|
كتب الكاتب الفاتح جبرا المتوفرة بمعرض الدوحة
|
|
 Re: أصلة تروع المواطنين بمنطقة مروي وتستنفر وزارة الدفاع (Re: Mohamed Abdelgaleel)
|
ملهم كردفان ازيك
شكرا على المرور
المحافظة على الحياة الفطرية يجب ان تكون من اهم اولويات الناس وفي قمة اهتمام الحكومة ولكن للاسف فان الوعي بهذا الامر ضئيل وهذا مرده الى عدم الاهتمام الرسمي به
في هذه الحالة فقد وقعت الحادثة في اقصى الشمال وسط بساتين النخيل والمانجو والموالح بعيدا عن بئة الاصلات والثعابين الكبيرة وكانت مستغربة وشاذة في المنطقة وقد كثرت في الاونة الاخيرة وجود مثل هذه الزواحف.
القصيدة كتبت لمعنى رمزي بعيدا عن سياق الحدث المجرد
لك التحية والود وليتنا تلهمنا بما الهمتك به كردفان الغره ام خيرا بره فقد كانت وما زالت افضاله كبيرة على كل الوطن فلاهلنا هناك الف سلام وتحية .
| |
 
|
|
|
|
|
|
|
|
Re: أصلة تروع المواطنين بمنطقة مروي وتستنفر وزارة الدفاع (Re: عبدالمنعم العوض)
|
محمد عبد الجليل كتب
الأخ عبدالمنعم العوض .. تحية طيبة وسلاماً لك ولزوار خيط أصلة تروع
المواطنين بمنطقة مروي وتستنفر وزارة الدفاع .. ترميزك شديد الخفاء
حتى ذهب بفكر المتداخلين صوب حقوق الحيوان.. كأنما حقوق الانسان عندنا
قد استقامت.
يا زول فيها سماحة مراكيب عينة للهبرو ملو .. وسوف أعود متمهلا كان
الله سهل .. اشوف استنفار وزارة الدفاع ضد هذه الأصلة العميلة.
الاخ محمد لك التحية واشكرك على المرور
وانا في انتظارك لكشف عمالة هذه الاصلة التي ربما جعلتنا نغير رأينا فيه وانها لا تستحق كل هذا التعاطف.
| |
|
|
|
|
|
|
|
|
|
Re: أصلة تروع المواطنين بمنطقة مروي وتستنفر وزارة الدفاع (Re: عبدالمنعم العوض)
|
الشاعر ياسر احمد هاشم نسج فوق المنوال وفزعنا له الشكر وقوله الاتي
من وين جيتي ؟ قايلي بلدنا فيها امان
ياand#65271;صله ومأصله خمي
والعشرابي ايدو مدمي
كان خايفك عليه تلمي
وفي بطنك تلفلفي عمي
من وين جيتي ؟ قايلي بلدنا فيها امان
دا الضيق العليها يضيق
والداير يفك الريق
والمالاقي عيش ودقيق
ياللحمك لذيذ وعتيق
من وين جيتي ؟ قايلي بلدنا فيها امان
بلد ملياني بالكيزان
ويالجلدك وجيه وضمان
واللبسك جنا عثمان
والعشرابي ماهو ########
من وين جيتي ؟ قايلي بلدنا فيها امان
منو القالك تحاكي دقير
وتاكلي كلابنا ولا كمير
الانقاذ سلاحو خطير
ومابيعرف بشر من طير
من وين جيتي ؟ قايلي بلدنا فيها امان
المتعافي طه ونافع
والدم المسيح ودافع
البنبان دروع ومدافع
مابتفرز كبير من شافع
منو العنك يقوم ويرافع
من وين جيتي ؟ قايلي بلدنا فيها امان
اوعه من الجلد ينقد
والجابك قيام السد
خليه الغلاط واشهد
يالعشرابي جاك الرد
من وين جيتي ؟ قايلي بلدنا فيها امان
شفتو ياخي الاصله صح صح ؟
وقالو عبدالحافظ يزح
بالقرض ساكت يمسح
وفي الجلد قاعد يطرح
من وين جيتي ؟ قايلي بلدنا فيها امان
البلد الجناها يروح
والدين في المزاد مطروح
بلد مافيها اي طموح
ويالاصله الكتل مسموح
من وين جيتي ؟ قايلي بلدنا فيها امان
يالاصله الفديتي عميرك
في اand#65269;خر مصيرنا مصيرك
كضاب البينكر خيرك
ويشحد الله يمسك غيرك
من وين جيتي ؟ يالأصله البلد خربان
| |
|
|
|
|
|
|
|
|
|
Re: أصلة تروع المواطنين بمنطقة مروي وتستنفر وزارة الدفاع (Re: عبدالمنعم العوض)
|
قصيدة اصلة العشراب (عبد العظيم العوض)
منعم اخوى ماها البلوه فى ده النوع من الاصله
هناك اصلات تحوم بيناتنا تنضرع بلاخجله
لاتعرف حلال وحرام وتبلع زول وممكن تور بلا مهله
تشيل اللقمه من خشم الفقير جايع وتحت المنقه من شدره
تجيك نهار بدون انذار وتشيل قسيبى بى تمره
وتختف الجاهل المولود من صدر امه بي لبنه
نشل نشال وما بتلقالو اى اتر حجر فاكنو بى نبله
تقول لى شنو دي المسكينى يا حافظ
كان خليتا يا حافظ تفوت منك على ود تولى والدومات
كان خليتا لو فد يوم تجرب نومة الراحات
المسكينى ماغلطت ولانهبت ولا سرقت من الساحات
ديل وين من ااصلتنا فى الواتساب والعشراب
ديل اصلات ركوبا شبح لباسها حرير ونضارات
لازى كروشا نافخى جضوما وحلوق مفتوحه بلاعات
شايلى تقيل ذنوبا كتيري ما بتتدلا فى عرفات
ديل اصلات تحوم بالليل جيوبا تملى شفاطات
لاتهديهم ارهاصات ولاتقبل لهم دعوات
ولا من صالحين نفحات
تقول لى شنو
المسكينى تبكى وتشكى كايسه الستره فى العشراب
لعتتو ابوها يا حافظ وصورتوها فى الواتساب
فركتو لحيما فى الويكى وتندحتو الحلل ملحات
سلختو جليدا بي اخلاص وجلدتوبو كم نوبات
واحد قال حلفلو طلاق شرب من دمها الشربات
دى شربات العديل والزين يقسمو فيها بالكاسات
دقو الخيمى فى العشراب وقالو يوقفو الحفلات
عاد ياودنبير بالغتو نوبه و طار وشبالات
اخوى حافظ رسل حقى انا و منعم بدون لفات ودويرات
كلامى عديل ولاهو وعيد بدون تهديد او تتحمل الجايات
عبدالعظيم العوض
| |
|
|
|
|
|
|
| |
وضاحة
Mahjob Abdalla
ملهم كردفان
othman mohmmadien
Mohamed Abdelgaleel
نادر الفضلى
فيس بوك
تويتر
انستقرام
يوتيوب
بنتيريست