو يا حافظ ياخ من أنا لأحاسب أحد غير نفسي
العبارة دي لي ناسها ياخ وعارفين روحهم :)
حلاوي يا صديق | Quote: لا يمكن مقارنة قضية اختلاس لوزير معين بقرار سياسي في دولة ماشطة ميطي كالسودان بقضية جنائية آثارها خادشة وممتدة لسمعة أسرة حسب العرف الاجتماعي في بلد كالسودان ..واثبات الاتهام ليس بالأمر الهين |
الفكرة هي هي, التشكيك في أحكام القضاء و إدانة متهم لم تثبت إدانته , خليني من التفاصيل الفيها الشيطان دي القصة مبدأ
يبدو مثال الوزير مزعج شوية أديك مثال تاني طيب ما ليه علاقة بالكيزان
في بوردنا دا هناك من يختلف مع عادل عبد العاطي فيعايره بأنه قاتل رغم أنه برأته محكمة !! و الإتنين مناضلين ... اها :)
وفي نفس القضية لازال هناك من يصف ياسر عرمان بالقاتل الهارب رغم أنه لم يتم توجيه اتهام له حتى
الفكرة مبدا يا حلاوي, من عارض بيان على اعتراضها على حكم محكمة أو إدانتها لمتهم لم تدنه المحكمة عليه أن لا يرتكب المثل حتى لو كان الطرف المعني كوز - ببساطة شديدة
ود التجاني يا هندسة | Quote: اولا داير امرق نفسى من زمرة , كل وجل ناس سودانيز الرافعين الشعارات البراقة عن ضرورة احترام حكم القضاء وعدم الاتهام بدون دليل لانى ولله الحمد هذه القيم لم اتعلمها او اكتسبها فى سودانيز وكونوا فى بعض الاخوان بتحركهم احقادهم ومشاكلهم السابقة مع دكتورة نجاة وسايقين فى العبط فهذا لا يعنى ان يتم وضعنا جميعا فى قفة واحدة |
يا هندسة لم أعمم و حرصت على إدراج الجملة الإعتراضية (أو جل) التي تنفي التعميم و تتيح الإستثناءات وكدا
ويا عزيزي معاذ الله أن أجعل من نفسي رقيبا صيغة الكابشرات و كدا فيها مزاح, دا طبعا لا يمنع لو جاني واحد مدردق روحه - من ناسي :) - أن أشوته
ود المشرف
| Quote: لو شئنا تقييم الذي يحدث بحيادية بدلا عن الاساءة لبعضنا .. ربما يكون المحور الاكثر الحاحا هو .. لماذا تحظى هذه الدكتورة بهذا القدر من الكراهية الشديدة ومن قبل عدد كبير من الناس المتباينين فيما بينهم .. لماذا هذا القدر الهائل من الكراهية ونحن في منبر حواري ؟!! ولماذا هذا القدر الكبير من الكراهية لانثى كبيرة في السن وصاحبة درجة اكاديمية رفيعة وفي مجتمع يقدر الانثى جدا كما يحترم كبير السن واصحاب المقامات العلمية العالية .. هذه ظاهرة سلبية جدا وتستحق دراسة الاسباب وجذورها التي افضت لهذا الوضع غير الطبيعي على الاطلاق .. |
شنو منطق الخبير اللمبي دا الليلة
دا غير ان العبار بالأحمر ليست دقيقة على الإطلاق إن كان المجتمع المعني سودانيزنا دي
حلولي يا حبيب | Quote: نسيت اقول حاجه ...ليك ياود البشري .... انك حتقراء الكلام ده ... و يمكن برضو ماتفهم حاجه منو .هسع.... بس ساعدنا بالصبر .... (عشان تفهم حاجه)!!!!!!!!!!!!!؟؟؟؟ |
يعني في داعي تشيل حالي كدا قدام البرالمة
زمان قلت ليك ما بفهم كلامك و وطّنت نفسي على كدا :)
بلة شنو فاتح لي كدا :)
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: محمد البشرى الخضر)
|
ود البشرى
غايتو انا بحترم حكم القضاء في الدول الملتزمة بالديمقراطية واستقلال القضاء، يعنى مثلا لا اثق بالقضاء السوداني الان خصوصا في القضايا التى يمكن ان تدين أعضاء النظام او معارفهم، وما حدث من احكام ضد الكثير من المعارضين بها شبهة سياسية واضحة.
بالطبع هناك قضاء شرفاء ولكن انا أتحدث عن عدم استقلالية القضاء وتوغل السلطة التنفيذية عليه
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: صديق الموج)
|
Quote:
ام مهند ذكرت اتنين بالاسم واحد في الخارجية و التاني في العدل و قالت انو نجاة مشت ليهم و اتكلمت معاهم حول ضرورة رفع يدهم عن القضية
و عن الولد المتهم ! الاثنين ديل يا بله مفروض افادتهم تجي.. يا يكذبوا الام او ياكدوا كلامها، لأنو لو نجاة فعلا عملت كده تبقى غلطانة. |
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: محمد حيدر المشرف)
|
اضاءة مولانا الملك على قضية مهند
Quote:
سلامات يا دكتورة وزوارها الأكارم..
الحقيقة لم أكن أنوي المشاركة بسبب بروز دوافع أخرى ..
غطت على المساعي القلية التي اتجهت نحو تحليل الحادثة بتجرد لفائدة القارئ ..
عموما لست معنيا بالبحث في الدوافع ..
لأن مبادئ العدالة تشترط أن تأتي المشاركات التقديرية لأي حدث مستندة إلى الوقائع و البينات ..
حيث لا مكان للعواطف أيا كان مصدرها / عداء ، كراهية ، خوة ، صداقة ، وطن ، الخ ..
وعلى الرغم من خطاب مهند المهذب الذي التمس فيه تجاوز هذا الوضوع ..
ولكن سؤال الأخ وليد هذا :
Quote: وجود آثار سائل منوى على قميص الطفلة و دى قضية تحرش جنسى بطفلة!!
دفعني لأدلي دلوي في هذه القضية آملا أن تكون خاتمة مفيدة من وجهة نظر قانونية..
أول هام ـ نجاح وفشل أي دعوى جنائية على عاتق الاتهام أولا ..
ثم حرص المحكمة وهي تبحث عن الحقيقة المجردة بحيادية بين قضيتي الاتهام والدفاع..
الدفاع في أي دعوى جنائية هو الأكثر راحة من حيث الجانب العملي ..
والأكثر قلقا من حيث الجانب النفسي ..
كورنر هذه الدعوى هدمه الخبير الطبي بالإضافة لخطأ المحكمة عندما تغاضت عن تسجيل إفادته وتمحيصها بتأن..
وحُسب ذلك لصالح الدفاع ..
بعد إطلاعي على قرار محكمة الاستئناف في الرابط المدرج ..
ودون أن تتاح لي فرصة الإطلاع على قرار النقض من المحكمة الفدرالية..
يمكن تلخيص كل ببنات الاتهام في ثلاث محاور لا رابع لها ..
المحور الأول :
حيث جاءت فيه كل ببنات الاتهام ظرفية حول الأذى الجسيم الذي تعرضت له المجني عليها وتسبب في وفاتها ..
وأقرت محكمة الاستئناف بذلك قائلة :
In this instant case, there is no dispute that the evidence
adduced by the prosecution is wholly circumstantial in nature
المحور الثاني :
شهادة الأم المعتمدة على أقوال المجني عليها ومشاهدتها في عطلات الأسبوع ..
ودي البينة التي تربط المتهم بواقعة ضربه للمجني عليها ..
من المعلوم في الفقه القانوني وكذلك السوابق القضائية كما ذكرت محكمة الاستئناف في هذا الحكم ..
فإن البينة الظرفية لا تكفي لوحدها لإدانة الجاني ما لم تكن من القوة والتماسك ..
بحيث لا تدع مجالا للشك في ارتكاب الجاني للجناية..
أو في حال تم تعزيزها ببينة أخرى غير ظرفية ..
محكمة الاستئناف ومن قبلها محكمة الموضوع ..
اتخذتا من شهادة الأم بينة معززة للبينات الظرفية ..
فضلا عن بينة طبية أخرى تثبت العثور على سائل منوي يخص المتهم بملابس المجني عليها الداخلية ..
الملاحظ أن شهادة الأم نفسها حتى في جزئيتها المباشرة المتعلقة بمشاهدتها المتهم يضرب طفلتها ..
قالت بأنه كان يضربها بشماعة الملابس أو مسطرة أحيانا ..
sometimes with clothes hanger or a ruler
ومع أن هذه الآلات لا تصنف ضمن الآلات الخطيرة ..
غير أن الأم لو كانت أحست أن ضرب المتهم قد يسبب أذى جسيم لطفلتها لما تخلفت عن شكواه ..
ولا اطمئن لدفعها الذي أخذت به المحكمة بأن المتهم كان يُعنَفها عندما حاولت منعه ..
SP2 tried to put a stop to the abuse but was scolded by the
Appellant.
وما يضعف هذا الدفع :
1ـ أن الأم بطبعها تعرض نفسها للخطر ولا تبالي من أجل حماية طفلها..
2ـ علمها بأن المتهم يقيم إقامة غير قانونية وهذا وحده يجعل منها صاحبة الوضع الأقوى قبالته ..
لقد منحت محكمة الموضوع درجة عالية من المصداقية للأم ..
وتحفظت محكمة الاستئناف في المساس بتقدير محكمة الموضوع بحجة أنها الأقدر على ذلك ..
ومثل هذا التحفظ موجود ومقبول في عرف ممارسات محاكم الاستئناف..
أما البينة الطبية المعملية المتعلقة بالسائل المنوي على ملابس المجني عليها ..
فهي في حد ذاتها تشكل بينة قوية على جريمة التحرش الجنسي بالمجني عليها ..
مقروءة مع البينات الظرفية المتوفرة في الحيثيات ..
ذلك في غياب أدلة طبية أخرى تثبت الاغتصاب المباشر..
مع ذلك ـ فهذه البينة لا تكفي لاعتبارها بينة تعزز ارتكاب المتهم لجريمة الأذى المفضي للموت ..
إذ أن العثور على سائل منوي بملابس المجني عليها ..
لا يرقى لاعتباره فعلا من أفعال الأذى الجسدي المادي المباشر..
المحور الثالث :
وهو التقرير الطبي الذي حدد سبب الوفاة بورم دموي كبير ناتج عن ارتجاج أو اهتزاز عنيف ..
pathologists, Dr Abdul Karim bin Haji Tajudin (SP3). He confirmed
that the child’s cause of death was “massive subdural haematoma
due to violent shaking”.
في هذا الجانب كما ذكرت أسرة مهند ..
أغفلت محكمة الموضوع تسجيل تفسيرات مهمة قال بها الطبيب الشرعي ..
ربما تعلقت بكل الاحتمالات المعقولة المسببة لذلك الارتجاج المفضي للورم الدموي ..
وكان بامكان محكمة الموضوع السعي لتكوين عقيدة سليمة ..
عن طريق الاستعانة بخير آخر للتثبٌت دون إهمال أقوال الطبيب ..
فقد شرخ هذا الإجراء المتحامل في نزاهتها وحيادها ..
وقد نجح الدفاع في استغلال هذا الجانب عندما افلح في عرض الجزء المسقط من الشهادة الطبية أمام المحكمة الفدرالية ..
ولما كانت المحكمة الفدرالية محكمة قانون ..
بمعنى أنها ليست معنية بأخذ البينات ..
لهذا قبلت رواية محام الدفاع بأنه لم يكن يباشر الدعوى في مرحلتها الأولى ..
وأمرت بإعادة الملف لمحكمة الموضوع لإضافة تفسيرات الطبيب الشرعي ..
وبناء على ذلك قررت الفدرالية نقض الحكم ..
غير أن براءة المتهم من جريمة القتل لا تنفي مسؤوليته الجنائية في التحرش الجنسي بالمجني عليها ..
حيث هنالك بينة معملية قوية مثبتة بالمحضر أشارت لها محكمة الاستئناف ..
.Traces of the Appellant’s spermatozoa was also found on the child’s singlet
وهي تكفي لإدانته بالتحرش الجنسي ..
ولكن لم أقرأ في حيثيات هذه القضية اتهاما بهذا المعنى ..
ولا أعلم فربما كانت القوانين الجنائية الماليزية خالية من نصوص تُجرَم التحرش ..
أما إن وجدت وأهملها الاتهام يكون هذا خطأهم ومن حظ مهند..
الخلاصة قرار البراءة سليم لعدم كفاية الأدلة..
ومبروك لمهند وأسرته ..
ولكن هنالك جزئية أخلاقية واجتماعية خطيرة يجب أن ينتبه لها مهند و أسرته ..
وهي تلك المتعلقة بما عثر عليه بملابس الطفلة ..
فمهند كان يعيش مع أم الطفلة وهنالك بينة معملية تدل على وجود سائله المنوي على الملابس الداخلية للطفلة ..
مما يعتبر سلوك منحرف يحتاج لبحث وتقويم نفسي ..
وبحمد لله لا زال مهند شاب صغير قابل للاستقامة كما أفاد في خطابه..
ليحمه الله ويحفظه في مقبل أيامه ..
(كل بن آدم خطاء وخير الخطاءين التوابون ) حديث . |
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: محمد حيدر المشرف)
|
Quote: غايتو انا بحترم حكم القضاء في الدول الملتزمة بالديمقراطية واستقلال القضاء، يعنى مثلا لا اثق بالقضاء السوداني الان خصوصا في القضايا التى يمكن ان تدين أعضاء النظام او معارفهم، وما حدث من احكام ضد الكثير من المعارضين بها شبهة سياسية واضحة.
بالطبع هناك قضاء شرفاء ولكن انا أتحدث عن عدم استقلالية القضاء وتوغل السلطة التنفيذية عليه |
مادام فتحنا باب للإستثناء يا الصادق فما بتقفل بي أخوي و أخوك, و المرجعية هنا صارت مطاطة و تعود لكل شخص و تقديراته عشان كدا أحسن نتفق على معيار واحد إمّا إحترام القضاء - كل القضاء - او عدم إحترامه نهائيا
سلامات عبد العزيز عيسى ها قد وصلت إحدى الإفادات
هههههههه يا ود المشرف لا ما لدرجة الخبير عبد العزيز كمان, لكن انت كمان بالغت
الله يديم المزاج الرايق إن شا الله :)
| |
|
|
|
|
|
|
|
|
|
Re: قضية مهند وقضية دكتورة نجاة (بوست غير جاد) (Re: محمد البشرى الخضر)
|
يا نجاة ما تتكلي على على المك دا محامي شيطان ما شفتي العواسة الكان بعوس فيها في بوست الدرويشة وطلعني مجرم غايتو كان ما عبدالوهاب وودالبشرى لحقوة كان طلب من كائن الخنيت يعدمني
الزول دا أنا ما بتحترمة وأظنة برضه عاس لي عواسة في موضوع بوكرامي الحبشي خاتيها ليه غايتو أنا مكوت كلامه في بوست الدرويشة ومجهز كابشراتي ومستني الحبشي يجي يفتوا لينا عشان اضري عيشي فيه
يا دكتور ركزي في مؤامرة خبيثة وراها شخص بعتقد أنه ذكي لكن خلى دليل يقود ليه في كل حركاته الزول دا تسعين في المية يكون في جدة عنده اتصال بالطرابيد الإغبياء ديل وهم ذكاؤهم ما يتعدى تزور حساب في الفيس بوك وعنده معرفه بي اهل مهند الزول دا قرى كلامك من الاول وهو الأوقر صدر أم مهند وابوه وحرشهم وقالهم الكضب دا وبي طريقة خبيثة اتحصل على الفيديو ونشره
ركزي هسع في الزول السرب الشريط وأضغطي عليه اكييييد حا تصلي للشخص العمل الحركة دي وألب عليك وحرش والدة مهند وأبوه
غايتو أنا ما غايظني إلا صعلكة مهند دا زول يرسلوه للدراسة يصاحب ليه رقاصة ويسكن معاها نفيسة الجو يطهروها لقوها حامل بس امال كان قالوا ليه امشي اتصعلك كان حا يسوي شنو
والله خجلني من براءتي أيام الجامعة
| |
|
|
|
|
|
|
| |
Balla Musa
kamal omer
خالد عبد الله محمود
HAIDER ALZAIN
سيف النصر محي الدين
عبداللطيف شريف على
Mahjob Abdalla
معاوية المدير
abubakr salih
محمد حيدر المشرف
محمد البشرى الخضر
عاطف عمر
وضاحة
حمد عبد الغفار عمر
عبدالرحمن الحلاوي
خضر الطيب
ناصر المحسى
كمال عباس
بشرى محمد حامد الفكي
Hafiz Bashir
علي محمد الفكي
صديق الموج
Asim Fageary
احمد التجانى احمد
ASAAD IBRAHIM
Ahmed Alim
الصادق اسماعيل
Abdlaziz Eisa
عبدالكريم الاحمر
فيس بوك
تويتر
انستقرام
يوتيوب
بنتيريست