|
كتب الكاتب الفاتح جبرا المتوفرة بمعرض الدوحة
|
|
 Re: لكل من يعتقد بان نهر النيل تعيش في رفاهية !!!!!! (Re: usama Babiker)
|
صديقي أسامة
انا اعمل بفقه " دي بطينة ودي بعجينة "
يتهمون الشمال بالسيطرة
وانا اعتقد انو ده ابتزتز ذكي للغاية من بقية اطراف السودان وجاب " حقو " تنمية في تلك الاطراف المبتزة
وتدهور شامل في الشمال
وقسما عظما يا اسامة صديقي يمني موجود في السودان قريب 20 سنة
ويعرف ان الزبير له الرحمة من الشمال ومن منطقتنا " الغدار "
حدثت وفاة واضطر هذا اليمني للذهاب اليها
وأول مارجع اتصل علي
مستغرب انو دي منطقة نائب الرئيس " مع العلم انو لف السودان غربو وشرقوا وجنوبوا "
قال لي والله دي اسواء مناطق السودان ..!!!
دي كوم الكوم التاني
المبتزين ديل والبقولوا انهم مهمشين نقول ليهم " التسوي قريت بالقرض تلقاهو في جلدها "
الانقاذ والحركة الاسلامية قامت على أكتاف ابناء الغرب
هم من حمل السيخ ضد اخوانهم في الجامعات وهم من حمل السلاح بفهم " الجهاد "
وهم من امتطو الفارهات ..!!
وبعدين اي ملاحظ يستطيع ان يرى ان اغلب الموظفين في كل الدولة هم تلك المناطق المبتزة ..
وياصديقي اسامة هذا حوار طرشان
واعمل مثلي " دي بطينة ودي بعجينة "
| |
 
|
|
|
|
|
|
|
|
Re: لكل من يعتقد بان نهر النيل تعيش في رفاهية !!!!!! (Re: usama Babiker)
|
يا اسامة الجماعة ديل جابو كلام رفاهية ولاية نهر النيل من كم سنة خلت في هذا المنبر
ومع ان المثل بقول : البقولو ليه سمين يقول يامين....
تحديتهم بأن يبادلوني جروف علي النيل باي من الكراكير المهمشة
ايا كان اتجاهها...وطقة بي طقة....
يا رجل نحن من الله خلقنا ما جاتنا حكومة...وحا أضطر اعيد كلامي
الزمان داك تاني:
أتحدي اي حكومة منذ الاستقلال لاحدي اللحظة دي او زول في حكومة او بيعرف معلومة عن زول في حكومة
يجي هنا دا ويقول لي بني لينا مدرسة او شفخانة او مستشفي او طريق او نادي او وصل لينا موية او كهرباء
او دفع لينا مليم احمر او اغاثنا (غير ريجان زمان.....رسل لي كل بيت ربع عيش )
التحدي دا....ماشي لغاية... اتحدي اي جهة رسمة او زول يجي يقول ادانا تقاوي كان كويسة كان فاسدة....جاز بنزين ...اي دعم لزراعة او رعي
بني اي مشروع تنموي صغيروني او سوق....
وبالمقابل....زكاة انعامنا وزراعتنا ...بشيلوها نجيضة من سنة كم وتمانين.....
(بل اتحدي اي مسئول حكومي يقول زارنا ساكت) مع اننا في منطقة شمال غرب شندي ومع النيل طوالي)
قال رفاهية قال:
ناسنا بيأكلو ويشربوا ويقروا بي ضراعهم ساااكت...
الحكومة دي الا يمشوا ليها لي جواز سفر
| |
|
|
|
|
|
|
|
|
|
Re: لكل من يعتقد بان نهر النيل تعيش في رفاهية !!!!!! (Re: usama Babiker)
|
شكراً يا أسامة على هذا البوست
وأهلنا قالوا الجواب من عنوانو .. وصوت وابور اللستر ظاهر ومعظم مزارعي ولاية نهر النيل بستخدموا وابورات اللستر .. وأبراج الكهرباء ماره فوق رؤوسهم شرقاً وغرباً وجنوباً وهي تمد لسانها لمزارع نهر سلام يا المنجل المركوز على ضهر البلد تقيات
جركانة الديزل وصلت 100 جنيه والآن 70 جنيه
قطع الغيار حدث ولا حرج خاصة البوابورات الصينية
رضينا بالهم والهم ما راضي بينا تقولوا عايشين في رفاهية ؟؟
يا مثبت العقل والدين ..
| |
|
|
|
|
|
|
|
|
|
Re: لكل من يعتقد بان نهر النيل تعيش في رفاهية !!!!!! (Re: nazar hussien)
|
| Quote: تعالوا هنا دا ورونا الرفاهية دي وين؟؟؟ |
عارف يانزار التهميش لو بقى بالخدمات نحن في نهر النيل ودحامد نبعد من امدرمان 80 كيلو وعندنا شارع اسمو شارع النيل شغالين فيه من 1990 م وحتي الان لم يصل ... مع انه رسوم هذا الشارع اقتطعت من المزارعين وما شفنا شئ ... كثير من الشباب تركوا الزراعة وذهبوا الى المجهول الذهب ... وتقول لي عايشين في رفاهية !!!!!
| |
|
|
|
|
|
|
|
|
|
Re: لكل من يعتقد بان نهر النيل تعيش في رفاهية !!!!!! (Re: عبدالعزيز الفاضلابى)
|
ابتزاز لا أكثر ولا أقل
المشكلة إنو النغمة دي بقت سائدة في المنبر
تعتقدوا إنهم ما عارفين ؟؟؟
المشكلة إنو ناس نهر النيل ديل لو لقوا نص البلقوهو ناس الأقاليم التانية
كان حياتهم اتغيرت تغيير جذري
شوف كمية المبالغ الصرفوها في تعمير دارفور وكردفان والجنوب
والنتيجة هي مزيد من الحروب ومزيد من القتل
يكبوا فيها قروش تقيلة ويجوا ناس النهب المسلح ينهبوها وينبرموا في الغابة
بقت علينا قصة (مظلوم دفعوك الدية وجايينك يكوسوا التار)
| |
|
|
|
|
|
|
| |
usama Babiker
خالد علي محجوب المنسي
ناصر حسين محمد
nazar hussien
عبد الوهاب المليك
othman mohmmadien
عبدالعزيز الفاضلابى
بدرالدين بابكر مصطفى
عبد الله شم
فيس بوك
تويتر
انستقرام
يوتيوب
بنتيريست