كتب الكاتب الفاتح جبرا المتوفرة بمعرض الدوحة
|
كل الســــودانيين جعليين
|
هـذا البوست لنبــذ القبليـة السياسيـــة وإعلاء شـــأن القبليـة الثقافيــة والإعتــداد والفخــر بتعدد الموروثـات الثقافيـة وضرورتها لتثبيت روح الإنتمـاء للوطن الكبيـر..
كلنا نحن الســودانيين جعليون
كلنـا فور
كلنا شايقيـة
كلنا زغاوة كلنا فلاتـة
كلنـا بجـا
كلنـا نوبـة
كلنا إنقسنـا
كلنـا شكريـة، رشايـدة..
كلنـا ســـودانيون.
|
|
|
|
|
|
|
|
Re: كل الســــودانيين جعليين (Re: adil amin)
|
شكرا يا عادل،
وكل واحد فينا له ان يفخـر بأنه فى وطن ثرى بالثقافات المختلفة والعادات واساليب الحياة المختلفة.. فتعدد الإثنيات يخصب الحياة الإجتماعيـة والفنيـة ويجعل الفرد يفتخر بأنه غنى وحياته خصبـة وعريضــة وعنده موروث غنى بالتباين والألوان والأشكال المختلفـة.. ألا يستحق هـذا ان نحتفل به ونعتد ونفخر وقبل ذلك.... نسعــد به؟
أخرجوا القبلية من السياسـة فلم تخلق لمثل هـذا.. امحوا كلمة القبيلة من الاوراق الثبوتية إن وجدت.. ثم نموا وربوا كل الثقافات واحتفلوا بها..
| |
|
|
|
|
|
|
Re: كل الســــودانيين جعليين (Re: Abureesh)
|
Quote: امحوا كلمة القبيلة من الاوراق الثبوتية إن وجدت |
تحياتي العزيز / ابوالريش
للامانة القبيلة القاعدة في النت اكتر من الفي الصقيعة
امشي اقرب دكان في اقرب حي في الخرطوم قطع شك بتلقى كل القبائل قاعدين وبضحكوا مبسوطين
لا حساسيات لا مشاكل ولا غيرو
...
في الوثائق دي ياريت الكلام ده يسمعوه ناس وزارة الداخلية
احكي ليك القصة دي
مشيت شهر تسعة الفات وسامع بالرقم الوطني قلت نطلعوا احتمال تكون عليه غرامة اصلو البلد ما مضمونة
بعد الجرجرة من شباك لي شباك وصلت للشباك رقم 2 او 3 تقريباً (ادخال البيانات)
بعد الاسم الموظفة سألتني كم سؤال
ثم قبيلتك شنو ؟؟ اي والله
ضحكت قلت ليها سوداني
اتضايقت من فلسفتي الفارغة دي ؟؟ قالت عارفة انك سوداني بس قبيلتك شنو
قلت ليها ما عندي قبيلة اها بتخليها فاضية ولا بتكتبي سوداني
قالت ماف زول ما عندو قبيلة وبعدين في السستم لازم تنزل اسم قبيلة ؟؟؟؟
المهم الوراها قام سالني من وين .؟؟
قلتلو الجزيرة...
عاين كده وكتب اسم قبيلة من عندو (يعني مشاني)
ياريت ياناس الجوازات والرقم الوطني والجنسية تشطبوا السؤال ده
وياريت يالناس الفاهمة ومتعلمة وبتكتب في النت في سودانيزاونلاين على وجه الخصوص والمنتديات والوسائط الاخرى بصفة عامة تكونوا محضر خير
على الايمان القبيلة دي لو استشرت نارنا ما تنطفي الى أن يرث الله الارض وما عليها
...
لطفك يا رب
| |
|
|
|
|
|
|
Re: كل الســــودانيين جعليين (Re: الجنيد حمد)
|
كلام الجنيد صاح القبلية والعنصرية الفي سودانيز في الواقع مافي , لسة ما وصلتنا وللأسف الشديد والله ان تتم الدعوة لها من داخل سودانيز الانقاذ دايرة تغرس القبلية وفشلت في الوطن تماما ,, ولكنها
| |
|
|
|
|
|
|
Re: كل الســــودانيين جعليين (Re: الجنيد حمد)
|
شكرا الاستاذ ابو الريش ... لك التحية الطيبة ..
اتفق معك .. الا تكون القبلية و لا الجهوية و لا العرق بيننا .. فليكن الانتماء الى السودان فقط لا غير ..
فتحت بوست عن المجرم أحمد هارون و اذا باحد الاعضاء .. يقول .. ما هو غرباوى منكم ..
و لما قلت له لك ان تعرفق من تخاطب .. بمعنى اننى انا انتمى الى كل السودان .. انكر على ذلك ..
و كان ردى له ببساطة .. اننى انا انتمى الى كل السودان ..
و لكن القبلية جعلها نظام الانقاذ فى جزء اصيل فى الاوراق الرسمية ..
| |
|
|
|
|
|
|
Re: كل الســــودانيين جعليين (Re: Abureesh)
|
يا ابو ريش سلام قانون الجنسية بتاع الاستقلال1 يناير 1956 حدد الهوية السودانية كالاتي 1-السوداني بي الميلاد-جنسية خضراء...وعشان تطلعا في امتحان الشهادة السودانية تجيب جنسية واحد ومن اهل ابوك في زمنا 2-السوداني الوافد بالتجنس - لونا بني... وكانو عايشين بكل صلاحيات السوداني بي الميلاد في السودان المضياف...وبصورة محترمة ... .................... في زمن الانقاذ جرت حروب ابادةعديل وجند لها الوافدين من كل صنف وملة في الدفاع الشعبي والجنجويد وقتلو الجنوبيين والنوبة والفور والثلاثة ديل قبائل سودانية 100% والقتلة ديل متجوعلين وحسبو على قبيلة الجعليين ... لذلك قلت ليك القبائل السودانية معروفة ومعرفة تماما من 1956 والقبائل الوافدة معروفة ومعرفة تماما...وجايين من وين معروف ايضا العايز ينهي القبلية في السودان وثقافة الانقاذ المنحطة يرفع الخلاف الي مستوى الحركة الشعبية الاصل المركز ×والهامش بس الخرطوم×الاقاليم ونرجع لقانون الجنسية ونراجع كل الهويات التي صدرت والجوازات والجنسيات التي اصدرتها الانقاذ من 30 يونيو 1989..عشان نفرز السودانيين من غير السودانيين وبذلك نفرز الجعليين من المتجوعلين
| |
|
|
|
|
|
|
Re: كل الســــودانيين جعليين (Re: adil amin)
|
أخونا عادل ، سلام شكـرا ونقاشى حول القبلية السياسيـة، وليس الجنسيـة، لأن الجنسيـة موضوع مختلف ومتشعب.. أطالب بفصل القبليـة عن الدولة.. وبالصورة دى ما فى كلام عن القبلية حتى لو كانت خارج الحدود.. عندما نخطط للتنمية فتكون مرجعيتنا الأقاليم وليس القبائل. بالنسبـة للجنسيـة، الزول القدامك دا الله خلق جدود أجدادو وأجداد جدودو فى جبال البحر الأحمر.. لكن الواقع يقول لازم اقبل بالقادمين الجدد من الجزيرة العربيـة وافريقيا وحتى من اوروبا واسيـا، لأنو ديل خلاص، إتولدوا فى السودان ولا يعرفون وطنا اخر.. ولكن لا اسال عن قبائلهم فى مكاتب الحكومة.. فى المسرح القومى ممكن.. فى المعاهد الإجتماعيـة والجامعات ممكن.. لكن فى مكاتب الحكومة؟!!!
| |
|
|
|
|
|
|
Re: كل الســــودانيين جعليين (Re: adil amin)
|
Quote: أخرجوا القبلية من السياسـة فلم تخلق لمثل هـذا.. امحوا كلمة القبيلة من الاوراق الثبوتية إن وجدت.. ثم نموا وربوا كل الثقافات واحتفلوا بها.. |
كلام ذي السكر ..
يا ابو الريش
كما لك احتراماتي
كما عاشت الثقافة السودانية
حرة طليقة ....
| |
|
|
|
|
|
|
Re: كل الســــودانيين جعليين (Re: عماد الشبلي)
|
حبيبنا ابو الريش حين تفشل بعض الايدلوجيات التى تفترض قدرتها على. انفاذ برنامج ما. فى الغالب تلجا الى القبليه والعنصريه لانها اسرع فتيل يمكن اشعاله. فى قلب الانسان
اهلك قبيلتك
وامثلتها كتيرة فشل الروس فى استدعاء الماركسيه حين قامت الحرب. وحين فشلت. حكومه الاخوان فى السودان
وووووووووووو
كيف البقيرات
| |
|
|
|
|
|
|
Re: كل الســــودانيين جعليين (Re: Abureesh)
|
قبليه حتى في الغربه. و الدليل الروابط الكتيره الموجوده لي بعض الجهات و القبائل. أذكر انني قمت بوياره لأحد الاخوه في عزبه في الرياض تتبع لجهه عرقيه (غير ناطقة بالعربية).فسمعتهم يوسوسوا و سألوه عن قبيلتي و عندما اخبرهم رايت عدم اهتمامهم بي و شعرت باني غير مرغوب في . و ما أنا الا من غزيه ان غوت غويت و إن ترشد غزية ارشد.
| |
|
|
|
|
|
|
Re: كل الســــودانيين جعليين (Re: مجاهد قسم السيد)
|
اتولدنا في شندي
وعشنا في الابيض وملكال والقضارف والخرطوم
اتزوجنا برضو من الجعليين
حبوبتنا دنقلاوية
وعايشنا كل قبائل السودان في خورعمر وفي غيرا
وولادتنا وقبيلتنا برضو محس
يبقى شن فايدة العنصرية والواحد يفرق بين أخو العايش معاهو في نفس الدولة
بوست جميل وموفق وهادف
شكرا أخوي أبوالريش
فعلا لعن الله العنصرية والتفريق
| |
|
|
|
|
|
|
Re: كل الســــودانيين جعليين (Re: مجاهد قسم السيد)
|
Quote: ياخوي اديك النجيضة انا شخصيا لن احاول ان اقنع احد بان البشير ليست بجعلي لمجرد (درء اتهمة اللانتماء للجعليين ) فالبشير ان قال جعلي ولا ما جعلي دا شئ يخصو فهو لم يأتي الى السلطة وريثا للمك مساعد والمك نمر وعلي عثمان لم ياتي وريثا لصبير والنوبيين لم يحكموا السودان بحثا عن ارثا للكوشيين . هؤلاء أتوا نيابة عن تنظيمهم الذي اتى بخليل ابراهيم الزغاوي وعلي الحاج الفوراوي وكبر البرتاوي وهكذا . من اراد ان يتعامل مع النظام وفق رؤيىة عنصرية بغيضة سيرجع خاسئاً لان منطقة اعوج ومن اراد ان يتعامل مع النظام ككتلة فلكل حادث حديث |
شكراً الأخ عبدالله شم على هذا المنطق الراقي و الفهم السليم و لكن الله ابتلانا بقوم يرجعون كل بلاوي السودان للقيلئل النيلية عموماً و الجعليين و الشوايقة خصوصاً و لعلك لاحظت أنه في كل البوستات التي تطرقت للإنتقاص من الجعليين و سبهم لم يقم أى جعلي بسب قبائل الذين يشتموننا ليس عجزاً و لكن لأننا نحترم كل قبائل السودان و ندرك أن قوة السودان و عزته تكمن في تنوع قبائله و ثقافاته. الشكر أيضاً للأخ أبوالريش على طرق هذا الموضوع الهام و ليت الجميع يدركون أن قبلنة الصراع سوف ترجعنا مليون عام الى الوراء و لذلك فلنكتفي بأننا سودانيون و السلام فهذه الهوية كانت و لازالت تشرفنا جميعاً.
| |
|
|
|
|
|
|
Re: كل الســــودانيين جعليين (Re: ALWALEED ALSHEIKH)
|
Quote: كل الســــودانيين جعليين |
وليه ما يِكون عِنْوانك: كل الســــودانيين نوبيين
على الأقل عِنْدو سند تاريخي (قال بيهو د. يوسف فضل) وأثبتو -أخيرًا- الفحص النووي..
ما علينا..
الشِمال النيلي إختلطت فيهو أعراق القبائِل النيلِية الشِمالِية تمامًا وحقق غاية <لِتَعَارَفُوا> الهي عِله جعلنا الله تعالى لنا <شُعُوبًا وَقَبَائِلَ> 13 الحجرات، لكِن -أيوه ما لازِم ألَكْنِنا- غرابا الحركات المُسلحة قالو إنهُم مهمشين.. مظلومين، ودي نفس اللُبانة الكان الجنوبيين بِلوكوها، لغاية ما مِسْخت، الغرابا الشايلين السلاح على حق ولا على باطِل، ده ما حقو يِكون همي، ناس شعرو إنهُم مظلومين مِن الدَولة، طالبو.. ألحو.. صبرو، في النِهاية شالو السِلاح، لِغاية هِنا الأمر طبيعي جِدًا، بس الما طبيعي وما بنقبلو لو إجْتمعت الدُنيا دي كُلها ضِدنا، ما بنقبل يِجُرونا وراهُم زي الشوك، ويقولو بِتحرير السودان، ويتْكتلو بِالجِهة (غرب السودان) وبالعِرق (فور/زغاوة) وخِطاب مُنظِريهم كتبوهو على عينك يا تاجِر هِنا في سودانيز أونلايِن وفي منبر الـNEWSUDAN النجحت فيهو تراجي بجمع كُل غرباوي حاقِد ومغبون وقليل حيا (شبق الشِمالِيات الذي لا يطغئه إلا فحولة الغرباوي/منعم سليمان) (الدوس على رقاب أبناء دنقل وشايق وجعل/محمد الزاهد) + تجربة الشِمال النيلي لحكم الغرابا (الفونج/التعايشي) للأسباب دي: (1) قَول حركات غرب السودان بِتحرير السودان. (2) جهوية تجمُع كاودا. (3) عنصُرِية تجمُع كاودا. (4) خطاب مُثقفيهم ومُنظريهم. (5) تجربة حكم الغرابا الكارثي.
دي أسباب بتخلينا ننعصِر على إبْليس زاتو خليهو الإنقاذ، بنِنْعصِر عليهو لو بمنع عنا عنت الغرابا البقولو بِتحرير السودان .. طبعًا مِن الساهِل جِدًا أي عضو/قارئ ينُط لي ويقول: عزام فرح يا عُنْصُري. بس صعب إنو يِفنِد أي كلمة أنا كتبتها فوق.
هسِع غرابا الحركات المُسلحة ديل لو قالو بِتحرير غرب السودان (الجبهة الثَورِية لِتحرير غرب السودان) أو (الجبهة الثَورِية لِتحرير دار فور) في زول شِمالي نيلي بسْألُمْ، ناس شاعرين بظُلم وتهميش أنا مالي.. ليه أقيف ضدهُم! أنا بقيف ضدهُم لامِن يفرِضو علي وعلى الخلفوني أجندتُمْ، بلاش تنطُع ونِفاق بِحِكاية إنو "تحرير السودان" دي معناها تحرير السودان مِن الظلم و.. و... يا زول بلا عبطَ معاك، إنتو قايلين روحكُم بتناضمو مع جُهال ولا شنو؟! عاوِز تحررني مِن ظُلم الإنقاذ وتطفئ شبق حريمنا وتدوس على رقابنا، وبعد ده يِقول ليك مُتنطِع: [ده مسؤول عنو القالو] بِالله.. هو لامِن قالو ليه ما علقتوهو لينا في ميدان عام أو طردتوهو مِن تنظيماتكُم، ومواقعكم الإسفيرِية.. يعني عُمر البشير لامِن يِقول قول، معناها هو قول المؤتمر الوطني ومُتوافِق مع خط الإنقاذ وماش مع هوى الكيزان، تَيِب ما نفسسسسس الحِكاية مع قول منعم سليمان بِتاع الشبق، ومحمد الزاهِد بِتاع الدوسان طالما ما علقتوهم لينا في حينه -خلي بالك وحياة أبوك مِن في حينه دي- يبقى وافق هواكُم وخطكُم وقولكُم.
أنا نوبي وأفْتخِر
| |
|
|
|
|
|
|
Re: كل الســــودانيين جعليين (Re: عزام حسن فرح)
|
يا أخ مجاهــد انا هسى دى جاى من بكا.. وما طالبنى حليفة.. الناس من كل جهات السودان.. خت خط تحت "كل جهات السودان".. الناس ترفع الفاتحة وتتقالد ووتتبادل اخبار البلد، وما فى زول ولا فى خاطروا يمكن ان يفكر الزول القدامى دا قبيلتو شنو؟ دى فتنة بدأتها الإنقاذ وتلقفت بعض المعارضـة القفاز ولقتها ممكن تكون موضوع.. ثم ان العنصرية موجودة ولا تنتهى بتغيير الحكومات.. يعنى لو شمالى عنده شركة وجوه نفرين (بنفس المؤهلات) لاحظ نفس المؤهلات.. فى غالب الظن سيأخذ الذى شيعته أو حتى من لونـه..
لكن السـؤال الصعب: لو إنت شخصيـا يا اخ مجاهد قدمت لوظيفـة محاسب، وإنتافس معاك واحد تانى.. لكن انت من رهط صاحب الشركـة.. ما قريبه، لكن من منطقته من قبيلته من لونه الفاتح أى حاجة.. قام أخذك انت، مع ان الشخص الاخر مؤهلاته وخبراته حسب السيرة الذاتية اقوى منك.. طيب نجى للســؤال:
هل ستحتج وترفض الوظيفة تضامنا مع مواطنك ومن اجل تطبيق القانون، ومحاربة للتفرقـة؟ أم ستقبل الوظيفـة وتنظر الى الارض، لو كان لك ضمير، او الأسوأ تسخر من الذى تجرأ وقدم معك للوظيفـة.
استبق الإجابة وأقول اننا كشمالين عاديين، مشاركين بالصمت.. المشاركة السلبيـة، فى التفرقة العنصرية والقبلية المنتشرة فى هيكل الدولة.. مشاركين بالتفرد، إحيانا كتيرة، بميزات مدنيـة (لو صحت اتلعبارة) أكتر من التى للأخرين من الاقاليم الاخرى..
| |
|
|
|
|
|
|
|