|
|
 اللهم احعله خير من حلمة امبارح دي
|
قال في واحد بوردابي مفور لي دمي.
لقيتو في حته طرفية كدا و اديتو ليك شئ شلوت و شئ بونية و ام دلدوم و عجوز سدت بابها و قليل من بقايا كاراتيه لغايت ما رقد سلطة
مسكتو من لياقة قميصو و اجرجر فوقو لغاية ما وصلت القصر الجمهوري.
الحرس قالو لي مالك يا زول مع الزول دا؟
قلت ليهم ما حأتكلم مع اي زول الا لما اقابلو بالرئيس
سمحو لي بالدخول و لما مشيت ليهو و انا بجرجر في الزول و قبال ما انا اقول شئ
قاليهو انت يا فلان عملت مشكلة تاني و جابوك؟
و طوالي طلع مسدسو و ختاها ليهو فوق راسو و قالو ليهو "امك بتلدي تاني؟"
الزول صرخ و قال ليهو لا ... ما بتلد"
قالو خلاص امشي لكن لو تاني جابوك لي بمشكلة جديدة فتكون عارف انو حيكون اخر ليك يوم في الدنيا
يلا امشي
الزول طلع ببكي و بجرجر في حالو المردخ من الكسير الشديد.
____________
بعداك التفت لي و لسه المسدس في يدو.
قال لي "انت من يين في الاهل؟"
قلت ليهو هلالابي
قال لي "بقصد اهلك ناس منو؟"
قلت ليهو متمرد
فجأة عيونو بقت حمراء و قال لي "كمان متمرد و جاييني لغاية القصر الجمهوري"
قبال ما اقول شئ طاخ طاخ" فكا طلقتين فيني.
قال السلاح ما اكلني. كنت لابس حجاب
قام ضحك
و قبال ما يتم ضحكو انا خطفت مسدس من واحد من الحراس و عايز اضربو
قال رغم انو الزول ده عمرو 70 لكن عمل حركة اكروبات عجيبة جدا و زاغ من الطلقة
هو يشوت و انا اشوت و كل مرة يعمل حركة اكروباتية جديدة و يقول لي يا وهم انت لسه ما شفت حاجة
بعد شوية الخزنة العندي خلصت و قمت جاري.
في اللحظة دي صحيت من النوم بهضربة عجيبة و زعلان علي الجرية الحصلت مني.
|
|
 
|
|
|
|
|
|
|
|
Re: اللهم احعله خير من حلمة امبارح دي (Re: علي محمد الفكي)
|
| Quote: والبوردابي غلبني كلو كلو |
الاخ محمد علي الفكي
شكرا لمرورك الكريم
لكن يا اخي ما ممكن الريس بكري يكون هو المقصود لانو الزول الظهر لي علي انو الرئيس يا هو ظاهو ملامح عمر البشير و بعدين الالفاظ برضو ما ممكن تكون حقة الريس بكري
_______________
طبعا تفاديا من احراج البوردابي خصوصا حول لغة الرئيس المستخدمة نحتفظ بأسم البوردابي.
| |
|
|
|
|
|
|
|
|
|
Re: اللهم احعله خير من حلمة امبارح دي (Re: Mahjob Abdalla)
|
Quote: قال لي "انت من يين في الاهل؟"
قلت ليهو هلالابي
قال لي "بقصد اهلك ناس منو؟"
قلت ليهو متمرد
فجأة عيونو بقت حمراء و قال لي "كمان متمرد و جاييني لغاية القصر الجمهوري"
قبال ما اقول شئ طاخ طاخ" فكا طلقتين فيني.
قال السلاح ما اكلني. كنت لابس حجاب
قام ضحك |
يا محجوب
والله أضحكتنى حتى سالت المأآقى
You made my day
| |
|
|
|
|
|
|
|
|
|
Re: اللهم احعله خير من حلمة امبارح دي (Re: nour tawir)
|
| Quote: بعد شوية الخزنة العندي خلصت و قمت جاري. |
أعمل حسابك يامحجوب دا معناهو ناس عُمر البشير قريّباً ح يطُردوك من عيّن فرح...
الله يجعله خير وزيّن!
إنت بخيت مالاح ليّك شبح الشيخ حسن الترابي ! عليّ بالحلال كان رُحتا فيها!!
.
| |
|
|
|
|
|
| |
Mahjob Abdalla
Balla Musa
علي محمد الفكي
ABDALLAH ABDALLAH
nour tawir
Mohamed Adam
فيس بوك
تويتر
انستقرام
يوتيوب
بنتيريست