|
|
 أصبحته كيف ؟
|
بتسأل أنته اصبحتي كيف ؟!
أصبحتي كيف ؟ !!
اصبحته بي عافيه الصباح !!
وشايلي الحليلي علي المراح
شن باقي لينا من الحلال ؟ ما كلو راح !!
***
اصبح تمام يا سر سعاتي والامان
أصبح قريت الفاتحي والاخلاص كمان
يا ضحكة الطفل البريء ,,
يا بسمة الزول الوفي ومليان حنان
***
قول ليا انته ,, اصبحته كيف ؟
يا أحلي من عسل النحل وكتين يكون عاطننو بي عجوة خلاص
يا الجووه جووه .. وجوه داخل أعماقي غاص
***
اصبحته كيف ؟! واصبحته كيفن يا ملاك ؟
فديتك انته فديت شذاك
وحتي لو ختاك جوووه ,, وجووه نن العين ,,
وغطاك بي رموشي أنا .. ما كفاني وما كفاك !
اصبحته كيفن يا ملاك ؟
بت علي
|
|
 
|
|
|
|
بشرى محمد حامد الفكي
فيس بوك
تويتر
انستقرام
يوتيوب
بنتيريست