|
كتب الكاتب الفاتح جبرا المتوفرة بمعرض الدوحة
|
|
 Re: زواج رياض الأطفال ! (Re: عبدالحفيظ ابوسن)
|
صورة الخلوة في ذهني غائمة , إلا ما قرأته عن ذكريات الآخرين
دخلت الخلوة وهي تلفظ انفاسها الاخيرة , كمؤسسة تعليمية قبل المدرسية , وكنت تلميذا قلقا لم ترق لي حياتها , سوي يوم الثلاثاء !
يوم التلاتا يوم الفطور الذي يعده معلم الخلوة المصري , حتي لا اذكر اسمه , وكانت الخلوة بجامع عثمان موسي بالمرابيع , وهو ايضا قبل الجامع كان منزل التومات اللائي اول من غنن التم تم
واذكر خلوة اخري جوارنا بالحلة الجديدة , وهي خلوة فكي آدم
الأمر المشهور بيننا ونحن اطفال , انو فكي الخلوة بدق دق شديد , وبعلمك تكتب بالدواية والقصبة في لوح الخشب
والاسر كانت الخلوة فرصة عندها للتخلص من عبثنا
| |
 
|
|
|
|
|
|
|
|
Re: زواج رياض الأطفال ! (Re: عبدالحفيظ ابوسن)
|
الخلوة مرحلة اولي نحو الانضباط التعليمي ,فيها صرامة وجلد وبرضو فيها اللعب
وهي مرحلة هامة جدا تهيئ الطفل لمفارقة دارهم لساعات ووسط اناس لا يعرفهم , ويكون لوحده في اتخاذ قراراته الصغيرة
المهم
مافي سن محددة لدخول الخلوة او الخروج منها ,
تفارق الخلوة لتدخل المدرسة وقد تعود لها في الاجازات حسب رأي اهلك لو كنت مشاغبا
والخلوة ما عندها زمن محدد , طول العام
تمرق من الخلوة كما تخرج من داركم لتدخل المدرسة
| |
|
|
|
|
|
|
|
|
|
Re: زواج رياض الأطفال ! (Re: عبدالحفيظ ابوسن)
|
في الزمن داك بنسمع سمع بالروضة , وما حصل شفت لي روضة والله , المهم في مجلة ميكي وسمير بنقرا عن الروضة
محلة سمحة وفيها لعبات ,, وبتلبس فيها ردا وقميص , وفي الخلوة نحن بعراريقنا ساكت ,, كان دمورية ولا دبلان
| |
|
|
|
|
|
|
|
|
|
Re: زواج رياض الأطفال ! (Re: عبدالحفيظ ابوسن)
|
وجاتنا الانقاذ وورتنا الروضة ! كما ورتنا الهوت دوق والبيتزا , وورتنا انو الكسرة أكلة شعبية يمكن ان تؤدي للوفاة لذا تخوفنا بها
وكعادتها أي عادة الانقاذ
خلت جوهر الروضة ومسكت في المظهر والجبايات
| |
|
|
|
|
|
|
|
|
|
Re: زواج رياض الأطفال ! (Re: عبدالحفيظ ابوسن)
|
وبنسمع عن اسعار خرافية للرياض بالخرطوم , والموضوع ظاهر لأي متابع للقنوات السودانية , شئ دعايات مصورة ,, وشئ تخريج مصور مدفوع القيمة ,
يعني ممكن روضة تكون ب 20 مليون بمعدل منصرف شهري اكتر من مليون ونص , نصف المليون ونص البقبضها رب اسرة لإعالة اسرته
| |
|
|
|
|
|
|
|
|
|
Re: زواج رياض الأطفال ! (Re: عبدالحفيظ ابوسن)
|
اها ك ولي امر ما عندك سكة , لازم طفلك يخش الروضة ,, ويتخرج ! آي يتخرج من الروضة بي احتفال يجوب شوارع المدينة , وتباريهو فرقة الكيتا وسلاح الموسيقي , وتجو بعد داك للاحتفال , وتوزيع الشهادات
وده كلو من جيبك
قالت ليهو
يا الحلة تنوري يا الحلة تنوري , انت قايل رابطين جنريتر ماياهو من جيبك ده
| |
|
|
|
|
|
|
|
|
|
Re: زواج رياض الأطفال ! (Re: عبدالحفيظ ابوسن)
|
بهذا عظمت المفارقة حين إنسدل أخر ستار لوجود طفل مستمع ( طالب مستمع )
لم تكتمل سنه القانونية لدخوله المدرسة فلم تبدع جميع الأنظمة من مايوية حتى اللا إنقاذين
في إبتكار الروضة الحكومية (الرياض) التي تتمشي مع سياسات التعليم متبعة لمرحلة الأساس ما يعرف بتمهيدي
لكن إبتكروا الرياض كي يدر كثيراً من ثدي هذا الشعب
| |
|
|
|
|
|
|
|
|
|
Re: زواج رياض الأطفال ! (Re: عبدالحفيظ ابوسن)
|
تعرف يا صاحب
زمان كان الواحد لو صغير بقعد في اولي مستمع , سنة سنتين ولو شاطر من مستمع لي طالب ,
الدولة ما قاعدة تفكر إلا في جلب المال بس , ومحاكاة العالم الخارجي مظهريا وبرضو لي لقيط القروش
اصدروا قرار اول
لا يدخل طالب المدرسة دون ان يدخل الروضة اولا , ولا تدخل الروضة دون ان يكون عندك شهادة تطعيم
وبعد داك تحلحل مشاكلك براك ,,
ألزمت الناس بالروضة دون أن توفرها لهم ,, والتعليم الاساسي إلزامي ومجاني
ودون ان تضع ضوابط واضحة ومقبولة للرياض ودون منهج ,,
ولم تضع شرط لمعلم الرياض او مبني
أي زول قسم بيتو وجاب زلقانية وعمل روضة
الرسوم تساهيل ,,, التهيئة تلاقيط
الهدف من الروضة شنو ما معروف ,, المهم يجو الصباح بالساندوتشات والزمزميات ,, ويرجعو الضهر ,
ممنوع تعليم الحروف
ممنوع تعليم القراية
الحجي والحكاوي حسب معلمات الروضة
المعلومات حسب ثقافتها
مرات تجتهد توضح لطفلك بعض المفاهيم المحفوظة
المهم
تدفع رسوم لمصلحة التعليم قبل المدرسي
يعني نحمد الله ياهو بنخطط وفرزنا ليها هيئة وهيكل وظيفي براهو
| |
|
|
|
|
|
|
|
|
|
Re: زواج رياض الأطفال ! (Re: عبدالحفيظ ابوسن)
|
وفي بروفات للتخريج
والام تتحنن وتخبز الخبيز وتجيب الحلويات والبارد , آي والله
يوم التخريج الشافع يمشي من الصباح , ويزفو الشفع يلفو بيهم المدينة , بالحافلات ,, والمساء يمشو ناس البيت وبكونو عازمين ليهم ضيوف ,,
يعني بالميت البيت بخسر ليهو 2 مليون للتخريج
ولو عنقدت مع ام العيال بتربط ليك مكنة مالو وما بتكسر خاطرو والناس كلها بسو كده
الرياض هي المساهم الاكبر في الزيطة والزمبريطة دي ,,
برامج بختارو فيها مرات كتيره عريس وعروس , وانت تجهز بتك ولا ولدك ,, تشتري الهدوم والاكسسوارات وو
وتكون تحت ضغط
ما تكسر خاطرو
البيت خلية نحل قبل يوم التخرج
هو الخلا الشباب يخلي العرس ما ياهو من جنس ده
| |
|
|
|
|
|
|
|
|
|
Re: زواج رياض الأطفال ! (Re: مريم بنت الحسين)
|
Quote: الشرط الأساسي لدخول طفلك المدرسة هو
شهادة الروضة |
الأخ عبد الحفيظ ابو سن
سلامات
دا شرط غريب جداً، في دولة لا زال التعيلم الأساسي فيها ليس إجبارياً، بمعنى انك لن تُساءل قانونياً اذا لم تدخل ابنك أو ابتك المدرسة.
فكيف تكون الروضة إذا شرطاً لدخول المدرسة؟ إنها طريقة وحيلة أخرى لجباية المزيد من جيوب الفقراء الخاوية أصلاً بل والزيادة عليها
بمظاهر البذخ التى ذكرتها سابقاً.
جيد أن تكون الروضة جزء من التعليم الأساسي ومرحلة تمهيدية لتهيئة الطفل للسنة الدراسية الأولى كما يحدث في الكثير من الدول، ولكن رغماً
عن هذا فهي ليست شرطاً لدخول الطفل الى المدرسة.
ولكنا نعيش في عهد (حُكم أبتكو) كل شئ جائز وأصبحنا أمة لا تعرف الإندهاش.
لك ولضيوفك الكرام صادق تحياتي
| |
|
|
|
|
|
|
|
|
|
Re: زواج رياض الأطفال ! (Re: عبدالحفيظ ابوسن)
|
مرحبا عماد
وحبابك
التعليم الاساسي مجانا كتصريح صادر من قمة المؤسسة الحاكمة , وده كلام ساي
يدفع طالب الاساس لأدارة المدرسة ومعلميها , مبلغا عند التسجيل في سنة أولي , ومبالغ اسبوعية وشهرية ويومية ولا متابع لتنفيذ القرار
ثم يدفع 70 ج رسوم امتحان من الاساس للثانوي , وهي تعجز كثير من الطلاب الفقراء ,
النتيجة
تسرب الطلاب من التعليم
| |
|
|
|
|
|
|
| |
عبدالحفيظ ابوسن
عادل البراري
مريم بنت الحسين
Imad Khalifa
يوسف أبو صالح
عبيد الطيب
فيس بوك
تويتر
انستقرام
يوتيوب
بنتيريست