|
متعشى بوش مع ود البوش
|
جانى الزول الهاش الباش المدعو ود البوش ، ساقنى غبيرة وعشانى بوش حتى كاد الراس أن يدوش وشبعت شبع زول مدروش ما ضاق الشية ولا التمبوش وشبعت شبع زولن مغشوش بى اكل الباسطة والحنتوش يارب يا قادر يا خالق الموية والخرطوش ، زولنا السمح ما يتنشل لا يكون فى يوم ملطوش ، وتبعد بوستاتو من الهبيش ، وتخدر ايدو وتبقى دوام مليانة قروش ،
|
|
|
|
|
|
|
|
Re: متعشى بوش مع ود البوش (Re: يازولyazoalيازول)
|
Quote: وتخدر ايدو وتبقى دوام مليانة قروش ، |
كتر لي من الدعاء دا يا ود البعالجو المهبوش هههههههههههه عشان المرة الجاية اغير ليك من البوش بعد ما اعرس البتعزم على المافيش وقداحتا مالية الحوش وتكل ملاح لومبة ولقمة عجينا من الكنتوش لمن تقيف تيوة وعرقك اتخرت تقول مهبوش
| |
|
|
|
|
|
|
Re: متعشى بوش مع ود البوش (Re: يازولyazoalيازول)
|
Quote: يا ود الباوقة أنا كٌت مغشوش قايل البورداب ساكت فشوش زعلت زعل والريش منفوش لامن طفاها ود البوش
|
هشاموش
بارك الله في ود البوش
انا سانتظر الراتب لاتيك بقليل من القرقوش
مع سلطة من الفتوش
| |
|
|
|
|
|
|
Re: متعشى بوش مع ود البوش (Re: يازولyazoalيازول)
|
Quote: صورة بشبوش جوة الرموش لن اشيلها حتى لو اكلت لحم الدحوش |
طالما معلق صورة بشبوش فما بتحتاج للحم الدحوش.. حا تاخد من ابومتعب بالبرطوش.. وتجري كابس باب الحوش.. وترجع الباوقة لركوب الدحوش.. بعد يدقك ود نايف بالخرطوش.. ويجي ود شيخ الدين يلقاك مهروش.. يحن عليك ويديك الماكنتوش.. دحين اعمل حسابك وغير صورة المربوش..
| |
|
|
|
|
|
|
Re: متعشى بوش مع ود البوش (Re: ابو جهينة)
|
ربنا يجعل ايامكم كلها فرح ...
اجمل الناس من ينشر الحب و البهجه في نفوس الآخرين ...
تحياتي ود البوش الزول السمح ...
و تحياتي هشام ود عم الشيخ ...
وكل اهل الرياض السمحين ... ابقو عشره علي بعضكم ...
لسه المشوار بعيد و الشيله تقيله ...
| |
|
|
|
|
|
|
Re: متعشى بوش مع ود البوش (Re: يحي قباني)
|
Quote: ربنا يجعل ايامكم كلها فرح ...
اجمل الناس من ينشر الحب و البهجه في نفوس الآخرين ...
تحياتي ود البوش الزول السمح ...
و تحياتي هشام ود عم الشيخ ...
وكل اهل الرياض السمحين ... ابقو عشره علي بعضكم ...
لسه المشوار بعيد و الشيله تقيله ... |
دائماً هناك أناس يجعلون للحياة معنى.......شكراً أخى يحيى قبانى......ليت ألأخرين من الضفة ألأخرى يتعلمون.
| |
|
|
|
|
|
|
Re: متعشى بوش مع ود البوش (Re: ابو جهينة)
|
يا ابوجهينة الراس مدووش الحالة صعيبة الزول مدروش اتذكرت قعاد الحوش لو فى سباته او فى بروش تفطر شاى مع القرقوش تتغدى عصيدة من الكنتوش تتعشى الفول وفتة بوش لا تبارى الجكس ولا حنكوش لا تاكل باسطة وماكنتوش لا تشغل بالك بى لم قروش لا الواتساب لا تكون مهروش لا تبارى جداد يودى الكوش وامسك قوى فى ناس البوش واقرا دواوين ود الدوش كل الغربة حا تبقى فشوش شكرا شكرا ود البوش
ههههههههههههههههههه
| |
|
|
|
|
|
|
Re: متعشى بوش مع ود البوش (Re: يازولyazoalيازول)
|
ماشاء الله ياهشام وودابوش وصحن البوش عينى باردة عليكم بالجد في مابين بوستيك الفات وده يكمن شئ اسمه (السودان)سمح +تسامح+محبة+تفانى +نكران +ذات+ضغائن صفر+حقد صفرين +ومحبة ملايين شكرا لكما
| |
|
|
|
|
|
|
Re: متعشى بوش مع ود البوش (Re: ismeil abbas)
|
يا اسماعيل يا الدهب الصافي ما مغشوش يازعيم بورداب الرياض في دا الحوش ود الباوقة برضو اخونا وبنخاف عليهو من الضرب بالبرطوش عشان كدا قلنا ليهو نزل صورة بشبوش وان شاء الله تخت في فجتا قرد مكروش اخير ليهو اسمع الكلام ول اندرش دردوش ؟ اتا انصحو وكان ماسمع كلامك ابقى زول مهبوش
| |
|
|
|
|
|
|
Re: متعشى بوش مع ود البوش (Re: عبدالكريم الاحمر)
|
أخى وحبيبى وزميلى وصديقى عبدالكريم الأحمر
ياااااه ذكرتنى أيام جميلة قضيناها سوياً فى رحاب شركة فورد وهى فترة إستفدت منها كثيراً فى حياتى وكانت من أجمل أيام حياتى فى الإغتراب ،
تسلم يا حبيب وسعيد جد بقراءة حروفك الجميلة فى هذا المنبر وأرجو إرسال رقم هاتفك فى الخاص
| |
|
|
|
|
|
|
Re: متعشى بوش مع ود البوش (Re: يازولyazoalيازول)
|
Quote: سمح الكرم حتي لو كان بي نار عويش و المرقة موية و الترمه دريش و نقاوة الصحكة مع الونسة و الدرديش و قلوبا صادقة ما فيها غشغيش تسقي المحىة و المودة تعيش نصيحة لي الله و الرسول اختا ناس الماكنتوش و الديش ناس ود ابرك اهل الكركبة و الدقيش تباريهم يقولو عليك هبيش من تالاهم ما ينوبك الا الخربيش ولا بتنفعك ندامة و لا تحلك قولة معليش من القضارف قلت لي هاك العنكوليبة دي و اتهنا بالمصمصة و القرمبش وقليبة لي ود البوش كاسيها الريش سيد النضم السمح الماهو طرطيش |
Galal E Omer من مشاركات الفيس بوك
شكراً يا جلال ههههههههههههههههههههههههه
| |
|
|
|
|
|
|
Re: متعشى بوش مع ود البوش (Re: يوسف محمود)
|
الفارس الاصيل الاسمـــو ود البوش معروف من عقب مرقآ بسند الحوش مقنع للبنات داخل قلوبن تووووووش يارب يا كريم قسمتنا ليهو تحوووش يكرم في العدم كان باعدس او بووش هو ما سمح الكلام تقولو ماكنتوووش .
بت عمسيب .. اسمعوا جاي ده ما غزل دي الحقيقة وحاة الرسول .
تحياتي للجميع ابناء وطني ودمي .
| |
|
|
|
|
|
|
Re: متعشى بوش مع ود البوش (Re: مني عمسيب)
|
Quote: الفارس الاصيل الاسمـــو ود البوش معروف من عقب مرقآ بسند الحوش مقنع للبنات داخل قلوبن تووووووش يارب يا كريم قسمتنا ليهو تحوووش يكرم في العدم كان باعدس او بووش هو ما سمح الكلام تقولو ماكنتوووش .
بت عمسيب .. اسمعوا جاي ده ما غزل دي الحقيقة وحاة الرسول .
تحياتي للجميع ابناء وطني ودمي
. |
غايتو يا ود البوش باضت ليك في قفص
_________________
على فكرة .. بت عمسيب قالت دا ما غزل بتقصد يعني دا ما (غزل بنات) يعني ما حلاوة قطن !
| |
|
|
|
|
|
|
Re: متعشى بوش مع ود البوش (Re: Asim Fageary)
|
عصوم صباح الخير ..
Quote: على فكرة .. بت عمسيب قالت دا ما غزل بتقصد يعني دا ما (غزل بنات) يعني ما حلاوة قطن ! |
يعني اسه المرصاد ده قاصد بيهو شنو؟؟؟ ههههههههههههههه
وولله مشتاقوووون .
اها بعيد كلامي تاني .
الفارس الاصيل الاسمـــو ود البوش معروف من عقب مرقآ بسند الحوش مقنع للبنات داخل قلوبن تووووووش يارب يا كريم قسمتنا ليهو تحوووش يكرم في العدم كان باعدس او بووش هو ما سمح الكلام تقولو ماكنتوووش .
بت عمسيب .. اسمعوا جاي ده ما غزل دي الحقيقة وحاة الرسول .
تحياتي للجميع ابناء وطني ودمي
| |
|
|
|
|
|
|
Re: متعشى بوش مع ود البوش (Re: يازولyazoalيازول)
|
الاحباب هشام وود البوش
لكما كل الحب والود
زى ما بقول الشاعر
اثرتوا في شجون كنت اكتمها
ياخ انا قعدت في الرياض سنتين (2004الي 2006)
بحق كانت قمة المتعة وخصوصآ مطاعم شارع غبيرا العام
مطعم الملتقي وفي مطعم تانى (نسيت اسمو) وانت داخل
لي شارع غبيرا من البطحاء بيكون علي ايدك اشمال
جمبو واحد بتاع كاسيت سودانى , وفي شارع غبيرا
قريب لي درعة كان في واحد بتاع باسطة خطيرة .
ماعارف الحاجات دى زى ما خليتها ولا اتغيرت .
عمومآ لنا زكريات مع شارع غبيرا العام يطول زكرها
كل الود والحب لبورداب الرياض
وخصوصآ هشام وود البوش
| |
|
|
|
|
|
|
Re: متعشى بوش مع ود البوش (Re: يازولyazoalيازول)
|
Quote: تووووووش
ما قاصد اي حاجة يا منوية بس توش دي ما شايفة الواوات بتاعتها كتيرة شوية |
غايتو يا عصوم البباريك بتورطو .. وبرد عليك الواوات الكتييييييرة دي ده بذار مني هههههههههههههههه . ولا يا زول اعتبرو كرم هههههههههههههه . يديك العافية يا عصعص .
| |
|
|
|
|
|
|
Re: متعشى بوش مع ود البوش (Re: مني عمسيب)
|
الفارس الاصيل الاسمـــو ود البوش معروف من عقب مرقآ بسند الحوش مقنع للبنات داخل قلوبن تووووووش يارب يا كريم قسمتنا ليهو تحوووش يكرم في العدم كان باعدس او بووش هو ما سمح الكلام تقولو ماكنتوووش .
بت عمسيب .. اسمعوا جاي ده ما غزل دي الحقيقة وحاة الرسول .
تحياتي للجميع ابناء وطني ودمي .
| |
|
|
|
|
|
|
|