|
|
 من صفحة محمد حسن بوشي
|
Quote: من صفحة المناضل محمد حسن البوشي أمس
محمد حسن بوشي ودكوثر
الليله انا سعييييد جدا ""
واليوم ده بعتبرو يوم تاريخي ""
اولا لانو انا لي تسعه سنوات ما حضرتا لي مظاهره من اولا لاخرا واستمتعتا بيها الا الليله
وتانيا لاني لي حداشر سنه ما شاركتا في مظاهره الا واعتقلوني وانا الليله حر طليق
""
حقيقة شكرا جميلا وكثيرا لاصدقائي البذلو معاي مجهود جبار رغم انهم ما سياسين محترفين ولا منظمين لكن اصرو اني انفذ كلامم عشان تنجح مساعينا في المشاركه في المظاهره الليله الجميله دي رغم بشاعة قمع النظام ليها وكل الهبالات المورست من قدقيد لساتق العربات والضرب للنساء والناس الكبار بدون فرز والبنبان الكميتو ممكن تكون اكتر من الاستعملوهو الاسرائيلين ضد انتفاضات الفلسطينين من سنة 48 لليله !!
لكن في النهايه الليله الشباب اثبتو انو البلد بي الف خير والله وكمان الف تحيه وتعظيم سلام لقيادات احزابنا الوطنيه الشريفه الحضر منهم وانضرب وعاني واتقدقدت لساتق عربيتو زي الاساتذه عثمان ابراس ووجدي صالح و ابراهيم الشيخ والخطيب "
والمنعوهم ناس الامن من مغادرة بيوتم بالقوه وكانو معنا بارواحهم وبمواقفهم الصلبه مثل الاستاذين فتحي نوري ومحمد ضياء الدين ""
عموما الثوره مستمره
وكتر خيركم يا شمباته يا اعظم ناس
واخيرا
الفووووووووره ملييييييييون |
|
|
 
|
|
|
|
usama Babiker
عبدالمنعم الطيب حسن
فيس بوك
تويتر
انستقرام
يوتيوب
بنتيريست