كتب الكاتب الفاتح جبرا المتوفرة بمعرض الدوحة
|
Re: ألف مبرووووك لهلال الملاييين (Re: ولياب)
|
حبيبنا دكتور ياسر لك و لضيوفك الكرام تحية خالصة
و كان الهلال كعادته فى الموعد كان عنوان الفرح و كان امل السودان فلم يخيب امالهم و كان اللاعبين عند حسن ظن الجمهور بهم فتية آمنوا بالهلال رائدآ و بالأزرق شعارآ و بالنصر هدفآ فتحقق لهم ما ارادوا و رقصت الخرطوم حتى الفجر طربآ و فرحآ و سرورآ
| |
|
|
|
|
|
|
Re: الاعلام فوق اللعيت مجددا (Re: هيثم التوم)
|
كلام سليم يا هيثم التوم بكري كان النجم الاول في اللقاء
كار يكا هو كاريكا
مهند : كما قال الكوتش أحمد عبدالله هو أحرف لاعب في الميدان بس مفروض يهتم بي نفسو شوية حتي يعود ماردا
جينارو.......رسميا لدينا حارس ربما سيقودنا لبطولة ......وسيكون إضافة مهمة مع المعز
| |
|
|
|
|
|
|
Re: ألف مبرووووك لهلال الملاييين (Re: د. ياسر عبد القادر)
|
اللاعب الثاني الذي كان له أبلغ الاثر في تأهل الهلال هو المحترف سيسيه.....حيث أدي أداء ممتاز....وكانت لقطة المباراة عندما تصدي للاعب الملعب بعد أن كان منفردا بالمرمي إثر خطأ قاتل من مساوي....في الشوط الثاني والنتيجة واحد للاشي....وكان هذا الهدف سيكون نقطة تحول في المباراة لو لا قدر الله ولج المرمي....سيسيه لاعب بحث عنه الهلال كثيرا بعد إنتهاء صلاحية يوسف محمد....عكسياته متقنة جدا...وأداءه الدفاعي عالي....
| |
|
|
|
|
|
|
Re: ألف مبرووووك لهلال الملاييين (Re: د. ياسر عبد القادر)
|
Quote: نادي الملعب المالي كان خطيرا جدا و يلعب الكرة بسهولة مبالغ فيها...لا أعتقد إنو ممكن نقابل فريق أخطر من هذا الفريق |
سلام د. ياسر ياخي خلينا نكون واقعيين ونعترف بالآتي: الرياضة في السودان وعلي وجه الخصوص كورة القدم. ماعندها وجيع ما عندها إداري مقنع ماعندها صحفي مالي مركزو الأمور تدار بنظام (المقطوعية) ـ (بالقطعة) بمعني آخر نظام (عَلُوقْ الشَدَّة) نوع الكلام اللي بنكتِبْ (كان هِنا ولاّ كان هناك) كلام لايسنده واقع مرئ ـ مجرد ناس خرمانة لي انتصار يجي كل فين وفين عشان يكاووا بعض. اي رياضي مطبوع يجب ان يبرز النواقص للوصول الي الوضع الأمثل.. مش بس فريق فاز خلاص بلغ الكمال وبقا زي برشلونة او البايرن. لايجب ان ينخدع الناس بهكذا فوز. اذا سألت كل اخواني واخواتي الرياضيين في هذا المنبر. واحد فيكن يوريني الخطة الكان لاعب بيها الهلال؟ الكورة اللي بتكلم عنها اعلام الهلال دي الا تكون كورة من زمن آخر. وبالمناسبة كورة امس دي كانت فعلاً من زمن آخر .. زمن لاتعيه ذاكرة الشباب ،، لإنها كانت عبارة عن كورة زمان كنا بنلعبها وبنسميها (كـ ليب رمضاء الـ بِلْقا يَمْغاه) لافيها تقسيمة ولاعدد . الفريق المالي ده اللي عاوزين تعملوا منه برشلونة كان اسوأ حالاً من الهلال ـ عشرة لاعبين جاريين وراء الكورة علي غير هُدي. واللحظات اللي عصروا فيها الهلال ماكان عشان هم لَعَّابين انما كان الهلال مرتبكا. الفريق ده ماهو مقياس عشان كده ماتتغشوا ساكت. الغريق قدام والـ كُوكة بتبين عِنْدَ الـ مَخَادَة. والا واحد يجيب لي لقطة لهجمة واحدة منظمة من الفريق المالي . قوموا الي كيبورداتكم يرحمني ويرحمكم الله.
| |
|
|
|
|
|
|
Re: ألف مبرووووك لهلال الملاييين (Re: الصادق عز الدين)
|
Quote: مقدرين ظروفكم و الله بس وقت هبت نسمة......خلينا نستمتع بيها شوية |
د. ياسر الازيرقابي ـ ياخ انا جادي والله. انا الايام دي عندي رسيفر اسمها ATN2000 شايف بيها الدوري السعودي والانقليزي والفرنسي والاسباني والايطالي والروسي والبرازيلي والامريكي ودوريات اخري ماليها حد. اها باقي ليك تاني الشلاليت والعك ده ماببقي للزول زي التلفزيون الابيض واسود البشغلوه ببطارية العربية داك لمان تقارنو بي 60ً HDTV؟ يادكتور كورتكن دي كان كانت زي مابِتؤول كان ناس خليل ومن لف لفه استحوذوا علي الصفحة الاولي وتركوا لودالباوقة وجادات العجاجة. ماشايف غير السنوسي وهو يكتب علي استحياء. انتهي
| |
|
|
|
|
|
|
|