المفراكة سلاح المرأة !

Quote: هل كانت المفراكة سلاح حقيقي ام مجازي

Quote: إشاعة يا عبد اللطيف و myth ساكت. حبوباتنا و أمهاتنا استخدموا المفراكة لطرد الجداد واللا معاقبة غنماية دخلت خشمها في العجين و مرات ضد الشفع... لكن ضد الرجال؟ يمكن ده يكون حصل بنسبة ضئيلة جداً جداً .

Quote: إشاعة يا عبد اللطيف و myth ساكت. حبوباتنا و أمهاتنا استخدموا المفراكة لطرد الجداد واللا معاقبة غنماية دخلت خشمها في العجين و مرات ضد الشفع... لكن ضد الرجال؟يمكن ده يكون حصل بنسبة ضئيلة جداً جداً .

Quote: ومشكور علي التهنئة الرقيقة ونحن ما زلنا بنستقل في التهاني العطرة منك اخي ... انت عارف اسه لقيت واحد من اصحابي مهنيني بيوم المرأة وسألني زي سؤالك ده قال لي اها الليلة يعني ما حا تطبخوا ههههههههه وانا برد ليك بقول ليك المفراكة بالنسبة لينا سلاح نووي عديييييييل بس انتوا اركزوا تسلم ابن وطني عبد اللطيف وما عدمناكم يا رب . ولي قدام .

Quote: لقي رجل مصرعه على يد نسيبته عندما وجهت له ضربة موجعة بمفراكة، وكانت شرطة أمبدة قد اتخذت إجراءاتها بعد تدوين البلاغ وتوصلت من خلال التحري أن حيثيات البلاغ تعود إلى خلافات نشبت بين الزوج وزوجته، فطلبت المتهمة من ابنتها «الزوجة» العودة إلى منزل والدها. وفي يوم الحادث حضر المجني عليه إلى منزل المتهمة وهو مخمور فتعاركا وقام بضربها وحاولت المتهمة أن ترد عليه فوجهت له ضربة بمفراكة شجت بها جمandaring;جمته وسببت له نزيفاً داخلياً بعد فشل محاولات إسعافه وبعد اكتمال التحري أحيل البلاغ إلى محكمة جنايات أمبدة برئاسة مولانا السيد أحمد التي استجوبت المتهمة التي أفادت بأنها قامت بضرب المجنى عليه في وجهه. فيما قال المتهمان الآخران أنهما حاولا فض العراك بين المتهمة والمجني عليه. صحيفة الإنتباهة منى عبد الله .

Quote: زمان رسلوني بيت خالي في رمضان في المواعيد الحرجة التي تسبق الإفطار و التي تتحمل النساء معاناتها كاملة بدون مشاركة رجالية من اي نوع في الغالب الأعم ، المهم يا زول وصلت المطبخ و خالتنا زوجة الخال ملخومة لخمة شديدة شي فرك ملاح و شي عجين قراصة و سواطة حلومر و غايتو حالة صعبة شديد ، اها جيت انا و قلت ليها الجملة السودانية التاريخية : قالوا ليكم ادونا شنو كده ما عارف كان عندكم، قامت قالت لولدها القاعد يتفرج في التلفزيون يقوم يديني ليها، صاحبنا طنش اكتر من مرة ، قومي يا حاجة اهجمي عليهو بالمفراكة و هي تقطر دما اقصد ملاحا و قوم يا الولد اجري على باب الشارع...عارف زولتك خمشت ليها بصلة ماكنة و في اللحظة الفتح فيها الباب كانت البصلة الفكتها بيهو خابطاهو في راسو، و الله انا اتكيفت كيف و قلت ليها لو كان في رياضة رمي البصلة يا خالة فالميدالية الذهبية من نصيبك دون أدنى شك هههههه

Quote: جمال مصطفي ، انتباهة شنو بالله عليك ،ديل ياهم البخافو من المفاريك ووراء كل فاسد امراة فاسدة ، كدي شوف تناقض الخبر ، مرة الضرب علي الجمجمة ومرة الضرب علي الوجه ، خليهم ينتبهوا لصحة الخبر اولا ياما منتبهين لاي حاجة