|
هل تتزوج من امرأة متفوقة عليك علمياً,مادياً,اجتماعياً...الخ؟
|
Quote: هل تُعد ثقافة المرأة – بما فيها العلوم النظرية والتجارب الحياتية العملية – نعمة أم نقمة ؟ رغم تطور الحياة وارتقاء المفاهيم إلا أن الإقبال على الفتاة الصغيرة الساذجة عند البحث عن عروس مناسبة ما زال مرتفعاً مقارنة بالإقبال الضعيف على الفتاة التي تصل إلى درجة عالية من العلم والمعرفة والاطلاع العام على الحياة ، وعنوسة الطبيبات دليل واضح على ذلك ، فالرجل الشرقي بالذات غيور بطبعه ويشعر بالخطر عند مواجهة أنثى تشكل تحدياً لقدراته ، ولذلك فإنه يفضل زوجته أن تكون متواضعة التعليم مهيضة الجناح وعديمة التجربة ، حتى يكون له مكانة المعلم الأول في نفسها والذي يقوم بتشكيل تلميذته حسبما يريد ، وإن كان كثير من الرجال يعجبون بالمرأة القوية ، إلا أنهم لا يتزوجون منها ! هكذا أصبحت الفتاة الساذجة مطلوبة وقيدت (الفاهمة) على لائحة العوانس التي تطول مع الأيام وفقاً لمتطلبات الشاب الذي لا يعرف ما يريد ، ويرفض بناءً على ذلك الارتباط بفتاة ، تعرف تماماً ماذا تريد. ________________________ نقلا عن رواية بنات الرياض بتصرف يسير
|
|
|
|
|
|
|
|
|
Re: هل تتزوج من امرأة متفوقة عليك علمياً,مادياً,اجتماعياً...الخ؟ (Re: احمد سيد احمد)
|
Quote: اما اسباب البورة التي بدأت تكتنف بلاد السودان فذلك بسبب نجاح البنت فقد صارت طبيبة وقاضية وعميدة كلية وبالمناسبة كلما صارت وظيفتها عالية كلما قللّت من عدد المتقدمين لها وعليها ان تتحمل نتائج الفشل الذي سببه لها نجاحها. الرجل عادة يحب وبالواضح كدة المرأة ذات الشخصية الضعيفة والمستكينة غير المحجاجة والا تكون أعلى منه رتبة او مؤهلاً او مكانة واحياناً يصل به الحد إلى ان يطلب من المصوراتي ان يضع تحت رجليه كرسياً اذا كانت العروس اطول منه ذلك علماً بانه سوف يعطي هذه الصورة لمن يعرفونه (وشافوهو عديل).....؟؟ ____________
منقول من مقال له بعنوان: "دليل النساء في تجنّب التعساء" بقلم د.فتح العليم عبدالله.. تجدونه فى الرابط دا
http://www.alsahafa.info/index.php?type=3andid=2147484914
|
| |
|
|
|
|
|
|
Re: هل تتزوج من امرأة متفوقة عليك علمياً,مادياً,اجتماعياً...الخ؟ (Re: احمد سيد احمد)
|
احدى الاخوات حكت قالت : بعد اتخرجت كانت عايزه تعمل ماستر قامت صحبتها قالت ليها ما تعملي ما بجيك عريس...قامت ما اشتغلت بيها وبدت في الماستر ولمن تمت سنتها الاولى جات صحبتها لحقتها في الماستر وشكلها لقت انها انتظرت سنة وما جا عريس فقالت احسن تكسب زمنها
وواحدة تانية قرت هندسة واشتغلت ف الحكومة وجاتها فرصة تحضير ماستر على حساب الحكومة ...فجات فرحانة كلمت امها وابوها...طنطنو وما اتفاعلو...فلمن قالتليهم المشكلة شنو؟ قالو ليها يا بتي هو بالبكلاريوس ما جا عريس كمان عايزه تعمليها لينا ماجستيرات
حكى احدهم انو اخواتو اختاروا ليهو واحدة صحبتهم عشان تكون زوجتو فلمن مشى قعد معاها عشان يتعرفوا على بعض ..جا قال لاخواتو الزولة دي ما بتنفع معاي...قالوا ليهو ليه؟ قاليهم ياخ دي طموحاتها كبيرة شديد وعايزه تسوي وعايزه تعمل وتعمل وانا ما فاضي لزوله زي دي
| |
|
|
|
|
|
|
Re: هل تتزوج من امرأة متفوقة عليك علمياً,مادياً,اجتماعياً...الخ؟ (Re: احمد سيد احمد)
|
عندي كتاب بتاع عبدالله باجبير, عنوانو "شبح مرعب اسمه الطلاق" كلو عباره شكاوى زوجات و ازواج وهو ببحث معهم عن الحلول في احدى الصفحات هذه المشكلة: واحدة جامعية ومثقفة وبتحب تنسيق الزهور وحضور الندوات الثقافية في منطقتها وبتحب الموسيقى والشعر وزوجها بمؤهل متوسطة فقط عندو مشروع بدرليهو دخل ممتاز وهمو كلو قال الاكل اللذيذ والراحات الاخرى البوفرها ليهو المال بتاعو دا...اها كان بخليها تمشي الندوات الثقافية دي اول ايام تاني بعد شويه بقى يجي يلقى ديوان شعر في الغرفة يجدعو بالنافذة ويلقى شرايط كاسيت بتاعة موسيقى يكسرها وكسر المسجل زاتو ويوم اتصل بي زوجتو دي في البيت اديب كبير و معروف رد عليهو هو ورفض انو زوجتو تكمل معاهو المكالمة وقفل الخط في وشو ومن ديك منعها من حضور الندوات
| |
|
|
|
|
|
|
|